رواية نفوس مريضة الفصل الرابع والعشرون 24 بقلم تسنيم حمدي
رواية نفوس مريضة الجزء الرابع والعشرون
رواية نفوس مريضة البارت الرابع والعشرون
رواية نفوس مريضة الحلقة الرابعة والعشرون
نور كانت وقفه في المطبخ بتعمل قهوه عشان تقدر تفوق وتبداء يومها وهي حسه بارهاق وتعب شديد، بعد سهرها طول الليل وهي مستنيه معتز يرجع، صوت صرخات عاليه كسرت الهدوء فجاءه
انتبهت نور لي صوت لولا وجريت علي الاوضه ودخلت ليها بقلق
شافت لولا قاعده علي السرير بتبكي وهي حضنه نفسها وبتترعش بخوف
قربت نور منها: في ايه مالك، بتصرخي كده ليه؟؟
ردت لولا بخوف: انتي،انتي كويسه صح،والكلب. الكلب ماقربش منك
نور: انتي بتقولي ايه، شكلك كنتي بتحلمي
لولا بتعب:اه كابو.س.. كابو.س بشع
نور: طيب اهدي، استعيزي بالله من الشيطان، وانا هجبلك مياه
بعدت نور ورجعت باديها مياه: اتفضلي
خدت لولا الكوب منها وشربت شويه بس حست بتعب و غثيان قوي وقامت تجري علي الحمام
راحت نور وراها بقلق ووقفت انتظرتها عند الحمام
خرجت لولا بعد وقت ووشها اصفر والتعب ظاهر علي ملامحها
قربت نور بقلق : انتي مالك، شكلك تعبانه اوي
لولا: مافيش انا كويسه
قالتها لولا وهي بتسند علي باب الحمام بتعب و حسه بدوخه شديده ، ولسه هتتحرك كانت هتقع
قربت نور منها بسرعه ومسك اديها و سندتها : لا انتي شكلك مش كويسه خالص، تحبي انزل معاكي تروحي تكشفي
بصت ليها لولا بستغرب : لا .. انا كويسه قولتلك ،هو شويه تعب بسيط وانا لسه كاشفه ومعايا علاجي، هدخل اخده وانام ممكن
نور: اكيد براحتك
بعدت لولا عنها وحاولت تدخل الاوضه اول خطوه كانت هتقع تاني بسبب الدوار الشديد براسها
مدت نور اديها ليها:تقدري تسندي عليا
بصتلها لولا بستغراب ومسك اديها بتعب
ونور سندتها ودخلتها الاوضه،
ساعدتها تقعد علي السرير براحه
نور: هسيبك ترتاحي، محتاجه حاجه اعملهالك
رد لولا برفض: شكرا
هزت نور راسها وخرجت بهدوء من الغرفه
وسندت لولا نفسها علي شباك السرير وهي بتفتكر، ليه نور بتعملها باللطف دا،وملامحها اللي كانت قلقانه،قلقت عليها غريبه،برغم ان اكيد نور مش غبيه وعارفه نيتها
خبط الباب ودخلت نور الغرفه
لفت لولا عيونها ليها
وذاد استغربها وهي شايفه نور معاها صنيه صغيره عليها عصير و ساندتشات
لولا بستغراب: ايه دا
وضعت نور الصنيه بجوارها: حاجه تفطري بيها، عشان علاجك اللي قولتلي عليه
نفخت لولا بضيق: وانتي مين اللي طلب منك دا
هزت نور كتفها بالامبالا: مافيش، انا قولت هتحتاجي و برحتك لو مش عايزهم رجعيهم المطبخ تاني ،انا هنزل عشان امشي جاك
خلصت نور كلامها وراحت للدولاب تاخد غيار ليها
، ولولا بتبصلها وصرخت بضيق :
هو انتي ليه بتعملي كده ، ازاي اصلا قادره تتعملي معايا ، وجيبالي اكل كمان، انتي عارفه انا بكر.هك قد ايه، عارفه اني عايزه اقرب من جوزك ، وعايزه ابعده عنك، وعايزه اخليه يطلقك
، دا انا جتلك بيتك اول مره واهنتك فيه، ليه بتحاولي تساعديني وبتتعملي بلطف اوي كده، ااايه عايزه تفهميني انك ملاك مش بشر زينا
نور بهدوء : لا انا مش محتاجه افهمك حاجه، انتي مش فارقه معايا اصلا،عشان اعوز اوصلك اني ملاك، لا انا بشر عادي خالص مش ملاك ، وبخصوص اهنتك ليا فانا منستهاش وماسمحتكيش فيها،
ولو مستغربه انا ليه بعملك كده، الفكره كلها اني ماتعودتش اشوف حد محتاج مساعده واقف اتفرج عليه حتي لو الانسان دا وقح ومايستهلش وانا مابقبلوش وحتي وانا عارفه انه بيكر.ني ، بس بعمل بالمثل اللي بيقول، اعمل الخير وارميه البحر
لولا بغضب: انا مسمحكليش تغلطي فيا
نور: ومين قالك اني بغلط فيكي انا بوصفك
، وفكرة انك عايزه تقربي من معتز وانتي موجوده هنا عشان كده ، فهو قبل بوجودك هنا وبرغم انك علطول قدامه وهو بيرفضك، بس بردوه دي حاجه ترجعله، هو حر فيها
لولا: ومين قالك انه بيرفضني، هو بيضحك عليكي، اللي بنا
قطعتها نور بحده : مش فارقه معايا ما انا قولتلك هو حر، وبما انك عايزه تخلي معتز يطلقني وكده، فا انتي ماجبتبش حاجه جديد من عندك، الكل عايز كده، فا مش هتجي عليكي يعني
، وعشان اطمنك اكتر احنا كده كده هننفصل، من غير ماتتعبي نفسك خالص ووفري مجهودك
، ها كده جوبتك علي كل اسألتك ولا عايزه تسألي علي حاجه تاني
لولا: مش عايزه
نور: تمام
خدت نور ملابسها وخرجت من الغرفه وقفلت الباب وراها
..
وضعت لولا يدها علي راسها بتعب وارهاق: انا ايه اللي وصلني ل كده، وبعمل في نفسي ايه
عيطت لولا بحزن علي نفسها و قهر وهي بتخبط باديها السرير بغضب
، وقعت عينها علي الكيس البودره بتاع عادل مرمي علي الارض
نزلت خدته بقرف ووقفت عند الشباك وهي بتـ.سب عادل وفضته، وغيرت هدومها سريعا
، بعد ما حست انها افضل وخرجت من الشقه و بشنطتها ورجعت شقتها بتعب
…..
رجعت نور العماره بعد ما خرجت جاك شويه ودخلت الشقه، راحت تشوف لولا لو لسه نايمه
بس لقت الاوضه فاضيه وشنطتها مش موجوده وعرفت انها مشيت و ماهتمتش كتير
، سابت جاك ونزلت ل شغلها
…….
بمكتب الاعلانات
المدير: معتز انت سمعني
معتز بشرود: لا، كنت بتقول ايه
المدير: بقولك انت هتقدر تشتغل ازاي ودراعك متجـ.ـبس
معتز: متقلقش الشغل اللي طلبه يومين بالكتير و يكون عندك
المدير: مش عارف ازاي بس تمام ، وبالنسبه للسفر قررت خلاص تسافر مع الجروب
معتز: اه، هجهز ورقي الاول و هاسافر معاهم
المدير: ماشي با معتز تقدر ترجع علي مكتبك
خرج معتز من عند مديره ورجع مكتبه بضيق وهو كل تفكيره في رفض نور لي «انا عمري ما جـ.ـبرت حد يبقي جانبي،دا انا لو حسيت من حد الرفض انا اللي ببعده عني اشمعنا هي، ليه عايزها معايا حتي لو غصب، دا غباء السفر هو انسب حل لي»
قاعد علي مكتبه واتفاجأ بعادل داخل عنده ا
: اخص علي الصحوبيه اللي ماتخليش الوتحد يسأل في صاحبه
معتز: خير يا عادل ، جي ليه
عادل: جي ارضيك يا صاحبي و اشوف زعلان مني كده ليه،و لو عشان كلامي في المستشفى،انا ماكنش قصدي ازعلك، انا قولت ابعدها عنك ب لولا، وحقك عليا يا صاحبي، ولو علي مراتك انا مش هجيب سرتها تاني
معتز: يبقي احسن
عادل: خلاص يا معتز هو انت لسه زعلان، من امته واحنا بنزعل من بعض، دا احنا عشرة عمر
معتز: لا يا عادل مش زعلان، موضوع وانتهي، انسي
عادل: طب مالك مكشر ليه
معتز: مشاكل في الشغل
ابتسم عادل بخفه: ماتقول كده سهله،احلا سهره مع الشله،تنسيك الدنيا
معتز: عادل قلتلك اني بطلت الحاجات دي، ولا سهره ولا غيره، انا مش عايز انسي الدنيا
عادل: خلاص يا عم برحتك، برغم ان الجماعه كلهم بيسألوا عليك
معتز: ماشي
عادل:ماشي ايه!مالك يابني ايه حصلك،بقولك انت لازم بعد الشغل تجي نقعد مع بعض انا وانت وتفهمني
معتز: تمام ياعادل هبقي اعدي عليك
عادل: طيب يا صاحبي وانا هستناك سلام
… ….
وصلت نور المستشفى واستغربت حالة الهرج الموجوده ، وعرفت اللي حصل في المستشفى بعد ما مشيت امبارح،وسألت عن حنين وعرفت انها كويسه ودكتور جاسر عندها
كملت طريقها ل مكتبها
فتحت الباب واتفاجأت ببيجاد اقعد علي كرسي المكتب وبيلعب باللاب الخاص بيها
وهو رافع راجل علي رجل فوق مكتبها
وقفت نور قدام المكتب بهدوء: اهلا
ابتسم بيجاد بتسليه وهو بينزل رجله : وحشتيني يا دكتوره بقالي كتيـــر ماشوفتكيش
وضعت نور يدها علي وجهها بتعب: كده كملت
رد بيجاد بتهكم: هو دا رد ، يعني بعد طول غيابي عنك، واجي اقولك وحشتني تقوليلي كملت
ردت نور بارهاق: لا ازاي يا بيجاد باشا ميصحش، نورت مكتبي
بيجاد: مين قالك اني بيجاد، مش يمكن اكون حازم
نور: لا يارجل، ازاي تقول كده معقوله اتلغبط فيك بردو، دا انت حتي حضورك مميز، ماتجيش علي قاعدتك علي مكتبي براحه اوي كده، مش دا اللاب بتاعي
بيجاد بضحك: اه تقريبا، اصل كنت بسلي وقتي بيه علي ماتجي، اتاخرتي اوي يا دكتوره النهارده
قعدت نور قصاده علي الشزلونج وهو قاعد مكانه: اه فعلا ، ابقي اخصملي
ضحك بيجاد بقوه: لا مش للدراجاتي ، دي شغلت خالد مش بتاعتي
نور: تعرف ان يومي ماكنش متحمل، اني اقبلك خالص النهارده
بيجاد: ما انتي اللي زعلتي عمر، وانتي عارفه قد ايه زعل عمر عزيز عليا، مبستحملش حد يضيقه
نور: فاقولت تجي تضيقني انا بقي، واخترت وقت مش مناسب خالص
ابتسم بيجاد بسخريه : دا من حسن حظي، يظهر ان السهره امبارح مع حبيب القلب قبلت عليكم بنكد، اهو انتم كده صنف الحريم مهما الراجل يعمل عشان يسعدكم لازم تقفلوها بنكد عالم نكديه
نور : معلش بقي دا طبع فينا مش هنشتريه، وبعدين خليك في حالك تعرف، وقولي كنت بتعمل ايه هنا
بيجاد:ما قولتلك وحشتيني يا دكتور ، وكنت مستنيكي، انا طبعا مقدر مجهودك وتعبك الفتره اللي فاتت عشان مظهرش تاني بس ياخساره ضاع هدر
نور: يارجل مين قالك كده، دا انت حتي ظهرت في وقتك وكفايه اوي عليا انك ساعدت حنين، يبقي تعبي ماضعش
بيجاد: اممم مين قالك اني كنت بحاول اساعدها انا بس كنت حاسس بملل، و هو جي في وقته، برغم انه ماكنش مسلي خالص..
نور: بردوه دا مش هينفي انك ساعدتها، دا تقدم كبير في حالتك
بيجاد : امممم حالتي
اه نسيت صح ابركلك يا دكتوره علي جوازك،تصدقي مش لايقين علي بعض ، انتي حاجه، وهو حاجه تانيه خالص، اقنعتيه ازاي يتجوزك دا
نور ببتسامه: النصيب بقي
بيجاد:فعلا النصيب لي حاجات غريبه
و هو شكله بيحبك، اينعم مش عارف علي ايه، باللي انتي لبسه دا ، ومخليني انا شخصيا متلغبط
مش عارف اتكلم معاكي علي انك راجل ولا ست
قوليلي يا دكتوره صح هو انتي حد عقدك وانتي صغيره
ردت نور بسخريه : لا حد قعدني وانا كبيره
، هو انت دخلت مكتبي ازاي
رد بيجاد ببساطه: من الشباك
نور:ببساطه كده
بيجاد: اه سهله جدا، يمكن عشان تقتنعي اني مافيش حد يقدر يمنعني من حاجه انا عايز اعملها، علي فكره كل ما تستوعبي دا اسرع
، وتفهمي ل حازم هيكون اسهل علينا ونرتاح
كمل بيجاد بتسليه:اوووف، انا بجد مابحبش اتكلم مع حد مش موضح نوعه ايه، تعرفي تلبسي زي الستات يادكتوره
نور: لا
بيجاد: انتي الخسرانه، انا خايف علي مصلحتك ل جوزك يدور علي غيرك، يدور علي ست تعرفي يعني ايه ست
نور: ما قولتلك يومي ماكنش متحملك خالص والله
ضحك بيجاد بصخب : طيب هرأف بحالك واسيبك لحد متفوقي، ونقدر نتكلم برحتنا، هستناكي يا دكتوره
قام بيجاد وهو خارج لف اللاب ل نور وقبل ما يخرج من الباب
نور: ايه دا
كانت نور عينها علي شاشه اللاب بصدمه
وهي ظاهر عليها بيجاد ب غرفته و قاعد علي السرير من كاميرت النراقبه اللي موجوده عنده
: ازاي
ضحك بيجاد بقوه : دا غباكم يا دكتوره
، ماقولتك انا محدش يقدر يفرض سيطرته عليا حازم دا عبيط لما فكري يجي هنا عشان يحبسني
نور: و هو فكر يجي هنا لوحده
نسيت كل المشاكل اللي كنت بتعملها،والشغل اللي دمرته واللي عملته مع خطبتك
بيجاد: ماتقلويش خطبتي،هي كانت خطبته هو،
انا ماكنتش بحبها، اعمل ايه، مابطقش حتي تقرب مني، بكره حتي اسمع صوتها وكلامها
نور: دا سبب يخليك تطلع البنت برج القاهره وتربـ.ـطها هناك وتسبها وتمشي
ضحك بيجاد اكتر : كان نفسي اعلمها الطيران بس خوفت حازم يزعل، وبعدين ما خليته يلحقها غلطان انا
نور بتهكم : لا ازاي انا اللي غلطانه
بيجاد: لا هو اللي غلطان، لانه حب يفرضها عليا، وكدب عليها ماوجهاش بحققته، ومعرفهاش بوجدنا ، هو فاكر ان جسمه ملكه لي لوحده وحقه هو والمفروض يقرر نعيش مع مين او فين، جسمه دا سـ.ـجن لينا احنا الثلاثه يا دكتوره والاقوي هو اللي بيفرض سيـ.ـطرته، وطول ما انا وحازم ضد بعض، فعمر هو اللي هيتـ.ـحكم
لو حازم اتقبل وجدنا كل حاجه هتختلف
نور: انتم الثلاثه واحد،كل شخص فيكم جزء من شخصيه حازم،عقلك هو اللي جسدهم انتم كلكم واحد
بيجاد: لا احنا ثلاثه،انا وعمر حقيقه ومختلفين عن حازم ، ليه مش قادرين تفهمه ان انا وعمر موجدين علطول وللابد، وطول ما عمر بيحزن انا هفضل احميه، ولازم تتقبلي دا وتخلي حازم يتقبله وبسرعه، احنا مش وهم او جزء منه، احنا كل واحد فين مستقل عن التاني، وحتي عقل حازم هو اللي جسدنا فاحنا بقي لينا حق عليه
بصتله نور بصمت وهو واقف علي الباب
بيجاد: انا هروح انام عشان محتاج ارتاح
نور ببتسامه : احلام سعيده
مسك بيجاد الباب وقبل ما يخرج: اه و مستشفي العشاق اللي احنا فيها دي الاهمال فيها زاد لازم يسيطر عليه شويه
ردت نور بتهكم : صح انت عندك حق،شايف مكتب دكتور خالد في مكتبه، روح قوله كده
قالتها نور وقامت قفلت الباب في وش بيجاد وهو بيضحك بتسليه
………
لولا كانت قاعده في زوايه بغرفتها وهي منهاره بعد ما نزل عادل من عندها، وخرج كل غضبه عليها
حضنت نفسها بحزن وهي حسه انها لوحدها، مالهاش حد في الدنيا، مين ممكن يقف جانبه ويحميها من عادل او غيره،
رفعت اديها علي بطنها وبكت اكتر، حزن علي طفلها اللي هتجيبه للدنيا ومالوش ذنب غير انه ابنها ازاي يعيش من غير اب، هي غلطت بس الطفل ذنبه ايه، يعيش بعـ.ـار امه، وبدل ما يجي للدنيا بفرحه وسعاده يجي بحزن و كسر لي طول عمره ويحاسب علي ذنب مارتكبوش
………..
كانت هنا واقفت في وسط اوضتها بسعاده وهي بتضحك و بدور حولين نفسها قدام المرايا بتتأمل فستانها الابيض القصير وجذمتها السودا بكعبها العالي
و مكياجها الرقيق وهي بتتخيل رد فعل ياسين
بتحاول تسيطر علي نفسها بصعوبه وتمنعها من انها تكلم جوزها، وتصرخ بخبر حملها اللي اتمنيه سوا واخير اتحقق
لفت للاوضه حوليها برضي وهي مش عارفه زينتها كده ازاي
كانت اركان الاوضه مضيأه بشموع حمره
والباللين البيضاء طايره في الهوه
والسرير رسمت عليه قلب بالورد الاحمر وبداخل القلب فيه سلبت سماوي ل بيبي ومعه نتيجه تحليل الحمل الموجب
دخل ياسين الشقه بارهاق وهو بينادي عليها
: هنا يا هنا انتي فين
خرجت هنا من الغرفه ببتسامه ل ياسين واول ماشافها وقف مكانه وضحك بخفه: ايه القمر دا، هي ليلتنا بيضه النهارده ولا ايه
قربت منه هنا بدلع: امم تعرف انك وحشتني اوي اوي اوي
رد ياسين بقلق: عملتي مصيبه جديده صح ، انطقي يا حبيبتي عملتي اية
بعدت هنا عنه بعبوس: مصبيه ايه، انت ليه بتقول كده
شدها ياسين لي حضنه ولف ذراعيه علي خصرها :ما اصل انا مابطمنش وبذات لما يجتمع الدلع والجمال والشياكه والاستقبال القمر دا كله مع بعض
كان بيهمس ياسين بكلامه وهو بيقبلها مع كل كلمه
لفت هنا اديها حولين رقبته برقه : حبيبي وجوزي القمر دا، ان مستقبلتش وانا بمنتهي الجمال، ا جيب حد تاني يستقبله
ابتسم ياسين: ولا في اي حد في الدنيا يملي عيني يا هنايا انت غيرك
هنا : بردوه الكلمه دي، قولتلك مابحبهش
نظر ياسين لابتسامتها وسرح : عارفه يا هنا انتي النظره في وشك مع ابتسمتك وحضنك ليا اول ما برجع من الشغل قادر ينسيني تعب اليوم كله، ازاي ماتبقيش هنايا،وانا كل مابشوفك بنسي كل همي واترمي في حضنك وانني قادره ديما تحتويني، دا انتي مش هنايا وبس، دا انتي
هنايا وسعدي واجمل هديا ربنا هداني بيها
هنا : حتي و انا مش قادره اجبلك البيبي اللي نفسك فيه
ياسين: يا حبيبتي انا ابقي طماع لو طلبت اكتر من كده، انتي بنتي ومراتي وحببتي، والبيبي دا يجي وقت ما ربنا يريد، وانا واثق ان ربنا مش هيكسر بخطرنا، ولو محصلش انا بردوه راضي و مكتفي بيكي يا هنا، وبشكر ربي كل يوم علي وجودك جانبي ومعايا
اتعلقت هنا بحضنه بسعاده :وانا بعشقك والله العظيم بعشقك يا ياسين
ياسين: مش اكتر مني ياروح ياسين
هنا:عارف اكيد عشان رضك دا ربنا رضنا واستجاب لينا
رد ياسين بستغرب:قصدك ايه
بعدت هنا عنه ومسكت ايده: تعال معايا وانا اقولك
قالت هنا كده وشدته لغرفتهم
اتفجاء ياسين من شكل الاوضه
ووقف قدام السرير يبص للسلبت والورق اللي جانبه
ياسين : ايه دا
شاور ياسين علي السرير بستغرب
ردت هنا ببتسامه: شوف وانت تعرف
سحب ياسين الورق و بص فيه ثواني ورجع بص ل هنا: دا.. دا بجد.. انتي…. حامل
هزت هنا راسها ببتسامه وخجل : اه . ربنا استجاب لينا اخيرا يا ياسين، كلها كام شهر وينور ولي العهد، ابننا او بنتنا
حط ياسين ايده علي بطنها بجمود
ياسين: حامل !!
هزت هنا راسها بالايجاب وبقلق: مالك يا ياسين انت بتتكلم كده ليه هو انت زعلت اني حامل، انا انا..
قالتها هنا بتقطيع وخوف من جمود ياسين
قطعت ياسين كلامها وهو بيشيلها بين اديه
وبيلف بيها في الاوضه: انا بحبك، انا بحبك يا هنا
صراخت هنا وهي بتمسك في رقبته بخوف : بس يا ياسين انت بتعمل ايه! البيبي، نزلني بسرعه
قرب بيها ياسين من السرير وهو بيضحك ونايمها عليه برقه وعيونه دمعت من الفرحه : زعلت ايه، دا انا كنت بتمني اللحظه من سنين، اخيرا في طفل يجمع مابنا،ابني جزء مني ومنك يا هنايا انتي مش عارفه انا سعيد ازاي، انا هبقي بابا اخيرا
هنا:ايوه يا ياسين انت هتبقي احلا واحن بابا في الدنيا، بس انا هفضل حبيبتك الاولي، مش هتحب حد اكتر مني
ياسين : طبعا، انتي روحي يا هنا، بصي بقي انتي من النهارده ممنوع تعملي اي حاجه، ممنوع تقومي من مكانك،او تشيلي اي حاجه من الارض.، اللي عايزها قولي عليه انا هعمله، فاهمه ولا لاء، وكمان الكعب دا ممنوع
هنا: كل دا ممنوع
ياسين: لسه دا انا هعملك قايمة ممنوعات، لحد ماتقومي بسلامه
هنا بدلع: بس كده انت هتتعب
ياسين: انا بحب التعب، يلا ننام بقي، لازم الراحه انتي عارفه
قالها وهو بيحضنها وبيطفي النور
……..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نفوس مريضة)
