رواية نسمة حائرة الفصل الخامس عشر 15 بقلم سحر السحرتي
رواية نسمة حائرة الجزء الخامس عشر
رواية نسمة حائرة البارت الخامس عشر
رواية نسمة حائرة الحلقة الخامسة عشر
*تجرأت وطبعت قبلة على شفتيه من حبها له
:فارس انت حقيقي وبجد هو انت بتحبني قوي كدة ولة خيال وحبتني امتى ما كانش باين عليك
:انت لسة فاكرة تسأليني واحدة كمان من الجرأة دي واحكيلك
:بعينك هي مرة في العمر …. بجد اصل الاحداث جت بسرعة ساعات بقعد مع نفسي واقول بيضحك على او بيتهيقلي ووهم في دماغى
:هضحك عليك ليه طمعان في تفيدة بتاعك ههههه ومش وهم في دماغك
:امال ايه احنا شغالين مع بعض بقالنا سنه اشمعنى دلوقتى جيت قلت انك بتحبني وقررت تستعجل على الجواز
:من اول لحظة شفتك فيها حبيتك بس حبيت ما اتسرعش وادرس اخلاقك وطباعك عشان عقلي وقلبي يوافقوا عليك وعرفت ان زميلك كان ناوي يتقدم لك فقلت اسبقه قبل ما تطيري من ايدي بسببه هو ومنال
:قلت لي قبل كدة بس هو مين
:عايزه تعرفي ليه عموما انا نقلته لاني ما كنتش طايق نظراته لك
:بتغير على يا قلبى
:يااه نفسي احطك في قصر واقفل عليك بس خايف تزعلي
:هههههههه وابقى ريبنزل …. طب ومستعجل قوي كدة ليه على الجواز كنا طولنا فترة الخطوبة وقلبك وعقلك يأكدوا القرار
:احنا قربنا من بعض قوي الفترة اللي فاتت وحسيت اني مش قادر ابعد عنك خصوصا وقت النوم ما بقتش بقدر انام بعيد عنك مش قادر اوصفلك احساسي ايه وانت في حضني واعملي حسابك بعد الجواز اكيد هنختلف اوقات بس ده مالوش علاقة بانك تبعدي عن حضني وقت النوم
:لا دى انت اللي تعمل حسابك واكيد ان شاء الله مش هنزعل من بعض
:مفيش حياة كلها وردي وده اللي عايزك تفهميه
:فهماه طبعا بس قصدي ان كل واحد هيحافظ على مشاعر التاني ويحاول يسعده ومع بعض هندوب المشاكل
*امسك يدها وقبلها
:اكيد يا حبيبتي انت سخنة العقل ده جالك من اين هههههه
:ههههه طب كلم مهاب وشوف المعاد مناسب معاه عشان نكلم بابا بعد الغداء
: اعملي حسابك الفترة الجاية هنشتغل كتير قبل اجازة الفرح لان عندنا شغل مهم وخلى بالك ان ثلاثة هيأخدوا اجازة من الشركة مرة واحدة
:ايه ده في حاجات نقصاني للفرح هجيبها امتى
:بعد الشغل يا قلبي ما هو ما يبقاش جواز وخراب ديار واتعودي تشيلي مسئولية بقى
:قصدك ان جوازك منى موت وانا مش قد المسؤولية احنا لسة على البر وبتندم امال بعد الجواز هتعمل ايه
:بيعجبني فيك دماغك وفهمك للكلام وحبك للنكد هو ده اللي جه في بالك
:امال قصدك ايه
:اني موت فيكي والمسئولية اللي عايزك تشليها بيت وشغل فهمتي يا ام مخ تخين
:فهمت بس ما تشتمش هههههه
بقلمي سحر السحرتي
*اتفقوا جميعا على موعد الفرح كانت نسمة سعيدة واتصلت على عماتها لتبلغهم بنفسها وتعزمهم …. واتصلت على مروان الذي سعد جدا من اجلها و اكد انه سيحضر الفرح وسوف يرسل لها صور لفساتين الزفاف تختار هي ولين وسيحضره معه هدية الزفاف …. فرحت لانه اصبح يحبها ويهتم بها فشكرته انها لا تريد ان تتعبه لكنه أصر وانه لا يوجد تعب بين الاخوة … وافقت وهي طائرة من الفرح
*مرت الايام ونسمة تعمل في الصباح واخر النهار تتسوق من اجل الزفاف مع لين لان فارس كان مشغول يحاول انهاء العمل قبل الاجازة
*عادت نسمة ذات يوم مع لين وجدوا ليلى تبكي فدب الخوف فيهم واسرعوا اليها
:مالك ياحبيبتي مين زعلك اوعي يكون بابا هزعل منه
:لا ياحبيبتي انت عارفه انه طيب قوي وحنين
:امال ايه اللي حصل قلقتينا
*كانت تتحدث وهي خجولة وتبكي
: أصل …. أصل
:ايه يا ماما هنموت من القلق عايزه فلوس
:لا اصلي تعبت شويه
نسمة :طب قومي نكشف ولة نتصل على الدكتور
ليلى:لا ما انا كشفت وقالت … اني …. اني
لين:ايه يا ماما خوفتيني حاجه وحشة بعد الشر
ليلى:لا قالت اني حامل
*صرخت الفتاتان واحتضنوا بعضهم ثم احتضنوا ليلى
نسمة:بجد الف مبروك يا احلي لولي في الدنيا هنبقي انا ولين اخوات رسمي
لين:مبروك يا ماما هيبقى عندي اخوات من بابا سليم دى احسن هدية لجوازي انا اللي هبقى مسئولة عنه
نسمة:اشمعنى انت انا اللي هبقى مسئولة عنه
ليلى:انتو بجد فرحانين انا خايفه سليم يزعل
:وسليم فرحان قوي يا حبيبتي مبروك دى احلى خبر سمعته في حياتي وكان نفسي بحاجة تربطنا ببعض وده هيبقى احلى حاجة بنا
نسمة :بابا انت جيت امتى
:بعدكم بس لما شفتها بتعيط استنيت اعرف السبب
ليلى :يعني انت مش زعلان
سليم:طبعا زعلان انك مفكره اني مش بحبك وهعترض على هدية ربنا بعد ما عوضني بك
:بجد يا سليم انت فرحان
نسمة:بس انا زعلانة كنت هكون اخر العنقود
لين :وانا كمان ههههه
سليم :انتم احلى حاجه في العنقود…. بس ليلى اكيد محتاجة ترتاح عشان الفترة دي متعبة فهتشيلوا مسئولية نفسكم فاهمين
*صرخوا سويا في نفس الوقت :ايه والفرح
سليم:الفرح فرحنا ههههه انتم كبار ومعاكم الكريدت وشيلوها دلوقت عشان تشيلكم بعدين
نسمة:اه ياخوفي … كنت اجلتيها يا لولي كام يوم لما الفرح يخلص
*ضربها سليم على رأسها
:بطلي انانية هو انا قصرت معاكم في حاجه
:بهزر يا سولي ربنا ما يحرمنا منكم يا حبيبي لولى ريحي طول ما احنا فى الشغل عشان نستلمك بعده هههههه
*وجريت من امام سليم واسرعت بالاتصال على فارس
:عندي خبر تحفة لك مش هتصدق
:ربنا يفرحك ياقلبي ايه الفرح بكره
:لا إتاجل ههههه
:اكيد بتهزري قولي وبطلي رخامة
:هيبقى عندنا نونو صغير
:هيبقى عندنا نونو صغير ازاي من اين يعني انا ما عملتش حاجه
:وبتقول انا اللي مخي تخين عندنا مش انا وانت عندنا في العيلة مش هتصدق مين
:عمر اكيد هو اللى لسة متجوز جديد
:ههههه لا حزر فزر تاني قول عروستي
:بتهزري مش ممكن عمو سليم
:تخيل هيبقى عندي اخ او اخت صغننين
:عقبالنا يا حبي واشوفك مقلبظة ومدورة ههههه
:هما كانوا متخيلين اننا هنزعل ليه …ايه انت بتقول ايه اخص عليك دى انا هبقى احلى كيرفي
:طبعا يا قلبي بس يمكن حاسين انهم كبروا شويه وانتم هتتكسفوا من الموضوع
:تفكير غريب قوي
:بالنسبه لك بس ده الطبيعي في مصر هسيبك دلوقت اخلص الشغل وافضالك لان اكيد طنط ليلى مش هتقدر تعمل حاجة وياك اليومين دول
:انت ازاي كدة ربنا ما يحرمني منك لو انت قدامي دلوقت كنت اديتك حضن كبير
:دقايق وهكون عندك اخده
:هههههه يا مجنون يبقالك يوم الفرح
:مش بحب أحضاني تبات بارة أقولك بكرة أخده في الشغل سلام بقى لاني مشغول
بقلمي سحر السحرتي
*باقي ايام على الفرح وبينما كانت نسمة في المكتب مع مهاب يعملون جائها اتصال
:ايه يا حبيبتي بتعيطي ليه….. يعني مش هتقدري تيجي النهارده ولا يهمك …. ايه والفرح كمان ….. تمام فهمتك ….. لا مش زعلانة اتعودت خلاص ….. ولا يهمك المهم طبعا انت
:خير يا نسمة مين
:واحده صاحبتي بتعتذر عن حضور الفرح …. بص فارس في اجتماع دلوقت انا هروح مشوار وبعدين هقابل لين بعد ساعتين نشتري شويه حاجات يا ريت تبلغه اني اضطريت امشي
:طب وباقي الشغل ده
:كمل انت الجزء بتاعك وانا الجزء بتاعي هخلصه من البيت النهارده ما تقلقش
*خرج فارس من الاجتماع وتوجه الى مكتب نسمة وجد مهاب وحده وعرف منه ما حدث وشرح له مهاب ان شكل نسمة كان حزين جدآ وهو قلق عليها
*اتصل فارس بدوره عليها اجابت لكن صوتها مخنوق
:ايه يا حبيبتي انت فين
:في مشوار ما انا قلت لمهاب يبلغك
:انت كويسة في حاجة حصلت
:اه يا حبيبي كويسه ما تقلقش
:طب شويه واكلمك تاني اطمن عليك
*كانت تجلس في مركب تسير في النيل وجدت مركب اخرى تقترب جدا من مركبها وقفز فارس من هذه المركب اليها
:فارس انت جيت ليه
:قلقت عليك بتعملي ايه هنا
:قاعدة مع نفسي بفكر و شويه وهروح أقابل لين
:هو ايه اللي حصل
*تحدثت بمنتهى السخرية
:ابدا الست مها مش هتقدر تقابلني النهارده ولا هتيجي الفرح جوزها يا حرام منعها مش قادر ينسى انها اتجوزت غيره فخيرها وهي مغلوب على امرها اختارت وطبعا انا وقعت من حساباتها زي ما طول عمري كنت حاسه وعارفه بس قلت اسمع كلامكم واسامح
:اعذريها يمكن فعلا ماعندهاش خيار خافت يطلقها
:عذرتها قبل كدة وكان ابنها صغير وسابتني ٢٣ سنة وما يطلقها انا او ابنها نشيلها بس هي انانية وكدابة ما رجعتش حاجة لبابا ولا كانت تعرف عني حاجه قبل الخطوبة وبتحب جوزها وكانت عايزة ترجع له وتفضل معاه مش بحجة ابنها وباعتني تاني …… انا سامحت لان كان نفسي احس بحضنها قوي كان نفسي تقف جنبي وتلبسني فستان الفرح لكن عمري ما هنسى احتياجي لها وهي مش موجودة عارف اكتر حاجة فكراها لما كنت بنت وبلغت عارف يعني ايه بنت محتاجة امها الفترة الصعبة دي ومهما كان ابوها بيحبها مش هيعرف يتصرف في شئ زي ده وأي دادة في البيت كل شغلها تنظيف واكل وبس لولا طنط ليلى أيامها احتوتني وفهمتني كأني بنتها كان وضعي هيبقى ايه …. او لما كنت عيلة بخاف بالليل ونفسي انام في حضنها اروح اوضة بابا مقدرش ادخل لان مراته هي اللي جمبه شعور بالخوف والوحدة قتلتني وبرضة سامحت وبرضة لتاني مرة اتبعت
بقلمي سحر السحرتي
:وكنت ناوية على ايه وانت هنا
:ما تخافش انا وعدت اني مش هحاول انتحر تاني انت فاكر لما بابا ضربني بالقلم لاني كنت ههرب واسافر كان عشان السفر
:امال ضربك ليه
:لاني حاولت انتحر بس ما قدرش وقتها هو عارف اني لو سافرت كان يومين وهرجع لان مقدرش ابعد عنه كتير
:طب قاعده في النيل بتعملي ايه
:بهدي اعصابي بفكر وابص لنص الكوباية المليان زي ما علمتني فعلا مش دايما الاب والام بيطلعوا كويسين وهي رمتني من حساباتها لما اتاكدت ان بابا هيحميني ويحافظ عليا يبقى ليه اعمل حاجه تزعله وتكسر قلبه وهو بيحبني الحب ده كله
:يعني انت هنا عشان كده بس
:اه عرفت مكاني ازاي
:من زمان عامل تتبع لتليفونك وعرفت انت فين لما صوتك قلقني جيت
*واخذها بداخل حضنه وطبطب عليها
:عيطي يا نسمة عشان ما تتعبيش
:بكت بحرقة وكأنها كانت تحتاج حضنه ليحميها ويطبط عليها
*كانت تبكي بحرقة وارادت ان تلقي بكل مخاوفها من داخل صدرها
:انا محظوظة انك جمبي ومعايا مش عايزه حاجه من الدنيا اكتر من كده بلاش تصدمني انت كمان الواحدة ما بتحتاجش غير واحد يحتويها ويسندها
:ايه اللي بتقوليه ده انا عمري ما هعمل حاجه تزعلك انت نسمة حياتي
*امسك هاتفه وتحدث مع احدهم وطلب منه تنفيذ ما اتفقوا عليه
:ايه هتخطفوا حد
:لا ده شغل يا معطلاني هتقابلي لين امتى
:بعد ساعة ليه
:خلاص كلميها الغي معاها بلاش النهاردة ونقعد شويه واروحك اكيد مش هتقدري تعملى حاجه وانت كدة
:ماشي هتغديني فين
:انت مش عايزة تاكلي في بيت ابوك قبل ما تسبيه
:على طول بخيل قوي يا فيري ههههههه
:اه على فيري اللي بتخطف قلبي طب حاسبتي المراكبي ولة هحاسب ده كمان
:يا خسارة حاسبته لو كنت اعرف انك جاي ههههههه
:الحمد لله ما عرفتيش
*قضت نسمة وقت لطيف مع فارس عوضها عن القسوة التى تلقتها من امها اوصلها للمنزل واعطاها حقيبة واخبرها ان ما بالحقيبة لها هي ولين
:ايه ده يا حبيبي
:هتعرفي لما تدخلي خلي بالك من نفسك وطمنيني
*دخلت وجدت جنينة الفيلا متزينة وبها فتيات كثيرات صديقاتها وبنات عماتها تفأجات في وقت وصول لين خلفها تعجبوا ونظروا لبعضهم يتسألون ما هذا
*فارس خدع نسمة انه ذهب ولكنه كان خلفها سحبها اليه ممسكا يدها
:دي حفلة الحنة بتاعتكم يا حبيبتي يلا اطلعي البسي انت ولين الكيس معاك
*فتحت الحقيبة وجدت فستانين نفس الشكل مناسبين للحنه حضنته واسرعت هي ولين لتغيير ملابسهم
*وصل فارس اتصال بعد ان استمع للمتصل صعد السلم مسرعا الى غرفة نسمة ….. دخل الغرفة وامسك نسمة من رقبتها من الخلف والغضب يتطاير من عينيه
:هو انا عملت لك ايه عايزة تفضحينا
*بمنتهى البراءة حتى لا يتعصب اكثر
:ايه يا فيري مسكة الحرامية دي انا عملت ايه
:كشري ايه اللي هتقدميه في الفرح هو احنا هنتجوز في شادر السمك
:ايه يا حبيبي كنت عايزة اعمل حاجة غريبة ومختلفة
:دي حاجه متخلفة مش مختلفة انا وباباك رجال أعمال هتجيبلنا جلطة في الفرح نقدم كشري دي فضيحة الموسم
:وانت مين قالك
:منظم الحفلة لسة قافل معايا وقلت له طبعا انك بتهزري
:الفتان …. طب نزل ايدك هو الناس جاية تاكل ولة تفرح معانا
:نسمة انا بتكلم جد عمو سليم ممكن يضايق جدا شكله هيبقى ازاي والناس هتقول عليه ايه
:تفتكر كان هيزعل
:افتكر ده ممكن يتشل منك
:بعد الشر على بابا ( برقة لتمتص غضبه واقتربت منه ) بس ايه رايك فى الفستان
:بتحاولي تغيري الموضوع يجنن طبعا مش انا اللي جايبه مفيش شكرا او مكافأة
:شكرا يا حبيبي
:حاف كده
:لا اكيد الاكل تحت
:انت فاهمه انا اقصد ايه كويس
*بدأ يقترب وهي ترجع للوراء حتى اصبحت الحائط خلفها ورفع اصبعه امام عينيها
:انا مش هعمل حاجه عقابا لك ومش عايز اي افكار مجنونه وما تقلقيش هيبقى في حاجات مختلفة في الفرح ماشي انبسطي بالحنة
*اعتذرت ووجهها للارض خجلة مما فعلت
:بما انك اعتذرتي هاخد بوسة واحده
*وخطف قبلة من شفتيها واسرع بالخروج
*نزلت الجنينة هي ولين ورقصوا مع البنات وكانت سعيدة والحفلة جميلة عوضتها عن الحزن وشغلت تفكيرها عن ما حدث
بقلمي سحر السحرتي
*انتهت الحفلة وصعدت الى غرفتها هي ولين التي نامت معها بنفس الغرفة لان الغرف ممتلئة بعماتها وبناتها وقصت على لين ما حدث
:بس مش عارفه هو لحق يوضب للحفلة دى امتى
:مهاب قالي انه كان موضبها من بدري وكان هيعملها مفاجأة واهيه جت في وقتها
:طب لينو حبيبتي نامي انت وانا هخلص شويه شغل لان بكره اخر يوم ليا وفارس هيعلقني لو ما خلصت قبل الاجازة
*اتصل فارس على نسمة ليطمئن عليها ويسالها اذا اعجبت بالمفاجاة
:اه يا حبيبي كانت حفلة حلوة قوي مهما قلت مش هقدر اشكرك يارب دائما في حياتي
:فاضل ٣ ايام على الفرح تقدري من بكره تاخدي اجازه وهتوحشيني الايام دي مسموح بقى اكلمك ولة كمان اجازه
:اكيد يا حبيبي بس بكره اخر يوم شغل وهخلص كل حاجه وابدا الاجازة بس انت لسه فاكر القرارات
:اه مقدرش ازعلك واللي صبرني كل ده يومين وهتبقى جوة حضني ومش هتطلعي منه ابدا
:بحبك قوي
:بطلي حب عايزه انام حرام عليك مش كفاية النور
:هههههه طب سلام احسن لين هتقتلني وتبقى ارمل
*مرت الايام الباقية يوم الفرح في الصباح وصل مروان ومعه الفساتين كانت خلابة والمقاس مظبوط فرحت الفتاتين كثيرا وكان معه علبتان متوسطة الحجم هدية لكل فتاة فتحوهم وجدوها ممتلئة بالشوكلاتة
نسمة:شوفي يا لين انت خدي الفساتين وانا اخد الشيكولاتة ههههه
لين :تعمليها وفارس يقتلك وانا اخدهم كلهم من بعدك هههههه
نسمة:عندك حق بس انا هاخد سليم الصغنن ده حبيب عمتو وقلبها من جوة
*وحملت الصغير واحتضنته واخذت تقبله بحب جارف
هانيا زوجة مروان:مش معقول اول مرة يروح لحد من غير ما يعيط ده اول مرة يشوفك
ليلى:الاطفال بتحس بالحب والحنية ونسمة كل ده
مروان:فعلا يا طنط نسمة اي حد يحبها ومبروك على النونو
نسمة :انت عرفت دى احنا كنا خايفين منك
مروان:عيب يا نسمة انا اتغيرت وبابا من حقه يعيش حياته هو عمل عشانا كثير قوي
سليم:تعالى فى حضني يا اول فرحتي انا مبسوط قوي انك اخيرا فهمت واخيرا هتلم مع اولادي كلهم
هانيا :الحمد لله يا عمو مروان اتغير كتير للاحسن حتى معانا
نسمة:هنقضيها سلامات واحضان خودي ابنك العسول ده ياستي وابقى بوسي لي اللي نايم انا عروسة هنروح نجهز معلش بقى كنتوا جيتوا بدري شوية كنت قعدت معاكم بس دي مرة في العمر وهبهركم
*البنات اصبحوا جاهزين واحلى عروستين يمكن ان تراهم العين سليم امسك البنات فى يده كي يسلمهم للعرسان
*فارس ومهاب كانوا مبهورين بجمالهم وبالفساتين واستلموهم وكل منهم قبل عروسه في راسها
*دارت الموسيقى لكي يرقص العرسان اول رقصة وكانت المفاجأة فارس يغني لنسمة اغنية حماقي حاجة مستخبية
&في جوة قلبي حاجة مستخبية &كل اما بجي اقولها فجأة مش بقدر
&قدام عينيك بقف وبنسى ايه يتقال & ليه كل مرة يجرى كدة ليه
&ودي كلمة واحدة بس مش اكتر والكلمة دي عندي فيها راحة البال
( حبيتك يوم ما اتلقينا لما حكينا اول كلام & حبيتك واحلف على ده تسمع زيادة ده انا مش بنام )
*عاد هذا الجزء مرتين وحضنته نسمة واكمل مهاب باقي الاغنية للين
بقلمي سحر السحرتي
*همست نسمة في اذن فارس
:ايه الاغنية الحلوه دي صوتك حلو قوي
:لسة في مفاجات عشان يبقي فرحك غير ولو على الصوت في مهندس بيعدله ما تاخديش على كدة ههههه
*رقصوا جميعا لبعض الوقت وجلسوا لكي يبارك لهم المدعوين ويتصور الجميع معهم
*كانت من بين المدعوين امراءة ترتدي فستان قصير وعاري بدرجة كبيره وتتجه لتسلم عليهم لكن يد فخر سحبتها وهو ينادي عليها لكن نسمة متابعة للموقف لان ملابسها ملفتة جدا
*كان فخر يتحدث معاها ووجهه غاضب لم تسمع نسمة الحوار ولكن من الواضح انه يمنعها من الصعود للعروسين
*بينما نسمة تراقب ما يحدث صعدت
#من التي صعدت ومن التي تتحدث مع فخر هل سيمر الفرح بسلام
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نسمة حائرة)
