رواية نور عيني الفصل الثاني 2 بقلم عزة العربي
رواية نور عيني الجزء الثاني
رواية نور عيني البارت الثاني
رواية نور عيني الحلقة الثانية
نور في مكان فاضي جدا كله مرايات من جميع النواحي مكان يرعب اي حد من اول لحظه بتجري وتجري عشان تطلع من المكان دا وفجأه سمعت صوت كلاب كتير جايين عليها نور بتصوت وتعيط وبتقول يا رب يا رب
بتقولها كتير ودموعها نازله
الكلاب بتقرب منها ونور بتستنجد بأي حد خلاص الكلاب قربت من رجل نور فجأه في باب اتفتح والشمس ظهرت وفي أيد اتمدت لها وشدتها نور رفعت عينها بس ضوء الشمس حاجب وش اللي شدها
نور صحيت من النوم بتنهج وروحها رايحه استغفرت ربنا ومسحت وشها بأديها ٣ مرات واستعيذت بالله من الشيطان الرجيم
برا اوضه نور
_ انتي يا ست هانم صحي المحروسه بنتك اللي اتفضحنا بسببها
(ودا كان جوز ام نور محسن راجل شرير يبقي عمها اصلا اخو ابوها
لما ابوها مات مثل علي امها أنه لازم يتجوزها عشان يربي نور وبعد كده اتضح أنه اتجوزها عشان ياخد ورثهم)
_اتفضحنا ليه كفي الله الشر
_المحروسه بنتك بتتسرمح مع الموكوس اللي تعرفه بقاللها سنين وآخره السرمحه واللف علي حل شعرها سبته امبارح شكلها شافت لها شوفه تانيه مش محترمانا ولا محترمه اللي علي وشها
هدي: لا يا محسن أنا بنتي اشرف واحده في الدنيا ولو سابته يبقي عشان عمل عمله كبيره الله اعلم ايه هي
محسن: والله انتي وبنتك عمايلكم سودا ومهببه علي دماغكم ربنا ياخدكم وارتاح منكم بقي
نور سمعه كل الحوار نفخت بخنقه ونزلت من عالسرير وقالت : اصطبحنا عالصبح يا فتاح يا عليم
ولبست اسدال ونقاب وطلعتلهم
نور : خير يا جوز امي صوتك عالي عالصبح ليه
هدي: صباح الخير يا حبيبه امك
نور : صباح الخير يا ماما
محسن قرب من نور بلؤم وحط أيده علي كتفها : هو انتي كل يوم هتطلعيلي بالبتاع اللي علي وشك دا انتي مش اخده بالك اني جوز امك يعني في مقام ابوكي لا وكمان عمك يعني مش حرام يا حلوه اشوف وشك الحلو دا
نور زقت أيده جامد : لا مش واخده بالي يا جوز امي
محسن: لا خدي يا اختي ربنا ياخدك
خطيبك جالي الصبح وقاللي انك فركشتي الخطوبه لعل المانع خير يكونش قل أدبه عليكي ولا حاجه يبقي مجنون
وقال في سره ( لو مقلش أدبه من زمان)
نور : لا عاش ولا كان اللي يقل أدبه عليه يا يااا جوز أمي كل شيء قسمه ونصيب وانا مليش نصيب فيه عن إذنك
ودخلت اوضتها تلبس عشان تنزل شغلها
لبست فستان اسود وعليه نقاب واخدت شنطتها وتليفونها بس وقفت لما لقت صوت رساله عالواتس وكانت من احمد
انا هكسر قلبك زي ما كسرتيني عملت عشانك كل حاجه بس مطمرش فيكي وبتتفلسفي عليا صدقيني هندمك عليا هخليكي تيجي تبوسي رجلي عشان ابص في وشك يا نور هتجوز ست ستك وهعيشها عيشه متحلميش بربعها وخليكي انتي مش لاقيه كلب يبصلك
نور ضحكت بوجع علي كل السنين اللي عاشتها مع احمد هي ازاي كانت مصدومه فيه كده ازاي مكانتش عرفاه ازاي احمد اتحول لواحد تاني كده وبصت للفون وقالت: مش مصدقه اني كان ممكن في يوم اعمل كده بس يلا بلوووك بلوووك بلوووك علي رأي رضوي الشربيني
****عند أحمد****
رايح جاي في شقته وماسك الفلوس في أيده
بقي كده يا نور تبعيني بقي كده بعد اللي عملته عشانك دانا سرقت ابويا عشان ارضيكي كان نفسي استتك بدل الذل اللي انتي عايشه فيه دا مع جوز امك
احمد الشيطان عماه ومعرفش يفرق بين الحلال والحرام شيطانه هيأله أن ربنا هيسيبه يمد أيده علي مال غيره حتي لو كان أبوه نسي أن رب الكون موجود وقادر على كل شيء قادر يرزقه من حيث لا يحتسب قادر يعوضه عن جبروت أبوه قادر على كل شيء
الباب بيخبط بطريقه تفزع احمد اتخض وجري بسرعه يخبي الفلوس لم الفلوس وحطهم تحت الكنبه وراح فتح الباب كان البوليس
الضابط: انت احمد نور الدين
احمد : لا ااه هو في ايه
الضابط للعساكر: خشوا فتشوا الشقه
العساكر فتشوا الشقه ولقوا الفلوس واخدوا احمد عالقسم وأبوه مرضاش يتنازل عن المحضر وحلف ليعلمه الادب وأحمد اتحكم عليه بسنه سجن وكده مستقبله ضاع وخسر شغله
نور عرفت باللي حصل لاحمد وزعلت عليه جدا وعيطت من قلبها عاللي وصله ***بعد شهر ***
هدي: بس نور مش هترضي بحاجه زي كده ابدا
محسن: دا اللي عندي يا تتجوز العريس دا يا تخرج من بيتي
هدي: بس دا بيتها ولا نسيت
محسن: اه نسيت اقولك انتي وبنتك بعتولي البيت دا من اول يوم اتجوزتك فيه وكتر خيري سايبكم تعيشوا معايا بس بمزاااجي
_____________________
لايوجد شئ اسمه خساره … ربنا مستحيل يطلعك خسران بعد فتره هاتشكر ربنا علي اللي كنت فاكرها خساره وهاتطلع فوز عظيم لك…
الحمدلله الذي عافانا مما ابتلى بيه غيرنا …
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية نور عيني)
