رواية نسمة متمردة الفصل الاول 1 بقلم أمل مصطفى
رواية نسمة متمردة البارت الاول
رواية نسمة متمردة الجزء الاول
رواية نسمة متمردة الحلقة الاولى
تسير وهي تبحث في حقيبتها علي الفون
لكنها اتصدمت بأحدهم
تحدثه نسمه بإحراج::
أسفه أسفه جدا مأخدتش بالي
قابلتها إبتسامه سهير العذبه ::
مافيش مشكله دانا حظي حلو
أشوف القمر ده علي الصبح
تورد وجه نسمه من الخجل وهي تهتف شكرا جدا لذوق
حضرتك
مدت لها سهير يدها وهي تعرف نفسها أنا سهير أصحابي بينادوني سوسو والناس الغريبه سهير هانم
تحبي أيه
نسمه بمرح ::
سوسو طبعا
ضحكت سهير خلاص بقينا أصحاب أنتي برده بتصيفي زينا
::لاء دي مدينتي أنا عايشه هنا
::طيب كويس لاقيت حد يخرجني أنا هنا
من يومين بس أبني مش فاضي بيرجع متأخر
أيه رأيك نتفسح مع بعض اليومين دول علي ذوقك
نسمه ::
مافيش مشكله بس لأزم أستأذن بابا الأول
::طبعا ده رقمي وهاتي رقمك نبقي نتفق
::تحدثت بإبتسامه عذبه تمام بكره أقابل حضرتك فين
:: تيجي تاخديني من الفندق
طيب حضرتك نزله فين ؟
::أنا في فندق ****
نظرة لها نسمه بتعجب
مم جعل سهير تسالها بإهتمام مالك شكلك أتغير
نسمه بتعجب ::
أصل نزلاء الفندق ده من الطبقات الراقيه جدا
سهير بحذر ::
وده فيه مشكله بالنسبالك
نسمه بنفي ::
لا بس روح حضرتك مش تقول أنك من الطبقه دي أبدا
سهير ::بإبتسامه سيبك أنا أصلا مش بحب الشكليات
والمظاهر الكدابه
نسمه :: أنا اتشرفت بحضرتك جدا وبكره إن شاء الله
أكون عندك من الساعه ٩ صباحا
نظرة لها سهير بصدمه ::
ياه أنتي بتصحي بدري كده
نسمه ::بضحكه مرحه لا أنا بصحي من الفجر
سهير ::بجد
نسمه ::أه والله إحنا متعودين علي كده معلش مضطره أمشي لأني اتأخرت
::خلاص يا حبيبتي علي معادنا
*************
رجعت سهير الفندق ونسمه علي المنزل
::السلام عليكم يا أهل الدار أنا جعانه
مامتها الأكل جاهز يا قلبي أول مره
تتأخري كده إحنا بنظبط عليكي الساعه
:: قابلت وحده اتعرفت عليها والكلام خدنا
هيام ::طيب أدخلي غيري وصلي يكون بابا وصل
أنا حضرت السفره قبلت نسمه جبينها حاضر
*********
عند سهير
حنين صحت يا دادة
لا يا هانم
دخلت سهير غرفة حفيدتها ذات الخمسه أعوام
ونظرة لها بحزن حبيبتي أتحرمتي من الحب والحنان
بدري تذكرت أبنتها وبكت بصمت
مش عارفه ليه شوفتك النهارده في نسمه
يمكن روحها وقلبها الأبيض زيك ربنا يرحمك
ويصبرني علي الفراق
رن فونها برقم مروان أيه يا حبيبي كده تخرج بدري
من غير ماشوفك
مروان ::معلش يا حبيبتي غصب عني أنا معرفك
أني جاي شغل مش سياحه
:: أنا عارفه بس حبيت أخرج حنين يمكن تتصاحب علي حد وتشوف أماكن تانيه غير الڤيلا
دي طفله ومحتاجه التغيير
::شعر مروان بحزن والدته خلاص يا حبيبتي هحاول أخر يومين نقضيهم مع بعض وأفسحها
فيهم زي ما هي عايزه
سهير بحب منتحرمش منك يا حبيبي
***************
ركضت نسمه علي والدها وأحتضنته قلب نسمه
وحشتني
والدها ::وأنتي أكتر يا قلب خالد
هيام ::من خلفهم أه يا قلبي بتخوني يا خالد ومع بنتي مكانش العشم
ضحك خالد ماقدرش يا حبيبي أنتي اللي في الحته
الشمال
نسمه ::بمرح بقي كده ياسي بابا لما هي في الشمال
أنا أروح فين
خالد :: في حاجات تانيه جوه كتير شوفي أنتي عايزه إيه لكن الشمال لهيام قلبي وبس
::الله الله يا حج أنتوا مش كبرتوا علي كده
خالد ::مين الكبر فشر ده مافيش وحده تملي عيني
زيها مهما كبرنا
هيام ::بخجل وبعدين معاك يا خالد كده تكسفني
قدام الولاد
نسمه ::بحب ربنا يخليكوا لبعض ويرزقني بواحد
يعيشني نفس الحب ده يا بابا
::يارب يا حبيبتي يلا ناكل
**********
مالك بس يا حبيبتي
شاهي بدلال ::
كده يا مروان أهون عليك تسبني كل ده
::غصب عني يا حبيبتي ده شغل وكان لأزم
أكون موجود
شاهي ::
بدلع وأنا مكنتش هعطلك والله
كان فيها أيه لو خدتني معاك
مروان ::
حبيبتي أفهمي أمي بتتضايق لما بتشوفني
معاكي وأنا مش بحب أضايقها
وبعدين كتير قولتلك حاولي تغيري من لبسك وطريقتك وأتقربي منها علشان تتقبل وجودك
بس أنتي مش راضيه أعمل أيه
شاهي بخبث ::
نحطها قدام الأمر الواقع ولا أنت خايف
منها
مروان بحده ::
شاهي إلزمي حدودك أنت عارفه
كويس أنا مش بخاف من أي حد علي وجهه الأرض
بس دي أمي وليها أحترامها وقلبها تعبان أخاف يحصلها حاجه أنتِ عارفه أنا كنت هتجوزك قبل حادثة ندي وكانت هتاخد فتره وبعدين تتقبلك
لما تلاقيني مبسوط معاكي بس موت ندي جبلها
القلب وأنا مش ممكن أجازف بيها
وده السبب أن طلبت منك تتقربي منها وتكسبي حبها
شاهي بحقد::
مامتك مش ممكن تتقبلني المشكله مش لبسي ولا طريقة معاملتي هي بتكرهني أنا بالذات
مروان بهدوء ::
معلش يا حبيبتي بكره لما تلاقيني
رافض الجواز علشانك هتوافق أنا هقفل الوقتِ
علشان وصلت قدام الجناح ومش عايزها تنزعج
مني سلام
شاهي ::
سلام يا قلبي هتوحشني أوي
إبتسمت بخبث بعد غلق الخط أنا مش هسكت لحد ما اكون مراتك وليا حرية التصرف في كل حاجه بس أدخل الفيلا وأنا أخلص منها خالص
******************
دخل مروان وجد والدته تشاهد TV مساء الخير
يا أمي
مساء النور يا حبيبي
::أيه المسهرك كل ده
::بستناك أنا بكره أنا وحنين خرجين مع وحده
أتعرفت عليها النهارده
:::أزاي حضرتك عايزه تخرجي مع وحده متعرفيش عنها حاجه
سهير ::البنت طيبه وأنا حبيتها
::حضرتك عارفه أن المظاهر خداعه
بعدين أنتِ عارفه مركزي وعارفه أن ليا منافسين
نفسهم يكسروني
سهير بضيق ::
من قلقه المستمر عليهم أنا كبيره وأعرف أميز بين الكويس والوحش
مروان ::بس حضرتك أول مره تتعاملي مع حد بالسرعه دي مش ممكن يكون حد حطها في طريقك
علشان يوصلي
أردفت سهير ::
بفروغ صبر من شكوك أبنها أولا أنا اللي طلبت رقمها وأنا اللي عرضت عليها نتفسح
::خلاص يا أمي الحرس هيكون معاكم
_ لا يا حبيبي خليني براحتي مش عايزه أكون مقيده لو مصر ممكن يتابعونا من بعيد ولو حسوا
بخطر يقربوا أيه رأيك
مروان ::بقلة حيله خلاص يا حبيبتي تصبحي علي
خير
****************
تاني يوم كانت نسمه في الميعاد بالظبط تجلس في ريسبشن الفندق في إنتظار سهير
بعد دقائق كانت سهير أمامها بإبتسامه كبيره
مواعيدك مظبوطه يا نسوم
نسمه ::حبيبتي يا سوسو ثم ضربت التحيه العسكريه
وقالت بمرح إحنا تربيه عسكريه يا فندم
جلست سهير بجوار نسمه
سألتها نسمه مش هنمشي
::بستني حنين تصحي علشان أخدها معايا
سالتها نسمه بإهتمام ::
دي بنتك
::لاء حفيدتي الوحيده
::ربنا يخليهالك
جائت سهير تتحدث قاطعها صوت رجولي
مش ممكن أنسه نسمه عندنا أنا مصدقتش لما عرفت
قلت لأزم أتاكد بنفسي الفندق كله نور
أخفضت نسمه وجهها بخجل أزي حضرتك يا
بشمهندس كريم
أعجبت سهير بحيائها وغض بصرها
أردف كريم بإحراج ::
وصلني ردك علي طلبي ممكن أعرف
المشكله فيا ولا في حاجه تانيه
نسمه ::لا والله أبدا حضرتك من الشباب المعروف
عنه أخلاقه ومن عيله كبيره تشرف أي بيت تدخله
ومليون بنت أحسن مني تتمني قربك
كريم ::بس أنا بتمناكي أنتي
::أنا أسفه والله أنا مش حابه أرتبط بالطريقه
دي
أردف كريم بتروي ::
لو علشان التعليم أكيد مش همنعك
أنا أحب زوجتي وأم أولادي تكون علي مستوي عالي
من التعليم
::لا مش ده السبب أنا عايزه يكون فيه توافق
بين الطرفين أنا بعتبرك زي أخويا أحمد وأتمني تلاقي الانسانه اللي تستهلك وأرجوك تسامحني
ماكنتش عايزه أحطك في الموقف ده مره تانيه
::وأنا كمان أتمنالك السعاده مع الإنسان
اللي قلبك يختاره بعد إذنكم تركها تمني
أن توافق علي طلبه لقد وجد فيها الزوجه الجميله
المتدينه التي تحافظ عليه وتربي أولاده علي القيم
أما نسمه شعرت بالحزن من هذا الموقف فاقت علي صوت طفله تهتف تيته رفعت عيونها وجدت أمامها
طفله جميله ببشره قمحيه شعر أسود ترتدي فستان
أحمر
إحتضنتها سهير وهي تعرفها تعالي يا حبيبتي سلمي علي نسمه
::جلست نسمه علي إحدي ركبتيها ماشاء الله
تسمحلي برنسس حنين نكون أصحاب
سألتها حنين بطفوله هتلعبي معايا
::طبعا نلعب ونركب مراجيح ونسوق عربيات
التصادم وكل حاجه تأمري بيها
::خلاص موافقه نكون أصحاب
حملتها نسمه وقبلت وجنتها يلا نبدا اليوم من أوله
فرحت سهير من تقبل حنين وجود نسمه
حنين طفلة بين عائله غير مختلطه لا تقبل الغرباء بالسهل وعندما تري شاهي تصرخ كأنها
رأت شبح
ذهبت بهم نسمه إلي كافتريا جميله جدا رغم بساطة ديكورها
قابلها صاحب المكان بترحاب
أهلا اهلا بست البنات
_أزيك يا اونكل رضا أخبارك
:: أنا تمام لما شوفتك أزي بابا
::الحمد لله هو مش بيجي لحضرتك
::لاء يا ستي بقالوا يومين من يوم ماكسبته
في الشطرنج
نسمه بضحكه صاخبه ::
لا حضرتك بتهزر غلبت بابا
رضا بفخر::
إمم جبت واحد علمني أصل تعبت من كتر مابتهزم قدامه من ساعتها مجاش
اتفضلوا هنا جلس الجميع
كانت عباره عن طاوله مستديره بمفرش أحمر وكراسي بيضاء
نسمه ::
لسهير المكان بسيط بس نظيف جدا
والطلبات هنا بيتي اليوم بيومه
سهير فعلا بسيط وجميل بيعطي إحساس بالراحه
تحدثت نسمه طلبي حضرتك عارفه
:اه طبعا عصير برتقال فريش وتشيز كيك
حنين:: أنا زي نسمه
::أجمل طلب لأجمل بنوته وحضرتك
سهير ::أنا كمان عصير برتقال وكيك برتقال لو فيه
::طبعا موجود ثواني وتكون عندكم الطلبات
سهير ::لنسمه يلا نتكلم بصراحه أنتي بتحبي حد
::لا مافيش حاجه من دي خالص
::بس أنا شايفه أنه عريس مايترفضش
فأكيد فيه سبب
نسمه ::بصي حضرتك أنا الماديات دي ماتفرقش
معايا خالص ولا الشكل هو غني ومن عيله كبيره
وشاب وسيم بس أنا عايزه الانسان اللي ارتبط بيه
ده وشاورت علي قلبها يحس بيه من أول لحظه
يقول ده اللي عايز أكمل معاه أزاي ماعرفش حتي لو مش وسيم
أو ابن بواب كل ده مش مهم أهم حاجه أحس بيه
حضرتك فهماني
::طبعا يا حبيبتي بس معدش فيه بنات بتفكر
بالطريقه دي
..نسمه لا فيه وفيه كتير كمان بس الشباب عايزين
يعيشوا حياتهم وبعد كده يدورو علي الوحده الخام
اللي تحافظ عليهم يعني اللي زينا أخر أختيارتهم
قضوا اليوم في ضحك ولعب
حنين في
منتهي السعاده لأنها وجدت من يشاركها طفولتها
سهير كانت تتابعهم وتضحك من قلبها لأول مره
من ٣سنين علي حركات نسمه وحنين كان يوم جميل
ورجع الكل إلي بيته
****************
عند نسمه
::قابلها والدها بفرحه حمدلله علي السلامه
_ الله يسلمك يا بابا
سالها خالد بإهتمام ::
أتبسطي
:: ردت بسعاده وهي تدور حول نفسها جدا يابابا
لو شوفت حنين هتحبها جدا وتنسي معها كل حاجه
::طيب يلا نتعشي
::لا يابابا شبعانه هدخل أخد شاور وأصلي
وانام هنخرج بكره كمان
خالد بقلق :: لانها تتعامل مع أناس غريبه بتلك السرعه طيب بس خلي بالك من نفسك
نسمه بحب ::
حاضر بس خف علي أونكل رضا شويه
طول عمرك بتغلبه مافيهاش حاجه لما يغلبك
مره من نفسه
ضحك خالد::
هو أشتكاني ليكي طيب أما اشوفه
بكره لأزم أخليه يغني ظلموه
نسمه برضوخ ::
الداخل بينكم خسران ثم فتحت فونها
بص حضرتك دي حنين
::ماشاءالله شكلك هيصتي النهارده
::جدا جدا كأني رجعت طفله تاني
قبلها والدها ربنا يسعدك يا حبيبتي تصبحي
علي خير
************
عند سهير
كانت تجلس جوار حنين وهي مبتسمه
:: ألقي عليها مروان التحيه مساء الخير يا أمي
::مساء الخير يا حبيبي
::خير يا أمي أول مره أشوف إبتسامتك
دي من زمان
::أردفت بفرحه اليوم كان جميل وحنين كانت فرحانه جدا و بتضحك من قلبها
النهارده كان أسعد يوم عندي من ٣ سنين
لسه ليك كام يوم هنا
::أردف وهو يخلع جاكيت بدلته كلها أربع أيام ونرجع
::إحنا خارجين بكره كمان
::طيب بس خلي بالك من نفسك
أنا مش مطمن من العلاقه الي توطدت بسرعه كده
سهير::البنت جميله من جوه ومن بره روحها
جميله متواضعه ومحبوبه من الكل هنا
ده حتي صاحب الفندق ده طالب إيدها بس
رفضته
مروان ::بضحكه رنانه وحضرتك صدقتيها
في بنت بترفض صاحب ملايين
سهير ::بضيق أه طبعا لأن هو كلمها قدامي
كان بيسألها رفضاه ليه
مروان ::بسخريه تلاقيها بتدور علي حد أغني منه
أردفت سهير ::بنرفزه ماتتكلمش عليها كده أزعل منك
:: نظر لها بعدم تصديق فهي أول مره
تتحدث معه بهذا الضيق علم أن هذه البنت خطر
وخلفها سر
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نسمة متمردة)
تعليق واحد