رواية نور عمري الفصل الثالث 3 بقلم ميرنا ياسر
رواية نور عمري الجزء الثالث
رواية نور عمري البارت الثالث
رواية نور عمري الحلقة الثالثة
“ساعات القدر بيعاقبنا علي حاجات يمكن مكنتش بايدنا او مكنش قصدنا بيها الغلط بس حتي لو مش بمزاجنا الغلط غلط والغلط ملوش مبررات”
-نزلت البوست وأول كير كان منه مع كومنت “كل حاجه ممكن تتصلح لو اعترفنا باخطائنا ولو فعلا ندمانين علي الغلط ده يمكن القدر يعاقبك بردو بس في النهاية مش هيظلمك مادام انت ندمان وصلحت الغلط ده”
-عملتله كير وسمعت صوت الفون بيرن
-الو
-خف علينا حكم وقومي اجهزي عشان نخلص بقيه الحاجات الي نقصاكي
-عيوني بس كده انت بس الأهم صليت ؟ قريت اذكارك وصليت علي النبي واستغفرت وقريت الورد بتاعك ولا لسه
-طبعا انتي فكرك هخليكي تكسبيني استحاله
-انا كسبت من يوم ما بقيت جمبي
-لا انا كده اتغر
-ضحكت سلام سلام
-قد أي انا محظوظه في الحياه دي طب ما الحياه حلوه اهي اومال بيقولوا الحياه صعبة ومش عادله لي سرحت بدماغي لشهرين فاتو بس
-فلاش باك-
-نور فوقي يا نور انا بحبك انا كداب مقدرش أعيش من غيرك انا مش هخطب حد ولا هحب حد بعدك فوقي ارجوكي انا فكرتك بتضحكي عليا تاني
-اخر كلمه قولتها سامحني انا بحبك وانا حاسة وشي كله دم
-الإسعاف جت نقلوها طوارئ علطول
-طمني يا دكتور
-للأسف مقدرش اقولك حاجه دلوقت الحاله غير مستقره ادعلها
-حسيت ان كل حاجه في ثانيه اتهدت حواليا مش سامع حاجه ودموعي سبقاني يمكن دي اول مره اعيط فيها من يوم وفاه امي كل الي طالع عليا يارب قومها بالسلامه انا بحبها ومسامحها يارب متختبرنيش فيها انا مش هقدر علي فراقها تاني
“يمكن القدر يحطك في اختبارات يقيس بيها مدي قوتك بس عشان يزيد يقينك بالله متضعفش وخليك دايما واثق في ربنا وظن بيه خير، هتعدي..”
-عدي ساعه وأهلها واقفين منهارين وريم صاحبتها بتحاول تهدي فيهم والدكتور خرج
-جرينا عليه طمنا يا دكتور نور بخير
-الحمدالله الانسه نور بخير بس هننقلها العنايه وهتبقي تحت الملاحظه يومين لحد ما نتاكد ان حالتها مستقره ومفيش مضاعفات
-الحمدالله الحمدالله اول حاجه عملتها جريت علي مسجد المستشفى اصلي ركعتي شكر
-عدوا اليومين كانهم سنتين عليا ونا منتظرها تصحي وتلاقي الاوضه كلها ريحتها ورد زي ما بتحب كان نفسي تبقي لسه بنظرها عشان تشوف الورد بس الحمدلله انا راضي بقدرك يارب ومش هتخلي عنها تاني
-فتحت عينني ببطئ في صداع رهيب في دماغي بس بس ايدا؟انا شايفه أي الورد ده كله واي الجمال ده يخراااابي لا أكون مت وبقيت في الجنه
-لاقيت صوت ضحك عالي داخل عليا لا مش ممكن عمر؟
-انت معايا في الجنه؟
-زاد الضحك لدرجه انه قعد ومش قادر يقف من الضحك
-هو انا قولت أي يضحك
-نور انتي رجعتي تشوفي
-اها هو في أي هو مش الي بيموت بيرجعله حواسه
-لاقيته ضحك تاني فاتعصبت هو أي الي بيضحك
-انتي عبيطه يبنتي موتي أي بس انتي عايشه معانا
-اومال بشوف ازاي وانت معايا واه يا دماغي
-في أي مالك انتي كويسه
-اه صداع رهيب بس
-هندهلك الدكتور
-خير يا دكتور
-ابدا الصداع اثار الخبطة ونظرها رجعلها تاني متقلقش هكتبلها علي حبه ادويه وهتبقي زي الفل
-الحاضر-
فوقت علي اشعار من التليفون عشر دقايق وهكون عندك
-شوفت المسدج وقومت طيرت لبست مش عاوزه اتهزق علي الصبح
-متاخره عشر دقايق يهانم وبعدين اي الخمار ده قصير لي مش واصل للركب وبعدين الجيبه ليه حاسسها ضيقه
-ضيقه فييييين دي واسعه اهي خف غيره
-اصبري عليا بس هما كلها شهر ونتجوز
-أي هتنقبني
– تؤ هفيمك
-أصلا؟ طب يا سيدي شكرا يلا عشان منتاخرش
-حلو الفستان؟
-الفتحه الي فوق دي مفيش منها هاي كول
-بصينا انا والبنت صاحبه الاتيلية لبعض و كانها بتقولي خرجيه لاحسن الغيلكم الحجز
-هاي كول أي الي هيبقي في فستان انت عاوز الناس تتريق علينا
-يستي انا اعرف اهي أي حاجه مستوره
-اسكت بجد شكلك حلو وانت ساكت
-انا حلو في كل حالاتي
-روحني يا عمر
– انتي لي مش اسمك سلمي
-والله ؟
-شوفتي متقمصه الدور والله
ــــــــــــــــــــــــــــ
-واي الي حصل بعد كده يا مامي
-ابدا يا عيون ماما اتجوزت
-اتجوزتي مين
-سمعت صوته من جوا مهو مش معقول البت تورث منك كل حاجه حتي الغباء
-عيب والله طب راعي هيبتي قدامها
-ششششس سكتي
-نسيبنا من بابا دلوقت ها استفدنا أي بقي يا بيبو من الحكايه دي
-اننا منكدبشي
-شطوره ومش علشان بس الكدب حرام بس لا عشان الغلط والغلط هيبقي نتايجه غلط وهنتعاقب عليها حتي ولو نيتنا خير اتفقنا يا بيبو مش هنكدب مهما حصل اوكي ؟
-اوكي يا مامي
-قلب مامي خشي العبي بلعبك شويه
-حاضر يا مامي
*دخلت البلكونه
-بس بس انت يولا يحليوه
-مين انا
-ايوه بحبك والله
-عيب يا انسه تعاكسي كده أي معندكيش اخوات ولاد
-ضحكنا لبعض واحنا بنحمد ربنا علي وجودنا مع بعض
-“الحياه عمرها ما كانت ظالمه ويمكن مش وحشه للحد الي انت فاكره اهم حاجه في حياتك خد قرارات صح خليك عندك ايمان بربنا وادعي وهو هيستجيب خف سلبيه كتر استغفار كله هيتحل “
تمت
لقراءة الرواية كاملة اضغط على : (رواية نور عمري)
