رواية نفوس مريضة الفصل الحادي عشر 11 بقلم تسنيم حمدي

رواية نفوس مريضة الجزء الحادي عشر

رواية نفوس مريضة البارت الحادي عشر

رواية نفوس مريضة الحلقة الحادية عشر

معتز كان اقعد بيتغده في النادي
وشاف لولا واقفه قدامه
شدت كرسي واقعدت عليه
معتز بصلها بضيق وجي يقوم مسكت لولا ايده
لولا :معتز انا عايزه اتكلم معاك
معتز سحب ايده وبصلها بحقد :وانا مش عايز اتكلم معاكي ولا عايز اشوفك تاني
قالها وهو بياخد مفاتيحه وموبيله عشان يمشي
لولا بعصبيه :مش عايز تشوفني ليه
بعد اللي انت عملته و حصل بنا امبارح
دلوقتي بقيت وحشه ومش عايز تشوفني
معتز بصلها بغضب :مافيش حاجه حصلت بنا .. والتمثليه اللي بتعمليها دي مش عليا يا لولا
لولا بدموع :لا حصل يا معتز.. وانا مش بمثل
انت اتهـ.ـجمت عليا بعد ما كنت انت اللي بتحمي فيه
.. و استغليت ظروفي اللي انت عارفها كويس
وانا استسلمتلك عشان بحبك .. و دلوقتي انت بتتهرب مني وعايز تسبني
معتز بصلها بحيره وتوهان :احنا ماكناش مع بعض عشان اسيبك..و استغليت ايه..ماتجننيش
انا ماقربتش منك
لولا دمعت بحزن : لا قربت يامعتز .. انت ليه بتعمل فيا كده.. انا ماليش غيرك
.. ليه عايز تسبني لوحدي بعد اللي حصل
.. بلاش تضيعني.. حرام عليك
خلصت كلامها وغطت وشها باديها وعيطت بشده
معتز بصلها بغضب وتمتم : انتي مصـ. ـيبه يا لولا
مصيبـ.ـه انا بليت بيها نفسي..
قال معتز كلامه ومشي بسرعه
نزلت لولا اديها من على وشها ابتسمت بجانبيه
وهي شايفه معتز بيبعد بغضب
وفتحت شنطتها خرجت منها منديل
مسحت بيه دموعها بخفه
ومسكت الشوكة والسكينه اللي معتز كان بياكل بيهم وقطعت الاستيك
وهي بتضحك : انا فعلا مصـ.ـيبة حياتك يا معتز
.يارتني ما كنت قابلتك ولا عرفتك
.. قابل يا معتز اللي جي تستهله
خلصت كلامها ورافعت الشوكه ل فمها واكلت مكانه بتسليه
……..
نور كانت لسه في المستشفى
و دخلت أوضة عمر اللي ابتسم اول ما شافها
عمر :نور شوفتي انا عملت ايه
نور بابتسامه :عملت ايه يا عمر
عمر :كل سنه وانتي طيبه يا نور
قال عمر كلامه وبعد عن تربيزه كانت وراه
نور بصت على الترابيزه ولقيت عليها كيك وشمعه في نصها واكواب عصير
نور ابتسمت بسعاده : وانت طيب يا عمر.
عرفت عيد ميلادي منين
عمر :من سناء
سناء :هو اللي سألني يادكتور من اسبوع
والنهارده طلب مني اجبله الكيكه والعصير عشان نتحتفل بيه..انا ماليش دعوه
عمر بص ل نور اللي عيونها دمعت :انت زعلتي مني
نور ابتسمت :لا ابدا.. بجد شكرا على الحاجات الحلوه دي يا عمر
عمر :انتي كده مبسوطه مني صح
نور هزت راسها بالايجاب
عمر ابتسم ووقف قصدها بسعاده :يبقى تتجوزيني بقي
نور برقت بصدمه :افندم !!
سناء ضحكت عليهم وعمر اتكلم بحزن :انتي مش موافقه .. انا والله مش هبقي هزهقك وهكون الشخص اللي يفهمك زي ما قولتلي.. وهحبك وهسمع كلامك..بس نعيش مع بعض في بيت واحد.. وانا هيخليكي ملكه حتى بعد جوزنا
نور بستغرب : ملكه بعد جوزنا .. ايه اللي بتقوله دا
عمر : لما قولتي امبارح انك اتجوزتي.. واحد بيزهقك وهو مش بيفهمك
انا سألت سناء ليه تتحمليه وهو مش بيفهمك..
قالتلي ان الرجاله كلها مابيفهوش الست
و ان الواحده منكم بتبقى عايشه سعيده ومبسوطه في بيت ابوها زي الملكه
.. واكله شربه نايمه بمزاجها
تزهق وتحب تلعب دور الجاريه
وتجيب واحد رخم ورذل يزهقها في عشتها..
اطبخي وامسحي وروقي وربي العيال واشتغالي
.. وفي الاخر يجي يقولها انتي بقيتي وحشه كده ليه ويدور على واحده غيرها يرخم عليها من الاول.. بس انا مش هعمل معاكي كده خالص
نور بصت ل سناء :ليه كده يا سناء بطلعي عقدك على الراجل ليه يا سناء.. هو ناقص
سناء :انا ماكنش قصدي كده يا دكتوره انا بس
نور :انتي ايه ياسناء حرام عليكي.. انتي متعقده من جوزك دي بتاعتك يا حبيبتي …
يعني بسبب جوزك خليتي الرجاله كلها بالمنظر دا
سناء بزهق: يعني هو انا كذبت يا دكتوره .. ما كلهم زي بعض..
عمر قطعها:لا مش زي بعض.. نور انا مش هعمل كده بجد .. اتجوزيني انا..
وانا هعملك كل حاجه.. او نجيب سناء تعمل هي تروق وتطبخ.. وكل الحاجات اللي قالتها دي
سناء :انا اللي اروق واطبخ.. هو انت شايفني شغاله.. بقى كده يا عمر
عمر : ما هنخلصك من جوزك اللي بيزهقك
نور ضحكت : شوفتي.. اهو شافلك حل
سناء عوجت بقها بعدم رضي
وبصت نور ل عمر واتكلمت براحه: احنا ماينفعش نتجوز يا عمر.. لأنك اولا لسه عيان.. و انا اصلا دلوقتي متجوزه للاسف
عمر بغضب طفولي : يعني هو معتز دا احسن مني. مش انتي قولتي انك اتجوزتيه.. اشمعنا هو
نور بصت ل سناء :كمان قولتيلوا اسمه…
ولفت ل عمر : ما الست بتتجوز راجل واحد بس وانا اتجوزت معتز خلاص
عمر بضيق : بس
نور قطعته :هو احنا هناكل الكيك دا النهارده ولا امشي اشوف اللي ورايا
عمر بغصب :لا هنحتفل الأول.. وبعدين ناكل الكيك
.. وانا خلاص مش بحبك.. ومش عايز اتجوزك
نور ابتسمت علي تعبير وشه واحتفلوا هم الثلاثه بالعيد ميلاد البسيط جدا اللي عامله عمر وفرح نور جدا لان حد افتكرها
… ….
خلصت نور متابعة الحالات اللي عندها وهي ماشيه عدت على اوضة حنين بعد ما جاسر
غيرها
بأوضه في الدور الأرضي وكلها شبابيك مفتوحه عشان النور و الشمس يدخلوا الاوضه
دخلت نور وشافت حنين نايمه ومتقيده في السرير والمحاليل معلقه باديها
وجنبها ممرضه
نور : هو فين دكتور جاسر
الممرضه بهدوء : مش موجود من ساعة ما خرج الصبح مارجعش تاني
نور :تمام
قالتها نور وخرجت من الغرفه ومن المستشفى وروحت على البيت بعد ما جابت عشاء معاها
..
..
دخلت نور الشقه هو بتنادي على جاك
رد معتز :احنا في المطبخ
راحت نور اتجاه المطبخ واول مادخلت
كحت بقوه : ايه الدخان دا.. وانت قاعد كده ليه
قالت كلامها بستغرب لما شافته معتز قاعد في الأرض مقابل جاك بيأكله
وهو بيدخن بالشكل غريب
معتز :كنت بأكل جاك.. لقيته جعان
قال معتز كلامه بهدوء وقام يدخل الاوضه
نور حطت العشا على السفره وهي مستغربه حالة معتز ودخلت وره الاوضه بعد ما خبطت على الباب
معتز وهو مستمر بالتدخين :عايزه ايه
نور: كنت جايبه عشاء تحب تتعشي معايا
معتز بختصار :لا
نور كانت هتخرج بس رجعت بصتله بتردد : طيب.. هو انت كويس
معتز :مخنوق شويه وحابب اقعد لوحدي
طفي معتز سجارته و ولع غيرها
نور قربت منه وشددت السجاره من بين شفايفه:.. على فكره كده غلط جدا
كمية السجاير اللي بتشربها دي هتتعبك
..لو فيه مشكله بتواجهك
..حرق السجاير مش هيحلها
معتز بعصبيه: انتي مالك اصلا .. بتتدخلي ليه في حاجه ماتخصكيش فاكره نفسك مين
.. هو حد قالك اني محتاج النصيحه بتاعتك
نور طفت السجاره بهدوء : وعصبيتك دي
بردو مش هتحل مشكلتك
معتز بعضب متزايد : هو انتي مابتفهميش
.. ما تخليكي في حالك.. وطلعي بره
قالها وهو بيولع سجاره جديده
نور شدتها منه تاني : طيب ممكن تتكلم في اللي مزعلك وانا هسمعك وان شاء الله نلقي حل سوا ..و من غير عصبيه
.. او ممكن تتكلم مع أي حد بتثق فيه وتفكره مع بعض بالعقل والمشكله مسرها تتحل
.. بس لما تتعب من السجاير دي مرضها مالوش علاج أو حل
معتز بغيظ : اتعب ولا ماتعبش انت مالك يابنتي….
.. هو انتي شيفاني من المجانين بتوعك.. و المفروض اسمعك
نور بضيق :انا غلطانه واسفه ليك اني ادخلت.. وانا مبعتبركش مجنون بالعكس انت عاقل جدا
بس اي انسان بيتعرض ل ضغط بيحتاج اللي يسمعه ويساعده
وانا حبيت اساعدك لانك ابن عمي علي الاقل
.. بس اسفه تاني مره ليك .. انت صح ادري بمصلحتك
.. تحب انزل اجبلك علبه تاني غير اللي معاك تكمل اللي بتعمله دا
معتز :لا ماحبش .. واتمني انك تبعدي من قدامي دلوقتي وتخرجي .. عشان انا مش طايق نفسي
نور : حاضر
قالتها نور وخرجت من الاوضه وسابته
عدا ساعتين و معتز لسه بيدخن وهو بيفكر بصمت
حس بعطش وخرج من الاوضه عشان يشرب
شاف نور نايمه على الكنبه.. راح قرب منها.. وزعل من نفسه لانه كلامها بالطريقه دي وهي مالهاش ذنب
وقف قصاد الكنبه
معتز :نور.. نور قومي نامي على السرير
ملقاش منها رد.. وخد باله انها عمله نفسها نايمه
معتز اتنهد بضيق ووطي عليها و شالها
شهقت نور بخوف لفت اديها حولين رقبته
واتقبلت عينهم سوه
نور :انت بتعمل ايه
معتز بص لايد نور اللي حوطت رقبته وابتسم بخفه :هدخلك تنامي في الاوضه
بمأنك كنتي نايمه هنا ومش سامعني وانا بصحيكي
نور بغضب :لا كنت سامعه ومش عايزه ارد عليك
وانا هانام على الكنبه نزلني
معتز بعناد :لا هتنامي على السرير
قالها ودخل بيها الاوضه وهي بتحاول تنزل من حضنه و بتحرك رجليها بعشوائيه
زهق معتز من حركتها ووصل للسرير
ورمها عليه
نور صرخب بألم و مسكت ظهرها : ااااه انت بترمني كده ليه هو
انا شول بطاطس ما براحه ياعم اااه
معتز :تصبحي على خير
قالها معتز وخرج وقفل الباب وراه
نور بضيق :ومعترض على المجانين وهو اجنهم.. اااه ياظهري
قالتها وهي بتحضن المده بألم ونامت بسرعه
…..
فات يومين بنفس الشكل مابين نور في المستشفى واما بترجع البيت بتشوف معتز اللي غارق بتفكيره ومش بينزل من الشقه حاولت تتكلام معه تاني اكتر من مره وهو بيصدها بس بطريقه الطف
معتز كان ليه بيدخن وقافل تلفونه مش عايز يكلم حد
.. قعد على الكنبه بعد مانور نزلت شغلها
وهو ماسك قهوه في ايده وسجاره في الايد التانيه
و بيحاول يفتكر ايه اللي حصل بعد ما اتغده مع لولا
مش عارف ومش فاكر حاجه
بيفكر هو فعلا قرب منها ولا هي بتكدب عليه.
كل اللي فاكره انهم اكلوا سوا في جو رومانسي
ونام صحي من النوم لقى نفسه نايم في سريرها وهي جانبه بشكل فا.حـ.ش
ومجرد صور بتظهر في عقله مش واضحه بينهم
فضل يتنهد اكتر من مره وهو بيضغط على دماغه
وبيخبط عليها بيأس وبيسأل نفسه
.. هو لو حصل حاجه فعلا بينهم.. المفروض يعمل ايه
…….
خالد كان واقف بيخبط على باب شقة جاسر اللي بقاله يومين غايب عن المستشفى ومابيردش على تلفونه
فضل يخبط كتير على الباب وماحدش بيرد
نادي على البواب اللي طلع علطول
البواب :ايوه يا بيه خير
خالد: انا بخبط على دكتور جاسر من بدري مش بيرد.. هو مش موجود
البواب :.. لا يا بيه
موجود من اول امبارح ماخرجش من الشقه
خالد استغرب وخبط تاني بس مافيش فايده
قلق يكون حصله حاجه
خالد :احنا لازم نكسر الباب دا
البواب بترد :.. بس يابيه ممكن يحصل مشكله
خالد :مشكلة ايه ما انت بتقول انه جوه من يومين ومابيردش اكيد في حاجه اكسر الباب معايا
زقه الباب مره والتانيه اتكسر ودخل خالد يدور على جاسر في الشقه
ووقف قدام باب غرفته.. جااسر
……..