رواية نيران العشق الفصل الثالث 3 بقلم اوليفيا
رواية نيران العشق الجزء الثالث
رواية نيران العشق البارت الثالث
رواية نيران العشق الحلقة الثالثة
عابد بغضب: يعني ايه البضاعه اتصادرت في الجمارك
المحامي: انا مش فاهم ايه للي حصل يا عابد بيه احنا ورقنا كله في السليم لكن الجمارك بتقول ان البضاعه غير صالحه للاستعمال الادمي
السكرتيره دخلت عليهم المكتب وهي بتقول
لميس: الحقنا يا عابد بيه مصيبه
عابد: هو في مصايب تانيه استر يارب قولي في ايه
لميس: الصحافه بره والدنيا مقلوبه
عابد: ازاي الخبر اتسرب بالسرعه دي
المحامي: اكيد حد مدبر الموضوع ده يا عابد بيه عشان يوقعنا في السوق
(وقتها عابد مفكرش غير في غزل وكلمتها وهي بتقوله الحسنه تخص والسيئه تعم يا حياتي)
لميس: هنعمل ايه دلوقتي يا عابد بيه
عابد: استاذ راضي اطلع دلوقتي حالا ع الجمارك وحل الموضوع وعايز كل مهندسين الجوده حالا على مكتب صالح يشوف حل للمهزله دي
راضي: حاضر يا عابد بيه
عابد نزل تحت للصحافه وكان فيه عدد كبير منهم حواليه وبيسألوه أسئله كتير
صحفي: عابد بيه صحيح الخبر للي وصلنا هل معقول شركه بضخامة شركة الراوي تكون بتئذي الناس بالشكل ده
عابد: اظن حضرتك سألت وجاوبت على نفسك شركه كبيره ومعروفه زي شركة الراوي متأسسه من سنين وليها سمعتها ومكانتها في البلد ازاي في يوم وليله تكون بالشكل ده
صحفي: يعني حضرتك تقصد ان ده مدبر من احد المنافسين عشان يوقع الشركه في السوق
عابد: بالظبط كده واظن حضراتكوا عرفتوا كل حاجه عند اذنكوا
عابد سابهم وخرج وكانت وجهته البيت
____________________
في بيت الراوي كانت قاعده الحاجه حُسن ومريم وغزل ومرام وفديه وكانت عيده مع جوزها عند مامته
فديه: الجواز وسنينه وللي كانه يوم عايزينه واحد زيي طالع عينه
مريم: طالع عينك ليه يختي ده انتي واخده زينة شباب البلد
فديه: اه ما انتي لما تتجوزي المحروس بتاعك للي مقعداه جنبك ده لما خلل وتحملي وتشيلي مسؤوليه وكل شويه سايبك لوحدك وهو في الشغل هنشوف هتعملي ايه
غزل: للي يشوفك وانتي بتقولي كده مش يشوفك اول ما صالح بيدخل البيت حمدالله ع السلامه يا حبيبي اكلت عملت ايه النهارده انت كويس وحشتني اوي
كلهم ضحكوا عليها وعلى طريقتها وهي بتقلد فديه والحاجه اتكلمت
الحاجه حُسٰن: بس يا بنت منك ليها محدش ليه دعوه بفديه
فديه: والله يا ماما انا ما ليا غيرك في البيت ده أصلا
في الوقت ده دخل عابد وهو بيقوى بصوت جهوري
عابد: غزل
غزل رفعت حاجبها ليه باستنكار وهي بتقول
غزل: خير
عابد: تعالي ورايا
_____________
في الجنينه
غزل: نعم
عابد: انتي السبب في للي حصل
غزل ببرود: ايه للي حصل
عابد بنفاذ صبر: انتي عارفه ايه للي حصل متستعبطيش
غزل: اه تقصد للي حصل في الشركه دي البدايه بس يا كوكو
عابد: قولتلك انا هعملك كل للي انتي عايزاه بس بلاش اهلي يتضروا
غزل: تمام الحاج موسى عامل ليك توكيل عام بكل حاجه تمضيلي حالا على تنازل عن كل الاملاك والشركه والمخازن والاراضي والمزارع كل حاجه يا عابد
عابد: انتي اكيد اتجننتي رسمي
غزل: ساعتين اتنين لو كل حاجه متنقلتش باسمي هتسمع خبر يجنن عن المخزن الكبير ووقتها هتكونوا يا خساره ع الحديده وبرضو هتنقل كل حاجه باسمي
عابد بذهول: انتي ازاي بقيتي بالشر ده مش معقول
غزل: وحيات كل دمعه نزلت من عيني بسببك ما هرحمك
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نيران العشق)
