رواية نصف جثة مجهولة الفصل التاسع 9 بقلم عادل عبدالله
رواية نصف جثة مجهولة الجزء التاسع
رواية نصف جثة مجهولة البارت التاسع
رواية نصف جثة مجهولة الحلقة التاسعة
الضابط : كمل وبعدين ايه اللي حصل ؟؟
سامح : طلعنا ورنينا جرس الباب ولبسنا الماسكات وبمجرد ما هي فتحت الباب كانت هتصرخ لحقتها أنا وحطيت ايدي علي بؤئها علشان أمنعها تصرخ لكنها حاولت تقاومنا وكانت صحتها شديدة لقيت زياد بيضر.بها جامد علي راسها ووقعت علي الأرض .
الضابط : كمل وبعدين حصل ايه ؟
سامح : دورنا في كل حتة علي الفلوس لحد ما شوفنا صندوق كبير كان مقفول بأقفال حديد صلب حاولنا نفتح الصندوق لكن مش قدرنا ، وشوفنا صندوق تاني كان أصغر منه و مليان دهب !!! وبعد ما يئسنا من فتح الصندوق الكبير وكان تقيل وكبير ومش هينفع ناخده معنا ، أكتفينا بصندوق الدهب و قبل ما نخرج بصينا علي الست الواقعة علي الأرض وعرفنا أنها ماتت !!
الضابط : وقطعتوا الجث.ة ليه ؟؟
سامح : أحنا مش قطعنا الجث.ة وقتها ، أحنا اخدنا صندوق الدهب ومشينا .
الضابط : لكن احنا لما اكتشفنا الحادث وجدنا نص جث.ة !!!
سامح : أنا لسه هكمل وأقول لسيادتك علي كل حاجة .
الضابط : كمل .
سامح : أنا وزياد أخدنا صندوق الدهب وكنا محتارين نعمل ايه ونروح فين وفي الأخر أتفقنا أننا هنسيب صندوق الدهب في شقة زياد يومين تلاتة علي ما الامور تهدا والموضوع يعدي وبعدها نقسم الدهب ونشوف هنعمل به ايه ، وفضلنا أنا وزياد يومين نحلم هنعمل ايه بالدهب ده كله وهنبيعه أزاي !! وازاي هنغير حياتنا ونعيش حياة الأغنياء ونشوف الدنيا ، لغاية ما لقيته بيتصل بيا وبيقولي أن ريحة المرحومة ظهرت والناس هتبدأ تحس بها !! وبدأنا نخاف أننا نتكشف وفكرنا نتخلص من جث.تها لأن وجودها في الشقة هيكون كل الموجودين في البيت محل اتهام ومن ضمنهم طبعا زياد !!!
الضابط : كمل وعملتوا ايه ؟؟
سامح : طلعنا شقتها بالليل وحاولنا نلف الجث.ة في سجادة علشان ناخدها نرميها في أي مكان لكن المرحومة كانت ضخمة ومش قدرنا نشيلها في السجادة وقررنا أننا نقسم الجث.ة علي نصين ونتخلص من كل نص لوحده علشان نقدر نشيله .
الضابط : وقطعتوا الجث.ة أزاي ؟
سامح : أنا كنت خايف لأن قلبي ضعيف لكن زياد قلبه جامد ودخل المطبخ جاب سكينة وفعلا قطعها نصين .
الضابط : أنت بتكدب يلا ، لو فعلا قطعتوا الجث.ة بعد يومين من مو.تها مش هتنزل د.م !!! وأحنا لما دخلنا الشقة كانت الأرض غرقانة د.م !!!
سامح : فعلا يا بيه زياد لما قطعها مش نزل منها د.م ، الد.م اللي كان علي الارض ده من الضر.بة اللي علي راسها لأنها ساعتها نز.فت كتير اوي .
الضابط : كمل و اتخلصتوا منها ازاي ؟
سامح : جبنا شوالين كبار وحطينا كل نص في شوال وكل واحد مننا أخد شوال ونزل يتخلص منه ، أنا اخدت الشوال في عرييتي ومشيت بها مش عارف اتخلص من الشوال فين لغاية ما جاتني فكرة أني أروح اقرب منطقة صحراوية وادفنها في الرمل .
الضابط : أنت كان معاك النص العلوي منها ؟؟
سامح : أيوه يا بيه ، وزياد اخد النص التاني ورماه في مكان مهجور قريب من هنا ، وهو ده النص اللي أنتوا لقيتوه .
الضابط : وفين صندوق الدهب ؟؟
سامح : موجود يا فندم .
الضابط : وطبعا بيعتوا دهب منه علشان تصرفوا علي المصيف والبنات والديسكو ؟؟
سامح : أيوه بيعنا منه لكن مش كتير حاجات قليلة اوي .
الضابط : وانت عارف المكان اللي دفنت فيه المرحومة فين بالظبط ؟
سامح : أيوه يا بيه .
الضابط : تعالي معايا هنروح نستخرجها من هناك حالا .
*********
ظلت سلمي ونجوي يبحثون عن والدتهما حتي فوجئت سلمي باتصال من خالها يبلغها بوجود امها في احدي المستشفيات !!!
ذهبت سلمي ونجوي الي المستشفي سربعا ليجدوا والدتهم ترقد تعاني من عدة كسور شديدة !!!
سلمي : يا حبيبتي يا ماما !! ايه اللي حصلك ؟؟
زينات : زي ما انتي شايفة يا بنتي ، كنت ماشية وبعدي الشارع راحت عربية خبطتني ومش حسيت بنفسي الا وانا هنا في المستشفي !!
نجوي : وازاي مش تتصلي تقوليلنا علشان نيجي نقعد جنبك يا امي .
زينات : يا حبيبتي لما فوقت من الحادثة لقيت التليفون ضاع ومكنش معايا البطاقة حتي هنا في المستشفي طلبوا مني البطاقة او اي اوراق ممنش معايا وطلبوا رقم تليفون اي حد منكم علشان يبلغوا اي حد من اهلي لكن انتي عارفة اني مش بحفظ ارقام التليفونات والتليفووون نفسه ضاع !!
سلمي : الف سلامة عليكي يا ست الكل الحمد لله أننا اطمنا عليكي ، خلاص بقي اول ما تخرجي من هنا هتيجي تقعدي معايا ومفيش شغل تاني .
زينات : أنتي عايزة تحبسيني في البيت يا بت ؟!
نجوي : سلمي معاها حق يا ماما ربنا يديكي الصحة ويبارك في عمرك ، بعد اللي حصل ده مفيش شغل تاني وتقعدي مع اي واحدة فينا .
زينات : لما اقوم بالسلامة الاول وبعدين نشوف هعمل ايه .
أخذت سلمي أختها نجوي جانبا وقالت لها……..
سلمي : بصي يا نجوي يا حبيبتي أنتي أختي ولازم انصحك لازم تروحي تصالحي جوزك .
نجوي : أنتي بتهزري يا سلمي !! مينفعش يا حبببتي !! لازم هو اللي ييجي ويصالحني .
سلمي : أنتي اللي غلطانة يا نوجا ، وده غلط مش عادي ده غلط كبير ، أزاي تتهميه بالتهمه دي ؟!! ودلوقتي عرفتي أنك ظلمتيه قوليلي بقي هتعملي ايه ؟؟
نجوي : غصب عني ، لما شوفته معاه فلوس وانا مش عارفة مصدرها شكي راح أنه عمل في أمي حاجة علطول .
سلمي : المهم قوليلي هتعملي ايه دلوقتي ؟؟
نجوي : مش عارفة والله يا سلمي !!
سلمي : خلاص سيبي الموضوع ده عليا وأنا هصالحكم علي بعض .
***********
في صباح اليوم التالي أبلغ الضابط معتز مدير الأمن بكافة تطورات القضية .
الضابط معتز : خلاص يا فندم وصلنا للقا.تل ولباقي اجزاء الج.ثة .
: فعلا يا معتز ؟؟
: أيوه يا فندم الجناة الأتنين اعترفوا ودلونا علي مكان باقي الج.ثة واستخرجناها وهنبعت لأولادها علشان يدفنوها .
: برافو يا معتز ، أنا كنت عارف أنك هتقدر تخلص القضية في أسرع وقت .
: لكن سيادتك يا فندم كنت هتاخد مني القضية وتديها لظابط غيري !!
: أنا كنت لازم أقولك كده علشان أعطيك دفعة معنوية وأحفزك تخلص القضية في أسرع وقت .
: تمام يا فندم ، والحمد لله كنت عند ظن سيادتك بيا .
: دايما يا معتز انت عند حسن ظني بيك .
********
ونالا جزاء جريمتهما وقضت محكمة الجنايات بعقوبة الاعد.ام علي كلا من سامح وزياد .
وخرج عمار وأنور وعاطف من قاعة المحكمة بعدما أثلج حكمها صدورهم وشعروا باسترداد حق والدتهم المجني عليها .
عمار : الحمد لله الجناة أخدوا عقابهم ودلوقتي انا حسيت بأرتياح .
أنور : وأنا كمان وهتحس بأرتياح اكبر لما نستلم الورث بعد أيام .
عمار : لأ انا بالنسبالي مش عايز الفلوس دي .
عاطف : أنت مجنو.ن يا عمار ؟!! دي مش فلوس قليلة دي ملايين !!!
عمار : بالنسبالي الفلوس دي حرام لأن المرحومة أخدتها من الناس بدون وجه حق .
أنور : يعني مش هتاخد ورثك يا عمار وهنقسم انا وعاطف الفلوس بينا ؟؟
عمار : انا هاخد نصيبي وأتبرع به للمستشفيات والمحتاجين .
تمت .
لقراءة الرواية كاملة اضغط على : (رواية نصف جثة مجهولة)
