رواية نصيبي الحلو الفصل الثاني 2 بقلم ملك أحمد
رواية نصيبي الحلو الجزء الثاني
رواية نصيبي الحلو البارت الثاني
رواية نصيبي الحلو الحلقة الثانية
ذهب هايدي الي البيت ولكن حدث ما لا تريد حدوثو
الاب: كنتي فين ياهانم
هايدي: كنت مع صحبتي يابابا
الاب: وانتي قولتيلي يابت انتي
هايدي: مانت عارف يابابا اني بروح النادي عشان اشوف صحبتي اذا كان هنذاكر ولا هنقعد مع بعض
الاب: ماحنا خلاص مبقناش نعرف نلمك
هايدي: وانا عملت اي بس يابابا
الاب: اخرسي انتي لسه هتتكلمي ادخلي اوضتك ومتطلعيش منها غير بأذن مني
هايدي: يابابا بس..
الاب (بغضب): مفيش بس يلااااا
(الاب يبلغ من العمر53 سنه ف هو شديد التعامل وعصبي)
ذهبت هايدي وهي تبكي بشده من قسوه والدها عليها
هايدي: يارب انا تعبت انا معرفش بيعمل معايا كده ليه بس نفسي شويه يبقي حنين عليا يارب خدني بقي وريحني من اللي انا فيه ده
بينما هايدي كانت تدعو كان الاب ينادي ع امها
الاب: انتي ياست هانم سايبه بنتك تلف ف الشوارع اي مفكرين الامور سايبه ولا اي
الام: ف اي بس انت ع طول كده مفيش تفاهيم ماتهدا شويه علينا احنا تعبنا ياخي
الاب: تعبتو من اي ياختي ها مانتي طول اليوم قاعده ف البيت مش بتعملي حاجه فين التعب ده وانا اللي بشكي وبيطلع عين امي ف الشغل عشان تلاقو لقمه تاكلوها وف الاخر الست هانم رجعالي وتقوليلي اهدا انا قرفت منكو ومن عيشتكو والبيه ابنك فين دا كمان
الام بخنقه: ف الشغل يعني هيكون فين
الاب بغضب: اتكلمي عدل وروحي حضري الطفح خلينا نتخمد
ذهبت الام لكي تحضر الطعام
احمد: انا جيت يابشر
الاب: وطي صوتك يالا احنا مش قاعدين ف الشارع
احمد بحزن: ف اي يابابا ده بدل ماتقولي عامل اي
لما يرد عليه الاب وذهب
دخل احمد ل امه
احمد: ايه ياماما مالو ابويا
الام: معرفش يابني من ساعه مادخل وهو عمال يتخانق مع الكل
احمد: معلش ياست الكل ماحنا اتعودنا ع كده المهم حطيلي اكُل لاني ميت من الجوع
الام: حاضر ياحبيبي
دخل احمد ع هايدي لاقاها بتعيط
احمد: اي يابت خلاص بقي بطلي عياط وقومي عشان تاكلي معايا
هايدي وهي بتمسح دموعها: مش عايزه كل انت
احمد اخدها ف حضنو وقعد يطبطب عليها بحنيه: معلش متزعليش حقك عليا بصي انا اه اخوكي الصغير بس اعتبريني ابوكي واخوكي وضهرك اتفقنا
هايدي ابتسمت بحزن: حاضر ربنا يخليك ليا يارب وميحرمنيش منك ابدا
احمد: يارب…. يلا بقي بلاش نكد دا انتي عيله بومه ياساتر اوعي
ضحكت هايدي: ياواد انت متكمل جميلك للاخر يوه
دخلت الام ب ابتسامه: الاكل اهو ياولاد
احمد وهايدي: شكرا يامزتي
ضحكت الام وقالت ف سرها: ربنا يخليكو لبعض ويجعلكو سند لبعض يارب ويهدي ابوكو علينا
*تأليف: “ملك احمد”*
انتهو من تناول الطعام
احمد: يلا عايزه حاجه هسيبك بقي ترتاحي
هايدي: ماشي ياحمد
مسكت هايدي فونها عشان تكلم محمد وتحكيلو اللي حصل كالعاده زي مابتعمل
هايدي: محمد محمد رد تعالي انا مخنوقه اوي وعايزه اتكلم معاك
محمد وهو بيشوف اشعار الرساله: اوفف ع القرف هي البت دي مورهاش غيري
رد محمد عليها
محمد: اي مالك بس
حكت هايدي كل اللي حصل معاها ومن قسوه ابوها عليها
محمد بزهق: معلش ياقلبي هتعملي اي يعني ابوكي ولازم تستحملي معلش
هايدي بطيبه: بس انا تعبت بجد
محمد بزهق: معلش
هايدي بزعل انو مش حاسس بيها ومش مهتم بيها: تمام…. انت عامل اي؟
محمد: الحمدلله… بقولك هقفل دلوقتي علشان تعبان ومحتاج انام
هايدي بزعل: بس انا عايزه اقعد معاك
محمد بضيق: ونا قولتلك عايز انام عشان تعبان
هايدي: تمام سلام وقفلت هايدي
محمد بخبث: ههه لما نشوف البت الجامدة دي…. مالي انا ومال قرفك
محمد بيكلم بنت تانيه وبيضحك عليها زي هايدي وغيرها وغيرها
نامت هايدي وصحيت تاني يوم مسكت فونها عشان تكلم صحبتها الوحيده وهي فرحانه ومبسوطه ليها عشان خطوبتها انهارده
هايدي بفرح: صباح الخير يااحلي عروسه
نورا بضحكه سخيفه: صباح النور ياحبيبي
هايدي: عامله اي
نورا: الحمدلله ونتي؟
هايدي: الحمدلله بخير… انهارده هتكوني احلي عروسه
نورا: اه اه عقبالك
هايدي: يارب ياقمري
نورا بخبث: هتيجي؟
هايدي: كان نفسي يانونه والله بس ابويا اتخانق معايا كالعاده وكمان زي مانتي عارفه
نورا ب ابتسامه: معلش بقي ياقلبي… هقفل انا بقي عشان اشوف اللي ورايا عروسه بقي
هايدي: ماشي ياحبيبتي ربنا يتمم بخير
عدي اليوم ونورا اتخطبت وكانت فرحانه ان هايدي مش موجوده عشان نورا بتغير منها ومش بتحبها رغم ان هايدي بتعتبرها صحبتها الوحيدة
خلص اليوم ونورا بعتت صورها ل هايدي عشان تشوفها
هايدي: ياربي اي الجمال ده بس بسم الله ماشاء الله ربنا يحفظكم ويسعدكم ياروحي يارب
نورا: يارب
هايدي بهزار وبحسن نيه: بس اي ياعم ده متشوفيلي اخوه
نورا: معندهوش اخوات للاسف
هايدي: ياخساره…. يابختو ياعم
نورا بغضب: متحترمي نفسك شويه ف اي
هايدي بزعل بسبب اسلوبها: ف اي انا بهزر مالك؟
نورا: تهزري ليه انتي اصلا بقولك اي سلام هروح اكلمو
هايدي بزعل: سلام
هايدي لنفسها: انا عملت اي انا كنت بهزر عادي
عدي ايام ع نفس الحال هايدي بتكلم محمد وهو مش بيكلمها ولا معبرها ونورا ع نفس الحال
لحد اللي شافتو هايدي وانصدمت منو…..
ياترا حصل اي؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية نصيبي الحلو)
