رواية نيران العشق الفصل الرابع 4 بقلم اوليفيا
رواية نيران العشق الجزء الرابع
رواية نيران العشق البارت الرابع
رواية نيران العشق الحلقة الرابعة
عابد: بما إن الكل متجمع انا حابب اتكلم في موضوع مهم
الحاج موسى: اتكلم يا ولدي
عابد: انا قررت اتجوز
الحاجه حُسٰن: يا الف نهار ابيض يا الف نهار مبروك
مريم واقفه جنب غزل وبتهمس في ودنها
مريم: اوبا فرحة الدلوعه
غزل بكسوف: بس يا مريم عيب
الحاج موسى: ويا ترى احنا نعرف العروسه
عابد: هي من العيله مش حد غريب
صالح: اممم كلنا عارفينها و دي قصة حب واصله لأمريكا يابوي وانت مش دريان
الحاج: ما تخلص يا ولدي عايز تتجوز مين
عابد: مرام بنت خالتي
الكل بصوا لغزل بصدمه وعدم فهم عشان كلهم عارفين قد اي عابد وغزل بيحبوا بعض وفجأه غزل من الصدمه وقعت في الارض اغمى عليها والكل جري عليها وعابد جه بسرعه شالها وحاول يفوقها لكن معرفش جري بيها ع المستشفى
بعد وقت___________
عابد: هاااا يا دكتوره طمنيني مالها
الدكتوره: للاسف يا عابد بيه بس الانسه غزل اتعرضت لصدمه شديده وده سببلها انهيار عصبي قوي
___________________
فاقت من شرودها على صوته
عابد: انا موافق
غزل: تمام لكن في شرط تاني
عابد: امممم وايه هو بقا يا مدام غزل
غزل: بعد ما انت هتنقل كل الممتلكات باسمي يا خساره هتقعد عاطل وانا طبعا ميرضنيش انا مستعده اخلي صلاح في منصبه زي ما هو والامور هتمشي من غير أي تغيير لكن انت ليك عندي شغل يناسب وضعك حاليا
عابد: وهو ايه الشغل
غزل: سواق
عابد: لا انتي اكيد اتجننتي رسمي
غزل: هتكون سواقي الخاص يا عابد وانت مش قدامك أي فرصه للرفض كل حاجه في ايدي انا
عابد بجمود: تمام
غزل ابتسمت بخبث: على بركة الله
______________________
صالح: طب ما نيجي وياك يابوي
الحاج موسى: لا انا عايز اخد امكوا ونغير جو لوحدينا
مريم: ايوا يا حُسٰن يا جامده بابا هياخدك شهر عسل
الحاجه حُسٰن: بنت اتلمي
الحاج موسى: انا وامكوا مروحناش سينا من باكر هنروح نقعد فتره البيت وحشني وانتوا اهتموا بالمصالح اهنيه
عابد: تمام يابوي متقلقش
_____________________
فهد: يعني كده كل حاجه بقت بإسمك
غزل: ايوه يا فهد
فهد: خلاص يا غزل انتي عملتي للي انتي عايزاه ارجعي بقا
غزل: انتقامي لسه منتهاش ده انا هعيشه العذاب الوان
فهد: غزل لحظي انك كده هتأذي الكل مش عابد بس
غزل: متقلقش انا مخططه لكل حاجه كويس المهم ايه اخبار الشركه معلش انا راميه عليك الحمل كله الفتره للي فاتت
فهد: متقلقيش كل حاجه ماشيه كويس وزي ما انتي عايزه الوفد الالماني جاي كمان20يوم وانتي لازم تكوني موجوده الصفقه دي مهمه جدا
غزل: تمام متقلقش انا هقفل دلوقتي
فهد: تمام خلي بالك من نفسك
________________
غزل قفلت مع فهد وخرجت على صوت مرام للي بتزعق للعامله للي موجوده في البيت وبتقول
مرام: انتي غبيه مبتفهميش انتي مش عارفه اني مش باكل الباميه مين قالك تعمليها
غزل من وراها بصوت جهوري
غزل: انا للي قولتلها تعملها ومفيش اكل غير الباميه هيتعمل النهارده وياريت تتعودي عليها عشان هتاكليها كتير الفتره الجايه
مرام: وانتي مين انتي كمان عشان تتحكمي في بيتي
غزل: تؤتؤ كده ازعل مش بيتك قصدك بيتي انا
مرام: انتي شكلك اتجننتي بيت مين
/البيت كله اتلم على صوت غزل وهي بتقول
غزل: البيت ده بيتي انا وكل املاك الراوي باسمي انا يعني انتي هنا قاعده عندي ويا تقعدي باحترامك يا تغوري بره مفهوم
عيده: انتي بتقولي ايه يا غزل
غزل: للي سمعتوه كلكوا ولو مش مصدقني عابد اهو تقدروا تسألوه
مريم: انت ساكت ليه يا عابد وايه الكلام للي غزل بتقوله ده
عابد: مسمعش ولا كلمه واقسم بالله لو حد نطق بحرف واحد والكلام وصل ابويا همحيه من على وجه الارض
غزل: تمام كده ورايا يا عابد عشان عندي مشوار مهم
_______غزل وعابد خرجوا تحت صدمة الكل
فديه: الكلام ده مظبوط يا صلاح
صلاح: ايوه يا فديه
مريم: طب ازاي
عيده: طب غزل هتستفاد ايه من كل ده
صلاح:من ساعة للي حصل وغزل مشناسيه وهي حاليا راجعه تدمر الكل وتنتقم من عابد
مريم بدموع: ازاي مستحيل غزل تعمل كده دي مبتعرفش تأذي حشره
صلاح: دي مش غزل الطفله بنت عمنا الطيبه الكيوت للي ربيناها بعد موت اهلها
دي واحده راجعه من غير قلب
_____________________
في عربية غزل
عابد وهو سايق: على فين الوجهه ان شاءلله
غزل: عايزه اشرب عصير قصب
عابد بسخريه: و انتي من امتى بتحبيه
غزل: سبحان الله بقدرة قادر بقيت احبه ايه هتعترض على امر ربنا
عابد: ولا هعترض ولا حاجه اطفحي للي تطفحيه
غزل: بتقول حاجه
عابد: لا ابدا بقول بالهنا والشفا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نيران العشق)
