رواية نعمة (العالم الآخر) الفصل الرابع 4 بقلم حمادة زهران
رواية نعمة (العالم الآخر) الجزء الرابع
رواية نعمة (العالم الآخر) البارت الرابع
رواية نعمة (العالم الآخر) الحلقة الرابعة
انا كنت متضايقه ان جوز اخت جوزي كان هيتاذي بسببي….
كنت قاعده لوحدي قولت بصوت عالي انا مش عايزاكم انا عايزه اعيش حياه طبيعيه…..
وبالفعل عدى فترة ما كنتش بسمع اي حاجه لحد ما حصلت كارثه ابن اختي جوزي كان بيحلم احلام وحشه كتير وبيحس بحاجه غريبه وكان مش بينام وبدا يحصله نوبات غريبه وبيتشنج ويغمى عليه……
“محمد ابن اخت جوزي اصغر مني ب9 شهور في الوقت ده كنا اصحاب انا وهو”
انا كنت عارفه ان انا اقدر اساعده جابوا شيوخ كتير لكن محدش عرف يساعده وحالته كانت بتسوء اكتر…..
اخذت القرار وقولت لازم اساعده….
ما كنتش عارف اعمل ايه بس كان عندي يقين اني هعرف اعالجه بس كنت خايفه على الحمل…..
كنت قاعده عندهم ومحمد كان تعبان خالص….
قولت في بالي تعالوا انا عايزه اساعد محمد….
بقولكم تعالوا وفعلاً شميت ريحتهم وحسيت بوجودهم…. روحت على المصحف وقرأت سوره معينه ومحمد قدامي بيتشنج ويصرخ….
بعدها سبت المصحف وقرأت قرآن كتير من غير ما ابص في المصحف…..
بيقولوا ان صوتي اتغير بس كان صوت حلو اوي….
ام محمد وابوه قالوا مين اللي كان بيقرا ده مش صوتك انتي…..
مرديتش….محمد بدا يفوق وقام من على الارض وبقى كويس وانا من غير اي كلام طلعت شقتي ونمت نوم عميق وتاني يوم قومت وأنا كلي نشاط وصحه كويسه…..
محمد طلع عندي الشقه قال ممكن افهم يانعمه انتي عملتي ايه……
=انت حاسس بحاجه….
-لا انا كويس جدا بس انا عايز اعرف انت علجتيني ازاي.. =مش عارفه يا محمد المهم انك بقيت كويس….
-الشيوخ ما قدروش عليا وانت خلتيني مربوط في الارض ازاي من غير ما تلمسيني…..
=يا محمد انا ما اعرفش خلاص بقى اقفل الموضوع ده…..
من وقتها بدأت أحب موضوع العلاج ده وكنت لما امشي في الشارع لو في حد قدامي اعرف من غير ما يتكلم أن كان عنده سحر ولا مس…..
طلبت اني أشوف اللي معايا….
قالوا ممكن اتشكل في اي شكل يعجبك…..
قولت لا انا عايزه اشوف شكلكم….
بعد اصرار مني ظهر خيال على الحيطه….
قولت انا مش خايف اظهر وفجأة نمت وانا قاعده….
شوفت واحده واقفه قدامي شكلك مش حلو بشعه جداً….
وقصيره جداً والشعر مغطي جسمها كله ومخبيه عنيها….
حاولت أقرب مع أني كنت من جوايا مرعوبه لكني قومت من النوم…..
ولقيتها فعلاً موجوده قدامي وكانت مخبيه عنيها قولتلها انت اللي بسمعك دايما….
قالت ايوه….
قولت لها طيب ليه مش عايزه تبصيلي…..
قالت انا بحبك مش عايزاكي تخافي مني ومش عايزه اخسرك…..
قولتلها لا شيلي ايدك وشالت ايدها…..
شكلها يفزع القلب….
من كتر التوتر والخوف كنت حاسه ان انا هولد وانا لسه في السابع…..
كانت عينها حمراء اوي اوي حاولت ما بينش خوفي في الوقت ده قالت تسمحلي اتشكل في اي حاجه انتي عايزاها وتشكلت في شكل حلو اوي بنت شديدة الجمال…..
“شكلها الاساسي”
تشبه القرد شعر مغطي جسمها كله ومغطي وشها….
عنيها حمراء ووشها من كتر الشعر والسواد الداكن مش باين ملامح….
شكلها التاني كان حلو اوي وبجد كنت بحب شكلها ده اوي كنت بتكلم معاها كتير اوي تقدر تقول كنا اصحاب…..
وبعرف حاجات كتيره اوي منها….
كنت بعرف منها حاجات عن العالم بتاعهم وحاجات في العلاج وهي كانت شاطره جدا في العلاج…..
وكنت بساعد ناس كثيره من المعارف…..
لما اكون متضايقه كانت تسمعني…..
بدأت أشوف حلم غريب اوي ودايما مش بيكمل….
كنت بشوف نفسي اني ماشيه معاها في مكان غريب كأني ماشيه على سحاب وفي باب في أخر الطريق….
ولما كنا نوصل عند الباب تقولي ادخلي…..
وانا اقول طيب تعالي معايا….
تقولي ما اقدرش ادخل معاكي ما حدش يقدر يدخل غيرك انتي بس….
كنت ادخل وامشي طريق طويل وكنت بشوف نور جامد اوي بدأت اشوف واحده واحده مصدر النور كتاب…..
الكتاب ده كان شكله حلو وكل ما اقرب عليه ينور اكتر…..
واول ما أمسك الكتاب حاجه كانت جوايا تقولي ايه لا واوقف حيرانه اجيب الكتاب زي ما هي عايزه ولا لا…..
وبصحى من النوم وهي تزعل…..
الحلم ده اتكرر كتير 3 سنين بحلم نفس الحلم كنت كل يوم احلم بيه واقوم تعبانه….
ولما كنت اسالها عن الحلم ده كانت تغير الموضوع وتتهرب مني…..
اهلي واهل جوزي كانوا بيحبوني شايفين ان انا عندي قوه غريبه…..
كنت دايما بحس ان في سر لسه ما اعرفوش…..
كنت ولدت وابني تم خمس سنين وخلفت كمان بنت اصغر من أخوها بسنه……
وانا كنت لسه بحلم بنفس الحلم…..
وفي يوم ابني كان مع عمته في مشوار ولما رجعوا اشتكت منه انه عمل حاجات غلط……
زعقت لأبني وضربته بالقلم ودخل نام في الاوضه…..
وانا نمت على الكنبه بره وفجأه سمعت صوت ابني بينادي عليا صوته هزيل وتعبان…..
قومت دخلت اجري عليه وصرخت لما شوفته…..
وشه كله دم وهدومه مليانه دم…..
جريت عليه وقولتله ايه اللي عمل فيك كده…..
جوزي قال اهدي بس وغسلوا وشه وبدأ أبني يوقف نزيف الحمد لله…..
لما سألته ايه اللي عمل فيك كده……
قال انا شفتك وانت بتزعقيلي انتي يا ماما اللي ضربتيني على وشي…..
رديت عليه وقولتله بس انا فعلاً ضربتك قبل ما تنام…..
قال لا جيتي وضربتيني تاني بس ما كنتش ايدك كانت ايد حد تاني يا ماما ايد مليانه شعر…..
فهمت ساعتها…..
تاني يوم نزلت ابني عند عمته وابوه راح الشغل وفضلت انا بس وقولت اظهري وظهرت…..
قولتلها ليه عملت كده…..
قالت مش انا اللي ضربته حدي تاني……
قولتلها انتي او حد ثاني انا مش عايزه اشوفكم تاني امشوا وسيبوني……
وفعلاً مشيوا وانا بدأ حالي يتغير واحلم احلام وحشه…. واحلم حلم الكتاب تاني بس المره دي مش هي البنت حد تاني بيدخلني غصب عني في حلم الكتاب…….
بدأت احس بنفس جنبي….
واحلم بحد بيعتدي عليا غصب عني….
وبقوم من النوم زي الميتين مش حاسه بالدنيا واللي فيها…. الوضع زاد اكتر والحلم اللي كان فيه حد بيعتدي عليا بيقي حقيقه…..
في يوم كنت في اوضتي نايمه وابني وبنتي قاعدين بره وانا كنت بحلم حد بيعتدي عليا……
وفجأة سمعت صوت بنتي بتصرخ وبتقول ألحق ماما يا بابا طلعت اجري من الاوضه وبقرب من بنتي علشان اعرف مالها بعدت عني وصرخت…..
مش عايزاني ألمسها بنتي كانت خايفه مني وانهارت……
وانا مش فاهمه حاجه……
جوزي مسك البنت وقالها اهدي يا حبيبتي احكيلي شفتي ايه……
قالت شوفت ماما مرفوعه من السرير وجسمها عاري وبتصرخ وبتقول سيبني حرام عليك كفايه وشفت ايد سوداء وضوافر زي الاسد مغروسه في ظهر ماما وماما تصرخ وتعيط وانا فضلت انادي عليها وابكي وهي مش بترد عليا…. طبطب عليها وقال معلش انتي شكلك كنت بتحلمي ماما كويسه يا حبيبتي ما تخافيش……
أنا دخلت السرير بتاعي وانا نفسي اموت جوزي دخل ورايا وكان مرعوب جدا……..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية نعمة (العالم الآخر))
