رواية هجر الروح الفصل العاشر 10 بقلم هاجر المهدي
رواية هجر الروح الجزء العاشر
رواية هجر الروح البارت العاشر
رواية هجر الروح الحلقة العاشرة
* خرجت هاجر من المستشفى وجاء اليوم المصيرى كانت هاجر ونادين وادهم فى المكتب بتاع الشركه ودخل عليهم على
أدهم بعصبيه = ايه يا حيوان انت مفيش باب تخبط عليه
على ببرود = انا مش هحسبك دلوقتى على اللى انت قولته يالا اطلعوا بره عايز اتكلم انا وزجتى
هاجر = مفيش كلام بينى وبينك أصلا
على = ازاى بس فكرتى فى اللى قولت عليه هاه تيجى تقعدي معايا او اجى اقعد معاكى فى القصر اللى عايشه فيه وتبقى مراتى بمزاجك ولا اطلع من هنا على القسم ارفع قضية طاعه وتجيلى غصب عنك
* خرج صوت يستشيط غضب
= وهو فى واحد يتجوز واحده متجوزه يالا
هاجر بصدمه = زين
على = مين انت
زين = انت اللى مين وجى تتكلم مع مراتى كده ازاى
* هاجر قربت من زين وسألته بهمس
هاجر = انت بتعمل ايه
زين = اكتشفت انى اسمع كلام قلبى
على = مراتك ازاى فين عقد الجواز
زين = حاجه متخصكش انا اللى عايز اعرف انت بقا فين عقد الجواز بتاعك
على طلع نسخه واداها لزين
زين = حلوه اللعبه بس عملتها ازاى
على = الله يباركلها اختى بقا خلت هاجر تمضي عليه من غير ما هاجر تاخد بالها
هاجر = انتوا عيله زب*اله
على = اتلمى يا بت ال …
* وقبل ان يكمل حديثه وجدت قبضه تلكم وجهه فقد استطاع اغضاب زين
زين بغضب = انا ساكتلك من بدرى بس اقسم بالله انت مش هتعدى من تحت ايدى
أدهم = خلاص يا زين سيبه
زين = ابعد يا أدهم
هاجر بخوف = خ…خلاص يا زين عل…علشا..
*زين حس من صوتها بخوف فا راح سابه
زين بجمود = انت كنت بتقول هتطلع من هنا على القسم انا عايزك تطلع وتعمل قضية الطاعه اللى بتقول عليها وورينى هتاخدها منى ازاى غور براااااا
* خرج على ونادين قعدت هاجر
ادهم = انت جيت امتى
زين = انا مسافرتش اصلا
أدهم = وعرفت اللى حصل ازاى
زين = يا ابنى انا زين الجارحى المهم فكرتوا فى حل
أدهم = لا انا كنت هديله قرشين كده علشان يبعد
زين = لا ياشيخ
أدهم = يوه بقا مكنش عند حل غير كده ورينا حلولك بقا
زين = الحل ان هاجر تبقى مراتى
هاجر = ده اللى هو ازاى
زين = هنجيب مأذون واتنين شهود اللى هو ابويا وادهم ونكتب بتاريخ اقدم من تاريخ العقد والماذون يقول بارك الله لكما وبارك عليكما وجمع بينكما فى خير وتخلص الحكايه
هاجر = ايوه بس كده هكون مراتك
زين = هو ده الحل تبقى مراتى احسن لأنك كده كده مش هتبقى لغيرى
هاجر = بس انا مش موافقه نار على ولاجنتك
* اصحيح ما سمعه لقد استشاط غصبا
زين بجمود = انا قولت يا هاجر انك مش هابقى لحد غيرى انت بتاعتى
هاجر = مش بمزاجك
زين = لا بمزاجى …. انا رايح اجيب الماذون وبابا
*خرج زين
هاجر = انا مش هعمل كده يا نادين ما تعقل صحبك يا أدهم
أدهم بمزاح = والله الواد اتجن
هاجر = انت بتهزر
أدهم = ما هو يعنى الواد حليوه والف واحده تتمناه وهو اختارك من الألف
هاجر = انا غلطانه انى بتكلم معاك قولى انت يا نادين حاجه
نادين = بصي يا هاجر صراحة هو ده الحل الوحيد انا وادهم قعدنا نفكر فى حلول كتير ملقناش حاجه ولو اديناله فلوس فا هو مش هيبطل يعمل مصايب
أدهم = اقولك على حاجه حلوه يا ستى اكتبوا كتب الكتاب وبعد كده اتطلقى ومحدش هيجبرك على حاجه
* نادين عارفه ان هو بيقول كده علشان يسكتها
هاجر = ماشي بس هتطلقونى منه
أدهم = اكييييد ده انتى اختى يا هاجر وزين اخويا برضك وانا مش هخليه تعيش مع واحده مش عيزاه وهجوزه واحده تانيه تكوت بتحبه
هاجر بعصبيه = اطلع بره يا أدهم
أدهم = والله انتوا الاتنين لايقين على بعض
نادين = والله ادهومى ده عسل
هاجر = اتفضلى اطلعى مع ادهومك ده انتوا عيال تشل
نادين = طيب انا طالعه سلام عليكم
* خرجت نادين لادهم
نادين = انت فعلا هتخليهم يطلقوا
أدهم = توء توء
نادين = كنت عارفه انك بتقول كده
أدهم = ياه على الحلو اللى بيفهمنى بقولك ايه اندام كده كده فى مأذون ما نكتب كتابنا احنا كمان
نادين باحراج = لا طبعا
أدهم = لا هتحوزك النهارده وانا هكلم طنت تيجى
نادين = والله مجنون
أدهم = انا مجنون بيكى يالا هلحق اكلم طنت
* مشي أدهم وراحت نادين لهاجر
نادين = روجا
هاجر = خير ايه المصيبه المراضي
نادين = مصايب ايه بس انت مش نفسك تشوفينى عروسه
هاجر = اكيد
نادين = انا وادهم هنكتب الكتاب معاكم
هاجر = اه يا هبله انت وهو
نادين = متقوليش على ادهومى كده
هاجر = انا سكتلك كتير تعالى هنا
* حضنتها هاجر جامد
هاجر = مبروك يا روحى
نادين = الله يبارك فيكى …. مبروك انت كمان
هاجر = مبروك على ايه ظه انا هتطلق اهو مره ارمله ومره متطلقه واهى ماشيه
نادين = بصي يا هاجر ادى لوين فرصه انتوا الاتنين بتعندوا فى بعض كأنكم داخلين حرب … هو رجع ليكى وعايزك على فكره اكيد زين عندوا مليون حل غير ده بس هو اختار الحل اللى يقربك منه …. فكرى يا هاجر ومتعنديش ومتخليش دماغك الناشفه دى توديكى فى داهيه
*عند زين وادهم
أدهم = بس انا متوقعش انك عندك حل واحد بتاع كتب الكتاب اكيد عندك حلول تانيه
زين = بص يا أدهم انا كنت عند صحبك سليم قبل ما اجى واخدت اذن انى اسجل كل اللى حصل بنا وسجلت ان هو اعترف ان اخته هى اللى خلت هاجر تمضي من غير ما تعرف فا انا خليته يرفع قضيه علشان لما اقدم التسجيل ده يتحبس ويبعد عن هاجر بس انا لما عرفت واتخيلت ان حد ممكن ياخدها منى تانى مقدرتش انا مش هسيبها تضيع منى تانى ومش هينفع تكون لحد غيرى
أدهم = ايوه بقا هو ده صحبى اللى اعرفه عمره ما بيسيب حاجه بتاعته ابدا
زين = البركه فيك انت اللى فوقتنى يا صحبى …. انت كن اكبر النعم عليا
*جابوا المأذون وكتبوا كتب كتاب أدهم ونادين الاول
أدهم = مبارك عليا انت …. انا بحبك يا نادين
نادين بكسوف = عوض ربنا جالى فيك يا أدهم مبارك عليا وجودك فى حياتى
المأذون للمره التانيه = بارك الله لكما وبارك عليكما وجمع بينكما فى خير
زين بهمس لهاجر = انا عمرى ما سبت حاجه بتاعتى وانت بتاعتى يا هاجر فاهمه
هَل يَجوز لِي أن اعتبر عينَاكِ إحدى الكُتب واطِيل النظَر بهِما بحِجَة القِراءَة
زين = هاجر انا بحبك ومستحيل اسيبك تانى
يتبع…
لقراءة الرواية كاملة اضغط على : (رواية هجر الروح)
