رواية نهر الكنان الفصل السادس 6 بقلم رحاب محمد
رواية نهر الكنان الجزء السادس
رواية نهر الكنان البارت السادس
رواية نهر الكنان الحلقة السادسة
خرجت من الغرفه بسرعه علي صوت الضوضاء بالخارج وبمجرد ان فتحت الباب فوجئت بتجمع هائل امام بابها حاولت ان تعرف علي ما يلتفون لتتفاجاء بنهر ملقاه علي الارض بلا حركه واحدي الممرضات تحاول ايقاظها بكافه الطرق لتضع يدها علي فمها محاوله كتم شهقتها الفزعه
لتسمع صوت كنان من خلفها يهتف بغضب : في ايه عندك يا داليا ليه الناس دي متجمعه كده
لتهتف داليا اخته وهي تحاول الوصول لنهر : نهر اغمي عليها ياكنان وبيحاولو يفوقوها
واخيرا استطاعت ان تصل لها وكانت بداءت تستعيد وعيها لتصدر منها همهمات الم
لتصيح داليا فيهم بغضب ليبتعدو حتي تستطيع نهر استنشاق بعض الهواء وفعلا بداء كل منهم ينصرف الي عمله لتساعد داليا وبعض الممرضات نهر علي النهوض من الارض
وكنان في غرفته يحاول بكافه الطرق النهوض من الفراش ليصل اليها ليتالم بشده من تحركاته العشوائيه ليلعن داخله عجزه الذي يمنعه من الوصول لها
ليلتفت بلهفه وهو يري داليا تمسك يد نهر تساعدها علي المشي لتجلس علي الاريكه في غرفته ويظهر علي ملامحها التعب والاجهاد
ليهتف بخوف : نهر نهر ايه الي حصل انتي عامله ايه دلوقتي
لتجيبه داليا : بخير ياكنان متقلقش
ليصيح كنان بضيق : كويسه ايه بس انتي مش شايفه شكلها تعبان ازاي هو ايه الي حصل طيب نهر ردي عليا لو سمحتي
لتهمس نهر بصوت خافت وهي تريح جسدها علي الاريكه بتعب : انا مش عارفه ايه الي حصل اول ماخرجت من الاوضه دوخت وحسيت الدنيا بتلف بيا وبعدين محستش بحاجة غير لما لقيت الناس حواليا بس عادي يعني اكيد ضغطي وطي فجاءه انا بيحصلي كده لما بتوتر جامد
ليشعر كنان بالحزن فهو السبب في الضغط عليها وهو يعلم حالتها ومع ذلك كان سبب في تعبها
ليهتف بندم : انا اسف يانهر لو كنت ضايقتك او السبب في الي حصل
تفجاءت نهر عند سماعهااعتذاره ونبرت صوته الحزينه ولكن بداخلها ساعده لو توصف فكل افعالها تاكد أنه كنان صديق العمر لترفع وجهها تنظر له بامتنان لتشهق بفزع وهي تري ملابسه تحولت للون الاحمر من دمه في مكان جرحه
لتسرع ناحيته بلهفه وهي تحاول ابعاد ملابسه لتعاين الجرح وهي تصرخ بفزع : انت عملت ايه جرحك بينزف ده اتفتح تاني
لتوجه كلامها لداليا : اندهي حد من الممرضين بسرعه بسرعه لوسمحتي
استجابت لها داليا وخرجت بسرعه لتاتي خلال دقائق ومعاها احد الممرضات لاعانه نهر في تضميض جرحه مره اخري واعطائه بعض الادويه لتخفيف الالم لتجده بعد انتهائها من عملها ساكن في مكانه يغمض عينه بتعب
لتهمس له بتسال : ممكن اعرف ايه الي خلي الجرح ينزف بالشكل ده ليه اتحركت من مكانك مع اني اكتر من مره اقولك مينفعش
ليحرك راسه ناحيتها يفتح عينه بهدوء ليخرج صوته ضعيف ناعس فهو مخدر جزئيا من تاثير الادويه : علشان كنت خايف عليكي وهتجنن واعرف ايه حصلك
ابتسمت نهر بسعاده لتساله من جديد مستغله حالته : طيب وليه كنت قلقان عليا اصلا مش انت متعرفنيش
ليقاطع رده دخول داليا من الباب تصيح باسمه لتلعن نهر داخلها بغضب فهي اخبرتها ان تخرج من الغرفه لحين انتهاء عملها من اين علمت انها انتهت الان
لتقترب داليا من كنان تستند علي ركبتيها جوار فراشه تحتضن بيدها ملامحه تهمس بدموع : عامل ايه ياحبيبي دلوقتي ليه كده ياكنان كل شويه تقلقني عليك ده انت عارف اني مليش غيرك
ليهمس كنان بتعب : انا بخير متقلقيش عليا اخوكي جبل مبيتهزش
تجمعت الدموع في عين نهر وهي ترا مقدار حبهم كانت تتمني ان يكون لها اخ يدافع عنها ويحميها ولكنها حرمت من هذه النعمه فهي الابنه الوحيده لبحر المحمدي وكان في يوم كنان يمثل لها هذا الامان لتفقده هو الاخر ولكن ارد الله ان يعوضها باابراهيم
وضعت نهر يدها علي كتف داليا تربط عليها بحنان لتطمئنها لتهتف بحنان : متخافيش عليه هو هيبقا كويس ان شاء الله
هتفت داليا برجاء : بجد اوعي تكوني يتقولي كده علشان تطمنيني
نهر : لا والله بجد انا مش بعرف اقول حاجه مش حقيقيه اصلا يانهر
لتبتسم نهر عند نطقها الاسم تهتف بمرح : عارفه انا مبسوطه اوي اني لقيت حد اخيرا اسمو زي اهو الاقي حد يتنمرو عليه معايا
ابتسمت داليا رغم دموعها ولكن بحزن فهي تري ساعده نهر انها نفس اسمها وهذا غير صحيح لتهتف : ومين اصلا يقدر يتكلم ده اسم جميل جدا حاجه رقيقه كده ومختلفه شبهك
ابتسم نهر بخجل تغمغم بكسوف : شكرا انتي الي جميله بقولك بقا ممكن تبعدي شويه عن كنان علشان هو المفروض يرتاح واحنا قاعدين نتكلم جنب ودانو كده حرام ده تعبان
انتبهت داليا لوضعها بجانبه لتلتفت له تجد ابتسامه هادئه علي شفتيه سعيد بكلام نهر معاها
لتهتف داليا سريعا : انا اسفه اني ضايقتك كده والله انا هقوم وهبعد علشان ترتاح
ليمد كنان كفه يمسح دموعها الراكده من علي خدها يهمس بخفوت وهو يتجاوب لثقل عينيه للنوم : مفيش مضايقه انا مبسوط انك جانبي
وقفت داليا لتميل بجزعها العلوي عليه تطبع قبله حانيه علي جبهته
لتقترب منها نهر تسحبها من يدها ليجلسو سويا علي الاريكه لتتحدث نهر بود : ممكن بقا ترتاحي انتي كمان انتي من ساعه ماجيتي وانتي جنبو وكنت حابه اعتذرلك يعني عن طريقتي معاكي اول ماجيتي
هزت داليا راسها بتفهم : ولا يهمك محصلش حاجه بس بجد انتي شخصيه جميله جدا زي ماكنان كان بيقول عليكي
لتضع داليا يدها علي فمها متفجاءه بما تفوهت به لا تعلم كيف تخبرها عكسه الان
لتبتسم نهر بمكر تهتف بخبث : امم وكان بيقول ايه كمان ياداليا
شخصت داليا عينيه بذهول فمن اين عرفت اسمها الحقيقي لتهتف بتعلثم : ااه داليا مين انا اسمي نهر انتي نسيتي ولا ايه
لتجيب نهر بثبات وحزن : لا عمري مانسيت ولا قدرت انساكم يوم واحد ولسه فكراكي وانتي صغيره وانتي مبتعرفيش تنطقي اسمي وان كان نفسي تكبري معايا ونبقا اصحاب فاكره كنان وكل كلمه كان بيقولهالي ولما اعيط كان يحضني ويقولي انو عمرو ماهيخلي حد يزعلني ابدا لما نكبر بس الي حصل انو رافض حتي يتكلم معايا ليه ياداليا بتعملو معايا كده انا عملتلكم ايه ليه بقيتو بتكرهوني
حزنت داليا علي حزن نهر وتاثرت بشده بكلامه وشعرت بمدي احتياجها لهم لتقرر ان تخبره بالحقيقه لتهتف بسرعه : احنا عمرنا ماكريهناكي ياحبيبتي اوعي تقولي كده والله احنا بنحبك جدا
ابتسمت نهر بسعاده لان احساسها صحيح وانها لم تخطئ في شخصيه كنان لتقفز من مكانها بسعاده تغمغم بفرحه : يعني انا صح انتي داليا بجد هاا هااا قوليلي هو كنان محمد جيرانا في بيت شبراا صح صح
داليا : ايوه صح يانهر وكل كلامك صح وكنان لما كان بيقول اسمك انتي وهو نايم مش انا زي ماقالك
لترفع نهر قدميها عن الارض تقفز في الهواء بسعاده تصيح بفرح : لقيتو لقيتو لقيتو
لتثبت اخيرا تضع يدها علي موضع قلبها تخفف من حده ضرباته السريعه من شده سعادتها تهتف بسعاده : انا كنت متاكده انو هو كنت متاكده عمري مااغلط فيه ابدا
لتشكر حاحبيها بضيق : بس ليه بيكدب عليا وبيقولي كل حاجه غلط طيب ماشي بس لما يفوق ده انا م
قطاعتهاا داليا سريعا تهتف برجاء : لا لا يانهر علشان خاطري أوعي تقوليلو اي حاجه لو عرف اني قولتلك من غير مااستاذنو يضايق اوي وانا مليش حد غيرو يانهر انتي عارفه من بعد موت ماما وكنان بنسبالي كل حاجه في الدنيا وكمان بعد ما بابا سافر وسابنا مبقاش عندي غيرو
حزنت نهر علي حالها فهي كانت تتمني حقا انا يكونو اصدقاء ولكن بسبب عمل والدها تركو منزلهم القديم ليعيشو في مكان اخر ولم تكن تعرف ان والدهم هو الاخر هجرهم
لتجيب نهر بحزن : خلاص مش هقولو حاجه علشان خاطرك بس قوليلي انتي ليه هو عمل كده
داليا : حقيقي والله معرفش أنا كنت بسالو ومردش عليا
تجمعت الدموع في عيون نهر بسبب افكراها السيئه لتهتف بحزن : هو بيكرهني صح علشان كده مش عايز يتكلم معايا صح
بالعكس ده بيحبك جدا
هتفت بها داليا سريعا لتنفي ما تقوله لتكمل : يبنتي ده ميبتكلمش غير عليكي فاكر كل تفصيله تخصك وانتي شوفتي ده بنفسك حتي في احلامو موجوده انتي وبس يانهر
ابتسم بسعاده لما تسمع غير مصدقه كم السعاده المنهال عليها : بجد امال ليه بيكدب عليا كده
لتكمل نهر بخبث : ايه رايك تعملي معايا اتفاق اعرفيلي منو ليه بيعمل معايا كده واي حاجه يقولهالك عرفيني بيها وانا هفضل قدامو معرفش اي حاجه لغايه مااخليه هو بنفسو يعترفلي بكل حاجه
ضحكت داليا بسعاده مؤيده الفكره ليتصافحو موكيديين الاتفاق : اووكيه انا موافقه نطلع عينو علشان خلاكي تزعلي كده
نهر : بس يارب اقدر اخليه يتكلم
هتفت داليا مشجعه : لا بقولك ايه مش عايزين استسلام كنان عنيد جدا ولازم تبقي قويه كده علشان توصلي لهدفك
هزت نهر راسها ايجايا موافقه تتمني ان تصل لما تريد
………………………………………………………….
يقف مع زملائها بالجامعه يملاء صوت ضحكاتهم المكان بسعاده يخربهم ابراهيم عن سهوله الامتحان
يصيح ابراهيم بسعاده : بجد مكنتش متخيل ان الامتحان هيجي سهل كده عايز اروح جري اطمن بابا في البيت
منصور احد زملاءه : يعم ابراهيم مش علشان انت شاطر هتزلنا بقا الامتحان مكنش سهل ولا حاجه
معتز صديقه المقرب : ومش ذنبنا برضو انك مكنتش مذاكر
ليهتف ابراهيم باستعجال وهو يتحرك ناحيه باب الخروج وزملاءه خلفه : بقولكم ايه انا مش فاضيلكم لخناق كل يوم ده لازم اروح بسرعه والدنيا زحمه اوي اصلا
هتف معتز بسرعه : طيب استني ياابراهيم تعالي معايا المحل الي الناحيه التانيه ده علشان خاطري عايز اشتري حاجه لنهي كانت قيالالي عليها من فتره
ليبتسم ابراهيم يهتف بمشاكسه : طيب انت واحد بتحب ورايح تجيب حاجه وحب ولڤلاڤه وكده انا مالي بس علشان انا راجل محترم هاجي معاك بس توصلني بعربيتك لحد باب بيتي هاا ايه رايك
زفر معتز بضيق مصطنع : ماشي يعم مبتعملش حاجه لله انت ابدا يالا
ليلفت لهو ابراهيم يمشي عكس يعطي ظهره للشارع ووجه ناحيه معتز يهتف بمرح : يبني اشكلاك دي مينفعش التعامل معاها لله ابدا و
ليصرخ معتز باسمه بقوه وهو يري سياره تسير في اتجاهه بسرعه عاليه جدا ولكن قبل ان يفهم ابراهيم مايحدث كان فات الاوان للتحذير 😮
……………………………………………………….
في غرفه كنان بالمستشفى تجلس هي وداليا يتحدثو في جميع امور الماضي وتخبرها داليا الكثير عن كنان
لتلوي داليا رقبتها يميا ويسارا بتعب تهتف : بقولك ايه انا تعبت جدا هروح اجيب قهوه من الكفتريا اجبلك معايا
هزن نهر راسها نافيا : لا لا أنا مش بشرب قهوه روحي انتي وانا هستناكي هنا
هزت داليا راسها بتفهم وتوجهت ناحيه الباب خارجه من الغرفه
لتنهض نهر من مكانها تتوجه ناحيه فراش كنان تستند علي ركبتيها جوارها لتبصح في مستواه لتمد يدها تضم كف يده بين يديها تقربها من شفتيها تلثمها بحب تهمس بحنان : عمري ماقدرت انساك ودلوقتي عمري ماهقدر ابعد عنك تاني ياكنان حتي لو انت رافضني انا مصاقدت لقيتك
لينفتح الباب بقوه ويظهر امامها سبب تعبها في الحياة راشد 😮
يترا راشد هيعمل ايه معاها ايه وجيه ليه اصلا🤔وابراهيم هيحصلو ايه ولا صاحبو هيلحقو ونهر فعلا هتقدر تتغير وهتقدر تتحدي كنان🤔
يتبع…
لقراءة الفصل التالي : اضغط هنا
الرواية كاملة اضغط على : (رواية نهر الكنان)
