رواية نصيبي وقسمتي الفصل الأول 1 بقلم سارة عبدالباري
رواية نصيبي وقسمتي الجزء الأول
رواية نصيبي وقسمتي البارت الأول
رواية نصيبي وقسمتي الحلقة الأولى
. فى شركه من أكبر شركات الشرق الأوسط. شركه عائله الألفي للاستيراد والتصدير.مديرها مازن محمد الألفي.وهو شريك لوالده محمد الألفي.
محمد والد مازن. كنت عايزك فى موضوع مهم يا مازن.
مازن تحت امرك يا بابا.
محمد. انت عارف عامر صاحبي وشيركنا فى الشغل.
مازن انا صحيح قابلته مره او مرتين بس اعرف انه صديق عمرك.
محمد بحزن عامر عنده القلب ومحتاج جراحه بره مصر.
مازن بحزن فهو يعلم مدى تعلق ابيه بصديق عمرة. إن شاء الله هيعملها ويخف وناس كتير عملتها وخفت الحمد لله.
. محمد انا هسافر معاه بس هو طالب منك خدمه.
مازن باستغراب خدمه منى انا خير ان شاء الله.
محمد. عامر معاه بنت وحيده اسمها مى. هو منفصل عن مامتها لأنها حاولت كذا مره تأخدها علشان تستولا على الورث.
مازن. طيب واى اللى مطلوب منى.
محمد انك تحميها وتعيش معاك ومع يارا اختك في البيت لحد ما باباها يعمل العمليه ويخف.
مازن بصدمه. طيب ولى انا ما اى حد من عيلتها ممكن يحميها.
محمد. لان هو واثق فيا وواثق ان ابنى هيحميها.
مازن. حاضر يا بابا علشان خاطرك مستعد اعمل اى حاجه.
محمد بفرحه. كدا تبقي ابنى بصحيح….
فى فيلا عامر والد مى.
مى. صباح الفل على احلى بابى فى الدنيا.
عامر بفرحه وهو يحضنها. صباح الفل لاجمل ورده فى حياتى.انتى رايحه فين.
مى. خارجه مع اصحابى.
عامر بضيق من لبسها. طيب وده لبس يا مى….
كانت مى تلبس فستان ضيق وقصير جدا.
مى قولتلك يا بابي دى طريقه لبسي وعمرها ما هتتغير.
الاب. مفيش فايده ربنا يهديكى يابنتى.
مى. مع السلامه دادى.
رن موبايل عامر وكان المتصل محمد. اه يا محمد مازن وافق.
محمد. ايوه وافق قولتلك مازن مستحيل يرفض لى طلب.
عامر بفرحه. الحمد لله انا كدا هسافر وانا مطمن.بس.
محمد بس اى مالك فى حاجه حصلت.
عامر بزعل. مى يا محمد تصرفاتها مش عجبانى ولا طريقه لبسها مش بتحب التحكمات وخايف ترفض تقعد فى بيتك ومازن يبقي واصى عليها.
محمد. متخافش انا هفهم مازن على كل حاجه وهو اكيد هيتفهم الموضوع.
عامر. تمام يا محمد وانا هفهم مى كل حاجه..
……..
فى المساء فى فيلا عامر.
مى. مساء الخير.
عامر. مساء النور الساعه كم فى ايدك يا مى.
مى. الساعه 2.
عامر. فى وحده محترمه ترجع البيت الساعه 2.
مى. سورى بجد الوقت سرقنا انا وصحابي. مش هتتكرر تانى.
عامر. أنا مسافر.
مى بصدمه وبكاء مسافر فين كل ده علشان تأخرت بره انا اسفه والله مش هخرج تانى بس متسبنيش وتسافر….
عامر بحزن فهو يعلم مدى تعلقها به. فى صفقه شغل مهمه جدا بره مصر مع محمد الألفي شريكى فى الشغل ولازم اسافر.
مى ببكاء طيب وانا….
عامر محمد معاه ولد وبنت يارا ومازن وانا طلبت منه انك تروحى تقعدى معاهم الفترة دى.
مى مستحيل ازاى اقعد عند ناس ما اعرفهاش.
عامر محاولا الضغط عليها خلاص هكلم شيرين هانم والدتك تيجى تاخدك.
مى بخوف فهى تكره والدتها بشده (هنعرف السبب بعدين). لا لا خلاص هروح اقعد معاهم اسفه متخليش مامى تاخدنى.
عامر ضمها لحضنه. اسفه يا حبيبتى غصب عنى.
……………
في فيلا مازن الألفي.
مازن. ياعنى اى اللى بتقوله حضرتك ده انت ناسي ان يارا اختى فى سن مراهقه وممكن تقلد تصرفات البنت دى وانا مش هقبل بدا ابدا..
محمد يا مازن انا عايزك تعرف ان مى بنته الوحيده فطبيعي تبقي كدا مفيش ام حنونه والأب مشغول طول الوقت.
مازن حاضر يا بابا مش هقسي على ست مى بس لو تخطت حدودها انا مش هسمح بدا.
محمد ربنا يطمن قلبك يا ابنى.
الجرس رن.
فاطمه. خادمه القصر. فى واحد بره اسمه عامر بيسأل على حضرتك…..
محمد خليه يتفضل.
دخل عامر وكان معاه مى.
. محمد بترحيب اهلا وسهلا يا عامر. واى القمر ده مشا الله.
مى. مرسي لحضرتك.
مازن. اهلا بحضرتك شرفت
مى وانت مش شايفنى علشان ترحب بيا ولا انت نظرك ضعيف.
. نظر لها الجميع بصدمه من اسلوبها فى الكلام.
مازن باستفزاز واضح ان معرفتش تربي بنتك يا عامر بيه……..
مى بصدمه انت بتقول اى يا حيوان.
عامر مى اخرسي.
مى بابا انت مش سس
عامر قولت اسكتى. انا اسف يا مازن يا ابنى مى تصرفاتها طايشه جدا.
محمد. خلاص ما حصلش حاجه. وانا اسف بالنيابه عن مازن هو ميقصدش. فاطمه خلى مى تختار الاوضه اللى تعجبها.
مى ودعت عامر ووعدها انو مش هطول فى السفر.
. عامر ومحمد سافرو بعد ما وصو مازن على مى.
فى المساء في قصر مازن الألفي…
مازن دادا فاطمه حضرتى العشا.
فاطمه خمس دقايق ويبقي على السفرة.
مازن فين يارا.
فاطمه يارا هانم فى اوضتها
مازن طيب ناديها ونادى مى.
فاطمه. ماهو اصل…
مازن اصل اى يا دادا اتكلمى على طول.
فاطمه بصراحه مى هانم خرجت.
مازن بصدمه اى خرجت.
ستوب. ياترى اى رد فعل مازن واى سبب خوف مى من مامتها. ومى راحت فين ده اللى هنعرفه البارت اللى جاى
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية نصيبي وقسمتي)
