رواية نيران العشق الفصل الخامس 5 بقلم اوليفيا

رواية نيران العشق الجزء الخامس

رواية نيران العشق البارت الخامس

رواية نيران العشق الحلقة الخامسة

الممرضه بتجري في الكورنر وهي بتقول
_نريد كيس د.م فصيلة +Oبأسرع وقت من بنك الد. م لأن هالفصيله مو موجوده في المشفي
غزل: لو سمحتي انا فصيلة دمي +Oواقدر اتبرع
الممرضه: طب اذا سمحتي تعي معاي بسرعه
(اعذروني مبعرفش اتكلم خليجي🤡)
الممرضه: ارتاحي انتي شوي لما المحلول يخلص عشان يعوض فقد الد. م
محتاجه شي
غزل: لا متشكره لحضرتك
بعد وقت في المستشفى أوضة ابو نواف الرجل صاحب ال70عام من أكبر رجال الاعمال في الكويت كان متزوج ومراته توفت من فتره ومخلفش
فهد: الف حمد وشكر ع سلامتج
ابو نواف:الله يسلمج يا فهد بس مين اتبرعلي بالد. م
فهد: بيقولوا بنت مصريه موجوده في الغرفه للي جارك
ابو نواف: قوم زعق عليها
فهد اتجه للغرفه للي موجوده فيها غزل وخبط وهي سمحتله يدخل
فهد: حمد الله على سلامتج يا أنسه بس ممكن تتفظلي معي لغرفة الشيخ ابو نواف للي تبرعتيله بالد. م لانه حابب يشكرج بنفسه
غزل: تمام اتفضل
ابو نواف: ما شاء الله تبارك الله اهلين يا بنيه
غزل: أهلا بحضرتك
ابو نواف: انا بتشكرج كتير لانك انقذتي حياتي
غزل: لا شكر على واجب والف سلامه على حضرتك
ابو نواف:فهد اعطيني دفتر شيكاتي لاكتب للبنيه مصاري شكر للي سويته معي
غزل بسرعه: ايه للي حضرتك بتقوله ده انا اسفه بس انا مش هقدر اخد فلوس عن اذنك
ولسه هتمشي
ابو نواف: خلص يا بنتي انتظري
غزل: نعم
ابو نواف: طب انتي شلون كنتي بالمشفى
غزل: انا كنت جايه اعمل فحوصات عشان اقدر الاقي شغل
ابو نواف: خلص كيف ما بتقولوا بمصر تاهت واتلاقيناها انا ممكن تشتغلي معايا في شركتي واعتبري ان الشغل ده شكر صغير
غزل: انا مش عارفه اقول لحضرتك ايه لكن انا هشتغل ايه مع حضرتك
ابو نواف: انا بملك اكبر شركات في الخليج والشرق الاوسط وممكن اشغلك سكرتيره وبراتب منيح هااا ايش قلتي
غزل بفرحه: موافقه طبعا
ابو نواف: هاد الكارت حقي وهاد عنوان الشركه وتقدري تشرفيني بكرا
فاقت من شردوها على صوته وهو بيقولها
عابد: وصلنا
غزل: تمام خليك هنا
غزل نزلت من العربيه عند بيت بسيط جدا لكن في مسافه بينه وبين العربيه وباين على أهله انهم على قد حالهم غزل حطت فلوس وشنط غذائيه ومخزون للبيت قدام الباب وخبطت ومشيت قبل ما حد يفتح وكررت الموقف ده مع اكتر من بيت وبعدين رجعت العربيه لعابد
غزل: تمام نقدر نمشي
عابد: طب ما انتي لسه فيكي حته كويسه اهو اومال ايه دور هولاكوا للي انتي عايشالنا فيه ده
غزل: ممكن تقف هنا
عابد بسخريه: ايه راجعه تعيدي الذكريات
غزل نزلت ع الكرنيش قدام النيل ومردتش ومردتش عليه
عابد نزل وراها وهي ضهرها ليه
غزل: ليه
عابد: هو ايه للي ليه
غزل: ليه عملت فيا كده ليه خليتني احبك وغدرت بيا بالشكل ده انا ضحيت بحلمي عشانك قولتلي متدخليش تمريض عسكري يا غزل عشان انا مش هسمح انك تشتغلي في مكان في رجاله قولت حاضر خلاص هدخل ثانوي عام واحاول اعوض حلمي برضو انت رفضت وصممت اني ادخل صنايع عشان اخد شهاده وخلاص عشان مشتغلش ومثبتش نفسي عشان افضل طول عمري تحت طوعك…. كنت حابسني طول الوقت متكلميش ده متقفيش مع ده ممنوع اصاحب حد ممنوع اخرج ممنوع البس لبس مشعلى مزاجك مممنوع ممنوع مممنوع بس انا كنت راضيه بكل ده انا شوفت فيك ضهري وحمايتي وسندي بعد موت اهلي كنت دايما بقولك بلاش تكسرني يا عابد انا مليش غيرك صوتها بقا عالي واتكلمت بانهيار وهي بتقول
كنت بقولك انا بخاف لكن انت أماني قولتلك اني مليش غيرك بعد ربنا قولتلك خد ورثي اتحكم فيه زي ما انت عايز انا مش عايزه فلوس مش عايزه تعليم مش عايزه حاجه انا والله ما كنت عايزة حاجة غيرك انت لو كنت قولتلي موتي نفسك عشاني انا كنت هعمل كده وكنت دايما بتقولي انتي بنتي انتي صحبتي انتي حبيبتي يا غزل انا عمري ما هسيبك غير على موتي لكن انت ما موتش وسيبتني برضو قولي انا ذنبي ايه انا عملت فيك ايه وحش ليه تكسرني وتكسر قلبي كده وتيجي بعد ده كله تسيبني وتتجوز مرام حتى بعدها انا سكت وبعد ما اتجوزتها كانت هي بتستغل كل الاوقات للي محدش بيكون موجود فيها عشان تهني او تذلني وانت بتكون عارف عمايلها كإني مش من العيله وجايبني من الشارع هي مكسرتنيش على قد ما كسرني سكوتك على اهانتي وذلي وكسرة قلبي منك عشان كده انا هربت من البيت
عابد كان قلبه بيتق. طع عشانها وهو عارف انه جرحها اوي قرب منها وهو بيمسح دموعها واخدها في حضنه
عابد: اهدي خلاص حقك عليا
غزل زقته جامد وتفت في وشه وهي بتقوله
غزل: ابعد يا حيوان انت ناسي اني واحده متجوزه ولا فاكرني زي الرخيصه للي انت متجوزها انت عارف لو كنت اتجوزت اي واحده غير مرام مكناش اتوجعت اوي كده لكن مرام للي احنا كلنا عارفين ماضيها المشرف
عابد سكت ومكنش عارف يرد يقول ايه هو عارف ان هي عندها حق في كل حاجه قالتها لكن مش هيقدر يتكلم
يا ترى ايه السر للي عابد مخبيه؟؟؛