رواية نمري الوقح الفصل الخامس 5 بقلم زهرة الربيع
رواية نمري الوقح الجزء الخامس
رواية نمري الوقح البارت الخامس
رواية نمري الوقح الحلقة الخامسة
كنتي بتعملي ايه معاه في المطبخ
اسرار قالت بخوف.. كنت بشتغل عادي
بص لها جامد نظرات مرعبه وقال… ومصطفى
قالت بارتباك .. عادي كنا بنتكلم ولما اتجرحت ساعدني
عساف ضغط على ذراعاتها وقال بغضب…ليكون بيساعدك زي ما كنت انا بساعدك
قالت بضيق. اظن انت فاكر ان انا ما كنتش احب مساعدتك دي ابدا ..ويلا اطلع احسن حد يجي بلاش جنان
حط ايده على خدها وقال بغضب شديد بيحاول يداري ليه الباشا بيغير عليك ولا اي ..انا محدش يمنعني عنك وحتى لو اتخطبتي اوبقيتي في عاصمته محدش له حق يغير عليكي مني انا ..انا استثنائي وانتي لازم تتعاملي على الاساس ده
اسرار بصتلو بزهول شديد من كلامه و قالت ليه بقى تفرق في ايه يعني انت راجل زي اي راجل وعيب الوضع ده
عساف قال بسرعه.. لا انا عادي انما هو عيب تكوني معاه غلط ومش مقبول ما حدش يلمسك غيري يا اسرار سمعتي ما حدش يلمسك غيري
ضحكت على كلامه بخفه وقالت يا ابني انت شارب حاجه النهارده ولا ايه
عساف بص لعيونها بضعف وقال ..لا ميمسكيش يا اسرار …ما تتجوزيش يا اسرار ارجوكي ما تتجوزيش مش هستحمل ارجوكي
ابتسمت وقالت… و لو ما اتجوزتش ايه اللي هيحصل ما انا برده مش هكون ليك
قال بسرعه هنفضل زي ما احنا مش شرط تكوني ليا بس ما تخليش حد يلمسك ولا حد يكلمك ماشي يا اسرار
داست على شفتها وهي بتبصله بابتسامه جميله وقالت انت واقع قوي يا باشا بس للاسف مش هقدر انفذ طلباتك المره دي وبعدت عنو وقالت بثقه… انا بنوته صغيره وقمر زي ما انت شايف عايزه اتجوز احب واتحب كفايه مرمطه بقى
قرب منها وقال طيب لو بقى من غير مرمطه مش هخليكي تتمرمطي ابدا هاديكي كل الفلوس اللي انتي عايزها بس ما تتجوزيش
ضحكت جامد وقالت والله انت غريب قوي النهارده بجد
عساف قال بسرعه.. انا عايزك يا اسرار وانتي عارفه كده كويس
قالت اه انا كنت عارفه كده بس مفتكرش انك اتجننت خالص كده.. طب يعني هنفترض مجرد احتمال نص 1% ان انا وافقت اسيبو بعد كده اتجوز عادي ..واحد ثاني ولا هترهبن
قال بسرعه وغضب وهو بيضغط على ذراعها لا برده
بقلم..زهرة الربيع
ضحكت جامد وقالت شوف يا باشا انت عنيد قوي بس اللي في القلب مش محتاج لسان بس اعذرني طلباتك المره دي مش هنفذها
بص لعيونها وقال اوعي يا اسرار تتجوزي انا مش هستحمل ابدا ابدا والله من الصبح مش قادر اتخيل انك تكوني لغيري ارجوكي متعملهاش قلبي وجعني قوي
ابتسمت بسعاده من جواها وقالت بهمس ..و وجعني اكتر منك يا عساف
عساف بصلها بزهول لثواني بسيطه واسرار جريت منو وقالت عند الباب اعتبر ان الي فات مات يا باشا لازم تعرف ان دي اخر مره ممكن تتعرضلي فيها عن اذنك قالت كده ونزلت جري وهو كان واقف باصص لطيفها بذهول
اترمى على السرير وبقى ياخد نفسه وقلبه هيطلع من صدره غمض عينيه بحزن شديد
تحت كان مصطفى قاعد مع اخته وقال تفتكري هيعمل ايه لما نقول له دلوقتي ان انا حددنا الفرح بعد اسبوع تفتكري هيتكلم ولا هيفضل ساكت
نوال قالت .. هو بيحب البنت وانا متاكده انو مش هيسبها بس لو متكلمش دي وقتها تبقى مصيبه
ابتسم وقال اكيد هيتكلم ما تقلقيش انا كمان عارف ومتاكد انو بيحبها يلا بينا
وبالفعل استنوا عساف لحد ما نزل وقالوا قدامه قاصدين..مصطفى قال انا معايا شغل ومضطر اسافر وعايز اسفرك معايا ايه رايك يا اسرار
اسرار بصت له بزهول… وقالت الاسبوع ده
مصطفى قال .انا ومضطر امشي ومش عارف ممكن ارجع امتي
بصت لعساف برجاء ومستنياه يتكلم بس اغمض عنيه بغضب ومردش
اتنهدت و نزلت عينيها في الارض بحزن وقالت اللي تشوفوه
عساف وقف بغضب اول ما قالت كده و طلع على اوضته
بعصبيه شديده وكانت هنا الصدمه لنوال و مصطفى الي افتكروه هياخد موقف
مصطفى طول الاسبوع بقى يقرب من اسرار قدامو قاصد حاول يحرك غيرته وكان عساف هايجنن من التصرفات دي ومش طايق نفسه بس ما كانش يتكلم ابدا
اسرار كانت متضايقه منه جدا على برود وسكوته وبطلت تتكلم معاه ابدا طول الاسبوع ده ولا تشوفه مع ان هو كان هيتجنن ويتكلم معاها حتى كلام
جه يوم الفرح كانت المعازيم بره واسرار جهزت ومستنيه مصطفى يجي ياخدها
نوال نادت لعساف وقالت عساف يا ابني روح طلع العروسه وهاتها هنا عند المعازيم
عساف قال بخنقه..ليه فين المحروس
نوال ضحكت وقالت..المحروس معاه جماعه اصحابه واصروا انو يلبس عندهم وبعد شويه هيجي
عساف اتنهد بضيق وراح يناديلها وكان نفسو جدا يشوفها وهي عروسه
دخل وكان معاها شوية بنات ومرات ابوها
عساف حمحم وقال…استنوا بره معلش حابب اتكلم مع اسرار كلمتين
الكل طلع باستغراب واسرار وقفت وقالت بغضب وانا مش عايزه اتكلم معاك ولسه هتمشي مسكها من ايدها وقفل الباب وقال ..مش عايزه تكلمي معايا ليه ..ده حتى انهارده اخر يوم اشوفك فيه..انتي بجد هتسافري
اسرار قالت بغضب..ايوه هسافر معاه واسافر لاخر الدنيا انسان محترم واشتراني
عساف قال بغضب شديد .. ومعاه فلوس كمان
اسرار ضحكت جامد وقالت بالم .انت عارف ان الفلوس اخر همي وكنت بتمنى من قلبي الاقي الي يعوضني حرماني من الرحمه مش من الفلوس
نزل عينيه في الارض ما كانش قادر يكتم وجع قلبه اكتر من كده وقال …انا مش قادر مش قادر حاسك بتبعدي قوي
بصت له بدموع وقالت انا بعدت اصلا مش هبعد…والبركه فيك لسه هتمشي شدها عليه بقوه وحاوطها بايديه وقال هتصدقيني لو قلت لك اني تخيلتك بالشكل ده بنفس الطله القمر دي تخيلتك وانا شايلك وطالع بيكي اوضتنا اتخيلتك وانتي مراتي حلمت بيكي كمان
اسرار بصتلو بدموع وقالت وايه اللي منعك ايه اللي منعك يا عساف كنت مستنياك نفسي تتخلى عن الافكار الزباله دي اللي عندك باني ابقى عشقتك لمجرد اني اتولدت لقيت نفسي خدامه عمرك ما هتشوفني غير كده خدامين عندكم وعساف باشا اعلى من كده سيبني في حالي اتمنى لك تلاقي واحده تكون بنت باشا او وزير او سفير ..بس تحبك قد ما حبيتك
قالت كده بدموع ولسه هتمشي شدها وبص لعيونها بقوه وزهول وقال تحبني زي ايه
قالت بتوتر اعتبرني ما قولتش حاجه
ولسه هتمشي تاني بس شدها بقوه تاني وقال مش هسيبك تطلعي مش هسيبك تروحي مني يا اسرار
نزلت عينيها في الارض وهزت راسها بياس وقالت انت غبي قوي
حط جبينه على جبينها وهو مغمض عينيه وقال بهمس قدام شفايفها …قوي غبي قوي
واكبر غباء كنت هعملو ااني كنت هسيبك تروحي لغيري اذا انتي بتحبيني فانا بعشق كل حاجه فيكي من اول يوم شوفتك فيه وانا متاكد انك بتاعتي انتي ليا انا وبس وحتى لو هتخلى عن افكاري اللي كنت بقولها لكل الناس وان كل واحد يتجوز من طبقتو بس لا انتي غيرتي القوانين وقلب النمر لاول مره يدق
بصت لعيونه جامد وقالت قلب النمر تعبني قوي
عساف قال … بس هيداويكي وينسيكي انا الكام يوم اللي اخذتيهم بعيد عني فهمت ان اي فلوس في الدنيا مش هتجيبلي السعاده اللي كانت بحس بيها وانا مستنيك كل يوم تيجي علشان اضايقك شويه والمسك شويه زي الطفل المراهق جنتي بين ايديكي انتي ليا يا اسراري مش لاي حد تاني
ابتسمت وقالت بسعاده طب هنوقف الفرح
عساف ابتسم وقال لا هتجوزك فيه واهو ما نعملش التكاليف دي تاني
ضحكت وقالت..والله معاك حق
ابتسم لها بحب بس اختفت ابتسامتو وقال..بس لازم اكلم مصطفى و
اسرار قاطعتو وقالت بضحك مصطفى مش هيزعل متقلقش ..لانو عارف كل حاجه كان متفق مع والدتك على الموضوع ده من الاول ..لاني من اول يوم قلتله اني بحبك انا ما كنتش اتخيل ان ممكن ابقى لحد غيرك
بقلم…زهرة الربيع
عساف بصلها بزهول شديد وقال انتي بتقولي ايه اننتو كنتوا بتشتغلوني
ابتسمت وقالت…حاجه زي كده يعني هما كانوا عايزين يوقفوا الفرح من اول ما انت طنشت وقلت مبروك بس انا موافقتش كنت حاسه انك هترجع لي وقلتلهم هنعمل الفرح حتى لو هتفضح فيه ويقولوا العريس سابها ومشي
عساف قال بسعاده ..يعني مصطفى مش عند اصحابه دلوقتي
ضحكت وقالت…مصطفى زمان وصل من زمان وقت ما طلع من هنا كانت الطياره بتاعته فاضل لها نص ساعه
عساف شالها من فرحته وبقى يلف بيها وقال يخرب عقلك على عقله ده انا كنت هتجنن هقول له ازاي
ضحكت وقالت انا ما اقدرش اتجوز غيرك حتى لو انت تقدر
عساف بص لعيونها جامد وقال ولا انا اقدر لما حسيت انك بتروحي مني قلبي انقبض بعشقك يا اسراري بحب كل حاجه فيكي…بحبك اوي يا اسرار انا مستحيل اعيش من غيرك
اسرار ابتسمت وقالت ولا انا اعرف اعيش من غيرك يا نمري الوقح الي جنني❤🌹
كنتم مع اسكربت نمري الوقح بقلم زهرة الربيع ..
لقراءة الرواية كاملة اضغط على : (رواية نمري الوقح)
