رواية نظرة حب الفصل الرابع 4 بقلم هدير وائل
رواية نظرة حب البارت الرابع
رواية نظرة حب الجزء الرابع
رواية نظرة حب الحلقة الرابعة
اسلام – ايه اااا انتي بجد مش موافقه عليا يا بحر
بحر – اسمع بس و اهدي انا موافقه بس بشرط صغنون
اسلام – اللي هو ايه
بحر – هنلبس دبل و كتب الكتاب و الفرح لما تقوم علي رجلك .. اشطا
اسلام – ( ضحكت جوا نفسي و قولت فهمت قصدك يا بحر حلو الشرط ده عشان تخليني اقف علي رجلي … سكت شويه و قولت ..)
-وانا موافق بس عندي شرط
بحر- لا بقولك ايه انا اللي بشرط بس
اسلام – ايه يا ست هانم انا خطيبك يا ماما يعني تسمعي كلامي
بحر وطيت صوتي – ايه ده انت بتزعق لي طيب و اتنرفزت كدا ، ( عليا صوتي تاني ) لا يا حبيبي فوق احنا مكتبناش الكتاب و اقوم اتلحلح كدا يا خويا و انت يا استاذ ادم شوفلنا دكتور كويس عشان نبدا علاج و معلش يا استاذ زياد شوفلنا عربية تبقي معانا عشان نتحرك بيها معلش
ادم و زياد في صوت واحد – حاضر
( ماما خدت عمو و طنط و مشيو و أنا فضلت معاه لحد م زياد يجي بالعربية
اسلام – سرحانه في ايه
– ها .. لا ابدا مفيش
– انطقي يا بحر
– مفيش يا اسلام كنت بفكر في اللي جي
– طيب بصي يا ستي كل الي انتي عايزاه انا هعملهولك ، بس كل اللي طالبو منك اهلي … اهلي يبقو في عينك يا بحر
– انت عبيط يا بني انت بتوصيني علي مين … علي اهلي دول جدو و تيتة اللي انا اتحرمت منهم ، دول مش اهلك لوحدك يا اسلام ، دول اهلي برضو حتي لو مكنش حصل بينا نصيب
– شكرا ، شكرا علي كل اللي بتعمليه معايا و اللي لسه هتعمليه
– انت اللي شكرا ، عشان انت من يوم معرفتنا و انت بتعمل كل حاجه عشان نبقي كويسين و مش ناقصنا حاجه و بعدان كفايا أن اللي انت فيه بسببي
( محستش غير و دماغي بتقولي ده انت صعبانه عليها و هيا شفقانةعليك يا بني .. بطل هبل بتحبك ايه بس)
اسلام – يعني .. يعني انتي مش معجبة و لا حتي بتحبيني ، هو ..هو انتي شفقانة عليا أو ..او يعني …
بحر – اسكت يا اسلام .. اسكت و شيل الكلام ده من دماغك ، مفيش الكلام انا فعلا مع … اقصد يعني
اسلام – تقصدي ايه ، كملي يا بحر تقصدي ايه
بحر – أقصد أن انا ، في ايه يا اسلام ده احنا لسه حتي مقرأناش الفاتحه صلي علي النبي في قلبك
اسلاك – ده انتي فصيله يا بت يخربيتك
زياد – احم انا جيت مش يلا و لا ايه
بحر – اه .. اه يلا
– ( زياد شال اسلام و حطو علي الكرسي و روحنا للدكتور كشف علي حالته و قال
الدكتور – لو مشيت علي العلاج ده بالظبط و بدأنا التمرينات في أقرب وقت هتقدر تقوم علي رجلك
بحر – ( بصيت لاسلام و ابتسمت وقولت
اكيد يا دكتور أن شاء الله البركه في ربنا ثم في حضرتك و أنا اوعدك أنه هيمشي علي كلامك بالحرف
الدكتور – كويس اوي يبقي هنمشي علي الدوا ده اسبوعين و نبدا بعدها التمارين أن شاء الله ، اه صح النفسية اهم حاجه النفسية تبقي متظبطة ، و الف سلامه علي حضرتك
اسلام -الله يسلمك يا دكتور
(بدأت امشي علي الادوية ، و شايف حماس في عين بحر و عيونهم كلهم عام اقف من تاني … و نيجي ليوم تلبيس الدبل
الهام -مبسوطالك اوي يا حبيبة ماما ، اخيرا كبرتي و بقيتي عروسه زي القمر ، مبروك يا روحي
بحر – حبيبتي يا ماما ، ده عيونك يا جميل ، الله يبارك فيكي يا حبيبتي
( عملنا الخطوبة علي الاد اهلنا و ادم و زياد و شغلنا اغاني و أعدنا نهيص و نرقص ، شفتها و هيا بتضحك و ترقص و حتي اتصورنا صور كتير و أعدنا نهزر و نضحك اليوم كان حلو … اليوم كان حلو بيها ، كنت كل شويه ببص علي الدبلة اللي محفور عليها اسمها ، كنت مبسوط .. مبسوط بيها و ليها و ليا قطعت تفكيري و قالت …
بحر – خطشيبي العزيز سرحان في ايه
اسلام – و لا يا حاجه يا خطبشتني العزيزة
بحر – هههه ده احنا هنشوف ايام ، يا ماما طلعت مخطوبة لواحد اهبل برضو
( ضحكنا كلنا و اليوم خلص علي كدا ،انا كنت مبسوطه ، كنت مبسوطه بجد لأول مرة دخلت اوضتي و فضلت اتنططت و اضحك و ارقص ، كله كله حطيت ايدي علي قلبي كنت حاسه أنه هيخرج من مكانه من كتر الفرحة .. عدي كام يوم و مشينا علي الدوا و النهارده أول يوم في التمرين
بحر – جاهز يا بطل
اسلام – جاهز ، يلا بينا
( روحنا مكان التمرين و قابلنا شاب وسيم و قمر كدا و حِلاوة
علي – اهلا بحضرتك ، استاذ اسلام ، اهلا بحضرتك يا
بحر – بحر اسمي بحر
اسمك حلو
اسلام – احم احم افندم يعني ، اعتقد تركز معايا ، انا المريض هنا
بحر حسيت بغيره اسلام فقررت تسبهم -احم طيب انا هسيبكو مع بعض بقي شويه
اسلام علي آخره من نظرات ذلك المدرب – بص يا عم انت
علي – عم .. اسمي علي أن شاء الله
اسلام – طيب يا استاذ علي ، تنزل عينك من علي بحر لأنها ( بسخرية بيقلد طريقته ) خطيبتي أن شاء الله
علي – اه اسف مكنتش اعرف ( بصتله نظرة بمعني انتي بتاعتي انا و بس فضحكت ) تمام نبدا
اسلام – فضل يقول علي حجات كتير كدا و بدأت اعملها و وقفني بين حديدتين و حاولت اقف علي اد مقدر وقفت بتاع دقيقه لاقيتها ببتتنطت و بتسقف زي الاطفال و بعدها انا وقعت جريت عليا و عينها اتملت دموع ..ااااااااهه
بحر – حصلك حاجه ، حاسس ب ايه يا كابتن .. يا كابتن علي
علي – ايه في ايه عادي يقف و يقع امال هيتعلم ازاي احنا بنتعامل معاه كأنه طفل بنعلمه ازاي يمشي من اول و جديد يا استاذه بحر
بحر – ايوا بس مش خطر عليه
علي – لا متقلقيش الارض كلها من السفنج عشان ميحصلوش حاجه ، يلا اسلام عشان نسخن تاني و ترجع تقف
( عدي 4 شهور ، 4 شهور تمرين و تعب و فلوس و غضب و زعيق و خناق بينا و وصلت بينا
اسلام بزعيق و عصبية – بقولك ايه انا مش قادر اكمل ، انا مش عايز امشي ، روحي شوفيلك غيري انا زهقت ، انا محدش يتحكم فيا و محدش يبصلي نظرة الشفقة ده ، انا هعرف اخلي بالي من نفسي ، المكافأة بتاعتي و المعاش بتاعي يعيشوني انا و اهلي ملوك ، لكن مش هتيجي حتة بت في الاخر هيا اللي تصرف عليا و هيا تتآمر و تزعق لا فوقي ، مش معني اني في الحالو يبقي هسمحلك فوقي
بحر – بقي انا ببصلك نظرة شفقة و أنا بصرف عليك و انت زهقت مني صح ، طب بقولك ايه .. عايزني اشوف غيرك ، انت غبي صح انت قعدت فترة كبيرة في غيبوبة كان ممكن اشوف حد تاني ، ماجد صاحبك كان متقدم بس موافقتش عليه عارف لي ( اترضطت ثواني اني اتكلم بس اتكلمت ) عشانك يا غبي ، عشانك عشان مشفتش حد يناسبني ادك مشفتش أن في حد ينفعني غيرك ، بس انت اللي غبي مفهمتش ، ايه اللي يخليني اسستناك ، ايه اللي يخليني استني ها قولي ايه … بُعد و مش هبعد و علي قلبك يا اسلام الكلب
( خرجت و سبتهم كلهم مزهولين باللي قولته ، انا نفسي معرفش ازاي قولته .. عدي يوم و اتنين و انا مشفتوش بس عرفت أنه بيروح التمرينات و زياد و ادم بيعملوا شفتات عليه كل واحد يوم عدي فتره مش قليلة حوالي 6 شهور بدأ يمشي كويس ، بس لسه بيتعب ، شوفته و أنا نازله رايحه الشغل و هو كان طالع نزلت و كاني معرفوش مسك ايدي و قال …
اسلام – حقك عليا انا اسفه ، انا عارف اني ضغطت عليكي كتير و قولت كلام اكتر و مينفعش يتقال ، بس صدقيني وقتها اعصابي كانت بيظه و نفسيتي كل حاجه كانت بايظه و علي يدك يا بحر حقك عليا يا حبيبتي ، انا عارف اني مهما قولت مش هيكفي عشان انتي شلتي كتير بس حقك عليا صغنن
بحر – اولا ايدك يا استاذ انت لسه مبقتش جوزي + انا مش زعلانه انا مقدرة اللي انت كنت فيه و خلاص عدت ( انا مهزأة و معنديش كرامه عارفه بس اعمل ايه يعني خطشيبي بقي )
اسلام – طب ايه رايك بما اني اتحسنت كتير و بقيت كويس اه مش اوي بس يعني ، نكتب الكتاب
بصيت في الأرض و قولتله – اللي تشوفه
اسلام – طب تعالي ، ماما يا بابا ، يا حماتشي العزيزة ، انا قررت نكتب الكتاب بكرا
الحجة – مبروك يا حبيبي ربنا يهدي سركو (صوت الزغاريد بن في المكان و المباراكات كلمت صحابي و هيا كلمت صاحبها في الشغل و جه اليوم الموعود اللي هيا هتكون في مراتي اخير و هعرف اتكلم و المس أيدها من غير ضوابط اصل انا سافل يا جماعة ده يا مين خلاني مبقاش سافل معاها المأذون حصر و كلنا موجودين و ..
المأذون- اين والد العروس
الحج – انا يا شيخ في مقام والدها
المأذون- و اين العريس
اسلام – انا اهو
المأذون – طب نبدا علي بركه الله
مجهول – ثواني يا سيدنا الشيخ هو ينفع مراتي تتجوز عليا
( صدمة ظهرت علي وش الجميع و أولهم كان بحر و اسلام )
يا ترا ايه اللي هيحصل هنعرف البارت الجي … 🖤✨
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نظرة حب)
