رواية نسيت الكراسة الفصل الرابع 4 بقلم إسراء ابراهيم عبدالله
رواية نسيت الكراسة الجزء الرابع
رواية نسيت الكراسة البارت الرابع
رواية نسيت الكراسة الحلقة الرابعة
لقيت المدرس بيقول: الأساتذة اللي بتغش ورا تجيب ورقتها وتيجي
قامت برعب ومعها ورقتها وشنطتها وكانت لسه ماحلتش حاجة
قالت: أنا ماغشتش يا مستر
الأستاذ بعصبية: يعني أنا أعمى مش بشوف… دا أنتِ بتبصي ليها وبتشاوري بإيدك ليها
هي: آسفة يا مستر مش هتتكرر
كانت ياسمين قاعده قلبها بيرجف من الخضة اللي عملها المستر وفكرت إنه بيقول ليها طلع بيقول للبنت اللي قدامها بس صعبت عليها عشان أحرجها قدام الكل
بس هي عارفه إنها شاطره واستغربت ليه مادفعتش عن نفسها واتكلمت
المستر قال: سيبي ورقتك واطلعي برا
البنت: يا مستر آسفة
بقلم إسراء إبراهيم عبدالله
المستر بعصبية: قولت برا
طلعت البنت وهي زعلانة وباقي الطلبة بصوا في ورقهم وكملوا حل
بعد لما خلصوا طلعت ياسمين ولقيت البنت قاعده لسه في السنتر وبتسمح دموعها
قعدت جنبها وقالت: ماتزعليش يا رؤى ليه مابررتيش للمستر إنك ماغشتيش
رؤى بزعل: خوفت من الخضة اللي عملها ودي أول مرة تحصل معايا وقتها تفكيري وقف، أنا بس كنت بشاور لها على القلم بعمل لها بإيدي معك قلمين يعني عشان قلمي مش لقيته
ياسمين بتبطب عليها وقالت: خلاص يا حبيبتي حصل خير تعالي ندخل نفهمه وممكن يديكي الورقة تكملي حل
دخلوا للمستر وشرحوله الموضوع وهو اعتذر لها على طريقته معها وخدت الورقة تحل تاني
بتعدي الأيام وخلاص مابقاش غير أسبوع على الامتحانات النهائية
وقعدت ياسمين من الدروس عشان تذاكر للمواد اللي مش بتنضاف للمجموع بتسمع مدرسين عالنت عشان ماكانتش بتاخد فيهم دروس
وبتمر الأيام وكان أول امتحان وقابلت ياسمين صحابها وحلوا امتحان تجريبي من بنت كان معها أسئلة وتوكلوا على الله ومشيوا
كانوا بيطلعوا يراجعوا ويروحوا يرتاحوا شوية من اليوم ويصحوا يكملوا مذاكرة
وعدت فترة الامتحانات على خير وبيدعوا إن النتيجة تكون كويسة
بتفوت الأيام وهما قلقانين من النتيجة مش عارفين يناموا كويس ومستنينها بفارغ الصبر
بيجي يوم النتيجة والكل متوتر كتبت ياسمين رقم جلوسها بخوف وبتدعي في سرها إن مجموعها يكون كويس
ظهر الاسم قدامها والدرجات كانت إيدها بتترعش من الخوف وضربات قلبها عالية لغاية ما شافت المجموع نزلت سجدت لله من الفرحة
وأهلها حواليها مبسوطين وبيحمدوا ربنا لأنها جابت 89%
وصحابها كمان جابوا مجموع كويس وطلعت التانية على مدرستها
وربنا كرمهم ووفقهم وكل واحد دخل الكلية اللي بيتمناها ولكن في محافظات مختلفة
تمت…
لقراءة الرواية كاملة اضغط على : (رواية نسيت الكراسة)
