رواية نسمة حائرة الفصل الرابع 4 بقلم سحر السحرتي
رواية نسمة حائرة الجزء الرابع
رواية نسمة حائرة البارت الرابع
رواية نسمة حائرة الحلقة الرابعة
: اخر العنقود لبابا اصلهم اخواتي من الاب وسافروا مع والدتهم بعد ما انفصلت عن بابا وبينزلوا في الاجازات ولما ابيه مروان اتجوز ما بقاش ينزل كتير واحتمال كمان ما يعرفش يجي الفرح عشان كدة بابا مش عايزني اسافر
:ياه بس باباكي مش كبير قوي كدة
: هههههه لا دي حكاية تانية ابقي احكيهالك بعدين عشان الوقت سرقنا وما اشتغلتش بربع جنيه وعندي معاد دلوقت مع صاحبتي اشوفك بكره سلام
*فلملمت اشيائها وذهبت تجري وهو يراقبها وعلى وجهه ابتسامة تدل على الراحة والسعادة من الوقت الذي قضاه بصحبتها لينزل ويتجه نحو سيارته ليجد نسمة تتشاجر وتسب ولكن لا يرى من تتشاجر معه
: انت حقيرة وحيوانة وانا مش هصرف عليك جنيه واحد وهرميك في اقرب مقلب خردة انا هوريك( وضربت كاوتش السيارة بقدميها )
: هو انا قاعدة لسيادتك على بنك كل شويه قطعة غيار ودلوقتي البطارية بلاقي فلوسي في الشارع يا واطية
*اخذ يضحك حين ادرك انها تتشاجر مع سيارتها
: اهدي مالك كدة في ايه انت على طول خلقك ضيق
: سيبني اكسر القزاز لا حرام هدفع ثمنه افرقع الكاوتش لا برضة حرام انا لسة مغيراه
: في ايه بس احكيلي وانا هصالحكم على بعض ههههه
: على فكرة مش وقت استظراف خالص عشان عندي معاد وهي عملتها ومش عايزة تشتغل وقلت لها اصبري على اول الشهر هجيب لك بطارية لكن ازاي بتعند معايا
: طب ممكن اوصلك وبعدين نشوف موضوع البطارية ده
: ممكن
:انت ما صدقتي طب سبيني اتحايل عليك
: وانا بعزمك على الفطار والغداء اتحايلت عليك
: انت بتذليني بقى
*حاولت اصلاح ما بدر منها بعد ان خجلت مما قالت : ما اقصدش بس احنا اصحاب ومفيش بنا الكلام ده
: احنا بنبقى اصحاب على مزاجك ماشي اوصلك واكسب فيك ثواب
بقلمي سحر السحرتي
*ليتوجه كلاهما للسيارة :خليك بقى بايتة في الشارع والسقعة يا مشردة عشان تتعلمي الادب ويارب سرب حمام يعدي من فوقك
*يرن موبايلها وترد : خلاص يا ست لين تفيدة عملتها معايا ومش عايزه تتحرك……. انا شايفة برضة ان كفاية عليها كدة اول لما اقبض حاجة كويسة هحاول اغيرها او اشوف بقى سلفة من عمك سليم او نفحة اللي يجود بيه بس بعد الفرح. ……خلاص ما تزعليش ادخلي الكوفي اشربي حاجة على حسابي على ما اجي خسارة بخسارة بقى …… لا ياستي مش بقول حاجة
*كان فارس يضحك عليها وعلى اسم سيارتها ويحاول تهدئتها
: هي تفيدة متعودة على كدة
: دايما كل اما تلاقيني اشتريت حاجة عشان اللاب بتاعي تفتح بقها لما زهقت المرتب كله طاير يا اما عليها يا اما على اللاب
: طب بابا زي ما اشترهالك يجيب لك غيرها
: انت فاكر ان بابا اللي اشتراها دي من حر مالي انا معتمدة علي نفسي من زمان هو يتمنى يجيب لي احسن موديل وكل شويه عربيتك دي عرتنا قدام الناس
: هههههه خلاص زقي عليه ماما وهي تخليه يجيب لك اللي انت عيزاه انا كنت بعمل كدة اما اكون عايز حاجة
: فارس بما اننا اصحاب فاحب اقول لك معلومة انا ما عنديش غير بابا وما تسالنيش عن حاجة تاني وما تجيبش سيرة ماما لو سمحت بابا بس
*حس انه قال حاجة ضايقتها جدا من نبرة صوتها
: انا اسف ربنا يرحمها مش هجيب سيرتها تاني
: حصل خير بس انا ما قلتش انها ماتت بس انا بعتبرها كدة عادي
*استغرب بس ما حبش يسالها عشان واضح ان الموضوع كبير ومضايقها مسكت تليفونها ورنت على لين : ايوة خمس دقايق بالظبط لا خلاص وصلت شيفاكي
*استعدت للنزول فهم فارس ليحاول ان يصلح من خطأه الذي لايدري ماهو الى الان
: ممكن نشرب حاجه اصل بحب الكافيه ده قوي
:لا معلش لسه هنشتري حاجات عشان ما نتاخرش
*جاءت لين صديقتها المقربة وسلمت على فارس ونسمة وعرفتهم نسمة ببعض: مستر فارس مديري لين صديقتي الانتيم واختي من واحنا في الابتدائي
بقلمي سحر السحرتي
*وذهبوا لشراء مستلزمات الفرح
لين : هو انت مش عمتك جايبة لك فستان معاها من بارة لزمته ايه بقى اللف والمصاريف وانت مش معاك فلوس
:اخدت من بابا فلوس وهردها لما اقبض وبالنسبة للفستان هي نسيت انه قصير وانا مش بلبس حاجة تبين رجلي ما انت عارفة وبنات ثريا وبناتها هيلبسوا نفس اللون وانا ماليش في الجو ده فمرديتش احرجها
: معلش يا حبيبتي عارفه
: ولما انت عارفه بتواسيني ليه انا مبحبش كدة
*صمتت لين وبداوا في التسوق من اجل الفرح
نسمة : خلي الحاجة عندك بقى وهاتيها معاك يوم الفرح عشان نلبس ونمشي مع بعض
لين :وعلى ايه الشيلة ما تخلي كل حاجة عندك مرة واحدة
: يابنتي هي مش ثريا عندي هتقعد تبص ولسانها يطول وهرد يرجع سليم يزعل بلاش بقى من الاول
: طيب ماشي سلام صحيح ماما مش هتيجي الفرح
: لا هتيجي مش هسيبها قوليلها كده على ما اعدي عليها بكره واقنعها سلام
*تدخل نسمة المنزل وتقوم باحتضان والدها وتسلم على عمتها
: وحشتني يا سولي قوي ازيك يا سوسو
: وانت كمان يا قلب سولي شايف الفيزا استخدمت خلصتي ولة لسة عايزة شوية حاجات
: ما انا قلت لك يا ياحبيبي اول ما اقبض هردهم لو قدرت ما قدرتش ده فرح ابنك ومستلزماته عليك ههههههه
: يا حبيبة بابا انا بقولك كدة عشان اجيب لك حاجة لو نقصاك مش عشان الفلوس انا بتحايل عليك تخلي الفيزا انت اللي مش راضية
: الحقيقة يابابا تفيدة عملتها معايا النهاردة والبطارية عدمانة ومش معايا اجيب واحدة تانية فممكن تسلفني العربية الصغيرة
: هي البرنسيسة شرفت بدري والله نص الليل ما دخلش لسة
*مثلت نسمة انها تتثائب
: تصبح على خير يا بابا تصبحي على خير يا سوسو لو سمحت سيبلي المفتاح على السفرة يا حبيبي
*وكأن ثريا هواء ولم تحتك بها من اجل والدها
……………………….
*عند لين ووالدتها ليلي
: ايه كل ده يا لين مشترية السوق كله ما سبتيش حاجه للغلابة
:لا دي حاجاتي وحاجة نسمة عشان عمتها في البيت انت عارفة وبيتقول لك هتيجي الفرح
: لا انت عارفة اني مش بحب اروح افراح ما اعرفش فيها حد
: انت حرة انا بلغتها وهي قالت هتيجي بكرة تقنعك
*لتستيقظ ليلى في الصباح على صوت نسمة وهي تقفز فوق راسها
: اصحي بقى يا لولي ياخم النوم في حد ينام لغاية دلوقت
: هو انا خلفتك ونسيتك يا بت انتي ولغاية دلوقت دى الساعة ٧ الصبح هو انا هبيع لبن ولين خلصت مدرسة من زمان
: لا امي اللي خلفتني ونسيتني وانت اتبنتيني قومي بقي
*لتشعر ليلى بغصة مما قالت لها واخذتها بحضنها وبعدين مسكتها من اذنها
:في حد يصحي حد كدة وبدري كمان دى انا ما عرفتش اربيك تعالي هنا عايزة ايه على الصبح
:مش بعت لك مع بنتك وقلت لها تعزمك على الفرح مش بتسمعي الكلام ليه ولة لازم اجي واعمل اللي عملته
: يانوني انا ما اعرفش حد هناك هبقى قاعدة محرجة
: سليم هيبقى هناك وانت عرفاه وكمان عمتو سوسن ودي بلسم زيك كدة بس مالكيش دعوة بثريا عشان دى افعى الحيزبون
: عيب تقولي كده على عمتك انا ربيتك على كدة
: عايزة الحق ولة ابن عمه
:ابن عمه هههههه
: انا ما اتربتش اصلا هههههه (وجريت من قدامها )
: سلام عشان عندي شغل اوعي تتاخري بقى مهاب هيعدي عليك انت ولين يومها
بقلمي سحر السحرتي
*يرن هاتفها وترد دون ان تنتبه للاسم : الو
: انت صاحية كويس فطرتي ولة لسة
*تستغرب وتعود لتنظر لاسم المتصل لتجده فارس
:لا لسة وقبل ما تقول التسوق امبارح نفضني وخلاني مش معايا فلوس فقضيها فول وطعمية اعمل حسابك
: يا بخيلة بتصل الحقك عشان عايز اعزمك انت فين عشان اجي اخدك عارف ان عربيتك لسة عطلانة
: عازمني بس لو ما كنتش تحلف ااجل الفول للغداء بقى .. لا معايا عربية بابا الصغيرة استلفتها منه على ما اصلح تفيدة وربنا يرزقني وأغيرها
: خلاص هقابلك في الكافيه اللى جمب الشركة قدامك قد ايه وتوصلي
: نصاية كدة بس بجد بلاش تتعب نفسك
: هستناك واطلب على ذوقي
*ليغلق الخط وهي تتمتم : ذوقك وحش معروفة يعني
*ليتقابلوا فى الكافيه
: عرفتي تنامي امبارح كويس
: اه ليه انت ما عرفتشة
: ابدا فضلت اتق…..
: اكيد من الكبدة والسجق
: يا بنت اللذينة عرفت ازاي هههههه
*ضحكت بخفة وصوت ضحكتها العذب
: اصلك اول مرة تاكلهم ومالكش في الحراق وما شاء الله ضربت كمية كويسة اكيد معدتك تعبتك
: فكرتك هتقولي لي انت ما نمتش كنت بتفكر فيا
*لتشعر بالخجل وتحمر وجنتيها
: لا انا محدش بيفكر فيا ويوم ما يفكر يبقى كابوس هههههه
*ليجد ان داخل كلماتها قسوة على نفسها برغم انها تمزح
: بس مش عيزاك تتعود على الفطار مع بعض عشان فترة وهتعدي وهرجع افطر مع سليم
: طب خلصي عشان طالعين مصنع اللبن
:ليه خير
: في مشكلة في السيستم بتاعهم هنروح نشوفها
: واحنا من امتى بنطلع شغل ميداني فيه المهندسين المتخصصين للموضوع ده
: راحو يا ستي وما عرفوش يعملوا حاجه قلت انت القردة بتاعة الشركة واذا عرفت تحلي المشكلة نصرف لك مكافأة تمشي نفسك بيها لاخر الشهر تفك زنقتك هاه هتعرفي تحليها
: واحل ابوها بس بجد تبقى عملت فيا معروف كبير هي المكافاة قلت لي كام
: انت وشطارتك بقى هما بقالهم ٣ ايام مش عارفين يحلوها
: اتفقنا ابعتلي اللوكيشن وانا فريرة هكون هناك
: انا جاي معاك كلهم هناك رجالة والمصنع بعيد هنروح بعربيتي وكمان عشان ابقى شاهد انك حلتيها واقدر المكافاة بنفسي
*فرحت قوي من جواها انه خايف عليها وبرضة قلبها الجزمة مش عايز يسلم
*اول ما وصلت عرفت ان في مشاكل في المصنع وانهم عايزين يمشوا العمال بسبب ان السيستم بيقع لانهم مش عارفين يتعاملوا مع المكن الجديد … بدات العمل واكتشفت ان في حد قاصد يعطل السيستم ومدخل فيرس غريب وصعب التخلص منه وفهمت فارس ان المشكلة مش في طريقة استخدام المكن وانها بتحاول تشيل الفيروس بس هياخود وقت …. يتنمر واحد من العمال عليها
: هي دى بقى اللي هتقدر على اللي مقدرش عليه مهندسين بشنبات بقالهم ٣ ايام
: يوضع سره في اضعف خلقه ولة ايه يا عم اللذيذ يا ريت توصيلنا على كوبايتين شاي من ايديك الحلوة دي ولة مش هتضايفنا في بيتك
: اتفضلي في بيتي واحلى ضيافة هتلاقيها فيه
: ما ده بيتك بالظبط واغلى كمان وان شاء الله اول المشكلة ما تتحل هبعت لكم مهندس يشرح طريقة الشغل على المكن بطريقة سهلة وبسيطة
: يعني مش هيمشونا من هنا
: لا طبعا المشكلة مش فيكم المشكلة من الجهاز ده هاه هنشرب شاي ولة هنقضيها كلام وبس
: احلى شاي باللبن كمان لاحلى بشمهندسة ربنا يوفقك وتحلي المشكلة
: هي الدعوة الحلوة دى اللي هتصلح الجهاز بسرعة ربنا يرزقنا ويرزقك
بقلمي سحر السحرتي
*اتصلت على والدها وهي تعمل وابلغته بنوع المكن لكي يبحث عن مهندس جيد يشرح للعمال طريقة العمل حتى لا يطردوا وفعلا بعد ساعه كان المهندس في الطريق
*اتصل والدها بصاحب المصنع ليتحدث معه وفهم منه انه لا ينوي طرد احد وان ابنه هو من كان يريد ان يقوم يتغيير طقم العمال وحلت مشكلة العمال
*مازالت نسمة تعمل على السيستم تحت انظار واعجاب فارس على كيفية تعاملها مع مشكلة العمال وبينما هو سرحان فيما تفعل فاق على صرخة
: الحمد لله يا رب الحمد لله خمس ساعات طلعت عين اهلي بس في الاخر جبتك وهمحيك من الوجود يا سافل
: خضتيني هو انت دايما بتتعاملي مع الجماد على انه كائن حي
: دى ساعات بيرد عليا كمان هههههه
*عملتي ايه يا بشمهندسة خلصتي
:عيب ده المفروض اخد دكتوراة فخرية بس المكافاة كفاية على تسترني لاخر الشهر
: لا بجد تستاهلي عرفتي مين اللي حط الفيروس
: احنا ما اتفقناش على كدة هو انا مشعوذة عايزني كمان اعرف مين اللي حطه
*كانت تنظر لابن صاحب المصنع بتحدي
: بس احب اقول للي حط الفيرس انه كان هيدمر نظام المكن كله وكانت هتبقى خردة يتفرج عليها ياريت كل انسان يستخدم مخه ويشوف حل للمشاكل بدل الاذية
*ذهب فارس مع احد العمال ليتاكد من ان المكن عاد للعمل نظر لها ابن صاحب المصنع وقال : انت بتقولي الكلام ده لمين
: بقوله لك عشان انت اللي عملت كدة ولو عايز كمان بالوقت والتاريخ معايا وكمان اسم اللي جابلك الفيرس بس يا حلو ضحك عليك لانه كان هياخد منك دم قلبك قبل ما يصلح المصيبة اللي انت السبب فيها وبحذرك لو عرفت انك طردت عامل واحد من هنا هبلغ عنك وعن الهكر اللي تبعك دى قضية امن دولة انت وهو بتدمروا اقتصاد البلد واقلب الدنيا عليك
: انت يا خنفسة مفكرة نفسك حاجة ولا تقدري تعملي اي حاجة
: مستقل بيا طيب هدية صغيرة مني لك انت والهكر بتاعك موبالك اللي فرحان بيه ده حالا هيبقى حتة خردة في ايدك واما تعوز تصلحه تعالى لي
*وضغطت على برنامج في اللاب بتاعها وهو مازال لا يصدقها نظر في هاتفه وجده توقف عن العمل
:علي فكرة المكالمات بينكم هو كان بيسجلها وكل التسجيلات دى بقت معايا لو هددك يا شاطر ابقى تعالى لي ده الكارت بتاعي عشان مش هتعرف تسجل رقمي في الخردة اللي في ايدك
*مشيت ولفت تاني
: على فكرة خدماتي مش مجانا باي
*ليلحق بها فارس ويذهبوا سويا
: خلاص يا نسمة تقدري تروحي كفاية عليك كدة النهارده ممكن تاخدى بقية اليوم اجازه
*نظرت له بذهول
: هو انت كنت عايزني اكمل شغل بعد الفحت والردم اللي كنت فيها كتر خيرك(دى ولا زمن العبودية )
*لم يتمالك فارس نفسه وضحك بشدة كاد يصطدم بسيارة اخرى
: لا ياعم انا لسة صغيرة هتلبسنا في حادثة نزلني وكمل انت
: خلاص اسكتي بطلي تضحكيني اوصلك البيت ولة رايحة فين
: لا الشركة عشان اخد عربيتي امال هاجي بكرة ازاي
: ممكن اجي اخدك
: مفيش داعي اتعبك معايا كفاية النهاردة
: انا اتاكدت اني كان لازم اكون معاك النهاردة خصوصا اللقطة الاخيرة وانت بتهددي محسن
: انت اخدت بالك
: طبعا …. امال لما سالتك عن اللي عمل كدة قلتي ما اعرفش ليه
: عشان اعرف الاعبه هو واللي ضحك عليه
: ابعدي نفسك عن الناس دى شغلك خلص هما مش سهل
: ولا انا
: نسمة انا كنت سايبك تتعاملي ومراقب كل حاجة ولو كان حصل حاجه كنت هتدخل في الوقت المناسب بس لحد كدة وزي ما قلت شغلك انتهى مفهوم
: حاضر ما تزقش
بقلمي سحر السحرتي
*لتعود الى المنزل تقبل والدها وتحكي له عما حدث وتخفي تهديدها لمحسن من الحكاية لانها تعلم والدها جيدا
: انا هدخل انام يا حبيبي مرهقة قوى عايز حاجه
: لا بس حاولي ترجعي بدري بكرة عشان بعد بكرة الفرح
: حاضر هحاول
: لا جاية بدري النهارده كنت قعدتي لنص الليل زي امبارح (وهمست في اذنها ) ولة ما لقتيش حد تصيعي معاه
*لتتركها نسمة دون ان تحتك بها وتحترق في داخلها وفعل سليم مثل نسمة وتركها وكانها لا تتحدث
*في الصباح التالي في الشركة تفاجات نسمة بان محسن ينتظرها في المكتب
# لماذا ينتظرها وما سوف يدور بينهم
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نسمة حائرة)
