رواية نور في قلب صعيدي الفصل الثالث عشر 13 بقلم الكاتبة الصغيرة
رواية نور في قلب صعيدي الجزء الثالث عشر
رواية نور في قلب صعيدي البارت الثالث عشر
رواية نور في قلب صعيدي الحلقة الثالثة عشر
يونس : ايه اللي حصله ي دكتور
الدكتور : للاسف المريض دخل في غيبوبة
يونس بصدمة : غيبوبة طب وهيفوق امتي
الدكتور : احنا منعرفش يمكن يوم او شهر او سنة
يونس : طب ايه السبب في كدة
الدكتور : دا من اثر الزعل او اخد دوا غلط خلي ضغط الدم ينزل ومن الواضح انه مش عاوز يصحي
يونس : طب شكرا ي دكتور
مشي الدكتور وسابهم كلهم منهارين وخصوصا يونس لانه اقرب واحد ليه
فتحية بهمس لسها : روحي اقفي جنب يونس
سها : ماما هو دا وقت الكلام دا انتي مش شايفاه منهار ازاي ومش شايفة حالة جدو
فتحية : وهو انا قولت ايه لداه كله دا انا بقولك روحي اقفي جنبه
سها : ماما هو انتي خايفة علي جدو
فتحية بتوتر : طبعا ي سها ليه بتقولي كدة
سها : لان دي مش حركات وحدة خايفة علي واحد مريض
فتحية : انا همشي واقفي انتي لوحدك وسيبك من الكلام دا
سها : ماشي ي ماما
مشيت فتحية وسها كانت بتفكر في كلام نور لها وفعلا بدات تفكر وتصدق اللي هي قالته وخصوصا بعد كلام امها
كان حسن وعماد واقفين ومش مصدقين اللي سمعوه من الدكتور
حسن : انا مش مصدق اننا السبب في اللي حصلوا
عماد : اهدي ي حسن هيبقي كويس وباذن الله هيصحي
حسن : انا مش هقدر اسامح نفسي علي الحالة اللي وصلها
عماد : الدكتور قال انه مش عاوز يعيش اكيد بسبب كلامنا فاحنا لازم نجيله كل يوم
حسن : هعمل اي حاجة عشان يصحي ويرجع كويس
عماد : هيبقي كويس بس ادعيله
في المستشفي كانت نور واقفة جنب يونس وهي بتبكي
نور : انا خايفه ان انا اخسره قوي يا يونس مش هقدر اخسره بعد كده انا على مسدقت ان انا لقيته وحسيت فعلا ان انا ليا عيله لان هو اللي حاسسني بكده خايفه قوي
يونس وهو بيطمنها : ما تقلقيش يا نور باذن الله هيبقى كويس انا حاسس انه هيبقى كويس وهيرجع لنا بالسلامه انا صحيح خايف بس عارف انه قوي وهيرجع زي الاول واحسن وهيفوق باذن الله ادعي له انتي بس
نور ببكاء : يا رب يقوم لنا بالسلامه انا انا بحبه قوي ومش عاوزه اخسره زي اللي خسرتهم قبل كده ربنا يشفيه
كانت مها واقفه جنب خالد وهي بتعيط
خالد : اهدي يا مها ما ينفعش انك تعملي في نفسك كده هيبقى كويس
مها : انا عارفه ان هيبقى كويس بس صعبانه عليا الحاله اللي وصلها هو اللي مربيني وعارفاه انه قوي وهيرجع لنا بالسلامه بس مش قادره ان انا احوش نفسي عن الزعل مش قادره يخالد
خالد بحزن : انا عارف انا عارفه كويس هو جدي وانا متاكد من كده بس لازم نهدي عشان لو فاق وشافنا كده هيزعل على زعلنا وانت عارفه
برة المستشفي كانت فتحية مع واحد برة وبتتكلم معاه وهي غضبانة
فتحية : لسة عايش لحد دلوقتي
الشخص : يعني ايه لسة عايش هو مش انتي قولتيلي انه مستحيل يقوم منها
فتحية : وانا اعمل ايه هو اللي زي القطط بسبع ارواح
الشخص : طب وبنتك قالت ايه
فتحية : مش عارفة البت الايام دي متغيرة ومبقتش تسمع كلامي زي الاول بس انا هعمل اللي في دماغي وانت عارف
الشخص : عارف ي حبيبتي متقلقيش هنوصل للي احنا عاوزينه في الاخر
فتحية : طب انا همشي دلوقتي ي حبيبي عشان ميشكوش في حاجة
مشيت فتحية وهي مبسوطة ان خطتها قربت تكمل
الشخص : غبية اوي بس ميضرش المهم اوصل اللي انا عاوزه وبعدين اخلص منها
في اليوم التاني كان راح يونس عشان يجيب لهم اكل ووزعه على الكل وجيه عند نور
نور : مليش نفس انا مش عاوزه اكل مش هقدر اكل دلوقتي
يونس : لازم تاكلي حاجه وتتغذي انتي مش شايفة انك ضعيفة يا بنتي ده انا لو اشتلتك بايد واحدة هقدر
نور بغضب : يعني انا مش عاجباك
يونس : لا طبعا انتي عجباني على طول في كل حالاتك
نور : يعنى انت قصدك يعني ان انا وحشه
يونس : لا طبعا انت حلوه بس انا خايف عليكي ي نور من كفاية جدو وبعدين لو صحي وشافنا كدة هو اللي هيزعل
نور : خلاص خلاص هات الاكل واسكت
يونس : ايوة كدة كلي واتغذي كويس
اما فتحية فكانت قاعدة جنب سها وبتحاول تاثر عليها زي الاول
فتحية : شايفة بيعملوا
سها : وهما بيعملو ايه ي ماما هي مش خطيبته
فتحية : يعني انتي استسلمتي خلاص
سها : انا مقولتش كدة بس ……….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نور في قلب صعيدي)
