رواية نور في قلب صعيدي الفصل الأول 1 بقلم الكاتبة الصغيرة
رواية نور في قلب صعيدي البارت الأول
رواية نور في قلب صعيدي الجزء الأول
رواية نور في قلب صعيدي الحلقة الأولى
بتعيطي ليه ي بنتي
= الحيوان ي ماما جاي يقولي انه مش بتاع جواز ولازم نسيب بعض
الام : متزعليش نفسك ي حبيبتي
= يعني ي ماما بعد خطوبة اربع سنين ييجي يقولي ان مينفعش نكمل مع بعض
الام : ي نور ي حبيبتي انا مكنتش موافقة علي الخطوبة دي من الاول بس وافقت وانا مكنتش متطمنة بسبب تاجيله لموضوع الجواز دا بس عشان خاطرك كنت ساكتة كويس ان انتو انفصلتو من دلوقتي واللا ي عالم كان ايه هيحصل بعد ما تتجوزو
نور : ي ماما هو عارف ان انا مليش سند لا اب ولا اخ ياخد حقي منه
الام بتوتر : وهو انا مش مكفياكي واللا ايه
نور وهي بتحضنها : متقوليش كدة ي ماما انتي عارفة انك اغلي حاجة في حياتي وانتي اللي لسة فاضلالي ومليش غيرك
حنان ( الام ) : عارفة ي حبيبتي بس اوعديني انك لو سمعتي اي كلام من من اي حد متصدقهوش
نور باستغراب : كلام زي ايه هو في ايه ي ماما
حنان : مفيش ي حبيبتي ارتاحي انتي دلوقتي ومتفكريش في اي حاجة
خرجت حنان من الاوضة عشان تسيبها ترتاح بس سمعت صوت خبط شديد علي الباب
حنان : بالراحة شوية في ايه الباب هيتكسر
فتحت الباب وانصدمت لما لقتهم عيلة جوزها
عماد : كيفك ي مرات اخوي ليكي واحشة والله
حنان بخوف : انتو ايه اللي جابكم هنا وعرفتو مكانا ازاي
حسن : كنتي فاكرة اياك انك حتجدري تهربي منينا طول العمر
عماد : اومال فين بنت اخوي اصلها وحشتنا جوي
حنان : واخيرا افتكرتو ان عندكم بنت اخ مش دي بنت اخوكو اللي كنتو عاوزين تموتوه وهي نفسها بنت اخوكم اللي طردتوني انا وهي بعد موته علي طول
حسن : مبجاش يفرق الكلام دي دلوجتي احنا جايين ناخد بنت اخوي اللي انتي هربتي بيها من 22 سنة
حنان : وياتري عاوزينها ليه دلوقتي عشان تعملو فيها اللي عملتوه في ابوها اللي هو اخوكم اللي اقدر اقوله لكم ان ملكوش بنت اخ واتفضلو من هنا يلا
عماد بزعيق : احنا جايين ناخد بنت اخونا غصب عنك ناديها دلوك والا اقسم بالله لاقتلك هنيه ودا هيهمنا حد وانت عارفة اننا نقدروا نعملوها
حنان : مش لما اعرف انتو ايه اللي فكركو بينا
حسن : احنا ملناش كلام مع حريم احنا هناخدها ونمشي
طلعت نور علي صوت الزعيق لقت ناس اول مرة تشوفهم ومن طريقة لبسهم عرفت انهم مش من مصر قربت من مامتها
نور : مين دول ي ماما
عماد : انا ابقي عمك اخو ابوكي
نور : عمي بس انا مليش اعمام
حسن : لع احنا اعمامك اللي امك خدتك وهربت منينا وحرمتنا منك
حنان : متصدقهومش ي بنتي
عماد : يعني انتي مكنتيش معرفه بنت اخوي ان عندها اعمام
حنان : انا سالتكم من الاول انتو جايين عاوزين ايه مني ومن بنتي
حسن : احنا جايين ناخد بنت اخوي تعيش في وسط اهلها
والتفت لنور وقالها : جهزي نفسك ي عروسة عشان فرحك علي ابن عمك بكرة
نور : نعم ابن عمي مين اللي هتجوزه انتو مين اساسا مين دول ي ماما
عماد : ما احنا جولنالك ي بتي احنا اعمامك وجايين ناخدك عشان كتب كتابك علي ابن عمك بكرة
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نور في قلب صعيدي)
