رواية نظرة أمل الفصل الخامس 5 بقلم هيام ختعن

رواية نظرة أمل الجزء الخامس

رواية نظرة أمل البارت الخامس

رواية نظرة أمل الحلقة الخامسة

لحلقه(5)
ماتفكرش في الماضي عشان تعرف تعيش الحاضر ديما اقفل كل الصفحات اللي عدت في حياتك عشان تعرف تكمل طريقك ممكن فرصه واحده تغير حياتك للاحسن
وذهبت ندي الي المستشفي لامل وسيف زي ما وعدتهم
سيف. : ندي وحشتيني
ندي. : بابتسامه وانت كمان وحشتني عامل اي
سيف. : الحمد لله انا قولت لماما أنها تحرجني من المستشفي عشان زهقت
ندي. : ي ريت عشان ترجع تدرب تاني بيانو
سيف. : بحزن بس مش هعرف العب كوره
ندي. : احنا قولنا اننا نتقبل اللي حصل معانا ونشوف احنا موهوبين في اي ونشتغل عليه
سيف. : ماشي
وشاورت ندي لمامتها أنها تجيب البلايستيشن واتجهت منال اتجاهم وعطيت لندي البلايستيشن
ندي. : بابتسامه البلايستيشن وليك هديه تانيه اول ما ترجع تدرب بيانو
سيف. : بفرحه شكرا ي ندي انتي احلي صحبه واخت في الدنيا
وكانت ندي مبسوطه عشان قدرت تفرح سيف
ديما لو في ايدك انك تخلي الناس اللي حواليك مبسوطين حتي لو بحاجه بسيطه اعمل كده
امل. : بتعب. عاملين اي
ندي. : الحمد لله مالك
امل. : بتعب وعين باكيه جسمي تاعبني من الجلسه
ندي. : معلش ي حبيبتي انتي بطله ولازم تكوني قويه بصي جبت للك اي
وطلعت ندي علبه الوان كبيره وابتسمت امل وكانت مبسوطه بيها وفضلوا قاعدين بيضحكوا بيهزروا ونسيت امل تعبها وسطت قاعدتها معاهم
ومر الوقت وراحت ندي عند علي عشان يكملوا التصاميم وبيشوفوا الناس اللي هتنفذ وشافوا مشغل وراحت ندي مع علي واتكلمت مع العاملين في المشغل والكل كان حاببها واتفقت معاهم ع كل حاجه واستاذن علي من منال أنها تسبب ندي وان هو هيروحها وبعد محايلات من علي فعلا مشت وكانت قلقانه ع ندي
علي. : اي الاخبار
ندي. : تمام انا اتفقت معاهم ع كل حاجه
علي. : بابتسامه تمام
ندي. : اطمن كل حاجه هتخلص في الوقت اللي احنا عايزينه ان شاء الله
علي. : وانا مطمن وواثق فيكي
ندي. : بابتسامه شكرا
علي. : انا جعان اي رايك نروح مكان نقعد في وناكل
ندي. : تمام ثواني ارن ع ماما اشوفها اختفت فين
علي. : الصراحه انا قولتلها انها تروح واقنعتها بالعافيه وانا هروحك لو ماكنش دا هيدايقك
ندي. : كانت مدايقه أنه اخد قرار من غير ما يرجع لها وكانت مدايقه اكتر من مامتها انها مشت وسابتها
ندي. ‘ معلش ي علي خلي الخروجه دي وقت تاني لاني تعبانه وعايزه اروح
علي. : انت ادايقتي مني
ندي. : الصراحه انا مش بحب حد ياخد قرار يخصني
علي. : انا اسف ماكنتش اعرف انك هتدايقي
ندي. : لا عادي خلاص بس معلش ممكن تروحني
وبدأت تحرك الكرسي المتحرك اتجاه الباب واتفجات بوجود سلمي خطيبه ياسين
سلمي. : عامل اي ي علي
علي. : الحمد لله تمام انتي عامله اي
سلمي. : الحمد لله تمام
علي. : بيشاور ع سلمي بنت عمي وشاور ع ندي ودي ندي شريكتي
سلمي. : بنظره كلها شفقه اهلا بيكي
ندي. : كانت مصدومه وكانت حزينه جدا بس كانت بداري حزنها بابتسامه اهلا بيكي
سلمي. : انا ممكن اتابع لكم للشغل بنفسي من غير ماتتعبي نفسك وتيجي عشان ظروفك وكده
ندي : كانت حزينه من كلمه سلمي ونظراتها بس دارت كل دا بابتسامه شكرا انا حابه اتابع كل حاجه بنفسي لاني بحب شغلي جدا ودي حاجه مش تعباني ووجهت نظرها لعلي. ممكن نمشي
علي. : ممكن
وودعوا سلمي ومشوا شالها علي عشان يركبها العربيه وقتها حس احساس غريب وكانت نبضات قلبه متسارعه زي عقارب الساعه وكان مستغرب اي اللي بيحصل معاه وفضل باصص لعنيها وسرحان وهي كانت مستغربه نظراته ليها
ندي. : علي في حاجه
علي. : لا مافيش اسف سرحت
وركبها العربيه واتجه اتجاه الباب اللي بيركب منه واخد نفس عميق وركب العربيه وكان طول الطريق ساكت ومش عارف اي اللي بيحصل معاه وليه قلبه كان بيدق كده لا اكيد دا مش حب انا ماشوفتهاش غير مرتين اكيد مش بالسرعه دي وكمان. ظروفها لا ي علي انت مش بتفكر كده دي عطيه ربنا البنت جميله وظرفها مش بايديها وفاق ع صوت ندي
ندي. : انت كويس
علي. : ايوه
ندي. : اصل لاقيتك ساكت وسرحان
علي. : لا انا تمام ماتقلقيش ما تزعليش من طريقه سلمي هي أسلوبها كده
ندي. : لا عادي انا عارفه أن مش كل الناس هتبقي كويسه معايا وتتقبل ظروفي
علي. : انتي بنت جميله جدا ومش شايف أن دي حاجه تأثر عليكي فكك من كل الناس المهم انك انتي تكوني راضيه
ندي. : بابتسامه الحمد لله
وبعد وقت وصل علي ندي وطلعها وهي كانت مدايقه من مامتها عشان سالتها ومشت
ندي. : مشيتي لي وسبتيني
منال. : هو اتحايل عليا وانا معرفتش أخرجه
ندي. : صح مايصحش تحرجيه بس يصح تحرجي بنتك وتخليها تحتاج للي يشيلها ويركبها العربيه واصعب عليه
منال. : لا ي حبيبتي انا والله ما كان قصدي كده
ندي. : ولا كان لو مدايقه انك طول اليوم معايا بره هشوف سواق مع نانسي يبقوا معايا
منال. : لا ي ندي انا مش مدايقه انا مش هسيبك تاني حقك عليا
ونادت ندي ع نانسي ودي البنت اللي مامتها جابتها عشان تساعدها في خدمه ندي وجات نانسي دخلت ندي اوضتها ودخلت منال معاها وغيروا لندي هدومها وقعدوها ع السرير وخرجت نانسي وفضلت منال جنب ندي
منال. : ماتزعليش مني
ندي. : خلاص ي ماما مافيش حاجه لنا مدايقه
منال. : من اي علي دايقك
ندي. : لا عارفه خطيبه ياسين تبقي بنت عم علي
منال. : بصدمه اي وهتعملي اي
ندي. : ولا حاجه المشغل بتاع باباها وطبعا لازم نكمل معاه لأننا مضينا عقد وماينفعش نتراجع
منال. : هيبقي صعب عليكي
ندي. : ماتخافيش عليا انا داخله تحدي مع نفسي اني انسي ياسين واركز في حياتي وبس
منال. : اتمني دا أكلتي
ندي. : لا علي كان عايزنا نروح مكان وانا رفضت
منال. : لي
ندي. : انتي عارفه أني مابحبش حد ياخد قرار عني
منال. : بس هو اكيد ماكنش قصده وهو لسه مايعرفوش انتي مابتحبيش اي
ندي. : اللي حصل بقي
منال. : طيب انا هقوم اعملك اكل
ندي. : ماشي
.ومسكت ندي هاتفها وكلمت نرمين وحكت لها كل حاجه حصلت معاها وبعد ما قفلت مع نرمين جات لها رساله من مازن
مازن. : عامله اي
.ندي. : الحمد لله تمام انت عامل اي
مازن. : الحمد لله طمنيني عليكي
ندي. : بخير عرفت من خالته انك مسافر
مازن. : ايوه وهاجي قريب
ندي. : تيجي بالسلامه
مازن : الله يسلمك انا لسه عارف من يومين باللي حصل معاكي
ندي. : الحمد لله ع كل حال فتره صعبه اووي ي مازن بس هتعدي
مازن. : الحمد لله انا جنبك
ندي. : شكرا ي مازن
مازن. : عرفت انك شاركتي علي صحبي
ندي. : ايوه فيروز اللي عرفتني عليه انا كنت مترددة بس نرمين وفيروز هما اللي شجعوني وعلي شخص كويس ومحترم
وكان ما ن هيموت من الغيره عليها مجرد التفكير بس انها شغاله مع علي مدايقها كان بيتمني أنه يكون معاها وكان هو اللي شاركها بس الترتيب دا بيبقي بايد ربنا مش بأيدينا
مازن. : ايوه هو كويس خلي بالك من نفسك
ندي. : حاضر
وانهت ندي الشات مع مازن وطلعت دفتر بتكتب فيه وكانت بتقرا الكلام اللي كانت كتبها لياسين
عندما جمعت بيننا صدفه يوما ما كنت اخاف كثيرا من الاقتراب لكن اشعرت بأمان جعلني لا اريد شئا غيرك فاذداد قربي اليك فأصبحت اعشق صوت انفاسك التي تجععلني اشعر بالامان فأصبحت طفله صغيره تعلق بروحك ولا تريد الا البقاء
دعمت عيناه واشتاق قلبها لي وبصوت باكي شبه مسموع
ندي. : وحشتني اوي ووحشني الكلام معاك انا بحاول انساك بس مش عارفه الموضوع طلع صعب اووي رغم اني بشغل وقتي بس لازم يجي عليا الليل واشتاق ليك انت كنت كل حاجه ليا واحلي حاجه ماتوقعتش انك تبعد عني عقلي رافض يستوعب انك مع حد تاني غيري وبالسرعه دي انا بدعي ربنا أنه يخرجك من تفكيري وقلبي لاني فعلا تعبانه من غيرك
وافقت ع رن هاتفها وكان علي
ندي. : الوو
علي. : بقلق مالك انتي بتعيطي
ندي. : انا تمام مافيش حاجه
علي. : لا في طيب انتي تعبانه اجي للك
ندي. : لا انا تمام افتكرت حاجه بس دايقتني
علي. : لو حابه تتكلمي معايا ونكون صحاب انا ماعنديش مانع
ندي. : انا حاليا بجد مش هعرف احكي اي حاجه لاني لما بتكلم في الموضوع بدايق
علي. : لا خلاص ماتحكيش عشان ماتدايقيش وبعدين انتي قمر اصلا وماينفعش القمر دا يدايق
ندي. : بابتسامه شكرا ي علي
علي. : ممكن اجي اخدك الصبح ونفطر مع بعض ونروح المشغل
ندي. : ماشي
علي. : بفرحه اتفقنا
وانهي علي المكالمه مع ندي وكان مبسوط جدا أنها وافقت وكان بيقول لنفسه رغم اني بشوف بنات كتير وبتعامل معاهم بس اول مره في حياتي احس بالإحساس دا معقول اكون حبيتها بالسرعه دي ولا متعاطف معاها عشان وضعها انا متلغبط بس انا ببقي عايز طول الوقت افضل معاها ويبقي عايز اكلمها دائما انا متلغبط اووي بجد
ورن هاتفه باسم شذي ودي البنت اللي مرتبط بيها
شذي. : اخيرا رديت
علي. : اي مافيش عندك حاجه اسمها عامل اي واخبارك من اول المكالمه خناق
شذي. : انا طول اليوم بكلمك وانت مش بترد
علي. : مشغول انتي عارفه أن مافيش وقت ع افتتاح المحل
شذي. : المحل اهم مني
علي. : شذي انا تعبان وعايز انام
شذي. : علي انا عارفه انك زعلان مني بس انا والله بكلم احمد كصحاب مش اكتر
علي. : بصي ي شذي احنا اتكلمتا في الموضوع دا كتير وانتي برضو زي ماانتي وقولت للك اني مش عايز اكمل وانتي برضو عماله تحاولي ريحي نفسك بقي وابعدي
شذي. : علي انا بحبك وانت عارف
علي. : لا انتي مش بتحبيني انتي بتحبي علي اللي بيقول حاضر ونعم وبيرضيكي علي اللي بيخرج وبيفسح وبيصرف عارفه ي شذي انا اكتشفت أن اللي بنا دا مش حب فبلاش نظلم بعض خلي بينا احترام أننا لما نشوف بعض نسلم
شذي. : دا اخر كلام عندك
علي. : ايوه
شذي. : ماشي ي علي براحتك
وانهي علي المكالمه مع شذي ونام ع السرير ورجع تفكيره مع ندي اللي مش بتروح من باله من يوم ما شافها ومسك اموبايل ودخل ع الاكونت بتاعها وفتحت صورها وفضل يقلب في الصور وكانت في صوره ليها هي وياسين ما كانتش شالتها. اتعدل علي في قاعدته وبصوت مسموع
علي. : مش دا ياسين خطيب سلمي اي علاقته بندي. انا بكره هسالها انا اصلا مش برتاح للولد دا
الكدب عمره ما بينجي و بيجي وقت وبينكشف فمافيش حاجه تستاهل أنك تكدب عشانها
منال. : مالك.
ندي. : مافيش علي طلب أنه يجي ياخدني ونفطر مع بعض ونروح المشغل وانا وافقت
منال. : طيب اي المشكله
ندي. : انا بقيت بخاف اقرب من حد واتعلق بيه
منال. : لا انتي لازم تتعاملي مع الناس ولازم تتوجعي وتقومي وتعلمي الحياه تجارب وماحدش بيتعلم من غير ما يتوجع والضربه اللي مابتموتش بتقوي
ندي. : بس انا اللي حصلي صعب اووي
منال. : صعب بس انتي لما بداتي تعيشي وتقاومي بدأت الحياه تبقي احسن
ندي. : انا اللي بحاول اشفها احسن
منال. : دا كويس ي حبيبتي انك تكوني شايفه الحياه احسن أن شاء الله ربنا يعوضك خير
كن مبتسما دائما واعلم أن الله سبعوضك عوضا جميلا
ونزل علي من بيته وركب عربيته عشان يروح ياخد ندي وماكنش نايم كويس من كتر التفكير في الصوره اللي شافها وكان بيحاول يبطل تفكير بس ماكنش عارف فضوله كان مسيطر عليه أنه يعرف اي العلاقه بين ياسين وندي وفاق من شروده لما وصل عند بيت ندي وركن العربيه وطلع عشان ياخد ندي
علي. : صباح الخير
منال. : صباح النور عامل اي
علي. : الحمد لله تمام ندي جاهزه
منال. : ايوه هناديها
ودخلت منال نادت ندي وطلعت ندي لعلي اللي اول ما شافها ابتسم واخدها ونزل وشالها وركبها العربيه وبدأ يتحرك بالعربيه
علي. : تحبي تروحي فين
ندي. : بحماس اي مكان ي ياسين ع البحر
اول ما سمع علي اسم ياسين بص لها وكان مستغرب وعنيه مليانه اسئله وهي انتبهت وكانت حزينه وبدأت عينيها تدمع غصب عنها
ساعات العقل لما بتفكر في شخص كتير ممكن تقول اسمه تلقائي من غير ما تاخد بالك
علي. : متسلل مين ياسين
ندي. : كان خطيبي
علي. : خطوبه رسمي مش ارتباط وكده
ندي. : ايوه احنا كان زمانا بنجهز لفرحنا بس …
علي. : بس اي ماتكملي
ندي. : ممكن نقفل ع الموضوع
وهنا فرمل علي فجاه ووقف العربيه وبص لندي بكل غضب
علي. : معلش ممكن تكملي
ندي. : دي حياتي الشخصيه وانا مش حابه اتكلم عنها
علي. : بس ياسين يبقي خطيب سلمي بنت عمي اللي شوفتها في المشغل
ندي. : ايوه عارفه
علي. : وماقولتيش لي
ندي. : بتفكير هو انت عرفت منين أن ياسين اللي كان خطيبي هو نفسه خطيب بنت عمك
طلع علي موبايله وطلع صورتها هي وياسين
ندي. : انت جبت الصوره منين
علي. : من ع الفيس لاقيتها ع الاكونت بتاعك
ندي. : تمام ممكن نمشي بقي
علي. : تمام هنروح فين
ندي. : نروح المشغل
علي. : تمام
واتحرك علي بالعربيه من غير ما يعترض ولا يناقش ندي لانه كان مدايق منها أنها رافضت تحكي عن ياسين رغم الموضوع مش مستاهل لكل دا لأن دي حياتها الشخصيه ومن حقها أنها ماتحكيش بس هو كان حابب يعرف عنها كل حاجه