رواية نصف جثة مجهولة الفصل الرابع 4 بقلم عادل عبدالله

رواية نصف جثة مجهولة الجزء الرابع

رواية نصف جثة مجهولة البارت الرابع

رواية نصف جثة مجهولة الحلقة الرابعة

سلمي : اسكتي يا بت يا نوجا البارح رفعت جوزي اشتري شاشة تليفزيون انما ايه كبيرة وحلوة اوي ، تحفة يا بت .
نجوي : ألف مبروك يا حبيبتي ، و رفعت جاب فلوسها منين ؟؟
سلمي : معرفش بيقولي انه اشتراها بالتقسيط بس بيتهيألي أنه بيكدب أنا حاسة انه شاريها كاش .
نجوي : وهيجيب فلوس الكاش منين ؟ ده انتوا لسه كنتوا عايزين تستلفوا فلوس من كام يوم !!!!
سلمي : معرفش يمكن كان شايل قرشين تحت البلاطة وطلعهم !!!
نجوي : يمكن ، الله اعلم .
سلمي : لكن بصراحة انا لسه قلقانه علي امي !!
نجوي : بطلي قلق بقي ، أنتي طول عمرك كده هتعيشي قلقانة وتموتي قلقانة !!! امك لو بعد الشر حصلها حاجة هنعرف علطول ، انما ما دام اختفت كده هتلاقيها سافرت لخالك البلد زي ما بقولك .
سلمي : أنتي معاكي رقم تليفون خالك اتصل به ؟؟
نجوي : لأ مش معايا .
سلمي : طيب يومين كده لو تليفون أمك مش اتفتح هروح اطمن عليها .
نجوي : طيب ولو هتروحي لأمك قوليلي علشان أروح معاكي .
*************
اتصل مدير الأمن بالرائد معتز …..
مدير الأمن : وصلت لأيه يا سيادة الرائد ؟
معتز : تمام يا فندم ، سيادتك حددنا شخصيتين لاتنين ستات متغيبين في نفس التوقيت تقريبا وخلال ساعات هبلغ سيادتك بشخصية المجني عليها وبالجاني .
مدير الأمن : بكره الصبح يا حضرة الظابط لو مش فكيت طلاسم القضية دي ملف القضية هيكون علي مكتب ظابط غيرك ، مفهوم ؟؟
معتز : أوامر سيادتك يا فندم .
تنتهي مكالمة مدير الامن مع الضابط معتز الذي بمجرد أن تنتهي ينادي علي الضباط حمزة وعبد الرحمن ويسألهم : وصلتوا لأي معلومات جديدة ؟؟
الضابط حمزة : الاتنين ستات المتغيبين زينات واحسان ، عرفنا أن الست اللي اسمها زينات كانت بينها وبين صاحب البيت الحاج رشوان وابنه طارق مشكلة من فترة قريبة ده غير أن بناتها الاتنين كل واحدة منهم هي وجوزها بيمروا بضائقة مالية شديدة ومفيش اي خلافات ببنها وبين أي حد اخر ، لكن معروف عنها أنها بخيلة جدا وده ممكن يكون سبب لطمع أي حد فيها ، وبكده لو أتأكدنا أنها صاحبة الجث.ة تكون الشبهة بين الحاج رشوان وابنه طارق بدافع الانتقام أو واحدة من بناتها الاتنين سلمي ونجوي أو أزواجهم بدافع السرقة أو شخص غريب بردو بدافع السرقة بما انها معروف عنها البخل الشديد .
الضابط معتز : ده بالنسبة لزينات ، وبالنسبة لاحسان مفيش معلومات جديدة ؟؟
الضابط عبد الرحمن : بالنسبة لاحسان يا فندم عرفنا أن ببنها وبين جار لها من المنطقة اسمه الحاج حامد خلاف بسبب أنه كان رافض تسولها أمام المسجد ، ده غير أننا عرفنا أن تسولها مسبب مشكلة لأولادها الثلاثة عمار وأنور وعاطف بسبب مراكزهم فمنهم دكتور ومهندس ومحامي لدرجة أن اتنين من أولادها أعتبروها في حكم الم.يته ، لكن الست دي معروف عنها بخلها الشديد بردو ومكسبها الكبير من الشحاتة ، وبالتالي لو كانت هي صاحبة الجث.ة هيكون الاشتباه في الجاني محصور بين الحاج حامد بسبب الخلاف بينهم أو في واحد من أولادها ليتخلص من عا.رها اللي بيلاحق ولادها بسبب عملها بالتسول .
الضابط معتز : وبالنسبة لكاميرات المراقبة في مكان الواقعة ؟؟؟
الضابط حمزة : كاميرات المراقبة رصدت شخص يرتدي جلباب وقف بسيارة صغيرة ورمي الشوال اللي كان فيه الجث.ة لكن المشكلة أنه كان ملثم ومش واضح اي شئ من ملامحة !!
الضابط معتز : وبالنسبة لباقي كاميرات المراقبة في المنطقة معرفتوش السيارة دي أرقامها ايه أو خط سيرها ووصلت للمكان ده أزاي ؟؟
الضابط حمزة : واضح ان المجر.م كان عامل حسابه كويس لأن أرقام السيارة كانت مش موجودة عليها وللأسف الحظ ساعده أن بعض كاميرات المراقبة في الحي كانت عطلانة ومش وصلنا لخط سير سيارته !!!
ضابط حمزة : لازم النهاردة يكون قدامنا واحدة من بنات زينات و واحد من اولاد احسان علشان ناخد منهم عينات وتطلب من المعمل سرعة مطابقة DNA للعينات مع عينة الجث.ة علشان نحدد الجث.ة لمين في الاتنين !!!
سلمي تتصل بأختها نجوي …….
سلمي : بت يا نجوي أنا خايفة أوي ، أنا جالي محضر من قسم الشرطة بيقول أنهم طالبني في القسم !!!
نجوي : معقول !!! وأنا كمان !!!
سلمي : أنتي كمان !!! أناكنت خايفة يكون المحروس جوزي عمل مص.يبة وطالبني بسببه !!
نجوي : وأنا كمان كان عندي نفس التفكير ده !!
سلمي ” ببكاء ” : تبقي امك حصلها حاجة يا بت .
نجوي : ليه بتقولي كده ؟؟
سلمي : أومال عايزيني أنا وأنتي ليه ؟
نجوي : مش عارفة !!! ده فعلا حاجة بخصوص امك علشان طالبني في قسم الشرطة اللي قريب من بيتها .
سلمي : طيب يلا ألبسي وروحي علي هناك بسرعة وانا نازلة ورايحة دلوقتي ونتقابل هناك وربنا يستر .
ذهبت نجوي بصحبة زوجها وحيد الي قسم الشرطة وهناك وجدت سلمي وزوجها رفعت قد وصلوا ايضا للتو .
وبعد دقائق أمر الرائد معتز بدخول سلمي ونجوي الي مكتبه .
بمجرد دخولهم لاحظ الضابط معتز عليهما الارتباك الشديد فقال لهم : أتفضلوا اقعدوا .
جلستا سلمي ونجوي بينما كان زوجاهما بالخارج ، ثم سألهما الضابط معتز : حد فيكم يعرف اي حاجة عن والدتكم ولا لسه مش عارفين مكانها ؟؟
تعجبتا سلمي ونجوي من علمه باختفاء والدتهما !! واجابت سلمي : لأ يا فندم لسه منعرفش عنها حاجة ، هي حصلها حاجة ؟؟
الضابط معتز : طيب بما ان والدتكم مختفية هناخد منكم عينات علشان نعمل تحاليل DNA لأنه هيفيدنا في البحث عنها .
سلمي : يا فندم ارجوك قولي أمي حصلها حاجة ؟؟
الضابط معتز : لحد دلوقتي أحنا مش متأكدين .
انهارت سلمي باكية وتلتها دموع نجوي التي انهمرت علي وجهها .
فقال لهم الضابط : مفيش داعي لكل ده ، انا بقول أننا مش متأكدين لسه .
سلمي : كلام سيادتك وراه حاجة !! ياريت يا فندم تصارحنا بالحقيقة .
الضابط : الحقيقة أننا وجدنا أجزاء من جثة أدمية لسيدة مسنة لكن للأسف بدون رأس ولصعوبة التعرف عليها هنعمل التحاليل دي واللي هتأكدلنا اذا كانت والدتك ولا ست غيرها .
علت اصوات بكاء كلا من سلمي ونجوي وحاول الضابط تهدئتهم وبعدها مباشرة علت الاصوات خارج غرفة الضابط فخرج مسرعا يستطلع الأمر ليري أحد زوجي الأختين يصيح بصوت عال !!!
فقال له الضابط : أنت مين وبتعلي صوتك كده ليه ؟؟
: أنا وحيد ومراتي نجوي اللي في مكتب سيادتك .
: وبتعلي صوتك ليه ؟
: عايز اعرف سيادتك طالب مراتي وأختها ليه واظن ده من حقي .
: من حقك تعرف لكن مش من حقك تعلي صوتك هنا ، لو عليت صوتك تاني أنا هحبسك ، مفهوم ؟؟
: أسف يا فندم ، ممكن اعرف طالبين مراتي واختها ليه ؟؟
: طالبهم علشان ناخد منهم عينات لتحاليل علشان نعرف حماتك اختفت فين ، يعني بنساعدهم يطمنوا علي والدتهم .
: أنا أسف يا فندم .
: اتفضل خد الاستاذ اللي معاك ده وأنزلوا انتظروهم بره القسم وبعد دقايق هتكون مراتك واختها معاكم .
بعد دقائق انصرفت سلمي ونجوي من قسم الشرطة مع ازواجهن .
كانت الدموع تملأ عيون سلمي ونجوي بينما حاول ازواجهن تهدئتهم وذهبوا جميعا الي المستشفي لعمل التحاليل .
وبعد عمل التحاليل عادت كلتا الاثنتين مع زوجها الي منزلها .
وفي منزل سلمي جلست تبكي وحاول زوجها رفعت تهدئتها : متخافيش يا سلمي ان شاء الله هتكون حماتي كويسة وبخير وهتكون الجثة دي لست غيرها .
سلمي : قلبي مش مطمن يا رفعت وخايفة تكون هي يا رفعت .
رفعت : لأ ان شاء الله مش هي .
سلمي : تفتكر لو هي يكون مين اللي عمل فيها كده ؟؟
رفعت : يا شيخة حرام عليكي بلاش تقدري البلاء قبل وقوعه .
سلمي : يا رفعت انا بقول افرض انها هي هيكون مين اللي عمل فيها كده ؟؟
رفعت : مش عارف ، الله اعلم ، لكن امك ست كبيرة ولو حد عمل فيها كده اكيد هيكون طمعان في فلوسها .
سلمي : وامي هيكون معاها فلوس منين ؟؟
رفعت : امك معروف عنها أنها بخيلة وأكيد معاها فلوس كتير .
سلمي : أنا بصراحة شكة في ….
رفعت : شكة في مين ؟؟
سلمي : في وحيد جوز نجوي !!!
رفعت : وحييييد !!! أشمعني وحيد اللي شكيتي فيه ؟؟
سلمي : النهاردة لاحظت عليه أنه كان خايف ومتوتر طول الوقت !! ده غير اني عارفة أنه قاعد من الشغل من فترة ومديون بفلوس وظروفه صعبة !! وقبل كل ده وحيد طول عمره بيكره ماما ومش بيحبها !!!
رفعت : معقوول ؟!! لا لا مفتكرش ان وحيد يعمل كده !! أنا عارف اه انه بيكره حماتي لكن شخصيته خواف وصعب اوي يعمل حاجة زي كده .
سلمي : ممكن احتياجه للفلوس جمد قلبه !!!
رفعت : لا يا سلمي لأ ، انا قولتلك بلاش نسبق الأحداث وان شاء الله هتطمني علي امك قريب وهتلاقيها بخير ومش حصلها حاجة وحشة .
سلمي : لكن لو عرفنا أن حصلها حاجة انا هتهم وحيد .
رفعت : حرام عليكي أوعي تعملي كده .
سلمي : طيب انا هتصل علي نجوي وأسألها علي حاجة علشان اتأكد وأثبتاك أنت كمان ان تفكيري صح .
أمسكت سلمي بهاتفها واتصلت بأختها …..
سلمي : روحتي يا نجوي ولا لسه ؟
نجوي : ايوه لسه راجعة من شوية .
سلمي : وحيد جوزك جنبك ؟
نجوي : لأ قاعد في البلكونة .
سلمي : هسألك سؤال وتجاوبيني بصراحة .
نجوي : أسألي يا سلمي ما انتي عارفة انا مبكدبش عليكي أبدا .
سلمي : جوزك ظهرت عليه فلوس الايام اللي فاتت ؟؟
تصمت نجوي للحظات فتسألها سلمي : سكتي ليه يا نجوي ؟! يبقي ظهرت عليه فلوس يا نجوي ، أتكلمي بصراحة .
نجوي : أنتي قصدك ايه يا سلمي ؟؟
سلمي : أنتي مش لاحظتي أنه النهارده واحنا في القسم كانت متوتر اوي ومرتبك بشكل مش طبيعي ؟؟
نجوي : قولي من الاخر يا سلمي انتي قصدك ايه ؟؟
سلمي : بصراحة يا نجوي أنا شكة أن جوزك ق.تل أمك !!!!
نجوي : ايييييه !!! أنتي أتجننتي يا سلمي ؟؟
سلمي : لأ مش اتجننت لكن شكل جوزك النهاردة بيأكد شكي فيه !!
نجوي : مش قبل ما تشكي فيه او في غيره تتأكدي الأول أن أمك بعد الشر حصلها حاجة ؟؟؟
سلمي : قلبي حاسس انها حصلها حاجة وان وحيد جوزك هو السبب .
نجوي : سلمي مش عايزاكي تقولي الكلام ده تاني .
سلمي : يعني ايه يا نجوي ؟ هتداري علي جوزك وتضيعي حق أمك ؟!!!!
نجوي : أمك مش حصلها حاجة يا سلمي وحتي لو حصلها حاجة يبقي مش وحيد جوزي ، فاهمة ؟؟؟ ولو كررتي كلامك ده تاني انسي ان لكي اخت اسمها نجوي ، سلام .
أنتهت المكالمة …..
سلمي : شوفت يا رفعت أنا شكي اكيد في محله .
رفعت : هي قالتلك ان جوزها ظهرت عليه فلوس الايام اللي فاتت ؟؟
سلمي : لما سألتها اتهربت من السؤال وده اكد لي شكي فيه وهي بتحاول تداري عليه .
رفعت : تفتكري لو جوزها عمل حاجة في امها هي هتداري عليه ؟؟
سلمي : معرفش ، بس الواضح كده !!
رفعت : انا رأيي أن كل دي شكوك مش لها أي أساس .
#رواية_نصف_جثة_مجهولة_للكاتب_عادل_عبد_الله
أغلقت نجوي مكالمتها مع أختها سلمي وخرجت لزوجها وحيد في الشرفة وقالت له : عايزة أسألك علي حاجة يا وحيد وتجاوبني بصراحة .
وحيد : فيه ايه يا نجوي ؟؟
نجوي : أنت من حوالي أسبوع مكنش معاك أي فلوس لدرجة ان الأولاد كانوا جعانين ومش معانا نأكلهم !! وفجأة ظهرت معاك فلوس وبتصرف منها من وقتها للنهاردة ، ممكن تقولي جيبت الفلوس دي منين ؟؟
أرتبك وحيد ثم قال : أنتي سألتيني قبل كده وقولتلك أتصرفت .
نجوي : لازم تقولي أتصرفت أزاي ؟؟
وحيد : اللي ليكي عندي مصاريفك لكن متسأليش منين !!
نجوي : وأنا لازم أعرف دلوقتي .