رواية نعمة (العالم الآخر) الفصل الثاني عشر 12 بقلم حمادة زهران
رواية نعمة (العالم الآخر) الجزء الثاني عشر
رواية نعمة (العالم الآخر) البارت الثاني عشر
رواية نعمة (العالم الآخر) الحلقة الثانية عشر
هدى قالت أن الأم كانت بتضرب ابنها في الحمام وابنها اتمس……
قولت طيب والتانيه دي عايزه ايه من الولد….
هدى قالت عايزاه ابنها بدل اللي مات…….
قولت ازاي فهميني…..
قالت كان عندها ابن بس مات….
قولت طيب ماشي انا فهمت….
وقولت لام الواد عايزاكي واتكلمت معاها هي وجوزها وفهمتها ان ضربها لابنها في الحمام كان السبب…….
قالت والله مش قصدي وفضلت تبكي……
قولت طيب وحدي الله……
قولت على سوره من القران معينه وتسبيح معين تقراهم على ميه ويشرب منها……
قولت نادي ابنك….
والمره دي الواد جي قال هي ماما الوحشه فين هي هنا….. ضحكت وقولت انت شاطر وشجاع اوي ايوه هي هنا وانا وعدتك اني هاخدها معايا وانا مش عايزاك تقول ماما الوحشه تاني عشان انت عندك ماما الحلوه دي بس……
قال يعني هي مش هتخوفني ولا تضربني تاني…..
قولتله طبعا…..
قال طنط والنبي مش هي مش هتيجي تاني صح……
قولتله صح وقومت علشان امشي الولد مبتسم وبيشاور بايده ليا باي باي….
خليت هدى تظهر تاني علشان الولد يشوفها وهي خارجه معايا من البيت……
وانا طالعه بعد الشكر والسلام من الاب والام وخالته وجوزها لفت نظري جوز خالت الولد…..
قولتله بلاش تعمل العمليه دي……
قال هو انتي عرفتي ازاي قولت مش مهم ازاي المهم ظهرك محتاج حجامه مش عملية لازم تعمل حجامه وهتكون تمام…
مشيت وبصيت على الولد وهو كان بيبص علي المتسلسلة وقال مع السلام…….
مشينا أنا والشيخ محمود قال ما شاء الله عليكي الله اكبر يا نعمه…..”ابتسمت”…..
قال انا بقيت اتعلم منك عارفه يا نعمه انا معايا حاله 3 سنين مش عارف اعالجها…..
قولتله ازاي…..
قال مش عارف ده سحر ولا لبس ولا ايه بالظبط…..
قولتله طيب بكره ممكن نروح نشوفها……
قال يا ريت والله يا بنتي…….
رجعت البيت وكان في دماغي سؤال…..
قولت يا هدى تعالي لو سمحتي عايزه افهم اللي كانت مع الولد راحت فين……
هدى قالت هي بتتحبس تحت الارض…..
قولت هي ممكن تأذي الولد تاني قالت ان شاء الله لا ما تخافيش…….
قولت تمام….وتاني يوم رحت مع الشيخ محمود عند الحاله الجديده…..
وصلنا عماره فخمه جدا طلعنا ودخلنا لقينا راجل ضرير وواحده في سن 35 كانت اختها الحالة……
دخلنا على الحاله كانت ست في سن الاربعين نايمه في السرير مش بتتحرك….
سمعت منها قصتها قالت انا على الحاله دي من 10 سنين….. انا بتشل سنه برجلي وسنه بايدي……
قولت مش فاهمه……
قالت اه والله والشيخ محمود عارف ده وبيحاول يعالجني من 3 سنين وعدي عليا شيوخ كتير اوي وعملت استئصال رحم من غير سبب……
دخلت اختها بس باين عليها الرعب……
هدى قالت الست دي راحت عند دجال مع عمتها من 10 سنين….
فجأة قولت هو انتي كنتي هتتجوزي ابن عمتك…..
قالت ما شاء الله عليكي قالت ايوه فعلاً بس هو قبل الفرح مات…..
قولت طيب ايه اللي طلعك الجبل عند اللي بتقولوا عليه سيدنا الشيخ……
قالت هو انتي عرفتي ازاي……
قولت هو خد دم منك…… قالت لا…..
قولت انا متاكده احكي بالتفصيل كل اللي حصل اليوم ده….. قالت بعد موت ابن عمتي قبل جوازنا بشهر عمتي تعبت اوي بس كانت زي ما تكون كرهاني…..
طلبت مني اروح معاها عند سيدنا الشيخ قولتلها انا بخاف منه قالت معلش يا بنتي انا تعبانه وعايزه اعالج رجلي…..
قولت ماشي ورحت معاها ولما وصلنا عنده قعدت انا وعمتي على الارض……
قال لا انتي اقعدي على الكرسي ده…..
“كان كرسي من الجريد”
صحيح انا لما جيت اقعد على الكرسي كان فيه مسمار في الكرسي لما قعدت دخل كله في رجلي…..
“قاطعتها”
قولت خلاص مش عايز اعرف حاجه تاني وطلبت من اختها تجيب أدوات حجامه وطلبت ميه وملح……
وقولت اللي في معدتك مش هيطلع غير بدم……
قالت مش مهم بس ابوس ايدك عايزه اكون كويسه…..
قولت قولي يا رب وقريت قرآن على الميه وشربتها ومن اول كوبايه رجعت فعلا دم بس كان دم اسود ونزل كثير جدا……
بدأت أقرأ قرآن وهدى وعبد الجبار جنبي وانا بمسح بأيدي على جسمها حسيت بحاجه غريبه بتتحرك في رجلها…..
قولت للشيخ محمود يطلع بره وطلبت من عبد الجبار كمان يطلع عشان هكشف جسمها…..
واول ما كشفت رجلها شفت حاجه بتجري في رجلها….. اختها صرخت وقالت في حاجه هنا بتتحرك……
فعلا كان في حاجه في حجم الفار صغيره اوي ماشيه في رجليها….
قولت هو ده مكان المسمار….. قالت اه…….
وبدأ يتحرك جامد فضلت اقرأ قرآن وحصلت حاجه غريبه مكان المسمار طلع دم……
اختها قالت يا لهوي الحقي ياست الحقي……
مكان المسمار بينزف والحمد لله قدرت اطلع الحاجه دي…..
هدى قالت الحمد لله……
قولت في ايه قالت ده سحر بالمرض وبلبس الجن وخدمة السحر……
عملتلها حجامه وقولت لسه يومين كمان حجامه وطبعاً مع قراءه القران الكريم…..
مشيت وتاني يوم عملتلها حجامه وكانت زي الفل…..
وتالت يوم روحت لقيتها قالبه البيت وبتعمل كل حاجه بايدها…..
اول ما شافتني جرت عليا وبتقول مش عارفه اقولك ايه ربنا يسترك يا ست الكل…..
قولت الحمد لله…..
ما كنتش مرتاحه لأختها وحاسه فيه حاجه……
الست بقيت زي الفل جوزها قال اؤمري يا ست الكل كل اللي تقولي عليه تحت امرك…..
قولت لا انا مش عايزه حاجه…..
قال والله انتي والشيخ محمود فوق دماغي……
الشيخ محمود قال هناخد مواصلاتنا بس……
قال لا طبعا وفعلاً اده الشيخ محمود مبلغ كويس ومشينا…… وبعد كام يوم الست اتصلت عليا وقالت انا بستاذنك اجيلك انا وجوزي……
قولت اه طبعا اتشرفوا في اي وقت…..
وفعلا حضروا وكانوا جايبين زياره كبيره قولت ايه ده….. جوزها قالي دي حاجه بسيطه…..
قولت لا معلش انا مش بحب كده…..
جوزي قال يا جماعه ده ما لهوش لازمه……
جوز الست قاله انت لو تعرف احنا دفعنا دم قلبنا طول العشر سنين لحد مراتك ربنا يباركلها في عمرها هي اللي أنقذتها….. الراجل قالي بصراحه كنت عايز أسألك على حاجه…..
قولت اتفضل……
قال هو انا ممكن اشوفك تاني عايز اعرف عشان ما اعلقش نفسي بأمل على الفاضي……
قولت ده بسبب حادث صح……قال صح…..
قولت بس انت حصل عندك دمور في شبكه العين يعني مفيش نسبه 1%…….
قال الحمد لله على كل حال طيب يا ست الكل عايزك في موضوع تاني……
قولتله اتفضل…..
قال ابن اخويا متجوز من سنتين…..وسكت….
اتكلمت مراته وقالت بصي هو ابن اخته بصراحه ما لمسش مراته لحد دلوقتي ومفيش اي سبب……
هو كويس بره البيت بس لما بيكون في البيت مش عارفين ايه اللي بيحصله……
على فكره محدش يعرف انها لسه بنت…….
قولت طيب انا لازم اشوفه……
قالوا طيب مش مشكله نجيبه هم في الصعيد بس نجيب…… ومشيوا من عندي رنيت على الشيخ محمود وقولتله الحج محمد كان هنا هو ومراته وجابوا حاجات كتير لو سمحت تعالي علشان لازم اديك نصها……
ضحك وقال انتي واحده محترمه جدا هو اتصل بيا وجابلي زياره زيك…..
بس انتي بنت اصول يا نعمه…..
قولت كتر خيرك وقفلت منه…….
وبعد يومين الست اتصلت بيا وقالت الشاب ومراته وصلوا… روحت انا والشيخ محمود وقابلنا الشاب ده هو ومراته……
اول ما شفتهم قولت هو انت يوم حنتك اكلت هريسه.
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية نعمة (العالم الآخر))
