رواية نور الاعمى الفصل السادس 6 بقلم تارا
رواية نور الاعمى الجزء السادس
رواية نور الاعمى البارت السادس
رواية نور الاعمى الحلقة السادسة
حسناء قامت ومسحت دموعها حسناء فجاه
حسناء بقوه: احمد رن علي يزن حالا
محمد: مينفعش يا حسناء دلوقتي لازم نستني الوقت المناسب
حسناء بعصبية اكبر: والوقت المناسب دا هيكون امتي لما البنت تضيع مننا تاني قبل حتي متعرف من أهلها الحقيقيه وقبل ما تشوف أخوها اللي اول واحد يشلها اللي تعلق بيها في سبع ايام بس وبعدها اختفت ولما رجعت تاني مش عايزني اقوله تبقي غلطان يزن لازم يعرف احماااد رن عليه دلوقتيي يلاااا
احمد بس لمحمد بتوتر ومش عارف يعمل اي
حسناء شافته وهو متوتر : تمام واخدت منه الفون ورنت هي
عند يزن كان بيكلم باباها
يزن بصدمه: اي جايين القاهره
مصطفي: ايوا هحجز عند دكتور كويس لأختك لان الموضوع خرج عن السيطره وانا خايف عليها
يزن كان هيرد عليه لقي احمد بيرن استغرب
يزن: بابا اقفل ثانيه وهرن عليك
مصطفي : طيب وقفل
ويزن فتح علي احمد ولسه كان هيتكلم
حسناء بصوت مبحوح من البكاء صوت عالي: يزن تعالي لي حالا انا في مستشفي ***** و قفلت من غير ما تسمع رده
يزن قام بخضه: زين مامتك رنت عليا بتقولي تعالي لي المستشفي و قفلت
زين: قولتلك الموضوع مش هيخلص علي كده روح يا يزن
يزن قام بقلق لانه حس من صوت حسناء ان الموضوع كبير وكمان مش عايز يقلق زين: ماشي انا همشي يلا سلام عليكم
زين: وعليكم السلام ورحمة الله وبركاته
عند صفاء اخدوها وحطوها في السجن وهي وساكته كأنها بتفكر في حاجه
صفاء بهدوء: ممكن مكالمه واظن دا من حقي
الضابط معرفش يعترض واداها تلفون
صفاء اخدته ورنت علي شخص
صفاء: الو
محمد: مين
صفاء بخبث: صفاء يا استاذ محمد ممكن تدي التلفون لمدام حسناء وقبل ما تتكلم اديها التلفون لاني هقولها حاجه لمصلحتها وانت حر بقا
محمد بغضب: حسناء اتفضلي مكالمه ليكي
حسناء: مين
محمد: خدي شوفي بنفسك
حسناء: الو السلام عليكم
صفاء بخبث: اذيك يا حسناء هانم
حسناء بعصبية: عايزه اي تاني بعد العملتيه مش كفايه كده
صفاء بخبث اكبر : والله يا هانم انا متصله اقولك كلمتين واقفل
حسناء بغضب: وانا مش عايزه اسمع حاجه ويلا سلام
صفاء بسرعه: ولو حاجه تخص نور
حسناء سمعت اسم نور وقفلتش
صفاء: ايوا كده اسمعيني وركزي معايا زي الشاطره تيجي السجن وانا هقولك اللي عايزه تعرفيه بس لو قولتي لحد هيكون في كلام تاني وانتي عارفه انا اقدر اعمل اي
حسناء بتوتر: خلاص ماشي وقفلت
محمد بغضب: كنت عايزه اي تاني
حسناء بتوتر: دا كانت تهددني بس ولا هتقدر تعمل حاجه اهم حاجه نطمن علي نور
حاتم: هو مافيش اي حد يطمننا عليها
حسناء بصت له بغضب ومحدش رد عليه وحاتم حس بالاحراج
مايا : بابا انا عايزه اطمن علي ماما
حاتم: اخرسي ما تجبيش سيرتها ولا كمان علي الاخر الزمن نروح السجن
مايا : نعم قصدك اي
حاتم: يعني خلاص قفلي علي السيره دي
حسناء: محمد هروح مشوار وجايه
محمد: تمام يلا يا احمد روح معاها
حسناء بتوتر: لا لا خليه معاك المشوار هنا قريب
محمد: مينفعش تروحي وحدك
حسناء: متقلقش هاخد السواق معايا
محمد باستسلام: اللي يريحك
حسناء مشيت وبعد شويه يزن جه وراح لهم
يزن بتوتر وخوف : احمد اي في فين طنط
احمد بص لمحمد بتوتر ومش عارف يقول
محمد: اهدي يا يزن مافيش حاجه دا نور تعبانه وحسناء كانت متوتره شويه
يزن بشك: تمام فين طنط
محمد: راحت مشوار وجايه
يزن: تمام ونور عامله اي
محمد: مش كويسه في العنايه المركزه
يزن: لا حول ولا قوة الا بالله ربنا يشفيها
محمد: يارب
احمد: يزن تعالي معايا اشوف الدكتور
يزن: حاضر يلا
احمد ويزن مشيوا ومحمد قعد مع حاتم ومايا الساكتين وزعلانين علي حياتهم اللي تقلبت في ثانيه
مايا لنفسها: انا لازم اروح اشوف ماما واحاول اطلعها بس لازم اطمن علي نور الاول
عند نور كانت في غيبوبه وبتحلم
نور باستغراب : انا فين اي المكان دا
بقت تبص حواليه تشوف حد لكن ملقتش ومكنش في اي انوار
نور لنفسها : المكان دا مريح انا مش عايزه امشي منها حسه نفسي عايزه انام
وقعدت علي الارض ونامت علي ضهرها وغمضت عينيها بعد كام ثانيه جالها صوت مش غريب عليها
الشخص: لا قومي وافتحي عينك لسه بدري علي انك تقفلي عينك انتي قويه وانا محتاجك انتي نوري
نور فتحت عينيها وشافت نفس الشخص من حلمها: انت مين
الشخص: هتعرفي قريب بس انا مضطر امشي وبدأ يختفي من قدامها
نور: استني استني متمشيش استني وبقت تجري وراه وفجاه وقعت ولما وقعت فتحت عينيها في الحياه الحقيقيه
عند حسناء وصلت لصفاء وطلبت انها تقابلها
صفاء: كنت متاكده انك هتيجي
حسناء: تعرفي اي عن نور ونحن منعرفش
صفاء: متوقعش اني اعرف حاجه عن نور وانتي متعرفهاش يا حسناء هانم وكمان عارفه انك حسناء صحبت حبيبه اختي اللي كانت بتموت فيها وعارفه انك عارفه كل حاجه عنها وأنها بنت حبيبه وأنها مش بنتي وكمان عارفه إن انا اللي خطفتها من حبيبه وهي عندها اسبوع وهربت ومامتها ما*تت من الحزن عليها
حسناء: وانتي طلبتي تشوفني عشان تقولي لي الكلمتين دول قولي حاجه مش عرفاها
صفاء: الصبر يا حبيبتي قبل ما اقولك تخرجيني من هنا
حسناء بعصبية: مستحيل اخرجك من هنا بعد اللي عملتيه
صفاء: ما انتي لو مخرجتنيش انا مش هقولك سر نور
حسناء: وانا مش عايزه اعرف
وسبتها وكانت ماشيه
صفاء بصوت عالي: …..
حسناء وقفت بصدمه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية نور الاعمى)
