رواية نسمة حائرة الفصل السادس عشر 16 بقلم سحر السحرتي
رواية نسمة حائرة الجزء السادس عشر
رواية نسمة حائرة البارت السادس عشر
رواية نسمة حائرة الحلقة السادسة عشر
صعدت ثريا لنسمة لتبارك لها وفارس
:كان نفسي اقولك امك دعيالك لكنها ما تعرفكيش بس واضح ان امه اللي داعية عليه حاولي بقى تعمري مش هنلاقي حد تاني يرضى بك
:الله يبارك فيك يا عمتي اكيد امي مش بتدعيلي بس عندي احلى اب بيدعيلي دايما وفارس استجابة الدعاء
:الله يبارك فيك يا طنط بس بلاش الكلام ده لان والدتي الله يرحمها دعتلي وربنا استجاب بنسمة احلى من كل ستات الدنيا وتعبت قوي على ما وافقت تتجوزني
*همس فارس في اذنها
:ما تزعليش يا حبيبتي واضح ان طبعها كدة
:ما تقلقش مش هزعل نفسي النهاردة بالذات مهما حاولوا هو انت تعرف اللي واقفة مع اونكل فخر دية
*اتجه بوجهه ليرى الى ماذا تشير نسمة فاصبح وجهه غاضب جدا ولكنه تماسك حتى لا تلاحظ نسمةولكنها كانت تتابعه باهتمام
:اه اعرفها ومش عايز اعرفها
:لغز ده ولة ايه يا حبيبي مين دي
*وبينما كانت نسمة تساله فشل فخر ان يجعل الضفية تنصرف وصعدت لتسلم عليهم
:مبروك يا عريس مبروك يا عروسة يا ترى عرفتيني انا جي جي طليقة فارس
:اهلا اهلا هو انت ….. هو قال انك جميلة بس ما كنتش اعرف انك جميلة قوي كده
:هو حكالك عني
:طبعا يا حبيبي مش بيخبي عني حاجه ابدا(وحضنت كتفه)
:متاكدة انه حكالك كل حاجة ومع ذلك قبلتي تتجوزيه
:اه طبعا تحبي تتاكدي اساليني وهجاوبك وبعدين فارس ما يتسابش وكلها حاجات انتهت ورماها في الزبالة
*مالت على اذنها وهمست
:خطيبك كان معايا امبارح قالك عليها دي
:هههههه كدابة هو قال انك هتحاولي تبوظي الفرح بأي طريقه بس معرفش ان الطريقة قذرة قوي كده
:لو مش مصدقة معايا الدليل
:انا كمان ممكن اطلعك راجل وقلبتي ست البرمجة لعبتي فماتحاوليش مهما قلتي مش هصدق
فارس:شكرا يا جي جي باركتي تقدري تمشي
جي جي :حاضر يا فارس همشي دلوقت بس هنتقابل تاني
:كانت بتقول لك ايه
:كلام اهبل طبعا ومش مصدقة ولا كلمة منه
:يعني قالت ايه
:بعدين يا حبيبي في البيت ده فرحنا يلا نرقص
:انت ليه قلتي ان انا حكيت لك
:دي واحده جايه تعكنن علينا ما ادتلهاش فرصة بس ايه ما قلتش انك كنت متجوز صاروخ
:صاروخ فاسد ضفرك برقبتها
*صعد فخر وسلم عليهم وهمس لنسمة
:ما تخليش الحرباية دي تنكد عليك وما تصدقيش كلامها
:اطمن يا اونكل شكلها بيفسر حاجات كتير
بقلمي سحر السحرتي
*نادى منسق الحفل على العريس واصدقائه نزل فارس ومهاب فأشارت نسمة الى ليلى فصعدت وحكت لها عما دار من جي جي
:تفتكري فعلا كلامها صح انا قلبي بيدق من الخوف
:اقطعي الشك باليقين واساليه في البيت ولو كان حصل افتكري رصيده وكويس انك اتصرفتي كدة
:رصيد ايه دلوقت لو طلع من الاول بيخوني
:ما أظنش فارس بيحبك وبيخاف عليك
:طب اعمل ايه لو كان حصل
:ما حصلش ما تقدريش البلاء قبل وقوعه وبلاش تنكدي على نفسك وعليه واتناقشي بالراحة
:كل اما اجي افرح يطلعي عفريت ينكد علي
:ما تديلهاش فرصة توصل للي عيزاه
:فارس جاي اعملي انك بتظبطي الفستان
*صعد فارس واحتضنها وقبل رأسها وامسك يدها لكنها سحبتها منه بتوتر هو لاحظ ولم يعلق
:نادي منسق الموسيقى على العروسة واصدقائها نزلت نسمة فأنقذها ذلك واندمجت لكي تنسى ما صار بعد الرقص وجدت فارس بيغني تاني اغنية
&فات قرب عليا وخد ٣-٤ حاجات خد قلبي مني خد عقلي بالساعات وانا ما افتكرتش في كدة مهما كان
*بعدها اكمل الاغنية حماقي تفجأت نسمة ولين وصرخوا وقاموا باحتضان فارس و مهاب
:ايه رايك في المفاجأة دي مش مجسم حقيقي لانك بتحبيه
*قبلته في خده وحضنته مرة اخرى
*انتهى حماقي من اول اغنية وهمس لنسمة في اذنها
:انا جيت عشان هتقعديني في البيت بالبرنامج بتاعك اللي يجي يقولك خلي حماقي يغني في فرحه قولي مش بعرف اعملها تاني ههههههه
:ايه ده انت عرفت ههههه دي مرة ومش هتتكرر احسن ترفع على قضية وتحبسني
*انتهى حماقي وجلست نسمة وفارس صعد مروان مع عمر وسليم وفخر
مروان:نسمة عندنا هدية لك انت وفارس من قلبنا
سليم:على فكرة ده اقتراح مروان وكلنا موافقين عليه
عمر:مروان عايز يكفر عن انك كنت شايلة نفسك من الجامعة لحد دلوقت بسبب كلامه فقررنا انك وفارس هتبقى الشركة بتاعتكم رسمي
فخر:بس حق الادارة لفارس يعني هو يستلم مكاني وانت تستلمي مكانه وده عشان خبرته
نسمة:شكرا يا بابا بس ما كانش له داعي ده كله انا مش زعلانة وبعدين يا اونكل حق الادارة لفارس دى انا كنت هديرها احسن منه بس يلا اهو جوزي برضة
فارس :شكرا يا بابا بس ليه كده حضرتك الخير والبركة
فخر:يا حبيبي انت ونسمة عاملين شغل حلو قوي الفترة اللي فاتت وانا عندي شغل كتير وفي الاخر كله لك
عمر :انا همسك لغاية لما ترجعوا من شهر العسل اللي هو مش شهر وبعد كدة انتم مسئولين لان بابا هيمسكني انا ومروان شغل تاني مش هبقي فاضي
نسمة:ربنا يخليك يا ابيه بس بما انها اخر اجازة هنحاول نطول بقى على قد ما نقدر هههههه
*سلموا عليهم وقاموا باحتضانهم واشتغلت الموسيقى تفاجأت نسمة ان سليم يغني لها
&شو حلو .. حبيبي شو حلو…ها القمر شوفوا ما اجمله &بس انا ع بالي دلله & وحياتي ما حدا بقى يزعله
*ونظر لثريا في هذة الجمله وحضن نسمة ولين وبعد ذلك حضن ليلى
بقلمي سحر السحرتي
*انتهى الفرح وكل عريس اخذ عروسته وذهب الى بيته
*فتح فارس باب الشقة وحمل نسمة بين يديه ودخل كانت مكسوفة جدا وطبيعة خديها كثرة الاحمرار كالطماطم
*انزلها فارس فامسكت بطنها وصرخت
:اه بطني بتوجعني مغص هيموتني الحقني يا فارس اه اه
:نسمة بطلي استهبال انا فاهمك كويس ما كنتيش عايزة حد ينكد عليك في الفرح ومش هتبوظي اليوم على
:اه بطني بتوجعني يا فيري الاكل باينه كان فيه حاجه كان ماله الكشري مش كان احسن من اللي وجع بطني ده
*امسكها من قفاها وبيجز على اسنانه
:كشري هتدخلي زي الشاطرة تغيري هدومك ولة اغيرلك انا وانت عارفه انا بقول الكلمة مرة واحدة
:خلاص قلبك ابيض بس افتح السوستة بادب
:اتفضلي بمنتهى الادب واطمني عايز اتكلم معاك الاول كلمتين
:هو ده وقت كلام برضة هههه دى وقت نوم انا تعبت قوي من كتر الرقص وعايزة انام
:عندك حق كنت الرقاصة اللي قايمة بالفرح عموما دي اخر مرة هترقصي فيها قدام الناس
*بعد دقائق كانت لبست قميص نوم رقيق وعليه روب وهو ايضا غير ملابسه وجلسوا في الليفنج
:ايه هنتفرج على فيلم دلوقت
:لا هتحكيلي جي جي قالت لك ايه
:هو ده وقت جي جي وبعدين قالت كلام كدب
بقلمي سحر السحرتي
*نسمة كانت بداخلها ستموت وتخبره لكي تعرف الحقيقة لكن ارادت ان توهمه انها لاتهتم كي يصر عليها
:وانا عايز اعرف قالت ايه عشان اصححه
:قالت انك كنت معاها امبارح ومعاها الدليل وانا كدبتها وعرفتها ان البرمجة لعبتي
:بس هي مش كدابه انا كنت معاها امبارح
*كانت نسمة ستبكي لكن تماسكت الى ان ينتهي
:امبارح كان اصحابي عاملين حفلة وهي حضرت من غير ما اعرف وقربت مني مفكرة اني هحن لها وانا طردتها وواضح انها كانت مخلية حد يصورني معاها ويبعت لي الصور عشان تهددني وانا ما عبرتهاش… مصدقاني
*حضنت نسمة فارس
:اه مصدقاك وقلت لها من الاول كدابة ومش عايزه اعرف حكايتك معاها دي ماضي وانتهى صح
:صح يا قلبي وعايزك على طول عاقلة كدة وتتصرفي بحكمة وتسأليني وانا هجاوبك وهعمل معاك كدة حبيت اوضح قبل ما نبدا حياتنا مع بعض
*وقف وحمل نسمة بين يديه وهي ترفص بقدميها وتصرخ
:نزلني انت بتستغل المواقف انا لسة ما خلصتش كلام
:هو ده وقت كلام ده وقت تصفية الحسابات شوفي كام يوم لا صباح ولا مسا ههههههه ولا تصبيرة
*دخل الغرفة واغلق الباب وبدأوا حياتهم وغابوا في عالمهم الخاص واصبحت نسمة زوجته رسميا
*استيقظ في الصباح ولا يصدق انها في احضانه ضمها واخذ تصبيرة الصباح استيقظت
:هو الواحد ما يعرفش ينام في الشقة دي
:مفيش صباح الخير ولة صحيح هو ده الجواز دى انا هغرق في السعادة
:هههههههه صباح الخير يا حبيبي بهزر معاك نمت كويس
:عيزاني اخدك في حضني براحتي وما انامش كويس
:الله على الكلام الحلو هو كل يوم هصحى عليه
:انت وشطارتك
:لا على كده مفيش اشطر مني و هتشوف ….هي الطيارة امتى يا حبيبي
:بالليل يا قلبي ليه
:ايه ده يعني هحضر فطار وغداء لا كدةكتير على وانا لسة عروسة
:هههههه هو ده كل اللي همك انا ممكن ما افطرش عندي انت هكلك
:اوعى يا مجنون بتعمل ايه خلاص هقوم احضر الاكل
:لا الشاطرة ما تعترضش وخصوصا في الاجازة بعدها عندنا شغل كتير
:ما تفكرش في الشغل عايزين نستمتع يالاجازة
:بقى الجمال ده هيبقى معايا على طول في الشغل والبيت
:هقرفك في البيت والشغل ههههه اشغال شاقة
:قصدي هبقي مديرك في الشغل يعني لو زعلتيني في البيت انت حرة
:خلي بالك انت مديري في الشغل وانا مديرتك في البيت هههههه
*كانت تقف في المطبخ تحضر الطعام حضر فارس وحضنها من ظهرها وقبلها في خدها
:ايه ده بقيتي بتعرفي تعملي فطار امتى
:ماما قبل الفرح بيومين علمتني وما تتعشمش في اكثر من كدة اما ارجع هتعلم واحدة واحدة
:هي طنط مها قابلتك
:لا ماما ليلى وما اسمعش اسم مها ده تاني انا قفلت الموضوع ده ومش هيتفتح تاني نهائي
:خلاص ما تزعليش هساعدك واحط الاطباق على السفرة
:شكرا لحضرتك ده المتوقع ههههه
:الله احلى بيض مقلي اكلته في حياتي هتبقى احسن طباخة ايه الشطارة دي مخبياها فين
:شفت بقى لما بحط حاجه في دماغي والبركة في الاستاذة وكمان قالت لما بعمل الاكل بحب بيطلع طعمه حلو
بقلمي سحر السحرتي
*رن جرس الباب قامت نسمة لتفتح الباب منعها فارس لانها مازالت ترتدي قميص النوم والروب
:عمي اهلا وسهلا اتفضل
*كان سليم وعلامات الانزعاج والغضب على وجهه
:نسمة فين
:انا هنا يا بابا اتفضل تعالى افطر معانا حماتك بتحبك وانا كمان اللي عاملة الاكل تخيل
:ممكن تلبسي وتيجي معايا دلوقت
:ليه يا بابا خير ماما ليلى حصل لها حاجة
:لا بس الاستاذ مش امين عليك انا غلطان اني جوزتك ليه بس هصلح الغلطة دي
:ممكن يا عمي تفهمني ايه اللي حصل
:اتفضل شوف الصور والفيديوهات دي
*اخذ فارس الهاتف وشاهد هو ونسمة كانت صوره مع جي جي بعضها قديم والبعض من حفلة فارس مع اصدقائه
:بابا انا عارفة وفارس حكالي عن الموضوع ودي مشكلتنا هنحلها سوا
:يعني ايه ماليش لازمة اطلع منها
*حضنت والدها وطلبت من فارس ان يتركهم بعض الوقت
:يا حبيبي انت اغلى حاجه في حياتي ومقدرش ازعلك بس فارس دلوقت بقي جوزي رسمي ولازم اعتمد علي نفسي في حل مشاكلي وان اسيبه واسيب البيت هبقى بعمل اللي هي عاوزاه يعنى لو فاعلة خير كانت قالت قبل الفرح دي جايه الفرح تبوظه ماعرفتش بعتت لحضرتك
:ازاي مش فاهم
:سلمت على في الفرح وقالتلي ولما ما ادتلهاش فرصة ولقت اني مكملة بعتت لحضرتك قصدها ايه من كده وفارس حكالي ووضحلي اللي حصل ومعظم الصور دي قديمة مقدرش احاسبه على حاجه قبل ما يعرفني ودي كانت مراته ولة ايه
:بس مش عايز يحس ان مالكيشةظهر
:ما اتحرمش منك يا حبيبي هو عارف ان لي بدل الظهر ٣ انت واخواتي بس فكر كده من ساعه ما عرفته وهو واقف جمبي قد ايه وعمل عشاني ايه
:انت بقيتي بالعقل ده امتى
:بفضل ربنا ومساندتكم دايما ليا يا حبيبي وبعدين عايزني ارجع معاك البيت وما كملتش ٢٤ ساعه جواز ولسة اختك بتقولى فى الفرح يارب تعمري هههههه
:لا طبعا يا حبيبتي بس خفت تعرفي وخايفة تقوليلي
:ممكن بقى تصالح فارس وتطيب خاطره بكلمتين
:يعني عيزاني اعتذرله يرضيك
:لا ياحبيبي بقول تطيب خاطره تقوله انك كنت فاهم الموضوع غلط وانا فهمتك بس مفيهاش حاجه واظن فارس يستاهل
:يا فارس ما تزعلش انا فهمت غلط وانت عارف نسمة عندي تبقى ايه ربنا يسعدكم وخلى بالك منها
:ما حصلش حاجة يا عمي حقك وانا هعرف شغلي مع الحقيرة اللي عملت كده
:لا يافارس موضوع واتقفل هتعمل لها حاجه هتبقي وسيلة للاخد والرد معاها
:ربنا يكملك بعقلك يا بنتي همشي ربنا يوفقكم
*حضنهم وتركهم وانصرف فارس كان متضايق لكن نسمة جلست امامه وامسكت وجهه بيديها وقبلته
:مالك يا حبيبي زعلان ليه
:اسف عرضتك لموقف سخيف مع باباك
:ليه بتقول كده ياما هنتعرض لمواقف صعبة بس المهم نعدي سوا ولغة التفاهم بنا تفضل موجودة صح ولة ايه وما تديلهمش فرصه ينفذوا اللي هما عاوزينه وينكدوا علينا
:يعني انت مش زعلانة يا قلبي
:اكيد لا عشان دي بقى ماضي وانا الحاضر والمستقبل كمان غصبن عنك ههههه
*حضنها وحملها بين يديه ودخل غرفة النوم
:هههههه هتعمل ايه يا مجنون
:هكمل فطار لسه ما شبعتش
*على قد ما كانت نسمة خائفة ان يكون ما حدث حقيقة على قد ما أطمئنت وهي في حضنه واحست مشاعره الصادقة وانه لا يكذب ويكفيها كل ما فعله من اجلها واحتوائها وقبوله لها بكل عيوبها ومشاكلها فقررت أيضا ان تقبله بأخطائه من الماضي والحاضر وتسامحه وتغفر له
*جاء موعد السفر وتقابلوا في المطار ولين حضنت نسمة وكأنهم بعيد عن بعضهم لسنة وقرروا الجلوس بجانب بعضهم في الطائرة امسكها فارس من قفاها
بقلمي سحر السحرتي
:نعم تقعدي جمب مين انا ممكن احدفك من الطيارة
:بطل مسكة الحرامية دي عشان هزعل منك
:انت اللي بتخرجيني عن شعوري
:عادى يا حبيبى اقعد جمبها حتى اسال مهاب كدة وكمان عشان اوحشك
:مهاب مش عادي يا حبيبي اقعد جمب نسمة في الطيارة
:طبعا يا حبيبتي بعد الجواز بقت الكلمة كلمتك هههههه
*ضحكوا جميعا خصوصا فارس سقط من الضحك
:انت شايف يا مهاب ان ده عين العقل
:هو ده العقل بذاته هيقلبوها نكد على راسنا يقعدوا مسافة السكة وهيبقوا بعدها معانا نربيهم
:دى انت طلعت مش سهل ههههههه
:يا ويلنا هنعمل ايه معاهم دول
:سيبك منهم نعمل اللى احنا عايزينه وبعدين نضحك عليهم بكلمتين او بوستين ونصالحهم
:تصدقي يا نسمة طلعت مش سهلة انت كمان بس وطي صوتك لايسمعونا هههههه يا ويلهم منا
*جلست نسمة بجانب لين يضحكون ويهزرون وصوتهم عالى جعل فارس ومهاب متغاظين منهم جدا
:لا دى وضع ما يتسكتش عليه نسمة تعالى اقعدى جمبى عشان عاوزك في موضوع مهم
:طيب يا فيري شويه وهاجي هخلص مع لين
:مفيش فيري ولا زفت بقولك تعالي هنا
:لين انا هقوم احسن النار اللى طالعة منه تحرقنا وتوقع الطيارة ههههه هظبطه وارجعلك
*غمزت للين بعينها وجلست بجانب فارس امسكت يده ووضعت رأسها على كتفه
:ايه انت هتنامي يعنى مفرفشة مع صاحبتك وجاية تعملى كتفي مخدة
*كتمت ضحكتها ووضعت يدها على خده وقبلته في الخد الاخر ورققت صوتها وهمست في اذنه
:انا مستنياك تهدى يا حبيبى لاني شيفاك متنرفز
:يعني شايفة انه عادى تسبيني وتقعدي مع صاحبتك
:يا حبيبي دي مسافة الطريق بعد كده هبقى ملكك
:وعمالين تضحكوا على ايه
:كلام بنات بس اللي ممكن تعرفه انها عملت زيي ان عندها مغص ودوخته ساعتين بس انت فقستني بدري هههههه
:كنتم متفقين على كدة
:لا طبعا ما هو ده سبب ضحكنا دماغنا واحده
بقلمي سحر السحرتي
*ضحك فارس على طفولتهم وهدء ووضع رأسها على كتفه
:عموما مش عايزك تبعدي عني حتي لو هتنامي تبقي جمبي لانك وحشاني وما لحقتش اشبع منك
:يا حبيبي لازم نوحش بعض شويه عشان كدة قعدت افكر في موضوع الشغل وعايزة اتعامل معاك فيه باقل قدر عشان ما تزهقش
:تفتكري انا ممكن ازهق منك عمري كله
:مع الوقت هتزهق عشان كده لازم نرتب الموضوع ده وكل يوم هسبقك على البيت بدري ساعتين
:ليه بقى
:عشان اجهز الاكل لحبيب قلبي وترجع تلاقيني مستنياك
:انت فكرتي في كل حاجه ما سبتيش حاجه
:ما سبتش حاجة تسعدك يا حبيبي الا وفكرت فيها لانك كل حياتي وعايزة وجودي في حياتك يبقي مختلف
*قبلها في رأسها:حقك على ما تزعليش قومي اقعدي جمب لين
: وسي مهاب هنعمل فيه ايه دى قعد جمبها ومتبت
:هستغل سلطتي وانده عليه مهاب تعالى عايزك
:شيلو مهاب وحطو مهاب كانت سفرية مهببة
*ضحكت البنات ومعهم فارس وجلست نسمة بجانب لين وعلى وجهها نظرة الانتصار
:مش قلت لك راجعة وهو اللي قالي روحي اقعدي
:ايوة يا نسمة يا جامد علميني شوية هههههه
*وصلوا وكل واحدة امسكت يد زوجها عند وصولهم الفندق طلب مهاب من فارس
: ياريت تخلى غرفنا بعيد عن بعض ويفضل يكون كل واحد في دور مختلف ههههه وياريت تنسوا اننا معاكم ماشى
:طب ما كل واحد يزل في فندق احسن
:والله يكون احسن يا شيخ
:للدرجادي مش طايقنا هههههه
:يا اخي عريس جديد وخاطب بقالي سنتين ومعلماني الادب كمان تقعد جمب مراتك طول الطريق ولا مرة تعبرني حتى وتبصلي
:انت مش قلت هتربيها اول ما نوصل
:ياعم ده كلام هما الستات يقدر عليهم غير ربهم
:هههههه اهدى كده انت لسة اول يوم جواز خلاص اوعدك هسيطر على اللي عندي ونعمل اللي انت عايزه
:مسيطر انت قوي ما انت عملت فيها سبع وندهت عليها خمس دقايق ورجعت تانى تقعد جنب لين
:فكرت وقلت ما احنا هنوصل ووشنا هيبقى في وش بعض على طول اسيبها شويه تنبسط مفيهاش حاجة
:طب نبه على مراتك تسيبلي مراتي شويه الاجازة صغيره بعدها هتوحل في الشغل
:الشغل وحل طيب اعمل حساب اني مديرك يا أخي
:احنا هنا أصحاب سيبني افضفض بدل ما اطق
:هههههه انت معبي قوي فضفض فضفض
:امبارح جننت امي ساعتين عندها مغص واغلي ينسون وكمون على ما بقت كويسة
*كتم ضحكته :يمكن كانت تعبانة فعلا ذمبها ايه الستات عايزين يحسوا بالحنية
:وانا مين يحس بيا
:انا احس بك يلا بينا نطلع نريح
:خير يا استاذ فارس انت ومهاب مكان عندكم وقت في الطيارة ساكتين فيها وجايين تتكلموا هنا
:نسمة ابعدي عني وعن مراتي الاجازة دي فاهمة
:من امتى دى انا اللي معرفاكم على بعض وقدمت جوازكم معايا كدة اول ما تتجوزها عايزها تقاطعني
:متشكرين يا ستي بس انا معاها في اجازة اول مرة عايز اشبع منها قبل ما اتسحل في الشغل ابوس ايدك ارحميني وبطلي مقالبك دي
:كده ماشي هقطاعكم لحد اما نرجع بعد كده مش هيفرقني عنها اتخن شنب
:اما نرجع لو عيزاها تبات معاك كمان اتفضلي
:لا تبات ايه انا اللى هقف لك لم نفسك يا مهاب واتفضلي يا ست نسمة نطلع نريح نشوفك وقت ما تحب ابقى اتصل بينا
*كتمت نسمة ضحكتها وفارس لاحظها وضغط على يدها
:هو ماله متعصب ليه كده
:من عمايلك السودة انت وصاحبتك الراجل مستحمل بقاله سنتين يوم ما يتجوز مراته متعبروش
:ما هي هتعبره لسه العمر قدامهم
:فرحة البدايات مختلفة ابعدى عن وشه اليومين دول
:عشان خاطرك بس
#يا ترى هيعدي شهر العسل من غير اي خلافات
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نسمة حائرة)
