رواية نوري الفصل الأول 1 بقلم رضوى أحمد

رواية نوري الجزء الأول

رواية نوري البارت الأول

رواية نوري الحلقة الأولى

نور: انا افكر ازاي انا ارضي راجل هأوأوأو أو هأو أو
ملك: تربيتي
نور: قوليلي بقي اعمل ايه عشان يعرف اني عايشه
ملك: منك لله يبنتي بقي بقالي ساعه بتكلم وانتي مفيش فايده كده خالص
نور: الاه بحبه طيب اعمل ايه
ملك: حبك برص يا شيخه
نور: كده يا لوكا كده تهون عليكي اختك وهي قاعده كده من غير عرسان لحد ما هبقى عانس
ملك: عانس ؟؟؟؟؟؟
نور: اه انا عنست خلاص
ملك: نور يا حبيبتي انتي عبيطه ؟
نور: ربنا يسامحك
ملك: عانس ايه يا نور انتي عندك 19 سنه يا حبيبتي امال انا اقول ايه وانا 26 ولسه محدش بص في وشي
نور: ما احنا الاتنين عنسنا يا روحي
ملك: غوري يا نور دا انتي الي يقعد معاكي يجيله اكتئاب
نور: ربنا يسامحك
ملك: ربنا يكون في عون الي امه داعيه عليه و هيتجوزك
نور: دا يبخته والله
ملك: لا لا انا لازم احظره اه بدل ما يتجوزك ويكتشف اننا ضحكنا عليه ولا حاجه
نور: يختي هو يحس بيا بس وبعدين اعملو الي انتو عايزينه
ملك: نور انتي بقالك اسبوع بس بتحبي حد لمجرد انه خبطك و اتأسفلك اه الحب من اول نظره موجود بس بيبقي برومانسية انما انتي يا حبيبتي فرجتي عليه امه لا اله الا الله
نور: ما انا بعد ما فرجت عليه الناس قالي انا اسف والله مقصدش اخبطك وقعد يعتذر كتير ف صعب عليا ف حبيته
ملك: هو انتي اي حد يصعب عليكي تحبيه ؟؟
نور: يابنتي لأ احمد مش اي حد
ملك: احمد ؟؟.. احمد مين
نور: ملك بطلي غباء احمد يا بنتي الي انا بحبه
ملك: يالهوي عليكي يا نور انتي عرفتي اسمه منين
نور: عيب عليكي يا بنتي هو انا اي حد ولا ايه
ملك: ويا ترا عرفتي عنه ايه تاني
نور: ولا حاجه شويه معلومات بسيطه كده
ملك: معلومات ايه ابهريني
نور: يعني مثلا أنه اسمه احمد عنده 23 سنه وعنده اخوات اخ واحد واتنين بنات اخوه الكبير اسمه زياد واخته الاصغر منه شويه اسمها سلمي واخته الصغيره خالص اسمها چنى وامه اسمها خديجه وابوه اسمه خالد ومتوفي الله يرحمه وساكن في العماره الي في وشنا دي وإنه سينجل والحمد لله
ملك بصدمه: مخابرات انا كنت عارفه انك شغاله في المخابرات و مخبيه علينا كنت حاسه
نور بضحك: مخابرات ايه يا بنتي هو انا حيلتي حاجه
ملك: ما هي حاجه من الاتنين يا انتي شغاله في المخابرات يا إما انتي مش إنس زينا كده واعوذ بالله
نور: لا لا كل الحكايه اني اجتماعيه حبتين فا عرفت الحجات دي
ملك: اجتماعيه حبتين اه طب امك بتنادي روحي شوفيها عايزه ايه وتعالي احكيلي كل حاجه بالتفصيل انا مش هسيبك النهارده
نور: ايوا يا ماما نعم
الام فاطمه: انزلي يابت هاتيلي مانجا
نور: مانجا ؟؟
فاطمه: اه مانجا
نور: مانجا ايه يا ماما دلوقتي اجيبها منين دي
فاطمه: معرفش اتصرفي نفسي في مانجا
نور: طيب بكره طيب
فاطمه: لا دلوقتي نفسي فيه حالا
نور بغمزه: بتتوحمي ولا ايه يا بطه
فاطمه: عشر دقايق لو المانجا مكانتش قدامي هنزل الشبشب علي نفوخك
نور: لا وعلى ايه الطيب احسن نازله جري يا ست الكل انتي تؤمري
فاطمه: يلا يختي
نور: عيوني يا بطه يا حلوه انتي
و في الشارع
نور: عم كامل يا عم كااامل عم كاااااااملللللللل
عم كامل: ايه ايه القيامه قامت
نور: لا لسه النهارده السبت اصلا
عم كامل: امال ايه بتصحيني كده ليه
نور: عايزه مانجا
عم كامل: هو انتي حد مسلطك عليا يعني امبارح عنب وقولنا ماشي كان باقي عندي حبه من الصيف النهارده مانجا اعملها ازاي انا دي
نور: اتصرف بقي ماما نفسها في المانجا
عم كامل: ايوا اتصرف اعمل ايه يعني اجيبلك مانجا في الشتا ازاي انا
نور: ما انت مش فاهم اصل انا لو طلعت لأمي من غير مانجا هتعملني بطاطس محمره و تتعشى بيا
عم كامل: معنديش يا نور اعمل ايه اسحرلك مانجا ولا اعمل ايه
نور: يوه انت بتتعصب عليا ليه دلوقتي هو انت والست الي في البيت عليا
عم كامل: يارب انا عملت ايه ف حياتي عشان تطلعلي زبونه رخمه بالشكل دا
نور: انا رخمه يا راجل عيب عليك دا انت محدش منفعك غيري
عم كامل: ياشيخه مش عايزك تنفعيني الواحد كان نايم في احلى نومه قام علي كابوس
نور: انا كابوس يا عم كامل عيب عليك دا انت حتى راجل كبير قد ابويا
و فجأه سمعت صوت بيقولها ….