رواية نسمة حائرة الفصل الرابع عشر 14 بقلم سحر السحرتي
رواية نسمة حائرة الجزء الرابع عشر
رواية نسمة حائرة البارت الرابع عشر
رواية نسمة حائرة الحلقة الرابعة عشر
:انا اسفة يا فارس اني بطلب منك الطلب ده في رسالة بس سامحني مش هقدر اطلبه وانا قدامك ارجوك طلقني كفايه عليك لحد كده ومن غير اسباب احنا ما ننفعش لبعض وانت تستاهل واحده احسن منى كفاية عليك كده
*وصلت الى المطار وكانت تنتهي من إجراءت السفر لكنها اكتشفت انها ممنوعة من السفر فقد وضع فارس اسمها بصفته زوجها خرجت من باب المطار وجدته منتظرها وعينيه مليئة بغضب عارم ونظر لها نظرة تحرق الكون
:اركبي العربية من غير ولا كلمة عشان الناس ما تتفرجش علينا والا هتشوفي مني وش هتكرهيه
*اضطرت ان تركب دون ان تنطق لانها وجدت وجهه احمر من شدة الغضب واحست انه يمكن ان يطيرها من امامه بالدخان الخارج منه بسببها
:احنا رايحيين فين ده مش طريق البيت
:لما اكون عايز اسمع صوتك هقولك تتكلمي
:انت مش ساحب بهيمة معاك لازم اعرف رايحيين فين
:البهيمة اللي تسافر لوحدها ومفكرة ان مالهاش راجل تقوله ولا تستأذن منه ملهاش حق تتكلم عموما لما نوصل هنتكلم عشان ما البسش في عربية تانية لاني مش شايف قدامي
*اضطرت ان تصمت امام غضبه لانها لا تضمن عواقب اغضابه اكثر
بقلمي سحر السحرتي
:اتفضلي اتنيلي انزلي
:على فين
:من غير نقاش اعملي اللى بقولك عليه وانت ساكتة
*نزلت دون ان تتنفس بكلمة واحدة ووجهها في الارض من الخجل
: ما انت شاطرة ومؤدبة اهوه وبتسمعي الكلام
: الشقة دي بتاعة مين اظن من حقي اعرف انا هنا بعمل ايه
:دى اللي هنتهبب نتجوز فيها
:وجايبني هنا ليه اظن طلبت منك طلب ومالوش لزوم وجودي هنا انا خارجة
:طلبك مرفوض ولو اتحركتي خطوة واحدة هتندمي
:حقك ترفض طلبي وحقي اخلعك مش عايزة اكمل انا حرة هو بالعافية يا اخي
:انا ماسك اعصابي بالعافية ومراعي حالتك فبلاش تستفزيني
:اه حالتي اللي هي ايه مجنونه ومعقدة صح
*جذبها الى حضنه وقبلها قبلة كادت ان تكتم انفاسها القت بغضبه خارجا واسقط كل شوقه وعشقه لها فدفعته وهي تصرخ
:ارجوك كفاية بطل طريقتك دي انا مش عيلة صغيرة وما بقتش عيزاك هو انت مش بتحس
:عايزه تسبيني وتكسري قلبي مش قلتي عمرك ما هتبعدي عني وانك بتحبيني
:بطلت احبك اغشك يعني ما تستاهلش مني كدة انت عملت عشاني حاجات كتير حلوة فمش من العدل اكمل معاك وانا مش بحبك
:طب قولي بكرهك وانت عينك في عيني وانا مش هفرض نفسي عليك
*صمتت والدموع تنهمر من عينيها
:كفاية اقول اني مش عيزاك
:وانا مش هسيبك غير لما تقولي بكرهك
:بلاش ارجوك انت لسة لك عندي شوية معزة
:كثر خيرك بس انا حبيت نسمة القوية مش الجبانة اللي شايفها دلوقتي
:انا مش جبانة
:امال تفسري هروبك ده بايه مش جبن
:وليه تسميه هروب يمكن عايزة ابعد عن كل حاجة عايزة محدش يشيل همي بعدة كدة….. عايزة محدش يفكر يأذيني اكثر من كدة عايزة اشيل مسؤولية نفسي
:يعني اما تسافري محدش هيأذيك
:حتى لو حصل دول أغراب لكن الأذية من اقرب الناس دي بتقتل عارف احساس ان ظهرك يتكسر مروان كان ظهري اللي مسنودة عليه
*وانهارت وجلست على الارض وعلا صوت بكائها بأهات تدمع لها القلوب
*رفعها فارس بين يديه وجلس على مقعد واجلسها فوق ساقيه … وارجع شعرها الذي نزل على وجهها للوراء
:ابكي وطلعي كل اللي جواك بس مش معنى كدة انك تسيبي كل اللي حبوك وعايزينك جمبهم ليه دايما تبصي لنص الكوباية الفاضي بتبصي للي اذوك ومش بتبصي لوجود باباك وانا وعندك لين وطنط ليلى ليه عايزة تنكري مشاعرنا وترفضيها
:المشكلة اني ما عملتش حاجة لكل اللي اذوني استاهل عليها كل ده وانت ما تستاهلش واحده معقدة زي الدنيا سحلاها من قلم للتاني
:مين قال انك معقدة احنا مش عملنا العملية وبقيتي كويسة اي حاجة تانية ظروف صعبة بيمر بيها الانسان
:ذمبك ايه تشيل كل ده والخطوبة ما كملتش شهر …. ذمبك ايه امي واخويا يبقوا بالفظاعة دي
:كل عيلة فيها ناس كويسة وناس لا مش هناخد كل حاجة حلوة انا نفسي كنت متجوز وما قلتش عشان صفحة وقفلتها وكنت وحش جدآ وقتها لو حكتلك هتكرهيني وعمرك ما هتحبيني لو قابلتك وقتها
:انا عمري ما هكرهك انت مش عارف بحبك قد ايه الكام يوم اللي عشتهم معاك بعمري كله ومش عايزة من الدنيا اكتر من كده
:واللي بيحب حد بيسيبه ويهرب ويسافر
:مش هقدر اسعدك عشان مصلحتك كل شويه هتلاقي نفسك في مشكله شكل وهتزهق من كتر حلها
:سعادتي في وجودي جمبك وانت في حضني انت نسمتي الجميلة اللى بتنفسها الحياة من غيرك طعمها وحش طب عارفة ان من ساعة ما رجعت مش عارف انام لانك مش في حضني
: وانا كمان
:طب ادفعي بقى الحساب اللي عليك كام يوم لا صباح ولا مسا
:هههههه انت مش بتسيب حقك
:لا حقي ده بالذات مش هسيبه وهاخده بالفوايد وأدينا في الشقة لوحدنا محدش معانا
*وقفت فجأة
:يا خبر بابا زمانه زعلان دلوقت لاني سافرت
:ارجعي اقعدي زي ما كنت انا كلمته وعرف انك معايا
:وانت عرفت اني مسافرة من اين انا ماقلتش لحد ومنعت سفري امتى
:اول ما رجعنا من السفر وانا بخلص الاجراءات حسيت انك ممكن تعمليها قلت امنعك احتياط وهكرت تليفونك مش انت بس اللي بتعرفي تعملي كدة …. وعرفت انك حجزتي التذكرة ومعاد الطيارة
:انت بجد مش معقول بحس انك كتير على … ومش بس بتقرا افكاري لا وبتعمل اللي نفسي فيه وبتحاول تسعدني بكل الطرق
:سيبك من الفشر ده وسددي حسابك
:ما بين الخيرين حساب انا هتفرج على الشقة يمكن ما تعجبنيش اقولك غيرها
*وجريت وجرى فارس خلفها دخلت غرفة لتختبئ منه لحقها ودخل ورائها
:انت اللى اخترتي واحسنت الاختيار
: ايه ده يا نهار ابيض انا معرفش انها اوضة النوم
:اديك عرفتي وجيتي لقضاك
:وحملها بين يديه ووضعها على السرير
:انت ناوي تعمل ايه لا لوسمحت
:سددي اللي عليك بالذوق ولة
*بدات تنتفض بين يديه
: هسدد بس لو ليا خاطر عندك خليها في الصالة
:انت لسة بتخافي مني ولة مش واثقة فيا
:معلش ارجوك نخرج (كانت تبكي بشكل هستيري)
:بس بس ما تخافيش قومي ومش عايز الدين دلوقت
:انت حبيبي اموووه تصبيرة اهيه هقوم اتفرج على الشقة
:اهربي اهربي مسيرك يا ملوخية تيجي تحت المخرطة
:هههههه مش ممكن بقيت شعبي جدا
:رايحة فين انجري اعمليلي فطار
:اخ دى واحده من ضمن عيوبي مش بعرف حتى اعمل نسكافيه بس اوعدك هخلي لولي تعلمني
:وانا لسة هستنى وابقى فار تجارب لسيادتك
:ما كنت لسة بقولك طلقني استحمل بقى
:الكلمة دي ما تجيش على لسانك تاني
*وامسكها من ذراعها وقبلها من خدها
: فهمتي ولة ازود العقاب
:فهمت يلا نروح احسن سولي زمانه شايط
بقلمي سحر السحرتي
*وقبل ان يتحرك فجأته بانها تحتضنه بقوة
:شكرا من غيرك حياتي صحراء من غير ميه
:بلاش تعملي كدة تاني انا بحبك وبعدك عني بيموتني
:حاضر يلا
*عادت الى بيتها وعند دخولها جرت لتحضن سليم ضربها قلم بقوة كانت ستقع لولا فارس سندها وادخلها بحضنه
*صرخت ليلى بفزع:بنتي ليه يا سليم كده انت مش عارف ظروفها
سليم: هي دي اخرة تربيتي ليك سايبة مالكيش راجل يحكمك عايزة تسافري وما نعرفش عنك حاجة ظروفك بقالنا سنين جمبك ومقدرين ومقصرناش احترمي حبنا و خوفنا عليك ولة دلعي لك بوظ اخلاقك خلاص
فارس: يا عمي مش كدة اهي رجعت ومش هتعمل كده تاني خلاص انا اتفاهمت معاها
سليم: اقول لجوزك ايه ما عبرتناش ومستقلة بينا هفضل لغاية امتى اخاف عليك لو عشت النهاردة مش عايش بكرة اكبري بقى وحسي بالمسؤلية
*احتضنتها ليلى وهي تبكي داخل حضنها
:انا اسفة يا بابا حقك عليا ما كنتش عايزة اتعبكم معايا اكثر من كدة الجرح كبير من أقرب الناس ليا مقدرتش استحمل اوعدك مش هعمل حاجة تزعلك
*اخذها سليم واحتضنها وطبطب عليها
:انت مش عارفة اني مقدرش ابعد عنك كام مرة اقولك انت نسمة سليم عيزاني اعيش من غير النسمة اللي بتحلي ايامي شوفي هتصالحيني ازاي
:اللي تؤمر بيه يا حبيبي بس ما تزعلش
:هطلب منك طلب صعب بس ارجوك عشان خاطري
:من غير ما تترجاني يا حبيبي هنفذ من غير تفكير
:مروان هيوصل النهارده هيعتذر لك سامحيه هو ندمان وانا متاكد من ده وناوي يستقر هنا نفسي ولادي يبقوا حواليا كويسين مع بعض هو اه غلط بس الحمد لله ربنا بعت لنا فارس يبقى جمبك ويحميك
:طلبك صعب عليا قوي بس حاضر عشان خاطرك
:حبيبة ابوها طول عمرك بتسمعي كلامي ولا بترفضي لي طلب
:مقدرش يا حبيبي ربنا يحفظك لينا
فارس :نسمة مامتك هتيجي اخر الاسبوع تقعدى زي ما اتفقنا وتسمعيها
: لا كدة كتير خبطتين في الراس مقدرش اجلها
: لا عشان عايزين نحدد معاد الفرح بعد ما نحل كل المشاكل
:بس لين لسة مش جاهزة وعايزة اتجوز معاها
:لا خلاص مهاب بيخلص في الشقة انا اديته سلفة هتتخصم من المرتب ما تقلقيش وهيقضوا معانا شهر العسل كمان هدية مننا ليهم
*جرت نسمة حضنته وقبلته
:بحبك قوي
سليم:بنت عيب قدامي كدة عيني عينك
فارس :سيبها ياعمي انا ما صدقت ما تبقاش عزول
سليم:انا عازول طب مفيش فرح
*فارس دفع نسمة للخلف وامسك يد سليم وقبلها
:لا ياعمي انا ماسك نفسي بالعافية حس بيا
سليم : ههههه لا عقابا لك عشان تطول لسانك
ليلى: خلاص بقى يا سليم ما تزعلوش ده كفاية انه رجع نسمة سعيدة وبتضحك
سليم : خلاص عشان خاطرك
نسمة :ايوة يا لولي يا قمر سيطري ههههه
فارس : اروح اشوف شغلي المتعطل ده بقى نوني زي ما اتفقنا
: استنى هغير واجي الشغل معاك
: لا استقالتك مقبولة عشان تقعدي تربي العيال
:اذا كان انا مش متربية عيال ايه اللي اربيها وبعدين دي شركة ابويا
سليم : بنت عيب كدة
فارس: وانت عرفت امتى انها شركة باباك
:يعني ابيه عمر هيمسك مكانك لله وللوطن وبابا اكيد ما كانش هيخليني اشتغل في مكان بعيد عن عينه
:طول عمرك ذكية خمس دقايق اتاخرتي هخصم عليك اسبوع
:لا مش هغير يلا بينا انا داخلة على جواز خصم ايه
سليم: ما تتاخريش عشان مروان
:طب قوله يجبلي شوكلاتة ويكتر والا مش هسامحه
*ضربها فارس على راسها بمزح
:طفلة ما انا مغرقك شوكلاتة
: الله مصلحه اصله بيجيب نوع حلو قوي
*ضحك فارس على مزاجها المتقلب قبلت نسمة ليلى وسليم وحضنتهم بحب وسعادة
بقلمي سحر السحرتي
*عادت نسمة من العمل جلست مع مروان الذي كان يبكي من الندم ووعدها انه لن يفعل اي شئ يحزنها مرة اخرى وسوف يكون لها الاخ والسند واخرج لها كيس كبير ملئ بالشيكولاتة
:مسمحاك من قلب قلبي انت ممكن تاخد الورث بكيس زي ده
:خلاص يا نسمة انسي يا حبيبتى اللي حصل عشان خاطري
:واخذها بحضنه ووعدها انه سيصفي عمله بالخارج ويعود مع زوجته واولاده ويقيم بمصر
:بس الحمد لله انك معانا لغاية دلوقت نسيتي زعلك خالص بشوية شوكلاتة بيتهيقلي انك كان ممكن تتخطفي وانت صغيرة بمصاصة ههههههه
:بتقول فيها انا ممكن اتخطف دلوقت بمصاصة ههههههه
*صعدت نسمة الى غرفتها بعد ان انهت حوارها مع مروان فطرقت ليلى الباب ودخلت
:ممكن اتكلم معاك شويه
:طبعا يا لولي اتفضلي
:مش قلنا ماما
:معلش بقالي سنين ما قلتهاش قلة تعود بس
:طب اسمعي مني الكلمتين دول انت ظلمتي فارس لما كنت هتسيبيه
:عارفه بس بحبه وصعب عليا يشيل كل ده انت شفتي كم المشاكل اللي حصلت لي في فترة قصيرة
:فارس راجل محترم وانت محظوظة به ومش معنى كده ان حياتك هتبقى وردي معاه بس هو دلوقت له رصيد كبير عندك يسحب منه زي ما هو عايز
:يعني ايه مش فاهمه
:يعني وقف جمبك واحتواك لما يبقى غضبان او زعلان من الشغل او غيره استحمليه ما تزعليش منه لو قالك كلمة غصبن عنه زعلتك المهم انه وقت الشدة اثبت انه راجل يعتمد عليه وياما في ستات كثير نفسها تقابل واحد في نص مواصفات فارس
:حاضر هحط الكلمتين دول في دماغي بس قوليلي سولي عامل معاك ايه لو مش عاجبك اغيره ههههه
:الحمد لله ربنا عوضني به عن اللى شفته مع ابو لين بجد ابوك حنين قوي
:قوي قوي هتقوليلي
*ضربتها على يدها بلطف
:اختشي عشان كده حبيت اوصيك على فارس لاني حسيت انه راجل زي سليم بيحتوي الست اللي بيحبها عارفة الفترة اللي قعدتها مع باباك مش كبيرة وهو بيتاخر في الشغل بس الساعتين اللي بيرجعهم بيعوضني عن اليوم كله …..
عايزه اقولك علي حاجه مهمه
:قولي يا لولي مش هنام النهاردة
:مامتك لما تيجي افتحي قلبك واسمعيها مفيش ام بتكره اولادها اكيد عندها سبب
:تفتكري اي سبب هيكون مبرر للي عملته
:احنا بشر بنغلط هي اكيد غلطانة بس سامحي
:هحاول اوعدك رغم انه صعب قوي عليا
*طرق الباب ودخل فارس
:جبنا في سيرة القط
:ايه ده كنتم بتتكلموا عليا
:اه لسة ماما كانت بتوصيني عليك ايه اللى جابك كنت لسة هنام
:بصراحة استأذنت عمي ابات معاك هنا ما بقتش بعرف انام من غيرك
:لا والله وهو وافق كدة بكل سهولة دى بقى لارج قوي
:لا طبعا انا اقنعته انك هتبقى متوترة من مقابلة بكرة ويمكن تسخني فلازم حد يكون جمبك
:شوف لؤم الرجالة لا ماتخافش انا كويسة
:يعني اروح
:لا انقل اقامتك هنا عشان اونكل فخر يولع فيا النهاردة بيشتكي اني خطفتك على الاخر
:ياريت انقل اقامتي بس باباك يوافق
*ضحكت ليلى وتركتهم وخرجت
:هبعت لكم العشاء كلي يا نسمة واكلي خطيبك
:هو بيستنى حد ياكله ده ممكن ياكلني شخصيا ههههه
*طرق الباب ودخلت لين قبل الأذن
:هو انا قلت لك ادخلي مش يمكن بنقول كلمتين هههههه
:انا عايزة من التموين اللي جالك النهارده هههههه
:ااااه قلتيلي مروان ما جابش حاجه نسي
:طب انا قاعدة على قلبكم لما تطلعي نصيبي قال ما جابش هو انت هتسامحيه من غير ما يكون جابها
:نسمة اديها خليها تحل عننا بدل ما ادور عليها واديلها الكيس كله *صرخت وجرت اخرجت من الكيس ٣ شيكولاتات
:لا خدي قال الكيس كله حلي عنا
:هاخود دول تصبيرة وابقى اقسم معاك الباقي هما الاخوات لبعضيهم هههههه
:مستغلة لو دي الاخوة مش عيزاها ههههه
بقلمي سحر السحرتي
*خرجت لين وهي تغمز لنسمة جلس فارس بجانبها واحتضنها وقبل رأسها
:حمدلله على السلامة يا قلبي رجعتي نسمة اللي اعرفها عملتي ايه مع مروان
:اتصالحنا عشان بابا ما يزعلش
:احسن حل عقبال بكرة
:اهو بكرة ده اللي تقيل قوي على قلبي ممكن افضل سهرانة وقلقانة
:عشان كدة جيت انيمك في حضني
:عشان كده ولة جاي عشان نفسك
:اكيد عشان نفسي وبتحجج بك هههههه
*تناولوا العشاء وفارس اخذ نسمة لتنام داخل حضنه وكان يعلم انها وهي نائمة سيرتعش جمسها وينتفض فكان يهدئها كعادته
*استيقظت نسمة في حضن فارس مطمئنة ونزلوا اصرت ليلى عليهم ان يتناولوا الفطار قبل المقابلة حتى تهدء نسمة
*طرق الباب وادخلت الدادة والدة نسمة غرفة المكتب
:ادخلي بقى يا نسمة وحاولي تخليك ذوق معاها
:ايه الندالة دي انت مش قلت جاي معايا
:بصي انا هقعد قريب لو احتجتي لي نادي لكن ما ينفعش ادخل دلوقتي
:انت بتدبسني وتخلع ماشي افتكرها
*دخلت نسمة وهي تفرك يدها من التوتر والقلق من هذه المقابلة فردت امها ذراعيها لتاخذها داخل حضنها لكن نسمة رفعت كف يدها بمعنى ان تتوقف عما تريد فعله
:هو حضرتك ناوية تعملي ايه انت ما كنتيش مسافرة انت اول مرة تشوفيني في حياتك حتى يوم ولادتي ما بصتيش في وشي
:عارفة يا نسمة يا حبيبتي اناغلطانة
:لا هنكدب من اولها حبيبتك ايه هو انت تعرفيني اصلا انا جاية اسمع اللي عندك زي بابا وماما ليلى ما طلبوا مني
:طول عمر سليم طيب انت اخدت منه طيبته ووسامته
:الحمد لله اني ما اخدتش شكلك عشان ما يفتكركيش كل ما يبص لي
:انا عارفة ان اي حاجة هقولها مش مبرر اني اسيبك بس انا ام وكنت سايبة ابني مع راجل ظالم خفت عليه اضطريت اعمل كده
:ههههه وانا مش بنتك برضة انت حتى ما تعرفيش نوعي غير في الخطوبة
:لا عارفة عنك كل حاجة وكنت متابعة اخبارك من بعيد لبعيد عشان احترم اتفاقي مع ابوك
:اتفاقك مع بابا انت متاكدة انه كان هيكسره لو حاولتي بس مرة تشوفيني هو كان مستني وانت عارفة انه طيب
:ما كنتش اقدر جوزي كان هيطلقني ويحرمني من ابني تاني
:ودلوقتي مش هيطلقك انا كمان كنت صغيرة ومحتاجة حب وحنان
:انا سيبتك مع ابوك وانا مطمنة عليك معاه انا شفت حنان وحب من ابوك يعيشني العمر كله سعيده كان نفسي استمر معاه بس ابني كان كل يوم بيضرب من ابوه ويكلمني ويعيط ارجعي يا ماما كان بيقطع قلبي لغاية لما اتفقت مع ابوه اني ارجع بعد الولادة بس بلاش يضربه
:وبعتك ليا وقبضك الثمن
:لسببين اولا كان نفسي اخد ابني ونهرب من الظالم ونعيش مع ابوك لما اقدر ارجع السبب الثاني لو مقدرتش ارجع ابوك يكرهني ويقدر ينساني
:الكلام ده تضحكي به على عيل صغير مش عليا انا
:لك حق انا رجعت لابوك الفلوس والشقة من ١٠ سنين لان جوزي اتغير بعد ما اتعرض لحادثة كانت هتموته واعتذر لي وحلف ان عمره ما هيضربني تاني وحكيت لوالدك وسامحني وصدقني عشان هو كمان شاف حب مني عمره ما حسه وهو انسان طيب قوي وقلبه ابيض
:عارفه الحمد لله عوضني عن اليتم اللي كنت فيه
:حقك عليا يا نسمة انا اتعذبت قوي لما عرفت كل اللي جرالك بس سليم قالي ان صعب اظهر في حياتك دلوقت واسيبها للزمن
:ده كل اللي عندك ولة لسه في حاجه تانية
بقلمي سحر السحرتي
: بكره هتكوني ام وتعرفي غلاوة الضنا عارفه ان اختيارتي كانت غلط بس انا كنت وحيدة ما ليش اهل تقف جمبي لاني خالفتهم واتجوزت غصبن عنهم فقاطعوني واعتبروني ميتة
:وانا كمان اعتبرتك كدة من زمان ومفيش ميت بيرجع تاني اسفة مش قادرة اسامحك
:حقك مش هلومك بس ممكن تفكري وممكن اخدك في حضني اللي اتحرمت منك كتير
*كانت هناك معركة داخل نسمة ما بين ان تسامحها وتلقي بنفسها في حضنها الذي حرمت منه عمر طويل وبين اعتقادها ان ليس هناك قدرة على الارض تحرم ام من طفلتها في النهاية انتصر احساس الحرمان عند نسمة وارتمت بحضن امها وهي تبكي رغم انها غير مقتنعة باسباب امها
:انا اسفة يا حبيبتي سامحيني عمري كله بندم اني سبتك عارفة اني مستحقش انك تسامحيني بس انت اخدت من سليم طيبته وقلبه الكبير
:انا اتعذبت في بعدك كثير واتحرمت من حنانك
:وانا كمان يا قلب ماما بس كنت مطمنة ان سليم هيراعيكي وهياخد باله منك دى احسن راجل شفته
:عاوزة احكيلك حاجات كتير واشبع منك
:وانا كمان يا حبيبتي هجيلك كل يوم
*خرجوا هما الاثنتين قابلهم فارس
:لا انا بحب خدودك الحمراء مش عيونك الحمراء ما يصحش كدة يا طنط مديهالك وردة مفتحة هههههه
:هتفضل غلس قوي (وخبطته في كتفه بحب)
مها والدة نسمة:انت فارس خطيبها خلي بالك منها ما تزعلهاش
:ازعل مين ما هي لسة شتماني وضرياني قدامك يبقى مين بيزعل التاني
*مها شكرت ليلى لانها استقبلتها في بيتها واستأذنت لتعود مرة اخرى وانها تعلم ان لها دور جعل نسمة تسامحها
*خرجت نسمة مع فارس في السيارة
:فارس جعانة اعزمني بارة
:انا قلت نفسك اتسدت فرحانه تاكلي زعلانة تاكلي
:هو ايه البخل ده احنا لسة اولها دى انا كنت عملالك مفأجاة تجنن بس خسارة فيك هروح لولي هتأكلني
:مفأجاة ايه عشان خاطري قولي يا رب اللي في بالي
:كنا هنعدي على بابا في الشغل ونحدد معاد الفرح بس مالكش في الطيب
:احلفي لا دى انا الطيب بذات نفسه انت عارفه بحلم باللحظة دي بقالي قد ايه خليها الاسبوع الجاي
:على طول كدة مش نسال مهاب ولين
:انا مديره مش هيعترض ريحي قلبي بقى
:كدة هيبقى فاضل ١٠ ايام مش هلحق اخلص
:تخلصي ايه مش اتفرجتي على الشقة جاهزة ولو على شوية الهدوم انت اشتريتي نصها من بارة ابوس ايدك اموووة وخدك امووووة و.
: بس خلاص موافقة بس بابا يوافق
:مالكيش دعوة تعالي اطفحك ونطلع نروحله
:بدايتها مش مبشرة اطفحك
: بقيتي مراتي خلاص لسة هنطبطب
:لا حنين يا بختي بك هههههه
: اتصالحتي على مامتك ومشكلتكم اتحلت
:اه مش واضح
:الواحد مش خلصان من حماة واحدة بقى عندي اثنين هههههه
: انت بايخ قوي النهاردة بس بحبك وبموت فيك
:ربنا يروق مزاجك على طول
:طول ما انت جمبي هاه هناكل فين
:مكان ما انت عايزة يا خاربة بيتي
بقلمي سحر السحرتي
:هنخلص ونروح لبابا اكلني حاجه حلوة عشان اقنعه يوافق على معاد الفرح
:اذا كان كده خروف ادبحهولك حالا
:يامي ياسلام كده ممكن اخلي الفرح بكره
:ابوسك من هنا ومن هنا ومن
:وقف بقى بوس من دلوقتي لغاية الفرح
:ليه كدة يا مؤذية كدة هكرهك
:عشان تحس بطعمها يوم الفرح
:دى ولا تعذيب المساجين ده انا هاخد تصبيرة لغاية الفرح بعد كده اخد اكثر من التصبيرة
:لا زي ما قلت لك والا … وكمان مش هشوفك قبل الفرح ب ٣ ايام
:كمان ايه رأيك تضربيني برصاصة احسن كدة كثير
:ههههه اي اعتراض تاني وهقولك يوم الفرح هروح مع بابا
:والله زودتيها خفي ابوس ايدك
:ههههه استحمل بقى مش عايز تتجوز المعقدة
:طيب انا هلغي القرارات بتاعتك دي
:ما تقدرش
*اخرج من جيبه شيكولاتة من النوع الذي تعشقه
:دايما خاطف قلبي هخليك تاخد تصبيرة ونشيل يوم من ال ٣ ايام مبسوط يا حياتي
:مبسوط قوي بس لو طلعت دي كمان هتلغي ايه
*كانت نوع اخر احلى من النوع الاول
:بتهزر هلغي الفرح ونروح على بيتنا على طول هههههه
:واللي يرجع في كلامه
:بتعمل ايه يا مجنون انا كنت بهزر هما كلهم كام يوم نفسي تشوفني بالفستان الابيض وأهي ماما هتبقى موجودة تلبسهولي هو انت كنت مخبي الشيكولاتة دي ليه
:اكيد يا حبيبتي مش هحرمك من الفرحة ووقت ما انت عايزة لو بعد سنة هستناك …الشكولاتة كنت خايف تزعلي من مقابلة مامتك فكنت هصالحك بيهم بس طلع لهم لازمة تانيه
*تجرأت وطبعت قبلة على شفتيه من حبها له
#ماذا سيحدث هل سيمر الفرح دون مشاكل
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نسمة حائرة)
