رواية نغم (وجع ودموع) الفصل العاشر 10 بقلم لبنى دراز
رواية نغم (وجع ودموع) الجزء العاشر
رواية نغم (وجع ودموع) البارت العاشر
رواية نغم (وجع ودموع) الحلقة العاشرة
يقول الله -تبارك وتعالى
أعوذ بالله من الشيطان الرجيم
: وَبَشِّرِ الصَّابِرِينَ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ أُوْلَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُوْلَئِكَ هُمُ الْمُهْتَدُونَ
😢😢😢😢😢
ويقول جل فى علاه
أعوذ بالله من الشيطان الرجيم
((يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي)). صدق الله العظيم.
نغم بقلمى✍️______________لبنى دراز
ألمانيا🇩🇪
فـ المستشفى
بعد ما طارق قال لـ أحمد عن مرضه و أتفقوا انهم هيروحوا سوا عشان يكشف و يتأكد و نزلوا فعلا ركبوا تاكسى رايحين المستشفى و هما فـ الطريق قال
أحمد:: بقلق أنت واثق يا طارق فـ المستشفى دى
طارق:: بتعب .. ماتقلقش يا أحمد المستشفى دى من أكبر المستشفيات فـ ألمانيا و متخصصة فـ أمراض الدم بس
أحمد:: طيب و الدكتور .. أنا لغاية دلوقتي مش قادر أستوعب اللى أنت قولته و مش عارف أفكر
طارق:: أحمد أرجوك أهدى لازم تستوعب بسرعة اللى حصل و ماتقلقش زى ما قولتلك المستشفى دى من أكبر المستشفيات هنا و صاحبها دكتور وليام يوهان أستاذ الأورام و تحديدا أورام الدم فـ جامعة برلين
أحمد:: بخوف .. برضوا مهما قولت انا مش مقتنع و قلقان
طارق:: مش مقتنع بأيه بالظبط هو انا لسة كشفت اصلا
أحمد:: بزعيق مش مقتنع انك عندك حاجة أصلا و كلام دكاترة مصر ده أى كلام و خلاص عشان يحللوا فلوسهم
طارق:: أحمد لو سمحت أهدى مش كدا .. أنا غلطان يعنى أنى قولتلك و خليتك تيجى معايا ؟!
أحمد:: أنت أصلا لو ماكنتش قولتلى كنت هزعل منك و مش هكلمك تانى
طارق:: خلاص يبقى تبطل اللى أنت بتعمله ده و ماتخلنيش أندم انى قولتلك و أسكت بقى عشان وصلنا
أحمد:: خلاص هسكت أهو
( الحوار بين طارق و الدكتور بالالمانى)
طارق:: وصل و نزل هو و أحمد دخلوا المستشفى و شاف الدكتور فـ استقباله .. صباح الخير دكتور وليام
د/ وليام:: صباح الخير دكتور طارق
تشرفت بمعرفتك كثيرا
طارق:: و أنا أيضا تشرفت بمعرفتك د/وليام .. و بيشاور ع أحمد يعرفه .. هذا صديقى د/ أحمد
د/وليام:: بيسلم ع أحمد .. تشرفت بمعرفتك كثيرا
أحمد:: هز دماغه .. شكرا لك
وليام:: لـ طارق .. انا أطلعت ع الملف
الخاص بك الذى ارسلته لى من خلال الفاكس و أعتقد اننا سنبدأ من جديد لنتأكد اولا من وجود المرض و فى اى مرحلة
أحمد:: لـ طارق و هو بيشاور ع وليام أهو حتى الدكتور العظمة ده شاكك اصلا فـ كلام الدكاترة بتوع مصر
طارق:: اصبر يا أحمد شوية
وليام:: بأبتسامة لـ طارق .. عفوا ماذا قال
طارق:: لم يقل شيء انه فقط يمدحك
وليام:: هز راسه بابتسامة لـ أحمد شكرا لك ..و لـ طارق هيا بنا نبدأ اولا الكشف ثم نقوم بعمل بعض الفحوصات اللازمة
طارق:: بتنهيدة وجع .. أتفضل أنا تحت أمرك
و بالفعل ابتدا الدكتور يكشف ع طارق و يسأله عن بعض الاعراض اللى بيحس بيها و طارق بيحكى كل اللى بيحصله بالتفصيل و فعلا بعد حوالى 4 ساعات خلص كشف و تحاليل و أشاعات و قال
وليام:: لـ طارق سأنتظرك بعد يومان لمعرفة نتيجة الفحوصات و متابعة العلاج
طارق:: حسناً .. شكرا لك د/ وليام الى اللقاء
و خرج بالفعل هو و أحمد من المستشفى راجعين ع الاوتيل
_____________________
فـ الاوتيل
نغم ::زهقت من القعدة لوحدها و اتصلت بـ حياة .. الووو حياة انا زهقانة اوى و طارق خرج بدرى و لسة مارجعش
حياة:: بنفس الزهق .. و انا كمان زهقانة اوى
نغم:: بقولك ايه هاتى معتز و تعالى أقعدى معايا
حياة:: خلاص أقفلى و انا هغير هدومى انا و معتز و أجى يلا سلام
وفعلا قفلت مع نغم و قامت غيرت هدومها هى و أبنها و شالته راحت عند نغم و خبطت الباب
نغم:: فتحت .. تعالى ادخلى و شالت معتز تلاعبه شوية .. ميزو القمر حبيبى انا و نزلته يلعب مع إياد و أسيل
حياة:: بتذمر .. هما بسلامتهم الاتنين خرجوا من بدرى و راحوا الجامعة و سايبينا هنا و نسيونا و لا ايه
نغم:: مش عارفة يا حياة أدينا قاعدين لما نشوف هيرجعوا امتى دول
حياة:: ما تتصلى ياختى ع طارق شوفيهم فين و جايين أمتى
نغم:: اتصلت و الفون مغلق أتصلى انتى ع أحمد
حياة:: مش مستنياكى ياختى اتصلت قبلك و برضوا مقفول
نغم:: وبعدين بقى فـ القلق ده .. مش عارفة ليه قلبى واجعنى اوى و خايفة
حياة:: و عينيها ع الولاد و هما بيلعبوا .. خايفة من إيه ياختى
نغم:: مش عارفة يا حياة طارق ليه فترة شكله تعبان بس مش بيتكلم و كل ما أساله مالك يقولى أرهاق مش أكتر بس حاسة ان فى حاجة مش طبيعية
حياة:: بطلى يابت افكارك دى .. عادى ما أحمد برضوا الفترة الاخيرة دى ع طول مرهق و تعبان طبيعى يعنى لاننا خارجين من امتحانات و كانوا مضغوطين
نغم:: بوجع فـ قلبها .. تفتكرى
حياة:: أكيد طبعا
نغم:: مش عارفة بقى .. بس يعنى دى مش اول مرة يا حياة يبقى مضغوط كدا بسبب الامتحانات
حياة:: ماتشغليش بالك انتى هيبقى كويس ان شاء الله .. المهم يرجعوا بس دلوقتي و نطمن عليهم بدل ما أحنا قلقانين كدا و مش عارفين نوصلهم
نغم:: بقلق .. عندك حق و شوية و رن فونها بأسم طارق .. و بلهفة ردت الووو طارق انت فين قلقتنى عليك
طارق:: بصوت مهزوز .. انا راجع يا حبيبتى و يلا أجهزى و جهزى الولاد عشان نخرج نقضى باقى اليوم برة
نغم:: حست ان صوته مهزوز .. مالك يا طارق فيك ايه يا حبيبى
طارق:: مافيش يا حبيبتى بس اصدقائى اللى قابلتهم صدعونى برغيهم هما و أحمد .. يلا بقى بطلى رغى انتى كمان و أجهزوا
نغم:: حاضر يا حبيبى و قفلت المكالمة و شافت حياة برضوا بتتكلم فـ الموبايل
حياة:: بعد ما قفلت المكالمة .. أنا هروح أجهز بقى انا و ميزو عشان أحمد و طارق جايين ياخدونا و هنخرج و اجهزى انتى كمان
نغم:: طارق قالى يلا يادوب أجهز انا و الولاد ع ما يوصلوا
و بالفعل كل واحدة أبتدت تحضر نفسها و ولادها و مستنيين طارق و أحمد يرجعوا عشان يخرجوا
_________________________
فـ مصر 🇪🇬
ڤيلا العامري
قاعدة هتتجن بسبب سفر طارق و نغم بعد ما عرفت انه هيغيب شهر بين ألمانيا و فرنسا و كالعادة ماحدش عارف يكلمها
غالية:: بعصبية .. بقى كدا يا طاااارق بتكدب عليا و تقول رحلة تبع الجامعة .. هى مافيش غيرها الجربوووعة بتاعتك تلاقيها هى اللى قالتلك بلاش تاخد أمك معاك
شيرين:: وبعدين يا ماما معاكى أهدي شوية أعصابك تعبت مش كدا
غالية:: عايزانى أهدى أزاى يا شيرين تقدرى تقوليلى أهدى ازاى و الست هانم بتحرض أبنى و تعلمه يكدب عليا
عايزة تستفرد بيه و تاخده لوحدها
وليد:: تستفرد بيه ازاى بس يا أمى دى مراته و أم ولاده مش حد غريب
غالية:: وليييد انت معايا و لا معاها
وليد:: معاكى طبعا يا حبيبتى
غالية:: طيب بتدافع عنها ليييه .. من أمتى أخوك بيكدب و يخبى عنى حاجة ؟؟ طارق أتعلم يكدب عليا من يوم ما عرفها و بسببها .. أكيد هى اللى بتقوله يعمل كدا
شيرين:: بصراحة بقى يا ماما نغم من وقت ما جات ليها سنتين و نص ماشوفناش منها حاجة وحشة و ساكتة مش بتفتح بؤقها خالص
غالية:: بغيظ نعم يا ست شيرين انتى كمان هتدافعى عنها
شيرين:: أنا مش بدافع عنها يا ماما بس بقول اللى شايفاه .. نغم لو أخلاقها مش كويسة كانت قالت لـ طارق كل حاجة حضرتك بتعمليها معاها و هو مش موجود
غالية:: بعصبية .. قصدك ايه يا مرات أبنى .. عايزة تقولى ان انا اللى ظالمة و مفترية و هى ملاك مش كدا ؟!
وليد:: لـ شيرين بهمس ايه اللى انتى بتقوليه ده و لـ غالية يا ماما شيرين ما تقصدش كدا خالص هى بس تقصد انها أكيد مش بتتكلم مع طارق عنك يعنى غير بـ كل خير
شيرين:: بالظبط كدا يا ماما هو ده اللى اقصده يعنى لو هى بتحرض طارق عليكى كان زمانه رجع شقته من بدرى
غالية:: بغـ ـضـ ـب و هى قايمة طالعة أوضتها .. انتوا خلاااااص مابقاش فى فايدة فيكم وااااضح كدا ان الست نغم عملتلكم غسيل مخ انتوا كمااااان خلااااااص شايفيني ظااااالمة و هى بريئة و مظلومة بس بكررررة هفكركم لما تلاقوا الدكتور المحترم كاتبلها كل حاجة يملكها بأسمها و بعد كدا تطلق منه و تدور ع نفسها و تسيبه بعد ما تاخد اللى وراه و اللى قدامه .. و سابتهم و طلعت اوضتها
شيرين:: بنفاذ صبر .. غالية زودتها اوى يا وليد بصراحة
وليد:: انتى ايه اللى خلاكى بس تقوليلها الكلام ده
شيرين:: بقول الحقيقة يا وليد انا فـ الاول كنت موافقة ع تصرفاتها و ساكتة قولت يمكن فعلا البنت مش كويسة بس بصراحة بعد ما عاشت معانا و شوفت تصرفاتها و تصرفات غالية صدقنى مافيش واحدة هتتحمل اهانات أمك و معاملتها زى الخدمين كدا و تسكت ما تقولش لـ جوزها زى نغم ما أستحملتها
وليد:: أيوا يا شيري عارف الكلام ده و من الاول قولتلك ان نغم رغم انها فقيرة و يتيمة بس أخلاقها عالية .. لكن ما ينفعش نقول لـ غالية الكلام ده
شيرين:: بس دى سلبية يا وليد و انا ما اتعودتش أكون سلبية او اشوف الحق و اسكت عنه
وليد:: لازم نسكت يا شيرين غالية لو غـ ـضبـ ـت علينا هنتعب اوى فـ حياتنا
و ماتنسيش صحيح انا اللى ماسك الشركات بس مافيش حاجة بتتم من غير أمرها يعنى ممكن ترمينا برة الشركة و الڤيلا و تخلينا نشحت
شيرين:: بتهز دماغها بنفاذ صبر من كلام وليد و بتسيبه و تقوم و لـ نفسها خليك خايف منها كدا و ساكت عن الحق
_________________________
فـ ألمانيا🇩🇪
فـ المستشفى
بعد يومين فعلا راح طارق و أحمد المستشفى عشان يعرفوا نتيجة الفحوصات اللى عملها و يتأكد من حقيقة وجود المرض او عدمه و هما داخلين
أحمد:: بتوتر .. أنا قلقان و خايف اوى يا طارق ربنا يستر
طارق:: بتنهيدة وجع .. ما تقلقش و خد الامور ببساطة عادى جدا
أحمد:: بأستنكار .. أنت ازاى كدا ؟!
طارق:: كدا اللى هو ازاى يعنى مش فاهم
أحمد:: ازاى واخدها ببساطة و كأن مش انت اللى بتكشف و تحلل
طارق:: ما هو عشان انا اللى بكشف و بحلل و عشان عارف النتيجة من الاول واخدها ببساطة
أحمد:: بعصبية .. برضوا هيقولى عارف و مش عارف ايه .. يا أخى افهم بقى انت ماعندكش حاجة و بزعيق ماااااعندكششش حااااااجة و مالكش دعوة بكلام دكاترة مصر خاااااالص انت فاااااهم
وليام:: طلع ع صوت أحمد من المكتب
و لـ طارق .. عفوا ماذا يحدث لما كل هذه الضجة و لماذا د/أحمد صوته مرتفع
طارق:: معذرةً د/وليام فـ صديقى قلقاً علىّ للغاية و خائف من نتيجة الفحوصات
وليام:: انا اتفهم مشاعره و لكن لا ينبغى عليه ان يرفع صوته هنا يجب الالتزام بالهدوء لـ راحة المرضى
طارق:: أعتذر نيابةً عنه د/ وليام هو فقط منفعل قليلاً .. و الان أخبرنى ما هى نتيجة الفحوصات الاولية
وليام:: امممممم انا لا أعلم كيف و من أين أبدء د/طارق و لكن
طارق:: بمقاطعة .. أبدء من حيث ما وصلت إليه نتيجة الفحوصات
أحمد:: بخوف لـ وليام .. هل يوجد شيء سيء فـ هذه الفحوصات .. وبزعيق اننننططططق ما تلعبش بأعصابى
وليام:: لـ أحمد .. عفوا انا لا أفهم لما انت غـ ـاضـ ـب الى هذا الحد
طارق:: د/وليام اترك أمر أحمد و أخبرنى ما هى نتيجة الفحوصات
وليام:: حسناً سأخبرك و لكن يجب عليك تقبل الامر
طارق:: بأستفهام .. هل نتيجة الفحوصات هى نفسها نتيجة فحوصاتى الاولى ؟!
وليام:: بأسف .. نعم هى نفس النتيجة
أعذرنى د/طارق فـ المرض تمكن منك و وصل الى مراحله الاخيرة
أحمد:: بصدمة نعععععم كيف .. ما هذا الهراء .. ماذا تقول
وليام:: انا أقول الحقيقة د/أحمد .. فـ حقيقة الأمر ان د/طارق تأخر كثيرا و صعب علاج حالته و حتى أن بدأنا العلاج الكيميائى و الاشعاعى لن يجد نفعاً سِوا تأخير أمر محتوم ليس إلا
أحمد:: بعصبية من غير ما يشعر مسك فـ الدكتور .. أننننتتتت بتقوووول ايه أنننتتت أكييييد أتجنننت اتصررررف طارق ما ينفعش يـ ـمووووووت أنت فااااااهم
طارق:: بزعيق .. أحححمد سيييبه ماينفعش كدا .. ايه اللى انت بتعمله ده هو مش ذنبه عشان تمسك فيه كدا سييييبه بقولك ده نصيبى و انا راضى
أحمد:: ساب وليام و شد طارق لـ حضنه و بدموع .. لأ يا طارق ماينفعش تسيبنى انا ماليش صاحب غيرك هو لاااااازم يتصرف و يعمل اى حاجة لازم يعالجك لاااازم تخف يا طارق فاهم لازم تخف عشانى و عشان نغم و إياد و أسيل أرجوووك ساعده انك تخف
طارق:: غمض عينيه بوجع و هو فـ حضن أحمد .. صدقنى انا كنت عارف و متأكد و راضى بقضاء ربنا بس حبيت أخد بالاسباب مش اكتر يمكن يكون فعلا تشخيص الدكاترة فـ مصر غلط بس طلع هنا كمان نفس النتيجة الحمدلله على كل حال .. يلا أعتذر للدكتور خلينا نتفق معاه ع كيفية العلاج و عدد جلسات الكيماوى
أحمد:: خرج طارق من حضنه و بدموع .. أعتذر منك د/وليام فـ أنت لا تعلم قدر محبتى و خوفى ع طارق فهو أكتر من صديق
وليام:: اتأثر جدا بالموقف رغم انه مش فاهم كلام أحمد و طارق بس رد .. انا أعلم جيدا هذه المشاعر و اتفهم غـ ـضـ ـبك د/أحمد و لكن يجب عليك ان تتماسك لكى تستطيع مساعدته فـ المرحلة القادمة
أحمد:: أعذرنى د/وليام فـ هذا صديقى الوحيد و أعتبره مثل أخى و صعب علىّ ان أعلم ما به و اقف عاجز هكذا
و بالفعل بعد أعتذار أحمد لـ د/ وليام اتفق طارق معاه ع طريقة العلاج و عدد جلسات الكيماوي اللى المفروض ياخدها و هياخد منهم جلستين فـ المستشفى قبل ما يسافر لـ فرنسا و هيكمل الباقى لما يرجع مصر و بعدها خرجوا من المستشفى و راجعين الاوتيل و هما فـ الطريق
طارق:: بوجع .. أحمد عايزك تسمعنى و تفهمنى كويس فـ اللى هقوله ده أرجوك ممكن؟!
أحمد:: بحزن .. بالله عليك ما تقولش كلام يوجعنى أكتر من كدا أنا خلاص مش قادر استحمل كفاية كلام الدكتور الغبى ده
طارق:: أرجوك يا أحمد أسمعنى و بلاش تقاطعنى لو سمحت
أحمد:: حاضر يا طارق هسمعك عايز تقول ايه
طارق:: سكت شوية و أخد نفس و خرجه بهدوء .. انا اللى فاضل من عمرى مش كتير يعنى مسألة وقت مش أكتر و حيـ….
أحمد:: بمقاطعة اتنرفز و بعدييين معاك بقى بلاش كلامك اللى يوجع ده .. مييين فينا ضامن عمره هااا
طارق:: بتعب و بعدين معاك انت قولتلك ماتقاطعنيش و سيبنى أكمل كلامى
أحمد:: نفخ بضيق و بعصبية اتفضل كمل
طارق:: يا أحمد أرجوك بقى اسمعنى .. انا عارف ان الأعمار بيد الله بس اللى انا فيه ده حقيقة قادر ربنا يشفينى منه و لو لا قدر الله أمر ربنا نفذ يبقى لازم اكون مطمن ع نغم و ولادى فاهمنى .. انا عايزك تاخد بالك منهم تخليهم جوة عينيك و بالذات نغم مالهاش حد غير ربنا ثم انا و انت وحياة من بعدى .. انا مش هثق فـ حد غيرك .. انت عارف ان وليد رغم انه حنين و بيحب ولادى بس ماشى برأى ماما
أحمد:: عارف يا طارق و طنط غالية مازالت مش قابلة نغم
طارق:: بالظبط كدا و كمان عمها مش هقدر أثق فيه .. اللى رماها و هى طفلة أكيد مش هيراعيها هى و ولادها من بعدى
أحمد:: بعصبية و بعدين معاك بقى يا طارق من بعدى من بعدى من بعدى انت اييييه يا أخى خلاص هتـ ـمـ ـو ت بكرة
طارق:: يا أحمد بلاش تقاطعنى قولتلك انا مش قادر اناهد معاك
أحمد:: بتنهيدة وجع .. خلاص كمل كلامك و مش هقاطعك تانى
طارق:: انا بعد ما عرفت بالكانسر قبل ما أجى هنا أتنازلت لـ إياد و أسيل عن نصيبى فـ الشركات و خليت نغم وصية عليهم .. هو صحيح ورثهم أصلا بس ما أعرفش النفوس ممكن تتغير فـ لحظة و عمهم ممكن يعمل معاهم زى عم نغم الله أعلم
أحمد:: لأ يا طارق انت غلطان وليد صحيح سلبى و ماشى بدماغ طنط غالية بس عمره ما كان طماع أبدا
طارق:: عارف والله يا أحمد و عارف انه عمره ما هياكل مال ولادى بس انا بقول الله أعلم ممكن يتغير عشان كدا كتبت كل حاجة لـ إياد و أسيل و نغم هى الوصية و بكدا ماحدش يقدر يبيع حاجة من غير علمها .. و بالنسبة ليها انا حطيت لها مبلغ كبير فـ البنك مع المبلغ اللى رجعه ليها عمها و كمان اشتريت لها أرض بأسمها و هبنيها بإيدى أعملها برج و أجهزلها فيه شركتها ان شاء الله إذا ربنا مد فـ عمرى لغاية ما تتخرج هقدمه ليها هدية نجاحها و إذا أمر ربنا نفذ و أخد أمانته قبل تخرجها عايزك توعدنى أنك تكمله و يوم حفلة التخرج تديلها هديتى فاهمنى يا أحمد
أحمد::بدموع شد طارق لـ حضنه صدقنى انت هتخف و هتبقى كويس يا طارق و انت بنفسك هتدى لـ نغم هديتها و كمان هتكبر معاها شركتها و تربي ولادكم سوا انت و هى
طارق:: خرج من حضن أحمد .. اسمعنى يا أحمد نغم أمانة فـ رقبتك عايزك تحافظ عليها و ماتخليش حاجة تجرحها و حاجة أخيرة عايزها منك عايزك تبقى شريكها فـ الشركة اللى هعملها عشان تقدر تاخد بالك منها انت عارف هى قد ايه رقيقة و هتبقى فـ بداية حياتها محتاجة دعم قوى يسندها و انا مش هبقى موجود
أحمد:: بس بقى كفاية كلام يوجع اسسسسكت مش قادر اسمع منك حاجة
طارق:: دى وصيتى ليك أرجوك نفذها و حافظ ع الأمانة لو ليا خاطر عندك .. و يلا بقى خلينا نرجع الأوتيل عشان نخرج و نتفسح كلنا و ياريت حياة ما تعرفش حاجة فاهمنى
أحمد:: حاضر يا طارق هنفذها و ما تخافش ع أمانتك هحافظ عليها ع قد ما أقدر
و بالفعل رجعوا الاوتيل بعد ما حاولوا يكونوا طبيعيين و داروا وجعهم عشان نغم و حياة ما يحسوش بحاجة
________________________
فـ الاوتيل
وصل طارق و أحمد و كل واحد دخل اوضته و جواهم وجعهم و قابلوهم
فـ اوضة طارق
نغم:: بأبتسامة كل ده تأخير يا دكتور
طارق:: بنفس الابتسامة .. انا ما اقدرش اتأخر ع روحي بس أعمل ايه بقى غصب عني
نغم:: يا سلام غصب عنك ليه بقى يا خويا
طارق:: اممممم غصب عنك ليه يا طارق غصب عنك لييه .. عشان يا قلب طارق محضرلك مفاجأة جميلة
نغم:: نطت بمرح طفولى .. هى ايه المفاجأة والنبي قول .. قول و النبي والنبي و النبي
طارق:: هز دماغه تؤتؤتؤتؤ مش هقول
نغم:: بطل رخامة بقى و قول عشان خاطرى
طارق:: قعد و أخد ولاده فـ حضنه .. يرضيكم كدا يعنى مامى بتقول عليا رخم .. بابا رخم يا إيدو شوفتى يا سيلو ينفع كدا
إياد:: بيلاغى مش بيعرف يقول غير بببابااا
أسيل:: بتتكلم شوية و بتكرر الكلام .. بابا لِحم أيدو
طارق:: بضحك لـ أسيل أشمعنى إيدو يعنى اللى نطقتيها صح يا شقية
نغم:: طالعة رغاية زى أبوها
طارق:: برفعة حاجب لـ نغم .. بقى انا رغاى ماشى ماشى و لـ إياد و انت هتفضل ساكت كدا مش هتقول حاجة
إياد:: بيضحك ببراءة ببابا طاااالق وبيسقف بفرحة انه قال اسم طارق هيييه
طارق:: ضحك بصوته كله و من بين ضحكه يعنى لما تنطق حاجة غير بابا تطلقنى كدا ع طول ههههههههههههه
نغم:: ههههههههههههه مش انت اللى عايزه يتكلم زعلان لييييه بقى
أسيل:: طالق طالق سحلان ليه
طارق:: ههههههههههههه فاضلى طالقة كمان يا سيلو و كدا تبقى جبرت يا قلب أبوكى و لـ نغم يلا يا حبيبتى أجهزى و جهزى الولاد عشان نخرج
نغم:: حاضر يا حبيبى
فـ أوضة أحمد
حياة:: مقموصة .. اتأخرت ليه بقى يا سي أحمد
أحمد:: بتعب .. معلش يا حياتى سامحينى
حياة:: بأستغراب .. مالك يا أحمد فيك ايه يا حبيبى
أحمد:: بوجع جواه بيحاول يداريه .. مافيش يا حبيبتى انا كويس
حياة:: لأ انت مش كويس يا أحمد أرجوك طمنى فيك ايه عشان خاطرى
أحمد:: يا حبيبتى صدقينى أنا كويس ما تقلقيش بس مصدع شوية
حياة:: سلامتك يا حبيبى استنى أنا معايا مسكن .. و جابت له شريط الاقراص خدلك واحدة تضيعلك الصداع ع طول
أحمد:: بهمس لـ نفسه و لا اقراص العالم كله هتضيع التعب اللى جوايا يا حياة
حياة:: شافت انه بيقول حاجة بس مش سامعاه .. بتقول حاجة يا أحمد ؟!
أحمد:: لأ يا حياتى ماقولتش .. و أخد منها قرص المسكن .. تسلم إيدك يا روحي .. أجهزى بقى يا قلبى و جهزى ميزو عشان هنخرج
معتز:: كان نايم و صحي ع صوت أحمد و نط فـ حضنه .. باباااا بيبيييي
أحمد:: حبيبى يا ميزو صح النوم يا بطل
حياة:: فضل يعيط كتير لما قام الصبح و مش لاقاك و نام تانى من كتر العياط
أحمد:: لـ معتز و دموعه بتهدد بالنزول .. هو في راجل بيعيط يا ميزو ؟!
معتز:: حط إيده الصغيرة ع وش أحمد ميزو حب بابا ميزو عيط قول بابا
أحمد:: و بابا بيحب ميزو كتييير خالص
حياة:: بمرح .. اه يانا اه ياللى ما لاقية حد يحبنى اه الواد و أبوه عاملين فيها العشق الممنوع وسايبينى لوحدى أه
أحمد:: ضم حياة فـ حضنه مع معتز و باسها من خدها هو انا ليا غيرك يا حياتى ربنا يخليكى ليا انتى و ميزو و يباركلى فيكم يارب
حياة:: و يبارك لنا فيك يارب يا حبيبى
أحمد:: طيب يلا بقى أجهزوا عشان نخرج قبل طارق ما يقيم علينا الحد
و بالفعل جهزوا كلهم و خرجوا و كانت المفاجأة اللى عاملها طارق لـ نغم انهم انتقلوا من برلين لـ ميونخ و وزاروا كل الاماكن الجميلة فيها و اتصوروا كتيييييير جدا و منها راحوا مدينة كولونيا و قضوا يوم ع ضفاف نهر الراين و الغابة السودا و لفوا كتير جدا و كل مكان يروحوا فيه يصمم طارق انهم يتصوروا فيديو و كمان صور فوتوغرافي و رجعوا بعد كام يوم برلين عشان يبتدى اول جلسات العلاج
________________________
فـ مصر🇪🇬
ڤيلا العامري
رجع طارق بعد مرور شهر من رحلته اللى ماحدش يعرف عنها غير انها فسحة و بس و قابلته
غالية:: بأبتسامة غيظ .. حمد الله ع السلامة يا حبيبى يارب تكون انبسطت فـ رحلتك
طارق:: بتعب خدها فـ حضنه .. الله يسلمك يا حبيبتى وحشتينى اوى يا أمى
غالية:: و انت كمان يا حبيب ماما وحشتنى اوى و بصت لـ نغم ببرود يارب تكونى ارتاحتى و انبسطتى
نغم:: الحمدلله يا طنط
غالية:: بعد ما خرجت من حضن طارق فتحت دراعتها لـ إياد و أسيل .. حبايب أنة وحشتونى
أسيل:: أنة ألية بيبى ( غالية حبيبتى)
إياد:: أنة بابا طالق بااااااى ماما نخم باااااى سيلووو باااااى
طارق:: بضحك .. يا ابنى يا حبيبى بقالى شهر بحفّظك اسمى طاااارق
إياد:: ضحك ببراءة طااااالق ههههههههههههه
غالية:: بتضحك ع إياد و مش فاهمة كلامه و لـ طارق بيقول ايه الولد ده
طارق:: بيقول هو كان بيخرج مع بابا طارق و ماما نغم و سيلو
غالية:: بلوى شفايفها و همس لـ نفسها اه شهر بحاله بتخرج و تتفسح مع الغندورة و ناسي أمك و لـ طارق شكلك تعبان يا حبيبى مالك
طارق:: ماليش يا حبيبتى ده بس تعب السفر و انتى عارفة بقى رحلة علمية وع طول خروج فـ اماكن معمارية جديدة بنتعرف فيها ع الجديد فـ مجال الهندسة المدنية و شوية فـ الجامعة بندرس اخر التطورات و شوية برة الجامعة فـ ما كانش فى نوم خالص
غالية:: بغيظ متدارى .. ايه ده بجد معلش يا حبيبى المهم تكون استفدت
طارق:: و هو بيقوم يطلع اوضته .. باس إيدها و راسها أستفدت كتير يا حبيبتى اسمحيلنا نطلع نرتاح شوية
غالية:: اطلع يا حبيبى و خد راحتك .. و بعد ما طلع طارق هو و نغم .. بنرفزة لـ نفسها بقى كدا يا طارق لسة بتكدب عليا حتى بعد ما رجعت مااااشى يا طارق براحتك خليك ماشى ورا الهانم بتاعتك لما نشوف أخرتها
وليد:: داخل الڤيلا و شايفها متنرفزة .. مالك يا غالية مين منرفزك و معصبك بالشكل ده
غالية:: هيكون مين يعنى غير أخوك و الجربوعة بتاعته
وليد:: مالهم بس يا غوغو عملولك ايه
غالية:: بغيظ أخوك راجع من السفر بعد شهر و لسه بيكدب عليا برضوا و مصمم انه كان فـ رحلة علمية تبع الجامعة
وليد:: بدهشة .. ايه ده هو طارق رجع ؟!
غالية:: بعصبية انا بقولك ايييه و انت فـ اييييه .. أه رجع بسلامته و شكله تعبان و لما سألته قال انهم ماكانوش بيناموا قال ايه من الجامعة للأماكن المعمارية اللى بيتعلموا منها أخر التطورات بذمتك ده كلام يدخل العقل
وليد:: و فيها ايه بس يا أمى كلامه منطقى هو دكتور جامعة و طبيعى يكون رايح يتعلم أخر التطورات زى ما قال
غالية:: ولييييد ما تعصبنيش أكتر ما انا متعصبة انت فاهم
وليد:: حاضر يا قلب وليد سلامتك من العصبية يا غوغو .. هى شيرين فين مش شايفها يعنى
غالية:: شيرين فـ اوضتها و الولاد كمان فـ اوضتهم
وليد:: خلاص ياقلبى انا هطلع أخد شاور و أغيّر هدومى و أنزل انا و شيرين و الولاد عشان نتعشى سوا
غالية:: خلاص يا حبيبى أطلع و انا هقولهم يحضروا العشى لغاية ما تنزل و خبط ع أخوك عشان ينزل معاك
وليد:: حاضر يا حبيبتى
و بالفعل طلع وليد عشان يغير هدومه و ينزل هو و شيرين و كمان طارق ونغم و ولادهم
_______________________
فـ الجامعة
بعد مرور سنتين اللى حصل فيهم طارق بنى الأرض بنفسه و معاه أحمد لـ نغم و طلعها برج كبير جهز لها شركتها و عمل ورق الشراكة مع أحمد عشان يقدر يدعم نغم زى ما وصاه طارق .. نغم تفوقت زى عوايدها كل سنة بأمتياز و قبل حفلة التخرج عرفت بالصدفة بمرض طارق رغم انه حاول بكل الطرق يخبى عليها .. أحمد كان مع طارق بأستمرار فـ رحلة علاجه ما كانش بيسيبه و لو كان الامر بيتطلب انه يتحجز فـ المستشفى كان بيروح معاه و يقولوا انهم مسافرين تبع الجامعة و اول ما يتحسن يرجع كأنه كان مسافر فعلا .. غالية طبعا زى ما هى بل زادت جبروت بس قصاد طارق ملاك بريء و من وراه كالعادة مبهدلة نغم و أخيرا النهاردة حفلة تخرج نغم و حياة
طارق و أحمد ع منصة التكريم مع عميد الكلية و رئيس القسم و بيسلموا الطلبة شهادات التقدير و درع التكريم
حياة:: لـ نغم بذمتك ده شكل واحدة هتتكرم و هى بتتخرج من الكلية اللى ياما حلمت بيها
نغم:: بحزن .. عايزانى أفرح ازاى يا حياة بعد ما عرفت بمرض طارق
حياة:: يا نغم مش يمكن فرحتك دى تكون سبب شفاه و بعدين سلمى أمرك لله هو قادر زى ما جاب المرض قادر يشيله عنه و يشفيه
نغم:: بتنهيدة وجع .. يارب يا حياة
حياة:: ان شاء الله يا نغم هيخف و يبقى زى الفل بس انتى أدعيله
نغم:: قبل ما ترد سمعت أسمها فـ المايك و طلعت ع منصة التكريم
طارق:: و هو بيسلمها بنفسه شهادة التقدير و الدرع باس جبينها .. مبروك يا حبيبتى .
عندمـا تتخاطب العيون، تكون أبلغ من أي كلام.
أحببتُكِ حتى توقف الحب عند عينيكِ، أحببتُكِ حتى نطقت كل قطرة من دمي بأنّي أعشقُكِ، أحببتُكِ حتى ذرفت العين دموع الخوف إذا فكرت في بعُدكِ، أحببتُكِ حتى نسيت كُل حياتي، وأصبحتِ أنتِ حياتي.
نغم:: بأبتسامة حزينة .. الله يبارك فيك يا حبيبى و بدموع و عينيها فـ عينيه .. تتحدث العيون عندما يعجز اللسان عن الكلام.
حبيبي… أتساءل هل برحيلك يرحل الفرح عن عمري… هل ستكون ابتسامتي باهتة لا قيمة لها… أم أنني سأعيش حياتي كما عشتها وأنا معك… لا أدري لِمَ أسأل نفسي رغم أني أعرف الإجابة على تساؤلاتي… أشعُر أن الحياة بعدك ستفقد أجمل وأمتع ما فيها… فذكرى الأيام التي عشناها ستبقى تخفق في قلبي… ورسمك الجميل سيبقى يتراءى أمام عيني… حبيبي… حبيبي… إلى الأبد.
طارق:: بهمس .. بحبك و سلمها هديتها .. اتفضلى يا حبيبتى هدية نجاحك مفاتيح شركتك شركة نغم للمقاولات .. مبروك كمان مرة يا أجمل نغم فـ حياتى
نغم:: بدموع ربنا مايحرمنيش منك أبدا يا حبيبى
طارق:: بسعادة و لا يحرمنى منك .. يلا انزلى بقى عشان أكمل تكريم باقى الطلبة
نغم:: بأبتسامة .. حاضر
و فعلا نزلت نغم و بعد فترة خلصت الحفلة و قرر طارق يرجع مع نغم شقتهم يقضوا ليلتهم فيها و يحتفلوا مع بعض بنجاحها و تخرجها و بالفعل بعد ولادهم ما ناموا قضوا مع بعض ليلة مميزة جدا و كأنها أخر ليلة فـ حياتهم
________________________
فـ ڤيلا العامري
فـ أوضة طارق
بعد يومين من حفلة التخرج رجع من الشركة طلع أوضته هو و نغم بعد الغدا و قال
طارق:: بتعب .. نغم ممكن تجيبى الولاد من اوضتهم
نغم:: بقلق و قبضة قلب .. لسة نايمين من شوية يا حبيبى ارتاح انت ساعة كدا يكونوا صحيوا و ألعب معاهم براحتك
طارق:: معلش يا حبيبتى صحيهم عشان خاطرى و هاتيهم اصلهم وحشوني أوى عايز أشبع منهم
نغم:: بصلته جامد و قلبها زادت قبضته .. حاضر يا حبيبى هروح أجيبهم و أجى
طارق:: لأ ما تقوميش من جنبى رنى الجرس ع هنية تطلع تصحيهم و تجيبهم
نغم:: طيب ايه رأيك نروح أنا و انت سوا نصحيهم و نجيبهم هنا و بلاش هنية ؟؟
طارق:: بأبتسامة حزينة .. حاضر يا حبيبتى يلا بينا نروحلهم سوا
و فعلا راحوا اوضة أياد و أسيل و صحوهم و رجعوا بيهم اوضتهم تانى
نغم:: مبسوط يا حبيبي ؟؟
طارق:: بدموع .. طول ما عينى شايفاكم انا مبسوط و فرحان أوى
نغم:: ربنا يخليك لينا يا حبيبى و تفضل تحاوط علينا فـ حضنك و فـ عينيك
طارق:: أنا بحبك أوى يا أحلى نغم فـ حياتى
نغم:: و أنا كمان بحبك أوى أوى .. لأ أنا بعشقك يا أحلى حاجة حصلت لى فـ عمرى كله
طارق:: باس جبينها و باس ولاده و فتح موبايله ع وضع التسجيل و بدموع فضل يكلم إياد .. عايزك تاخد بالك من ماما و من أختك هما من بعد ربنا مالهمش غيرك فاهم يا باشمهندس .. اوعى فـ يوم تخليهم يناموا زعلانين و لا تخلى دموع نغم تنزل لانها أجمل نغم فـ حياتى و أجمل حلم انا حققته .. أنا عارف انك لسة صغير و مش فاهم معنى كلامى بس سجلتلك صوتى عشان لما تكبر تسمعه و تفهمه كويس و تنفذه
إياد:: بيضحك و يسمع طارق و فجأة رد .. حاضر يا بابى مش تخاف عليهم
طارق:: بأندهاش .. انت فهمت يا إياد اللى انا كنت بقوله ؟!
إياد:: أيوا يا بابى انت قول خلى بالك من مامى و سيلو
طارق:: حضن إياد و أسيل بدموع عينيه .. عارف يا إياد انى سايب راجل ورايا هيحافظ ع نغم حياتى و أسيل عمري ربنا يحميك يا أبنى و تبقى قد المسؤولية و تحافظ عليهم
نغم:: بخوف .. أنت بتقول كدا ليه يا طارق .. و ليه الدموع دى ماااالك فييك ايه
طارق:: خدينى فـ حضنك يا نغم أحضنينى أوى ماتسيبينيش
نغم:: بدموع أخدته فـ حضنها و هو حاضن ولاده جامد
طارق:: و هو فـ حضنها رفع عينيه ليها .. هتوحشينى أوى و عايزك تكونى أخر حد عينى تشوفه قبل ما أمشي
نغم:: بخوف أكبر .. تمشي تروح فين يا طارق .. عايز تمشي تروح فين قول و انا أروح معاك
طارق:: نطق الشهادة .. أشهد أن لا إله إلا الله و أشهد أن محمد رسول الله .. و غمض عينه و خرجت روحه لبارئها و هو فـ حضن نغم و ولاده فـ حضنه
نغم:: سمعته بينطق الشهادة و كدبت نفسها و بدموع .. طارق أنت نمت ؟! أنت نمت يا طارق مش كدا ؟! أرجوك رد عليا و قول أنك نمت بالله عليك رد عليا فتح عينك يا طارق عشان خاطرى مرة واحدة .. طيب بلاش انا بص كلم إياد و أسيل بينادوا عليك و بيقولوا أصحى يا بابا كلمهم رد عليهم
و بأنهيار بتهز فيه جامد .. طاااااااااااارق لااااااااااااااااااااااا أبووووس أيدك يا طارق ما تسبنيييش أنا ماليش غيرك بالله عليك ما تسيبنى لوحدى يا طارق بلاااااااش تكسرنى .. أعيش أزاى أنا دلوقتي .. طاااااااااارق قووووووم بقى بلاش هزااااار طااااااااااااااارق
وليد:: سمع صريخها هو و شيرين و دخلوا جرى عندها و شاف الولاد مخضوضين و بيعيطوا .. طارق ماله يا نغم أخويا ماااااله
نغم:: منهارة و حاضنة طارق و ولادها .. طارق مش عايز يصحى يا وليد مش بيرد عليا صحيه يا وليد عشان خاطرى و خليه يكلمنى طب يكلمك و يقولك لو زعلان مني هصالحه و مش هزعله تانى بس يقوم
شيرين:: شافتها بالحالة دى و شافت الولاد بيعيطوا أخدتهم من حضنها بالعافية و خرجت بيهم وديتهم اوضة ولادها و رجعت
وليد:: برعشة و صوت مهزوز .. طارق أصحى يا طارق مالك يا حبيب أخوك أوعى تكون عملتها و مشيت و الله أزعل منك ده انا ماليش غيرك يا طارق طيب رد ع نغم مش هى دى حبيبتك اللى حـ ـاربت الدنيا عشانها هتسيبها و تمشى كدا طيب غالية دى تروح فيها يا طارق أرجوك
شيرين:: بدموع وليد أهدى خلاص ماينفعش الكلام ده كدا انت بتعذبه
نغم:: بصوت ضعيف .. أصحى يا طارق عشان خاطرى أرجوك و فجأة صرخت صرخة هزت جدارن الڤيلا لاااااااااااااااااااااااااااااااااا
غالية:: كانت راجعة من برة و هى داخلة شايفة قلق و الشغالين بيجروا .. و بزعيق فى اييييييه مالكم بتجروا كدا ليه هى القيامة قااااامت
هنية:: بدموع .. دكتور طارق يا هانم
غالية:: بخضة .. ماله طارق اننننطقى
هنية:: ما…. قاطعها جرى رغد بنت وليد
رغد:: بدموع عمو مـ ـات يا أنة عمو مـ ـات يا أنة
غالية:: بخوف .. عمو مين يا رغد
رغد:: عمو طارق مـ ـات يا أنة
غالية:: بصريخ أنننننننتتتتى بتقوووولى اييييييه طاااااااارق و طلعت السلم بسرعة و دخلت اوضة طارق شافت نغم واخدة طارق فـ حضنها مش عايزة تسيبه و وليد و شيرين قاعدين جنبه الناحية التانية وقفت مكانها ع باب الاوضة و مش قادرة تتحرك و بتنادى ع طارق
شيرين:: شافتها قامت راحتلها تعالى يا ماما استريحى
غالية:: برعشة فـ كل جسمها .. فى ايه طارق ماله انتوا عاملين كدا .. أخوك ماله يا وليد
وليد:: مشي و سابنا يا أمى طاااارق مااااااات يا غالية ماااااااات يا غاااااالية
غالية:: مرة واحدة شدت نغم بعيد وقعتها فـ الارض اننننننتتتتيييي السسسسسبب انننننتى اللى موتيييييييه أبني كان كوييييييس خارج الصبح كوييييييس سلم عليا و قال هتوحشينى يا أمى أبنااااااااااااى طااااااااااااارق قوم يا قلب أمك ماتكسرش ضهرى يا حبيبى قوم عشان خاطرى
نغم:: قامت من الارض رجعت تانى جنب طارق بأنهيار قوم يا حبيبى رد عليا طيب رد ع مامتك قوم يا طارق
غالية:: رغم اللى هى فيه قامت بكل جبروت شدت نغم من دراعها وقعتها ع الارض و فضلت تجرجر فيها لغاية ما طلعتها برة الأوضة و قفلت الباب
نغم::بتخبط ع الباب بدموعها .. أبوس أيدك يا طنط أفتحى الباب .. أفتح يا وليد طب أفتحى انتى يا شيرين عشان خاطرى طب عشان خاطر طارق أفتحولى الباب بالله عليكم
شيرين:: صعبت عليها نغم و بهدوء قامت فتحتلها الباب دخلتها تانى
غالية:: بصريخ لـ شيرين انااااااااا مش خرجتهاااااااااا بتدخليها ليييييييييييه
شيرين:: أهدي يا ماما طارق جوزها ماينفعش اللى حضرتك بتعمليه ده
غالية:: أبنييييي مااااااااااااات بسببها و تقولى أهدى اناااااااااا هوديها فـ دااااااااهية هبلغ عنها أكيد هى اللى قـ ـتـ ـلته عشان تورثثثثثثه طلعووووهاااا برررررااااااا .. و قامت مرة تانية شدتها خرجتها برة الاوضة تانى
نغم:: خدت تليفون طارق فـ المرة دي و أتصلت بـ
أحمد:: ايوا طارق انا جايلـ و قـ ـطـ ـع كلامه لما سمع
نغم:: بدموعها .. طارق مـ ـا ت يا أحمد و قفلت من غير ما تسمع رده
نغم بقلمى✍️__________لبنى دراز
أنا بعتذر جدا عن صعوبة البارت و عارفة انه هيوجع ناس كتير بس للاسف ده كان لازم يحصل عشان تكمل الأحدث و نشوف غالية هتعمل ايه مع نغم .. ورونى بقى توقعاتكم و قولوا ايه اللى ممكن تعمله غالية فـ نغم
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نغم (وجع ودموع))
