رواية نور في قلب صعيدي الفصل الرابع 4 بقلم الكاتبة الصغيرة
رواية نور في قلب صعيدي البارت الرابع
رواية نور في قلب صعيدي الجزء الرابع
رواية نور في قلب صعيدي الحلقة الرابعة
#الكاتبة_الصغيرة
عثمان : انا عاوز اعلن حاجة بكره هيبقي كتب كتاب نور ويونس
انصدمت نور ودا اللي خلاها تقول : لو سمحت ي جدي انا عاوزة اتكلم معاك
عثمان عرف هي هتقول ايه : بعد الوكل تعاليلي علي المكتب ي بتي ونتكلم براحتنا
نور : حاضر
قعدوا علي الاكل ويونس كان بيبص علي نور ومشلش عينه من عليها ودا اللي خلاها تتوتر بس حاولت متبينش بعد ما خلصو اكل راحت نور المكتب لجدها استاذنت ودخلت
عثمان : تعالي ي بتي اقعدي اهني
نور وهي بتقعد : انا كنت عاوزة اتكلم معاك ي جدو في حكاية الجواز دي
عثمان : انا عارف انتي عاوزة تجولي ايه انا بردك عاوز افهمك
نور : تفهمني ايه
عثمان : بصي ي بتي انا اختارت يونس عشان تتجوزيه مخصوص لانه اكتر واحد بثق فيه ومتاكد انه هيحميكي وانا مش اهنيه
نور : بس ي جدو انا معرفهوش ودي اول مرة اشوفه
عثمان : بس هو يعرفك من زمان جوي
نور : يعرفني ! يعرفني ازاي
عثمان : مش وقته الكلام دا اللي اجدر اجولهولك انه فعلا هو اللي هيجدر يحميكي وهيكون ليكي سند ومش هيجصر معاكي
نور : طب انت خايف عليا من ايه ويونس هيحميني من ايه
عثمان : هتعرفي بعدين ي بتي ودلوجتي جولتي ايه
نور : موافقة بس تبقي خطوبة بس لحد ما حتي اتعرف عليه واتعود علي الموضوع دا
عثمان : وانا موافق بس كتب الكتاب هيكون قريب
نور : حاضر
عثمان : تعالي بقي في حضني
راحت نور وحضنته وهو كان ماسكها زي ما تكون هتهرب
عثمان : اه لو تعرفي ي بتي كان نفسي في اليوم دا قد ايه ورحمة ابني الغالي لاكون مدفع اللي كانو السبب التمن غالي جوي ومش هرحمهم
طلعت نور من حضن جدها وهي بتعيط
عثمان : بتعيطي ليه ي قلب جدك
نور : كان نفسي في الحضن دا من زمان انا دايما مكنش ليا اب ولا حتي اخ يقف في ضهري ويحميني دي اول مرة احس بالحضن الدافي والحنية
عثمان : خلاص ي ستي طول ما انتي هنا حضني ليكي انتي بس ايه رايك بجي
نور : موافقة طبعا
عثمان : ودلوجتي اطلعي وناديلي امك عشان عاوز اتحاسب معاها في شوية حاجات كدة
نور : والله ي جدو هي قالت انها اخدتني عشان تحميني
عثمان : عارف ي بتي عارف ناديهالي بس
نور : حاضر
طلعت نور من المكتب ونادت مامتها لجدها وكانت هي طالعة لاوضتها بس لقت يونس في وشها
يونس : نور لو سمحتي عاوز اتكلم معاكي
نور : ايه دا انت مش بتتكلم صعيدي زيهم
يونس : هي حكاية كتب الكتاب يعني
نور : انا وافقت علي خطوبة بس
يونس : يعني انتي وافقتي
نور : اه بس جدو قاللي انك عارفني من زمان انت بجد تعرفني
يونس : هتعرفي كل حاجة في وقتها اطلعي ارتاحي انتي
طلعت نور لاوضتها وسابت يونس واقف وبيفكر
يونس : ياه اخيرا هيحصل اللي بحلم بيه من زمان هتبقي علي اسمي انا مش مصدق نفسي
عند عثمان وحنان في المكتب كانت حنان بتبكي
عثمان : طيب انتي بتعيطي ليه دلوجتي
حنان : انا مكنتش اقصد وبعدها عنكم بس انا كنت خايفة عليها
عثمان : انا عارف كل حاجة ي حنان بس انتي غلطتي
حنان : انا مغلطتش انا كنت خايفة علي بنتي وعاوزة احميها
عثمان : اهو هو دا غلطك الوحيد انك مكنتيش واثقة اني هجدر احمي بت ابني
حنان : انت متعرفش حاجة ي عمي ومتعرفش مين اللي عمل كدة
عثمان : انا عارف كل حاجة ومين اللي اكده بس صابر لاني انتقامي مش هيكون قليل وبعدين انتي من امتي بتقوليلي ي عمي
حنان : معلش ي بابا بس انا كنت خايفة لمتصدقنيش
عثمان : انتي عارفة انك من وقت ما اتجوزتي محمد الله يرحمه وانا اعتبرتك بتي
حنان : عارفة ي بابا بس انت عرفت كل دا ازاي
عثمان : ي بتي انا عارف مكانك من اول يوم هربت من اهنيه
حنان : ايه واستنيت دا كله ليه
عثمان : لنفس السبب اللي هربتي منه انا مكنتش عاوز حد يعرف مكانكم عشان نور تتعلم وتعتمد علي نفسها لانها لو كانت اهنيه مكنتش اتعلمت هي دلوجتي دماغها يوزن بلد ودا اللي كنت عاوزه
حنان : صحيح ي بابا مغلطش اللي سماك الكبير دا انت حاسبها بالسنتي
عثمان : اطلعي انتي ارتاحي وعاوزك تعرفي ان انا مش هسيب اللي حصل زمان يتكرر تاني فمتقلقيش
حنان : شكرا ليك ي بابا
طلعت حنان وعثمان كان بيحسب كل حاجة صحيح هو كبر بس لسة دماغه يوزن كل الباد
عثمان : ياتري ي ولادي هتعملو ايه تاني بس اللي متاكد منه ان المرة دي مش هتكون زي المرة اللي فاتت انا اللي هقف لكم المرة دي …….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نور في قلب صعيدي)
