رواية نسمة حائرة الفصل العاشر 10 بقلم سحر السحرتي

رواية نسمة حائرة الجزء العاشر

رواية نسمة حائرة البارت العاشر

رواية نسمة حائرة الحلقة العاشرة

*كان سليم يتكلم يوميا مع ليلى ليتعرف كل منهم على الاخر ويتاكدوا ايضا ان كل منهم يكمل الاخر وفعلا ليلى اتخذت القرار وابلغت سليم بالموافقة
*كان فارس في العمل مع نسمة وبعده في بيتها لا يفترقوا الا عند النوم الذي دفع سليم الى طرده لكي يعود الى بيته
: انت ناقص تبات معانا ولسة مفيش حاجه رسمي امال اما تكتب الكتاب هتنقل اقامتك هنا
: يا ريت يا عمي اصل تعبت من المشوار هههههه ماتخلوها دخلة ونخلص مرة واحدة وبلاش العذاب ده
: انا ما عنديش مانع بس نسمة نفسها تفرح بالخطوبة وبعدين الجواز زي كل البنات ما تحرمهاش من حلمها كويس انها وافقت على كتب الكتاب
: حاضر وهصبر وامري لله
:اعمل حسابك نسمة اجازة بكرة منك ومن الشغل
:ليه بقي كده
:بعد بكرة الحفلة لازم تاخد اجازة وتريح وهحجز لها في صبا مع لين وليلى تعمل شوية حاجات بنات عشان تفرح عروسة بقي
:طب من الشغل وفهمت مني ليه بقى
:عشان توحشك وتوحشها شويه مش ممكن ٢٤ ساعه شيفاك انا لو منها هزهق
:ايوة بس حضرتك مش منها هي نفسها اقعد معاها على طول ممكن اودعها بما اني مش هشوفها بكرة
: يا حنين بلاش الدلقة دي عموما اتفضل
*احتضنها وقبل راسها
:هتوحشيني خلي بالك من نفسك وحاولي ما تبقيش قمر قوي في الحفلة عشان بغير
: ههههه يعني ابقى قردة في ليلة العمر انت عارفني مش بحب الاوفر هتوحشني قوي
*ذهب كل من لين وليلى ونسمة الى المنتجع الصحي ليقضوا اليوم سويا …. ليلى كانت رافضة الذهاب لكن سليم اقنعها لان من حقها ان تفرح وتنتبه ايضا للبنات وايضا لكي تشعر نسمة ان امها بجوارها ويكفي انها ارتضت ان تكون حفلتها جزء من حفلة نسمة
*يرن هاتف نسمة: الو بتكلمني ليه مش بابا قالك اجازة ههههه
:هو اجازة كمان من صوتك كنت عايز اقولك حاجه مهمه نسيناها
: خير يا قلبي كل حاجة جاهزة
: هتباتي فين انت ولين بكرة بعد الحفلة
: مش فاهمه يعنى ايه
: باباك بكره هيكون عريس وهيتجوز ومش معقول يلاقي قردتين معاه في البيت يكتموا على نفسه فكرتي فيها
: لا يا حبيبي طبعا راحت عن دماغي انت بتنسيني الدنيا شكرا انك بتكملني
:مش قادر علي الحنية دي طب شوفي هتعملى ايه وكلميني واذا ما لقتيش حل ممكن تباتي معايا ههههههه
: بعينك انت بتحلم هتفق مع لين وابلغك
:هقول لبابا سليم هو مش قال اجازة
:هتبدأيها فتنة من اولها كان بيسال هنبات فين بكره انا وانت
*شرحت نسمة للين الموضوع وطلبت منها التفكير في حل
: طب ما نحجز لهم غرفة هدية في نفس الاوتيل بتاع الحفلة ونبات انا وانت في بيتنا اوبيتكم ولما تسافري اروح اقعد عند خالتو
:فكرة حلوة شوفي لما تشغلي مخك بدل الفتنة هبلغ فارس يحجز لهم وخلينا نبات عندي عشان هسافر الصبح اقدر اخد الشنطة وامشي
بقلمي سحر السحرتي
*في يوم الحفلة استعدت نسمة لجعله يوم مميز فقد جمعت صور لوالدها وليلى ولين ومهاب وهي وفارس ولم تنس عمر وزوجته كل من تحب وكانت خليفة مبهرة لكل المدعوين
*أصرت ان يعقد والدها قرانه اولا ثم هي ففعل وبعدها امسك يدها ليسلمها لفارس فكان بدوره مبهور وسعيد بجمال نسمة ورقتها المعتادة وفستانها الذي جعلها كالبدر في اكتمال صورته ومكياجها البيسط الذي أضاء وجهها اكثر لم تفوته الفرصة عندما رأها حضها وهو يحملها ويلف بها امام الناس ومسك يديها الاثنتين وقبلهم
: اخيرا تعبتيني ولففتيني حوالين نفسي من هنا ورايح مش هسيبك تبعدي عني ابدا
:ومين قالك اني هديلك فرصة تتنفس بعيد عن قلبي
:الكلام الحلو ده هيبقى على طول ولو وليد اللحظة
: انت وشطارتك
*غمز لها بعينه :انا شاطر قوي وهعجبك
*احمرت وجنتيها خجلا : مش هتبطل قلة ادب
:دى انا هبدا هههههه
*بدا الناس في المباركة لهم ومن ضمنهم كانت ثريا وسوسن قالت نسمة في نفسها
:يعني يا سليم مش عاوز تهنيني في خطوبتي امال عملناها بسرعة ليه
ثريا: مبروك يا نسمة مستعجله ليه على كتب الكتاب خايفة يطفش منك البنات ما لحقتش تيجي عشان بسرعة واحنا مسافرين على طول بعد الحفلة
فارس: لا يا فندم انا اللي مستعجل مش قادر على بعد نسمة البنات يبقوا يلحقوا الفرح بس هيكون بسرعة برضة اصل مش قادر ابعد عن احلى نسمة في حياتي
*وقام باحتضانها وتقبيلها في راسها ليزيد من غيظ ثريا
سوسن :مبروك يا حبيبتي فرحت لك قوي وكنت هزعل لو ما لحقتش اجي عشان اخدك في حضني وافرح بك
: اكيد حضرتك طنط سوسن نسمة بتتكلم عنك كتير لو اعرف كنت ظبطت المعاد اللي يريح حضرتك
*سوسن كانت سعيدة جدا يكلامه : لا يا حبيبي اعملوا اللي يريحكم واحنا نطير عشان خاطرها دى غالية علينا قوي بس كان نفسنا البنات تقف جمب اختهم
*نسمة كانت فرحانة ان فارس رد بدلا منها واوقف عمتها عند حدها وكيف دافع عنها فمسكت في يده وحضنت كتفه وهمست في اذنه
:بحبك
:دى انا اللي بحب طنط ثريا اللي خلتك تنطقي استني هنادي عليها تيجي تقف شوية يمكن تبوسيني
*ضربته في كتفه
*دارت الموسيقى ولين مثلت انها تتحدث مع نسمة وناولتها مايك صغير علقته في الفستان
*طلب منسق الاغاني العرسان للرقصة الاولى سويا
*تفأجا فارس ان نسمة تغني وهي ترقص معه اغنية إليسا من اول دقيقة
¶ ارسمني في ليلك نجمة ضياه يلمع في العين & اكتبني في عمرك كلمة يحكوها الناس بعدين
&انا نفسي اعيش فوق عمري يا حبيبي معاك عمرين & دى من اول دقيقة لحبك قلبي مال & عرفت ب ١٠٠ طريقة تغير حال بحال & بتوه بين الحقيقة يا عمري والخيال& انا عيزاك تفضل جمبي سندي وفارس احلامي & قلبي في قربك مطمن خليك دايما قدامي & انا قبل ما بنطق كلمة بتكمل ليا كلامي
*كانت الاضاءة ساحرة مع صوت نسمة جعلت فارس لايدرك ما حوله وحمل نسمة وهو يحتضنها ويلف بها ويردد معها كلمات الاغنية وكأنهم يطيروا في الهواء وعندما انتهت الاغنية قام بتقبيها من شفتيها ليروي عطشه وعشقه الشديد لها لم يتوقف الا عندما فتحت الانوار واستماعه لتصفيق المدعوين
*كان وجه نسمة شديد الاحمرار واحس والدها بها فاقترب واحتضنها حتى تستطيع الهروب من نظرات الناس
*ايه الصوت الجميل ده يا حبيبتي الف مبروك يا رب دايما تبقي سعيده و فرحانه
*اخذها فارس من حضن والدها وضمها لحضنه
: معلش يا عمي النهاردة هي بتاعتي كفاية حرمتني منها امبارح ( وهمس في اذنها) كلام الاغنية دي لي انا
*بوشوشة ورقة : كل حرف فيها اقولك على سر كمان الاغنية في فرح ابيه عمر كانت عشانك وحاسة انهم اتكتبوا لك انت وبس
*لم يدرك بنفسه وهو يقبلها في خدها
*اكملوا فقرات الحفل والجميع سعداء لاحظت نسمة ان والدها وجهه متغير عند رؤيته لسيدة تتجه نحوه امسكت يد فارس بقوة واحس ان مسكتها غير طبيعية
: مالك فيه ايه حصل حاجه
: ممكن نطلع نقف في التراس عايزة اشم شوية هوا حاسة اني مخنوقة
: مخنوقة من ايه انا جمبك محدش يقدر يزعلك عموما تعالي
:لين انا خارجة اقف في التراس شوية ممكن تقولي لبابا يحصلني
: حاضر بس في حاجه
: لا لو سمحتي بس بلغيه
*في التراس حضنت فارس بقوة وبكت بشدة
:في ايه مالك حصل حاجه ما اعرفهاش
:ما تسبنيش … فارس دى اكثر لحظة محتاجة لك فيها ارجوك لو سمحت ( كانت ترتعش وتنتفض)
:اهدي طيب وفهميني انا عمري ما هسيبك
بقلمي سحر السحرتي
*دخل سليم فوجد نسمة داخل حضن فارس ومنهارة انتقلت لحضنه ولكنه لم يستطع قول شئ
:بابا الست اللي دخلت دى ووشك اتقلب هي اللي في بالي
:اه عرفت من النت ان بنتي بتتجوز فجاية تسأل اذا انت بنتها ولة لا
: هي مفكرة انها هتيجي في يوم زي ده هترمي في حضنها واقول لها وحشتيني وازيك لا زي ما هي رفضت تعرف حاجه عني من زمان انا كمان رافضة اشوفها وانا في اسعد لحظات حياتي لو سمحت مشيها من هنا انا هفضل هنا لغاية لما تمشي
:يعني مش عاوزة تسمعيها يمكن لها مبررات
: ولا اي مبرر يمنع ام عن بنتها الا الموت دي القطط لو لقت عيالها في خطر بتاكلهم وبلغها ان ده اختيارها هي وزي ما كانوا بيقولوا على اكفي القدرة على فمها فأنا هعمل زيها
: فارس خلي بالك منها وهبعت ليلى تشوفها
*مسح فارس دموع نسمة بحنان وحضنها
:اهدي يا حبيبتي انا عمري ما هسيبك ومعاك وجمبك على طول كام مرة قلت اني مش بحب اشوف دموعك شوفي انا هدوقها كدة لو طعمها حلو هخليك تعيطي على طول
*وبحركة سريعه بلسانه تذوق دموعها من على خدها وارتشف دمعة كانت تنزل
: يع بتعمل ايه القرف ده
: يع طعمها طلع وحش قوي استني كدة لما ادوقع الناحية التانية يمكن تكون مسكرة
*لقد تغير حال نسمة من الحزن الى الضحك
: ههههه ابعد لا مش هتدوق حاجه خلاص هبطل عياط طريقتك غريبة خلتني ابطل بيها
:كل مرة على كدة افتكري تعالي بقى لما اغير طعم الدمعة المالحة دي واخد حتة سكر
*وقام باختطاف قبلة سريعة من شفتيها وضحكت من اسلوبه المرح
*دخلت ليلى واخدتها بداخل حضنها بكل حب
: ايه يا نوني في حد يزعل في يوم حلو زي ده هزعل منك انت ناسية انه كتب كتابنا مع بعض
: معلش يا لولي انت شفتي اللي حصل وفاهمة كل حاجه
: لولي ايه انا بقيت مرات بابا يعني ان الاوان تقولي ماما رسمي ولة مش حاسة اني امك
: حاسة يا حبيبتي من زمان وكان نفسي بابا يتجوزك بس ظروفك مع ابو لين منعتني والا من زمان ما كنتش حرمت نفسي من الحنان ده
:ما تقلقيش هنعوض كل اللي راح وناجل جوازك لغاية ما تشبعي حنان ههههه
: طنط عمو سليم بينده عليك وهي مش محرومة من حاجة جواز ايه اللي يتاجل انت جاية تهديها ولة تطلقيها
: ههههه البنت ناقصة حنان هديهولها
: لا مع السلامة انت انا هديهولها
*وخطف نسمة من حضنها وادخلها بحضنه وسط ضحكات نسمة على هذا الصراع اللذيذ وحضن فارس الدافئ لها خرجت ليلى وتركتهم بعد ان اطمئنت ان نسمة اصبحت بخير
: انا هروح اشوف لين غطست فين هي ومهاب مش مستريحة لهم
:اهي دي بالذات اجلي جوازها لغاية ما تشبع حنان
: لا انا عايزه اعمل فرحي معاها
: نشوف الموضوع ده بعدين شوفي كده شفايفي حمراء اصل الدموع كانت سخنة قوي ولسعتها هاتي حتة سكر
*ضربته في كتفه وهي تضحك
:تعالي يلا عشان نكمل الحفلة ونروح عندنا سفر بكرة
:طب تجي ابات معاكم النهاردة احسن تخافوا تناموا لوحدكم العفاريت هتطلع بالليل
: مفيش عفريت غيرك بعد الجواز هبطلك كل ده
: امتى بقى مش قادر استنى ما تيجي نحدد بعد شهر ولة شهر كتير
: شهر ايه مش اقل من ٦ شهور
: ليه عليك حكم بالحبس
: يا حبيبي على ما اخلي ماما تعلمني الطبخ والحاجات دي
: تعالي نتجوز وانا هعمل كل حاجه
: كلكم بتقولوا كدة في الاول بس
: طب اجيبلك مدرسة خصوصي في البيت
: بص بكرة في الطيارة نبقى نتفق تعالى نرجع بقى
*عادوا الى الحفلة سليم اطمئن عندما وجد نسمة تضحك
*كان فارس يحضر مفاجئة لنسمة كما فعلت معه كانت عبارة عن قالب من التورتة عليه صورة تجمعهم على يخت السخنة وسلسة ذهبية عليها نفس الصورة فرحت نسمة جدآ بالمفاجاة والبسها السلسلة ووعدته انها ستحافظ عليها وسترتديها باستمرار
بقلمي سحر السحرتي
*انتهت الحفلة وتفاجا سليم وليلي بما فعلته لين ونسمة وايضا قاموا بتحضير الشنط لهم وابلغوهم بالمخطط
:شكرا يا بناتي يا حلوين خالي بالك يا حبيبتي من نفسك ومن لين وانت يا فارس خلي بالك من نسمة في السفر كان نفسي احضر معاكم العملية بس عندي شغل وانتم مش عايزين تاجلوها
: معلش يا عمي عشان نقدر نحدد معاد الجواز ولسة نسمة هتكشف وتعمل تحاليل اول موعد العملية ما يتحدد هبلغك وتشوف لو تقدر تيجي ما قدرتش ما تخافش نسمة في عنيا وما تنساش انها مراتي دلوقت
:وما تنساش توصلهم وتروح على طول فاهم ههههههه
:اكيد هروحها واطمن عليها وامشي ههههه
:اوصل فارس لين ونسمة وكان معهم مهاب الذي اراد الاطمئنان على لين ايضا
: خليك بقى يا مهاب في العربية هدخلهم البيت وارجع
: وتدخلهم ليه ما ادخلهم انا وانت تقعد معزز مكرم في عربيتك
:هقول كلمتين لنسمة وبعدين دي مراتي انما لين خطيبتك فهمت بقى
:يا ريتني كتبت الكتاب انا كمان النهاردة كان زماني بقول كلمتين زيك
*ههههه ضحك البنات عليهم
:خليك يا حبيبي ما تتعبش نفسك هشوفك الصبح عشان السفر وابقى هات معاك مهاب عشان يوصل لين عند خالتها
:لا طبعا تعبك راحة لازم اطمن عليك اتفضلي امشي
:خلاص وصلنا الباب اهوه روح بقى تصبح على خير
:حاف كدة هو انا داخل اوصلك عشان ارجع فاضي
: حاف ازاي اجيبلك اكل بس انت اتعشيت في الحفلة
:انا طالعة انام يا نسمة ما تتاخريش اديله حاجة بسيطة على الماشي
:استني رايحة فين بسيطة ايه
: اديله تصبيرة وعيب اللي في سني تشوف الحاجات دي هههههه
: والله بتفهمي يا لين انا حبيتك اسمعي كلام اختك بقى وهاتي تصبيرة
:انت بعد كتب الكتاب بقيت متهور قوي
: بحبك اعمل ايه وكتبته مخصوص عشان ما اكلش قلم زي اللي كنتي ادتهولي
*وظل يقترب الى ان اصبح الحائط في ظهر نسمة
:هاه هتجيبي التصبيرة ولة اخدها بنفسي وخلي بالك الصباح والمسا كله بعد كدة بغموس
: لا مش هديلك حاجه وروح بقى عشان الطيارة ما تفوتناش
*جذبها من خصرها عليه وكتف يديها خلف ظهرها
:انت اللي اختارتي اخدها انا
*كانت قبلة عنيفة وقاسية من عاشق لم يرتوي
:بعد كدة ابقى اسمعي الكلام وادي بمزاجك عشان ما اسوقش فيها
: لا انت وحش ومش هديلك حاجه
: انت زعلتي طب هصالحك
*وقلبها على رقبتها ثم خدها وكان سيتجه الى شفتيها ولكنها دفعته بقوة
:لامش زعلانة خلاص روح بقى انت كدة هتبات هنا ومش هنخلص
*ودفعته الى ان وصل للباب واغلقته بسرعة وعادت تنظر له من الزجاج الذي بجانب الباب وتشير له بالسلام بيدها وجرت تطلع على السلم وهي تنادي
:انت يا كلبة سبتيني تحت لوحدي
: هههههه الراجل كان هيموت ويقولك كلمتين في بقك الحق عليا
*القت المخدة على وجهها
: اه يا مجرمة الحق عليك ….لا انا مش مسافرة معاه كدة خطر دي كان شوية وكان هي…..لا لالا
: ههههه يعني هترجعي من السفر ونبارك لك على البيبي
: اخرصي اعمل ايه دليني يا نيلة انت
بقلمي سحر السحرتي
:خلاص ما تسافريش عشان مش هتقدري تقاومي زي ما انا شايفة انت بتحبيه وهو مفيش عنده مشكلة مع جسمك
:انا اللى عندى مشكله وممكن مع اي خناقة يفتكر ويعايرني
:واضح انه مش كده
: عارفه بس زي ما قال هبقي معقدة وهطلع عقدي عليه وانا بحبه قوي يا لين ومحتاجة له الفترة دي وخايفة وقلقانة مشاعر متضاربة
: طب خلاص سافري وخلي بالك من نفسك
*رن هاتف نسمة وكان سليم يطمئن عليها هي ولين وتحدتث معهم ايضا ليلى
*بعدها اتصل فارس اتجهت نسمة لترد بعيدا عن لين
:هاه حبيبتي نامت ولة لسة
: برد عليك يعني لسة صاحية
: وصاحية ليه مش ورانا سفر بكرة ولة مش جايلك نوم من الفرحة زي وبتتخيلي حاجات ومحتاجات هههههه
: اكيد فرحانة وزعلانة في نفس الوقت وعايزة اطلب منك حاجة ارجوك توافق وما تزعلش
:انت تؤمري مش تطلبي يا قلبي
: ممكن ما تتجاوزش حدودك تاني عشان زعلت من نفسي اني سمحت لك بحاجه زي دي
:بس انا دلوقتي جوزك وما عملتش حاجة خارجة
: انا خايفه انها تتطور ونفسي ابقى لك بس يوم فرحنا انا بحلم زي كل البنات حتى لو مش بعمل زيهم بحلم بالفستان الابيض والفرحةوابقى معاك وفي حضنك يومها لك بس قبل كدة هكره نفسي قوي اكثر ما انا بعذبها وبكرهها فاهمني
:فاهمك واوعدك ان مش هتعدى حدودي لغاية يوم الفرح بس ما تحرمنيش من شويه تصبيرة ما تتعداش بوسة او حضن ومتخافيش
:طب حاجات بسيطة عشان يبقى طعمها احلى يوم فرحنا بما انك وعدتني اوعى ترجع في وعدك
:ما تخافيش منى انا اكثر واحد يحافظ عليك ولة انت خايفة من نفسك
:الحقيقة انا بحبك قوي والفترة دي محتجالك وخايفة اسلم وما اعرفش اقاوم وعيزاك تساعدني
:انا مبسوط انك بتفتحي قلبك وتحكي على كل حاجة وبتنفذي اللي اتفقنا عليه الصراحة في كل حاجه واوعدك تاني
:شكرا يا حبيبي
:على ايه
: انك في حياتي وفهمتني ومش زعلان مني
: قلت لك عمري ما اقدر ازعل منك تصبحي علي خير نامي بقي عشان هكون عندك من بدري
: وانت من اهل الخير..اموة (كانت قبلة طائرة منها في الهواء)
: بقالك ساعه سيباني وعماله ترغي في ايه من بكره هيبقى بوزك في بوزه كام يوم
: اتفقت معاه انه يتلم شويه
[: هههههههه هبلة مفكراه هينفذ
:انت بتوقعي قلبي ليه هو وعدني وانا مصدقاه
: وهتقدري مش عايزة بوسة كدا حضن كدا
: يا قليلة الادب عايزة طبعا احنا اتفقنا مش اكتر من دول
:ااااه طيب اما نشوف
: لين اتلمي اشمعنى انت ومهاب مش بتعملوا كدة
:انا ومهاب كان لينا تجارب حب قبل كدة واخدنا على بعض واحدة واحده انت فارس اول تجربة على كبر وادلقتي على بوزك وكمان ليلى قفشتنا مرة وهددتنا لو عملناه تاني هتفسخ الخطوبة
:طب هو مدلوق ليه ما هو اكيد عنده تجارب
:هو بيسلسلك بحبه عارف انك مجنونة وممكن تفلفصي
*بهيام وهي تحتضن المخدة
: بحسه فاهمني وعارف انا بفكر في ايه قبل ما انطق
: ما تنسيش انه مش صغير وتجارب الحياة عنده كتير وياما سافر وشاف يعني خبرة في التعامل مع الستات
:ههههههه طب يلا ننام احسن فاضل ساعتين ونصحى نستعد ادى اخرة الرغي كل واحده بعد كدة لها اوضتها
:لا انا هنام معاك على طول عشان طول عمري كان نفسي في اخت بنت ونتخانق ونبات مع بعض شويه وهنتجوز فنعيش مع بعض شويه
:عندك حق لو كان ليا اخت ما كانتش هتبقى اغلى منك ( وحضنتها وناموا)
*رن جرس الباب في الصباح نزلت نسمة لفتحه وكانت مازالت نائمة على نفسها ونسيت انها تلبس بيجامة شورت وكات وتتثاءب تفاجأت بمن يدفعها بيقوة ويصرخ
:امشي البسي حاجه بتفتحي الباب كدة معايا مهاب
*سمعتهم لين لحقتها والقت لها بالروب
:هو انت جاي بدري ليه وبتزعق كدة ليه
: مش عارفه بزعق ليه افرضي مش انا اللي على الباب تفتحي كده ازاي
:هيشوفوا ايه يعني كلها تشوهات
: يعني لو مفيش تشوهات عادي بالنسبة لسيادتك
:طب ما تزعقش ما اخدتش بالي فكرتك الدادة واصلا المنبه لسة ما ضربش
: انا غلطان عملت حسابي ان هتروح عليك نومة
: ما تزعلش يا حبيبي حقك عليا صباح الخير
: وقبلته في خده وجرت تصعد السلم سريعا ذهب هو الاخر خلفها جريا وامسكها على اخر سلمة فارتعبت منه واوقفها وكان ظهرها للحائط واقترب منها
:انت عملت ايه انت قد الحركة دي
*بطيبة ورقة في الصوت لتخطف قلبه اكثر
:عملت ايه مش انت قلت لي الصباح والمسا ببوسة قلت الحق قبل ما تتهور
:احب جرئتك واحب سمعانك للكلام اصبح انا كمان بقى
: احم احم يا نسمة كفاية صباحات بقى عشان نلحق نلبس احسن الطيارة تفوتكم وهناك ابقوا صبحوا ومسوا وحسوا بالشعب الغلبان
:ههههه شفت فضحتنا انزل وانا خمسة ونازلة
:خمس ساعات صح ما تتاخريش
*نزل فجريت نسمة خلف لين لتضربها في كتفها
:قطاعة ارزاق يا غلسة كان هيصبح بس
: يا انانية حسي بيا انا لا بتصبح ولا بتمسى مهاب عامل فيها عذراء ولخمة على الاخر وخايف من ليلى وبعدين ما انت مسافرة معاه لوحدكم وهتشبعي صبح وظهر ومغرب كمان
:عنيك دى اللي هتجيبني الارض هههههه
: هو انت بيحوق فيك حاجه كل يوم عايزة تقرير وبالتفصيل الممل فاهمة
: تمام يا فندم لو لقيتلك وقت هههههه
بقلمي سحر السحرتي
*مهاب من اسفل ينادي عليهم ويصرخ
:ما تخلصونا بقى يا برنسيسة منك ليها سواق الهانم صاحي من الفجر عشان يوصلكم
:صباح الخير يا مهاب احنا جاهزين اهوه وما اتاخرناش بتزعق ليه على الصبح بعدين لين تغير رايها فيك
: لا لين عرفاه وراضية ياستي اطلعي منها انت بتزعق ليه يا حبيبي
: الاستاذ فارس جاررني من قفايا الفجر عشان ما يتاخرش ذمبي ايه اقولك روح خود عروستك ولين هبقى اوصلها بعدين يقولي ومين هيوصلنا المطار سواق ابوكم انا
:هش يسمعك بعدين يخصملك يومين
:سمعته وكنت ناوي اديله اجازة يومين بس هو مش بيصبر على رزقه انا كده هفصله
: لا الله يخليك انا ممكن اوصلك لباب الطيارة بس بلاش فصل انا راجل داخل على جواز ومسؤلية
: خلاص يا فيري سامحه عشان خاطري دى هيبقى جوز اختي
:عشان خاطر فيري اللي بتخطف قلبي دي سامحته وهديله ٣ ايام كمان مش يومين بس مفيش وسايط تاني الشغل شغل
:طب مع الاجازة مفيش مكافأة عشان بوضب في الشقة واخلص واتجوز انا كمان
:شفتي سكتناله
: خلاص بقى يا فرفورتي اديله مكافأة عشان يلحق يخلص ويتجوز معانا
: فرفورتي ويتجوز معانا مش راكبين على بعض بس عشان خاطرك هبعت لهم ميل خلاص
:حبيبتى يا نسمة يا احلى اخت فى الدنيا ربنا يسعدك في السفرية وتاخدي تصبيرة طول اليوم
مهاب :تصبيرة ايه مش فاهم
لين: اما تكبر شوية هبقي افهمك
*ضحكوا جميعا عليه
مهاب : طب يلا بينا احنا صاحيين من الفجر عشان الطيارة تفوتكم اتحركوا
#ماذا سوف يحدث في السفر احداث شيقة انتظروها حلقة مهمة جدا