رواية نور في قلب صعيدي الفصل الخامس عشر 15 بقلم الكاتبة الصغيرة
رواية نور في قلب صعيدي الجزء الخامس عشر
رواية نور في قلب صعيدي البارت الخامس عشر
رواية نور في قلب صعيدي الحلقة الخامسة عشر
بصتله ملك وهي خايفة من اللي هيعمله فيها لانها عارفة والدها وانه مش هيعديها علي خير
عماد : واقفة هنا بتكلمي مين
ملك بتوتر : بكلم صحبتي
عماد بشك من توترها : طب تعالي اقعدي معانا يلا
ملك : جاية اهو ي بابا
عماد : بسرعة عشان ندخل لجدك
مشي وسابها وهي رجعت كلمت مؤمن
مؤمن : في ايه
ملك : انا هقفل دلوقتي لان بابا مستنيني وخايفة يسمعني
مؤمن : انا هاجي المستشفي ي ملك ومش هعيد كلامي
ملك : ي مؤمن انا كدة اللي هروح في داهية
مؤمن : سلامتك من داهية ي حبيبتي
ملك : مؤمن لو سمحت
مؤمن : اقفلي ي ملك انا قولت اللي عندي
قفلت ملك التليفون وهي متوترة من اللي ممكن يحصل هي عارفة ان مؤمن زعل بسبب تاجيل الخطوبة وهي زعلت بس مكنش ينفع
رجعت لهم ملقتهمش عرفت انهم هيبقوا جوة عند عثمان دخلت واول ما شافته حضنته
ملك بفرحة : اتوحشتك قوي ي جدي
عثمان : عارف ي بنتي وانتو كلكم وحشتوني انا عاوز اقولكم حاجة
يونس : اتفضل ي جدي
عثمان : كتب كتاب نور ويونس ومها وخالد ومعاهم ملك ومؤمن في نهاية الاسبوع دي
عماد : بس ي بوي نستني لحد ما تقوم بالسلامة
عثمان : انا بقيت كويس وكفاية تاجيل اكتر من كدة
حسن : اللي انت تشوفه ي بوي
عثمان : وعاوز اخرج من هنا بسرعة
يونس : هشوف الدكتور لو قال انهم يقدروا يخرجوك واللا لا
عثمان : واحنا من امتي بنسمع كلام الدكاترة ي ولدي
يونس : حاضر ي جدي هروح اشوف هعمل ايه واشوف الدكتور
عثمان : مع السلامة ي ابني
خرج يونس اما عثمان فكان بيبص علي فتحية
عثمان : نور انا عاوزك ي بنتي تجهزي نفسك انتي والبنات عشان كتب الكتاب
نور : بس انت مستعجل ليه ي جدو
عثمان : انا مش ضامن هعيش قد ايه وبعدين انا مش مستعجل كان كتب كتابكم متحدد من زمان بس انتي طلبتي فرصة عشان تتعرفي عليه
نور : حاضر ي جدو
عثمان : وانت ي عماد انت وحسن عاوز اكلمكم في موضوع سيبونا لوحدنا شوية
خرجو وسابوهم قرب عماد وحسن من عثمان
عثمان : ها قولتو ايه
عماد : في ايه ي بوي
عثمان : انتو عارفين انا بتكلم عن ايه
حسن : ايوة ي بوي احنا فعلا اتعلمنا الدرس
عثمان : كويس انا حبيت اعرفكم الحقيقة قبل ما الاوان يفوت
عماد : حقيقة ايه
عثمان : ……….
برة المستشفي كانت فتحية مع الشخص المجهول
فتحية : انت ازاي عاوزني اعمل كدة
المجهول : دي مش اول مرة فاكرة الحكاية اللي حصلت قبل 22 سنة
فتحية : خلاص هحاول اعمل كدة
المجهول : ي حبيبتي انتي عارفة انا بحبك قد ايه واني بعمل كدة عشان مصلحتي انا وانتي
فتحية : يعني اللي حصل من 22 سنة هيتعاد تاني بس مع شخص مختلف
المجهول : اها ودلوقتي ادخلي قبل ما خد ياخد باله من غيابك
فتحية : طب مع السلامة ي حبيبي
المجهول : هبلة اوي بس اهو هستفاد من هبلها دا وهي بتفيدني بردوا وهبقي اشوف هعمل معاها ايه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نور في قلب صعيدي)
