رواية نسيت الكراسة الفصل الأول 1 بقلم إسراء ابراهيم عبدالله
رواية نسيت الكراسة الجزء الأول
رواية نسيت الكراسة البارت الأول
رواية نسيت الكراسة الحلقة الأولى
قال المدرس بجمود: الكل يطلع الواجب بتاعه بسرعة
الطلاب بخوف: الواجب؟
المدرس بعصبية: اها، واللي مش عمله يفتح إيده بسرعة
كانت دوشة في الدرس، وبدأ المدرس يزعق عشان يسكتوا
الكل سكت وبيبصوا لبعضهم بخوف
بدأ المدرس يلف على كل واحد يشوف الواجب بتاعه، واللي مش عمله بينزل على إيده بالعصاية بقوة
جه الدور على طالبة معروف عنها إنها شاطرة وبتعمل الواجب دايما
فقال: فين الواجب بتاعك يا ياسمين؟
ياسمين بخوف: نسيت الكراسة في البيت
المدرس: طب افتحي إيدك يلا
ياسمين بخوف: يا مستر أنا عملته بس نسيت أحط الكراسة في الشنطة، أنا دايما بعمل الواجب عشان مصلحتي أنا مش خوف من الضرب
المدرس بجمود: كلامك دا مش هيغير حاجة، هتضربي زي زمايلك اللي نسيوا بردوا كراساتهم أو معملوش، وأنتِ زيك زيهم طالما الواجب مش معك
ياسمين بخوف وحيرة: طب يا مستر هتصل على أختي تجبلي الكراسة وتشوف الواجب وإني مش بكذب
المدرس بزعيق: اخلصي يا ياسمين افتحي إيدك وماتعصبنيش
فتحت إيدها ببطئ وغمضت عينها، ونزل المدرس بالعصاية على إيدها بقوة، حست في اللحظة كأن قلبها وقف من قوة العصاية، وفتحت إيدها التانية عشان تنضرب عليها هى كمان
انضربت ووطت رأسها على الديسك قدامها وهى بتعيط، قامت اتصلت على أختها تجيب ليها الكراسة بسرعة بتاعة العربي
كان المدرس وصل لآخر ديسك عند الطلاب بيشوف واجبهم
جت أخت ياسمين واستأذنت تدخل لأختها، فسمح لها تدخل
بقلم إسراء إبراهيم عبدالله
راحت عند ياسمين لقتها لسه بتعيط، فقالت بحزن: الكراسة أهي يا ياسمين
خدتها ياسمين وهى بتمسح دموعها، وراحت عند مكان المدرس و فتحت الواجب قدامه وقالت والدموع لسه في عينها: الواجب أهو يا مستر عشان تعرف إني مش بكذب
بص على الواجب وقال: طالما مش جبتيه معك يبقى كأنك مش عملتيه يا ياسمين
طلعت ياسمين فلوس الدرس وقالت: وأنا مش حابة الظلم ولا الطريقة دي يا مستر، اتفضل حضرتك فلوس الشهر أهو رغم إني مش هكمل معك ومش عايزه الباقي
وخدت شنطتها ومشيت ووراها أختها، بص المدرس على الفلوس وعلى ياسمين اللي اختفت
مشيت ياسمين وأختها جنبها بتطبطب عليها قالت ياسمين: روحي يا حبيبتي يلا، وأنا هروح درس الجغرافيا وهروح
أختها: ماشي يا حبيبتي
وراحت ياسمين درس الجغرافيا، وقعدت مع باقي الطلبة لغاية ما المدرس يجي
بعد نص ساعة وصل مدرس الجغرافيا وقال: السلام عليكم ورحمة الله وبركاته
رد الطلاب السلام: وعليكم السلام ورحمة الله وبركاته
كتب اسم الدرس اللي هيشرحه عالسبورة وقال: يلا يا جماعة طلعوا الواجب بتاعكوا
ياسمين في نفسها: هما المدرسين متفقين مع بعض يشوفوا الواجب النهاردة ولا إيه؟ دا مش بيشوفوه من أول السنة
وفتحت شنطتها عشان تطلع الواجب بتاعها، مش لقيت الكراسة حطت إيدها على قلبها بصدمة وقالت: هو النهاردة يوم نسيان الكراسات عندي ولا إيه؟ ولا لازم أروح مضروبة النهاردة
جه الدور عليها عشان يشوف الواجب، بصت للمدرس بخوف وقالت: نسيت الكراسة يا مستر
ياترى هيحصل إيه؟
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية نسيت الكراسة)
