رواية نسمة حائرة الفصل السابع 7 بقلم سحر السحرتي
رواية نسمة حائرة الجزء السابع
رواية نسمة حائرة البارت السابع
رواية نسمة حائرة الحلقة السابعة
*يطرق باب غرفتها وهو متردد ويشعر ان الساعات القادمة لا تبشر بالخير رغم انها استقبلته بابتسامة رقيقة واجواء شاعرية بين الشموع وكل الاضواء مغلقة كانت ترتدي فستان رقيق على غير العادة لانه كان كات وفوق الركبة وشعرها منسدل على ظهرها
: ايه الجمال ده فستانك شيك ومش استايلك بابا برضة اللي حطه بالغلط
: لا انا لسة شرياه من شوية ايه مش لايق على طول عمري نفسي البس الاستايل ده زي باقي البنات بس مش بعرف
: ليه ده جميل عليك ايه اللي كان بيمنعك
: بعد العشا هتعرف كل حاجة ايه ده داخل كدة وايدك فاضية هههههه
: لا ودي تيجي انا جبت لك اكثر حاجة بتحبيها كان نفسي اجيب ورد قلت اخليه مرة ثانية
: جبت ايه قلقتني اوعى يكون سليم هههههه
: لا اتفضلي شوكلاتة عارف انك بتموتي فيها
: شكلك فاهم ازاي تكسب قلب البنات ميرسي النوع ده انا بموت فيه ابيه عمر دايما يجيبهولي من بارة
*شغلت موسيقى هادية من على اللاب بتاعها وبدأوا يتعشوا ويضحكوا وبعد ما خلصوا شغلت اغنية رومانسية
: ممكن ترقص معايا رقصة الوداع
: ايه هموت حطالي سم في العشا ههههه
: لابس يمكن بعد ما نتكلم تختار انها تبقى رقصة الوداع فبهيأ نفسي واستعد
: انت عبقرية في الشغل لكن طفلة قوي في العلاقات الشخصية مش بتقدري تقيمي الناس بتدي ناس اقل من حجمها وناس اكثر من حجمها نفسي تحسي ان اللي معاك راجل مش عيل وبيحبك مهما حصل
: معلش خودني على قد عقلي واسمعني للاخر من غير ما تقاطعني
: سامعك بس ما تحكميش على تصرفاتي قبل ما اعملها هتحكي عن اللي حصل النهاردة صح
*اخدت نفس عميق كانها تستمد الشجاعة
: اه باسل وديما زمايلي في الجامعه هي كانت منجذبة ليه وهو بحكم انه شاب متعدد العلاقات فحبته وضحك عليها باختصار وبقت حامل وهو كان مصورها وهي معاه لجئت لي عشان عارفة اني شاطرة في البرمجة وطلبت مني احاول اشيل الصور من عنده …. بصراحة انا كنت هكر على قدي بس قدرت وأخدت كل حاجه كانت على تليفونه وبدل ما كان هو اللي بيهددها بقيت انا اللي بهدده عشان يتجوزها ….وحصل بس كان بيعاملها وحش فشيطانها وزها انها تحاول تسترضيه بانها تساعده انه ينتقم مني لاني السبب وبكدة ابقى زيها ومفيش حد احسن من حد وعلاقتها هتتحسن معاه لانه بكدة انتقم من اللي ضربته على قفاه وادتله قلم حياته …… عزموني عندهم في البيت ومثلوا انهم في اسعد لحظات حياتهم وشكروني اني قدرت اجمعهم ما شكيتش في حاجة زي الهبلة ….. حطيتلي منوم في العصير وشالني عشان يغتصبني ويصورني وهي ساعدته (بدات في البكاء الى حد الانهيار )
: مش قادره تحكي كفاية مش عايز اعرف
: لازم تعرف مش عايز تتعرف عليا اكثر قلعوني هدومي وقبل ما يعمل عملته بص لجسمي وقرف من شكلي ما قدرش يغتصب مسخ زي ما بيقولوا وقال لها كفاية عليها نفسها عمر ما حد هيقدر يبصلها
*ذهبت لتضئ النور ويظهر جسدها من خلال الفستان القصير الذي ترتديه ظهرت قدميها والحرق عليها في اجزاء متفرقة منهم
: اسفة مش هقدر ابين باقي جسمي كفاية عليك الجزء ده …. ديما فكرتني باللي نسيته ان اي حد هيقرف يبصلي او يقرب مني فهمت ليه كانت بتقولك اطفي النور
بقلمي سحر السحرتي
*جري عليها وحضنها وخبى راسها في صدره كأنها ابنته الصغيرة وهي تبكي بحرقة
: مش عايزة تعاطف وشفقة منك وتقول الكلام ده ما بيفرقش معايا لان مهما هتقول انا مش موافقة ومش قابلة
: مش قلت لك انك طفلة وان علاقاتك الشخصية وتعاملاتك محدودة في فرق ما بين تعاملك مع راجل وتعاملك مع مراهق …. الراجل وخصوصا اللي لف لما بييجي يستقر مش بيدور بس على الست الجميلة لان الجمال بيروح بيدور على اللي تفهمه وتقدره وتشيله وطبعا لو حلفت لك ان الكلام ده ما يفرقش معايا مش هتصدقي وان كل اللي يهمني انت وبس فهريحك واقولك هفكر في اللي عرفته وصارحتيني بيه وهرد عليك بعد الخطوبة المزعومة ما تخلص قلتي ايه
: قلت اني مش موافقة مهما كان رأيك وردك
*راح شيلها بين ايديه واتجه للسرير وحطها عليه
: انت هتعمل ايه
: ولا حاجه اليوم كان متعب وطويل جدا بالنسبه لك وانت محتاجة تنامي وتهدي عشان ورانا شغل بكرة هغطيك وافضل جمبك لما اطمن انك نمتي وامشي فيها حاجة دي
*ظلت تبكي من كلامه ورد فعله فأخذها في حضنه وطبطب عليها وبدا يلعب في شعرها حتى هدأت وبدات في الاستسلام للنوم فخاف ان يتركها وحدها في هذه الحالة ظل مستيقظا بجانبها الى ان استسلم هو الاخر ونام بجوارها وهي داخل حضنه
*استيقظت في الصباح وهي تشهق بصوت عالي افزعه وهو نائم
:فارس ايه اللى حصل امبارح
: صباحية مباركة يا عروسة
:لتشهق هذه المرة اعلى من ذي قبل ويضطر ان يضع يده على فمها قبل ان تصرخ وياتي كل من في الفندق
:اخرسي هتفضحينا محصلش حاجة بهزر معاك انا خفت تصحي بالليل تعملي في نفسك حاجة من الزعل وراحت عليا نومة بس نومك تقيل قوي و بتشخري كمان وانت نايمة
: تقيل و بشخر ما يجتمعوش في واحده ست الحاجات دي للرجالة قوم يلا روح على اوضتك احسن نتفضح بجد واستعد للشغل ساعة و هكون جاهزة
:ساعه ليه هو انت هتكنسي الاوضة
: لا هنام غفوة عشان مش بصحى على طول كدة
: لسة هتنامي مش كفاية نوم كدة
:قوم بقى وبعدين لسة بدري دى الساعة ٦ اقفل وراك كويس
: يعني انت كويسة اطمن وامشي
: اه ما تخافش اصل بالليل ببقى امنا الغولة و بالنهار بقلب و ببقى سنووايت روح بقى هتطير النوم من عيني
*ليضحك على جنانها ويتركها ويذهب
*ليطرق الباب الساعة ٨ فتفتح لتجد فارس يحمل الفطار وفي فمه وردة فضحكت على منظره وكادت ان تسقط على الارض لانه كان يتكلم والوردة في فمه فكان كلامه غير مفهوم واكثر اضحاكا فدفع الباب بقدمه بقوة ودخل و وضع صينية الطعام فوق الطرابيزة
: عمال اقولك خودي الصينية تقيلة وانت فالحة بس تضحكي
: الصراحة ماقدرتش لو كنت شلتها كان زمانا في الارض انا وهي وبعدين انت الراجل و تقيلة عليك انا يا سفيفة هشيلها ازاي
*اعطاها الوردة وقبلها من خدها
: صباح الورد على احلى وردة في حياتي
*احمرت وجنتيها من الخجل
: مش ملاحظ اننا عملنا تجاوزات كثير قوي من امبارح وكدة مش صح
: احلى تجاوزات حصلت في حياتي انا عمري ما نمت مستريح زي امبارح انت نومتك كانت عاملة ازاي اكيد كانت ولا في الخيال
: انت اللي خيالك شاطح قوي و صدرك عامل زي الطوبة و جعلي رقبتي
: عمرك ما تشكري ابدا
: ما انا لو شكرت هتذلني بيها العمر كله وبعدين مش عارفة هقول لسليم على اللي حصل امبارح ده
: هو انت لازم تقوليله
: يعني اكدب عليه ما اتعودتش
: ما تكدبيش بس قصيها في المونتاج اعمليلها فلتر
: حاولت قبل كدة في موضوع الاغتصاب وعرف من دور سخونية جالي وكنت بخرف بالكلام وطبعا ما سابنيش غير لما حكيتله كل شبر و حلفني ما أخبيش عنه حاجه ووعدني اني ما اخفش من رد فعله لو حكيت كل حاجة
: سر جديد من اسرارك الواحد ممكن يعرف اللي مخبياه وانت نايمة
: لا طبعا مش كل حاجة لاني في قرارة نفسي كنت عايزة اقوله و اترمي في حضنه بس كنت خايفة عليه و خايفة من رد فعله لانه كان هيولع فيهم
: وعمل فيهم حاجه
: لا منعته وصفحة و قفلتها عشان اقدر اكمل حياتى وخليته شكر عمتي على التشويه اللي في جسمي لان لولاها كان زمان فضيحتي بجلاجل
بقلمي سحر السحرتي
: هي عمتك اللي عملت فيك كدة طب ليه القسوة دي
: لا دي قصة تانية هتكرهك فيا اكثر
: لو ما اعرفش انت قوية قد ايه كنت قلت انك معقدة نفسيا
: هههههه بتقول فيها انا متابعة مع دكتورة من وانا عندي ٤ سنين اللي قدامك دي ريش على مفيش مش بحب اصعب على حد او حد يستضعفني يلا بقى عشان نخلص الشغل ونرجع عشان طالعة اجازة
: بتأجزي مع نفسك من غير ماتقوليلي طب مش موافق عليها ولة بتهربي
: لا ارجوك دى ابيه عمر عازمني على يومين شرم و هيدفع كمان الخصم بتاع الاجازة ودي فرصة لا تعوض
: طب هو عريس هتروحي عزول ارفضيها و اوعدك بعد ما أخلص من الخطوبة نطلع انا وانت احلى يومين مدفوعين الاجر فول بورد كمان
: هتبقى عريس وتسافر مع واحده تانيه دى اسمه كلام برضة
: نسمة انت عارفة حاجة انا مش عارفها
: الحقيقة اه وعايزة اشوف تصرفك هيكون ايه لما تعرف في وقته كل اللى اقدر اقوله منال مش سهلة فخلي بالك عشان ناوية تورطك وما تسالش عن حاجة تاني عشان مش هقول
: دي تبقى عبيطة لو فكرت كدة انا مش سهل برضة عموما يلا نفطر و ننزل شايفك لابسة وجاهزة
: اه تمام يلا
*وصلوا و بدات نسمة العمل
:هاه شايفة ايه في السيستم
: نفس نوع الفيروس اياه
:هياخود نفس الوقت ولة اقل ما انت عرفاه
: طبعا هياخد اكثر عشان عامل فيروس تاني وهمي للي يحاول يقضي عليه يتوهه بس على مين هياخود شوية وقت يمكن ما نقدرش نمشي النهاردة
: احلى خبر سمعته في حياتي
*و غمز لها بعينه وهمس لها وقال : انا هنام على الجمب اليمين
*فاحمرت خجلا وفقدت النطق للحظات و همست
:انت بتسوق الهبل علي الشيطنة و اخدت على قوي هو حضرتك كل مرة هتؤدي دور المتفرج اتفضل ساعدني عشان نقدر نخلص بدري هو مش المفروض ان سيادتك مهندس برضة
:مهندس اه بس بحب ادي العيش لخبازه
:عيش و خباز انا شاكة في الجامعة اللي انت دخلتها شمر بقى ومد ايدك وتعالى اعجن ههههههههههه
:افهم من كدة اني هقسم معاك المكأفاة
: انت تقعد مستريح و تحط رجل على رجل وتشرب احلى كوباية نسكافيه تاعب نفسك ليه يا راجل اقعد اقعد قال يقسم معايا دي حتى مستر فخر يزعل اني تعبت ابنه و شغلته
: بتقلبي في ثانية انت قلتي ايه هو انت عارفة اني ابن صاحب الشركة
: يووووه من زماااان و سيباك تعيش عليا الدور هههههههه
: عرفتي من اين
:ذكائك بدا يخونك المفروض انك تعرفها لوحدك من حدوتة امبارح راح منك تفصيلة كدة وانا بقول اني كنت هكر على قدي
: واضح انك على قدك قوي
: انا اصنف عالميا بس مش بحب اتكلم عن نفسي ومش بأذي حد بعرف اللي على قدي او المعلومة اللي عيزاها وبس
: طب خلي بالك من نفسك بدل ما ازورك بعيش وحلاوة
: طب لو جرالي حاجه ممكن تبقى توست و نوتيلا ههههه
*بعد وقت طويل
: يلا يا جنيس خلصينا هنبات في المكتب انا جوعت بقالك ٥ ساعات اخلصي
: لو مش عاجبك هات حد غيري يخلصك روح هات لنا حاجه ناكلها انا كمان جعت وتعبت قوي نص ساعة كمان ما خلصش هكمل بكرة
: ونص ساعة ليه يلا خلاص كفايه كدة شكلها معصلج وصعبة عليك يلا قومي
: صعبة على مين اي حاجة لها علاقة بالبرمجة مش بستسلم ابدا وبلاش كلامك ده هيجيب الفقر اهيه الحمد لله الواحد ياكل بنفس مفتوحة مسكت الفيروس الوهمي
: هو انت كل ده كنت في الفيروس الوهمي
: انا حاسه ان عندك حد احسن روح هاته وما تقرفنيش
:طب يلا ناكل و كملي بكرة عشان تعبت
: هاه انا اللي بشتغل من الصبح وعيني طلعت صحيح انت تعبت قوي من الصبح حاطط رجل علي رجل
: هو الاشراف ده حاجه سهلة دى حاجة متعبة جدا عمري ما هرقيك عشان ما تحسيش يالتعب ده
: واثق انت اني قاعدة في الشركة لما اترقى
: هتتجوزيني وتقعدي في البيت ممتاز
: متفائل قوي اني هوافق اتجوزك لا وعندك طموح اني اقعد في البيت كمان
: انا هخطفك بمزاجك او غصب عنك
: هنشوف هتخطفني فين النهارده واعمل حسابك اننا هنرجع بكرة احسن هتلاقي سليم هنا لاني وحشته ولو جه مش هحوشه عنك
:طب تعالي نتفسح شويه تحبي تروحي مكان معين ولة نتفرج على البلد
:لا نتفرج على البلد وديني على ذوقك
بقلمي سحر السحرتي
*ركبوا العربية وفارس بيسوق بأيد واحدة و الايد التانية ماسك ايد نسمة وفرحان ومبسوط انها بطلت تشدها و فجاة جت عربية من وراهم وقطعت عليهم الطريق ونزلوا ٣ رجال ضخام الجثة ملثمين
*نزل فارس ونسمة من العربية
:في ايه يا استاذ انت وهو في حد يعمل كدة
: اتاخرتوا يا شباب كنت مستنياكم من ساعة المصنع
: انت تعرفيهم
: لا بس دول اللي هيخطفوني
: يخطفوك ده ايه انت راكبة مع سوسن
: لاعمتي تزعل منك كدة لو قلت ثريا مش هزعل
: وقتك دلوقت انا عايز افهم في ايه
: اكيد اللي باعتهم الثعلب المكار الهكر بتاع فيروس المصنع والفندق هياخدوني نتفاهم واحتمال ارجع
: ببساطة كدة مفكرة نفسك رايحة دريم بارك
: فارس انت مش شايف شكلهم كدة او كدة هياخدوني من فضلك سيبني عشان ابقى مطمنة عليك ومش قلقانة هما كلمتين و هرجع
: على جثتي يا نسمة انت اكيد بتهرجي
*دفعها خلفه ليواجه الرجال الملثمين احسوا انه لن يتركهم ياخذوها فضغط واحد منهم على عصب في رقبته ففقد الوعي ووقع على الارض
: محدش يلمسني انا جاية معاكم ومش هقاوم انا فاهمة انتم تبع مين
: فتشها الاول وسيب تليفونها في العربية البوس قال كدة
: ما تمدش ايدك انا سبت التليفون في العربية ممكن تتاكد هتلاقيه على الكرسي اللي كنت قاعدة عليه
*وصلوا لمكان مهجور دخلت ووجدت احدث اجهزة كمبيوتر ووجدت شخص يسلم عليها
: جنيس نسمة نورتي المكان
: مين حضرتك
: الثعلب المكار اخيرا اتقابلنا
: عايز تفهمني انك الثعلب المكار يبقى بتستهون بذكائي انا عارفة شكله كويس قوي ياثعلب انا عارفة انك سامعني و شايفني فنتعامل على المكشوف
*مكبرات الصوت من جانبها
: عايزه تفهميني انك تعرفي شكلي محدش من اللي بتعامل معاهم يعرفني
:عارفة كل تاريخك و امكانياتك فبلاش تستقل بيا تحب اوصفك
*يا ريت و لوقلتي امارة كويسة هبان و اتكلم معاك وش لوش
:عنيك حلوة ووسيم وجذاب
بقلمي سحر السحرتي
*ضحك ضحكة رعبت المكان من علو الصوت في المكبر
: لا فعلا و صفتيني
: عندك حسنة في خدك اليمين مش باينة من تحت دقنك اللي مربيها مخصوص عشان تداريها بس تصدق انت بالدقن او من غيرها وسيم جدا
*صمت تام ورهيب
: ايه مش بتضحك تكونش شرقت من الضحكة الاولانية وفقدت النطق بس في الحالة دي برضة انا بطالبك بكلمتك ونتكلم وش لوش
:الاول همشي عليك جهاز اشوفك شايلة جهاز تنصت ولة لا
: اتفضل بس لو شلته اكيد بستهون بذكائك
: اخرجوا انتم يا رجالة و سيبونا لوحدنا
*ظهر شاب بذقن وسيم بدرجة كبيرة لا يتخطى ال٣٥ سنة ولكنه يعرج ويمسك عصا يتعكز عليها
: مش ممكن تصدق طلعت احلى بكتير من الصور
: اتشرفت بمقابلتك بس اسمك الحركي ايه
: الشرف ليا بس ماليش اسم حركي عشان مش بنصب على الناس ولا بسرقهم
: ليه الغلط ده ندخل في الموضوع عايزك تشتغلي معايا عشان ما تتأذيش لانك بداتي تبوظيلي شغلي
: انا ما بوظتش حاجه عملاء متعاقدة مع الشركة بتاعتي وانا عملت صيانة و حليت مشكلة انت السبب فيها وكنت عايز بتستغلهم و تبتزهم
: طبعا ذكائك بيقولك انك لو مش معانا مش هتكوني في الدنيا بعد كده
: لا ما قاليش اصل انت بترفض موضوع الدم في الشغل
: دى انت عارفة عني حاجات كتير بس مش هسيبك تبوظيلي شغلي ممكن استضيفك هنا فترة طويله شويتين
: لا مش هتقدر اسمع بقى عرضي بما ان عرضك طلع ما يستاهلش
:انت عندك عرض ليا كمان طلعتي مش سهلة
:هتسمعني للاخر ومش هتقاطعني و هتفكر كويس في اللي هقوله و هتوافق
: اسمع الاول وما تفرضيش عليا شئ الموافقة او الرفض حقي
: شوف ياسيدي امن الدولة عارف مكاني دلوقت و سامع كل حاجة كمان مش من جهاز تنصت طبعا انا ما كدبتش عليك من الاجهزة بتاعتك دي
*جحظت عيونه وكاد ان يجن و استشاط غضبا
: العرض بقى انك تشتغل معاهم لانهم محتاجين واحد في عبقريتك وطبعا الراتب بتاعهم ما يجبش همه بس هيسمحولك تشتغل بارة البلد هيبقى لك امتيازات و مكافأت غير انك هتتحرك براحتك مش هتبقى مطلوب للعدالة
:وانا ايه اللي يضمنلي ان كلامك صحيح
:انهم مش هيدخلوا الا لما نتفق و اديهم الاشارة وافقت تمام ما وافقتش اللي انت عملته و الادلة اللي عندهم هتتسجن من ٣ الى ٥ سنين فهيسجنوك ليه وهما ممكن يستفادوا منك ولو لك طلبات تانى ممكن تتفاوض معاهم بس ما تطمعش
: ومين اللي اتفق معاهم على ده
: انا لما عرفت ظروفك وكل حاجه عنك ..هما كانوا عايزني اشتغل معاهم و اساعدهم بس رفضت لاني بحب شغلي ومش محتاجة شغلهم فأقترحت عليهم انك انت اللي تشتغل و يستغلوا موهبتك لانك لو اتسجنت هترجع تاني وتبقى حريص اكتر من الاول
:و ساعدتيني ليه
: عشان في حاجات مشتركة بيني و بينك و ظروفنا تقريبا متشابهة
: ايه المتشابه بالضبط
: ان الدنيا جت علينا قوي واكيد انت دورت ورايا برضة وعارف عني كل حاجه
: الحقيقة اه ومش عارف انت ازاي لغاية دلوقت واقفة على رجلك
: عشان زي ما الدنيا جت عليا بعتتلي اب حنين و بيحبني وانت الدنيا بعتت لك اخت زيي تحاول تساعدك وتحافظ عليك و اسمحلي ابقى اختك الصغيرة
: دى يبقى الدنيا ضحكت لي لو بعتت لي واحدة زيك تخاف على من غير ما يكون لها مصلحة
: عارفة انك ما قابلتش حد زي قبل كدة وعلى فكرة لو رفضت تتعاون مفيش تهمة خطف لاني جاية معاك بمزاجي ومش هتهمك اتمنى توافق تتعاون لان حياتك هتتغير وتقدر تتجوز وتكون اسرة وتجيب بنوتة تسميها نسمة ههههه هاه ايه رأيك دى اسمي موضة في اي زمن
: ياه دى كل طلباتك انا موافق عشان خاطرك حتى لو مش مقتنع كفاية انك حبتي لي المصلحة ممكن اقابل الظابط المسؤول امتى و نتفق
:خمس دقايق و هيكون هنا ومش همشي غير لما اطمن عليك وانك راضي في الاتفاق
*بعد فترة من الوقت كان الثعلب المكار يتفق مع الظابط المسؤول على كل التفاصيل واخذها الظابط ليعيدها الى الفندق
*الوقت اصبح منتصف الليل دخلت نسمة وجدت فارس في انتظارها على نار مكتف اليدين فجرت عليه ليطمئن وجدت صفعة قوية على وجهها اوقعتها ارضا
: اااه بابا انت جيت امتى
: قولي طرت مش شايف الطريق قدامي اول ما فارس اتصل على وحكالي اللي حصل ومش عارفين نعمل ايه بلغنا البوليس وقلبي زي النار و حاسس اني عاجز مش عارف اعمل ايه لولا الظابط طمنا وقال لنا انهم متابعين الموقف وعندهم فكرة عن الموضوع …. مش هترجعي غير لما تموتي في مرة قبل كدة قلت لك ما تدخليش في أي حاجة تعرضك للخطر
: بابا انا ما كنتش في خطر ولا حد قربلي
: يا سلام و خطفك ده مش خطر فسحة بالنسبة لك
: انا روحت معاهم بأرادتي وكنت عارفة ان البوليس هيحميني واللي كنت عنده مش خطر
*الظابط يتحدث مع الاب يحاول تهدئته وامتصاص غضبه
: يافندم انسة نسمة بطلة وساعدت العدالة و خدمت بلدها احنا يشرفنا انها تشتغل معانا بس هي رفضت احتراما لحضرتك وتعاونت معانا في القضية دي بس وكانت تحت عنينا و الخاطف مالوش في الدم كنا متاكدين من سلامتها
*فعلا سليم هدي لانه شافها قدامه سليمة و كويسة و اخدها في حضنه
: ايدك تقيلة قوي يا سولي
: من خوفي عليك يا حبيبتي ما تعرفيش انا كنت زي المشلول مش قادر اتصرف و خايف ما ترجعيش وما اقدرش اشوفك تانية
: ياسولي عمر الشقي وانت عارف انا زي القرش الماسح ههههه
: اخر مرة يا نسمة حياتي تعملي حاجة خطر كدة والا هقعدك في البيت و اسحب منك اللاب واي كمبيوتر معاك
: يا خبر دى عقاب قاسي قوي بلاش وحياة اغلي حاجه عندك انا ممكن اموت فيها
: وانا مش كنت هموت فيها
: بعد الشر عنك يا حبيبي
:محدش هيجيب اجلي غيرك بعمايلك دي
: حاضر يا حبيبي هعمل اللي يريحك شفت انا طيبة واميرة ازاي
: طيبة جدا دي انا اللى مربيكي يومين و هترجعي تاني تعملي عملة اسخم من دي بس يا ويلك
:خلاص بقى يا حاج كفاية القلم اللي طرشني ده
: يسمع من بقك ربنا و احج و تبطلي السوقية اللي انت فيها اشحال ما انا صارف على مدارس غالية منك لله خلتيني اتكلم زيك
: ايوة كدة يا سولي خليك على الخط
:طب يا انسة نسمة حمدالله على السلامة و اسفين على قلقك يا استاذ سليم استئذن انا
*انصرف الظابط وهم سليم للصعود
: طب شوفي فارس كان قلقان عليك قوي و انا هطلع انام وما تتاخريش
: اه يا حبيبي العضمة كبرت حقك
: انت عايزة قلم تاني صح
: لا ابوس ايدك الطارشة دي تصبح على خير يا حبيبي
بقلمي سحر السحرتي
*كان فارس متابع ومش قادر يتكلم ولا حتى يمنع ابوها من ضربها فخرج يتمشى على البحر لاحظته نسمة فخرجت ورائه
: بتتسحب لوحدك رايح على فين
: مش بترد عليا ليه انت زعلان مني غصب عني اسفة
: فارس رد على ما تسبنيش اكلم نفسي انا اسفة بقى ما يبقاش زعلك وحش قوي كدة
: خلاص انا هطلع واما تهدى نبقى نتكلم تصبح عل..
*شدها من ذرعها بقوة احست ان ذراعها سوف يكسر من مسكته وصرخ بها
: انت مفيش عندك احساس و لادم ولا ف دماغك ذرة عقل عشان لو بتفكري كنت عملتي حساب للناس اللي بتحبك وخافت عليك
*دفعها بقوة داخل حضنه وكان يبكي بشدة وقبلها على خدها
: عارفة الدقيقة كانت بتمر عليا ازاى وانا بفكر اني مش هشوفك تاني عارفه النار كانت بتحرقني وانا بفكر انهم ممكن يقربوا منك وانا عاجز مش عارف اواسي باباك ولة اواسي نفسي
*ختم كلامه بقبلة على شفتيها يتجرع رحيق شوقه وخوفه عليها من فقدها
*لتحاول منعه دون جدوى و كأن مغناطيس يجذبه ويرفض الابتعاد حتى ارتوى
: انا مش قادر ابعد عنك اكثر من كدة انا هطلع اطلب ايدك من باباك
: يا فارس مش هينفع في حاجات كتير قوي لسه ما تعرفهاش عني وكفاية التشوه اللي عندي دى من الاسباب الكبيرة اللي تخليني ما اوافقش
: نسمة العلاقة بين الراجل والست مش علاقة جسدية بس احنا مش حيوانات ممكن تبطلي بقى واما باباك يسالك من غير نقاش تقولي موافقة
: هو انت متخيل انك هتطلع دلوقت تصحيه عشان تطلب ايدي دى ممكن يرميك و يرميني من البلكونة اهدى كدة وخلص امورك مع منال وتعالى وانا هحكيلك باقي القصة اللي ما تعرفهاش و تقرر بعدها اذا كنت لسة عايز تكمل ولة لا
: ماشي يا نسمة كلها كام يوم ومش هعتقك
*كانت هناك عيون تراقبهم و تحقد على هذه السعادة
: ما انت حلوة اهوه و بتتحضني و تتباسي عادي جدا زينا امال كنت عاملة علينا خضرة الشريفة ليه وانت مقضياها
: ديما حطي لسانك جوة بقك مش كل الناس زيك
: استاذة ديما يا ريت حضرتك تتفضلي من هنا وما تحاوليش تحتكي بنسمة تاني والا مش هتشوفي كرم الاخلاق اللي شفتيه منها
:بصفتك ايه هو ده من مميزات الشغل تحت رئاستك حماية وبوس و احضان يا ريت تحجزلي وظيفة عند سياتك اصلها باين عليها وظيفة ما حصلتش وانت الحقيقة مز قوي
:واضح انك شاربة ومش عارفة انت بتقولي ايه اتفضلي بقى لحسن مش هعمل اعتبارات لاي حد و هتصرف معاك تصرف يندمك عمرك كله
: خوفتني شوف بترعش ازاي خدني في حضنك و طمني يا بيبي
*رفع يده لكي يصفعها لكن ظهر باسل وامسك يده في اللحظة الاخيرة
: ما وصلتش للدرجة دي تمد ايدك على مراتي انا اسف يا نسمة و اوعدك انها مش هتتعرض لك تاني
: باسل مراتك محتاجة تتعالج ومش كل مرة هسامح انا مش ضعيفة واذا ما قدرتش تسيطر عليها بعد كدة ما تلومش غير نفسك
: حاضر بكرر اسفي يا نسمة اسف يا استاذ فارس ارجوكم انسوا اللي حصل
*اخذ ديما وذهب وبدأت نسمة بالبكاء فاقترب فارس كي يضمها ويخفف عنها
:كفايه كده انت مش واخد بالك ان عندها حق في اللي قالته انت قدام الناس مجرد مديري مش اكثر وانا غلطت لما سمحت لك باكثر من كدة القلم بتاع بابا ما وجعنيش اكتر من كلامها وواضح اني ما فرقتش كتير عنها
:نسمة انا ما كانش قصدى ان…..
*رفعت كف يدها علامة على ان يتوقف
: ارجوك كفاية انا طالعة انام عشان اكمل شغل بكرة ونمشي
*استيقظ فارس وجد رسالة على هاتفه من نسمة
:فارس انا سافرت مع بابا و كلمت المسؤول عن الفيروس وهو مسحه و اعتبرني في اجازة مفتوحة ولو رفضت ممكن تعتبرني مستقيلة الاختيار بايدك
…عارفه انك مش غلطان لوحدك تقريبا الغلط الاكبر بيقع على انا ماكانش لازم اسمح لك ولا لقلبي باللي حصل اسفة حاول ما تتعلقش بيا اكثر من كدة
*حاول الاتصال بها مرارا وتكرارا ولكنها لم تجيب فأتصل بوالدها للاطمئنان عليها فأجابه انها تحتاج لبعض الراحة خصوصا بعد موضوع الخطف فهي مجهدة عصبيا وجسديا وسوف تعود بعد يومين فهي لا تاخذ اكثر من ذلك
#هل ستعود فعلا وكيف ستكون شكل العلاقة مع فارس
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نسمة حائرة)
