رواية نسمة حائرة الفصل الثامن 8 بقلم سحر السحرتي
رواية نسمة حائرة الجزء الثامن
رواية نسمة حائرة البارت الثامن
رواية نسمة حائرة الحلقة الثامنة
*فعلا عدى يومين ورجعت نسمة الشغل واتعاملت مع فارس بمهنية شديدة وكل ما يدخل فى موضوع خارج العمل تقفله وتغيره لموضوع بداخل العمل ورفضت كل محاولاته للتحدث معها
: طب ممكن حتى نرجع أصحاب زي الاول بلاش الوش الخشب اللي مصدراه ده
:احنا ماكناش أصحاب أولاني ودي اخر مرة هرد على كلام خارج نطاق العمل…. مستر فارس حضرتك المدير بتاعي هتتعامل معايا على هذا الاساس تمام عايز حاجه جانبية غير العمل مش هقدر وتقدر حضرتك تشوف حد غيري لاني جديا بقيت حاسة بضغط من تعامل حضرتك ده معايا …. فأرجوك تكون واضح في التعامل وما يخرجش عن اطار مدير وموظفة
*كانت الدموع تتراقص في عينيها لكن من الواضح ان نسمة مسيطرة بالكامل عليها ولن تسمح لها بالخروج امام فارس …. لكن فارس لاحظها ولم يكن يريد زيادة الضغط عليها
: تمام يا نسمة انا اسف تقدري تشوفي شغلك
*التزم فارس بكلمته مع نسمة وقلل التعامل معاها حتى تهدأ لكن بعد يومين وصلت الشركة دعوة خطوبة فارس ومنال
*كان فارس يستشيط غضبا وخائف من رد فعل نسمة لكنه استغرب عندما علم انها مصممة الدعوة فذهب الى مكتبها
بقلمي سحر السحرتي
:ممكن افهم لما مفيش بنا غير الشغل بتصممي دعوة خطوبتي ليه
:مستر فخر هو اللي طلب مني بشكل شخصي لانه صديق بابا وكان عجبه التصميم بتاع دعوة ابيه عمر تقدر حضرتك تتناقش معاه
:وما بلغتنيش ليه انه طلب منك ده
: بصفتك ايه ده شئ خارج الشغل مناقشتنا خاصة بالشغل بس عن اذنك …. والف مبروك عقبال اما اصمم لحضرتك دعوة الفرح
*خرج فارس من مكتب نسمة وعقله يكاد ينفجر من الغضب ولا يستطيع ان يفكر ماذا يفعل بالتحديد فقام بالاتصال على منال
:انت عرفت بموضوع الدعوة بتاعة الخطوبة
*بكل خبث وادعاء للبراءة
:اه بابا واونكل فخر اتفقوا ووزعوها مش عارفه هنعمل ايه احنا كدة اتورطنا ولازم الخطوبة تتم والاسمعتنا وسمعة عليتنا هتبقى على كل لسان
:اتصرفي يا منال لاني لو اتصرفت هيبقى مش كويس علشانك فهماني انت لسة ما تعرفيش فارس ممكن يعمل ايه انا حبيت اساعدك ما يبقاش ده شكرا اللي باخدها
*دخل مهاب على نسمة المكتب هو زميلها في الشغل وزميل دراسة وخطيب لين صديقة عمرها وكان عارف ان في مشاعر مبدئية ناحية فارس بس مش عارف تفاصيل طبعا التفاصيل كلها عند لين …دخل ليطمئن عليها بعد ما كان بيكلم لين وعرفت بالصدفة وصول دعوة الفرح
:نوني عاملة ايه كويسة
:ومش هبقي كويسه ليه اطمن وطمن اللي بعتاك
: انت لسه مهكرة تليفوناتنا ههههههههههه
:لا يا خفيف اللي ربى خير من اللي اشترى دى انتم عشرة طويلة بس انا كويسة وبعدين مش حاجة عبيطة هي اللي هتأثر فيا انت عارف مريت بالاصعب
:بس في قشة بتقطم ظهر البعير
: بعير للدرجه دي شايفنى من البهايم ههههههههه
*يدخل فارس على أصوات ضحكاتهم وتحس نسمة بنوع من الانتصار لاحساسه انها تعيش حياتها تضحك ولا يهمها شئ وكأنه شخص عادي بالنسبة لها
:نسيب الشغل ونقعد نهزر ونضحك ايه رأيكم
:اسف يا مستر فارس مش هتتكرر تاني
:اسف ايه احنا كنا بنشتغل ومفيهاش حاجه لو ضحكنا على كلمتين قلناهم احنا مش في مدرسة وقاعدين في حصة والمدرس قفشنا بنضحك
*فارس في نفسه :يخرب بيت تشبيهاتك
: هو فين الشغل ده ممكن اعرف
:مهاب كان جاي يعرف منى تفاصيل البرنامج اللي هيشتغل عليه زي ما حضرتك قسمت علينا المهام وقلت لي ابلغ الفريق اللي هيشتغل معايا
:هو مهاب من ضمنهم
: مهاب اولهم واهمهم
*كانت تنظر له نظرة تحدي معناها مش هتقدر تمسك عليا غلطة مش هديلك الفرصة دى وهعرف اقلبك على نار هادية وهسويك شوية بشوية
:طب تقدروا تكملوا شغل يا ريت تبعتي ايميل ان الشركة نص يوم الخميس الجاي بمناسبة خطوبتي
*كان يريد ان يرى نظرة عينيها بعد سماع الخبر بس على مين نسمة فهماه كويس قوي
:هي اينعم مش شغلتي بس هدية مني عشان خطوبه حضرتك هعملها
:ياريس كنا طمعانين في يوم كامل هو حضرتك هتخطب كل يوم ولة نخليها في الفرح
:اكيد يا مهاب هيديلك في الفرح ٣ ايام حداد على روح العزوبية ههههههه
*لينظر فارس لنسمة نظرة توعد
:طب اتفضلوا يا أساتذة كملوا شغل
*يتركهم ويمشي وهو يضحك على نفسه ويفكر ماذا سيفعل بهذه النسمة التي قلبت حياته
*يوم الخطوبة كانت نسمة تستعد للرحيل من العمل يوم الخطوبه
:على فين يا بشمهندسة ماشية بدري
:مش النهارده نص يوم زي ما حضرتك اذنت لنا هروح استعد للحفلة
:يا ترى هتغنيلي النهاردة في الحفلة
:الغناء ده حاجه شخصية بعملها للعزاز على قلبي بس
:هستناك النهارده فرحتي مش هتكمل غير لما تكوني جمبي
:اكيد مش هفوت الفرصة اني اشوفك عريس استئذنك لاني هتاخر كدة انت عارف حركات البنات بتاخد وقت ودي فرصة يمكن عريس يتقدم لي ويبقى بدل الفرحة فرحتين
*وتركته وبداخله بركان
*في الحفلة دخلت نسمة ممسكة بذراع شخص لم تضدح ملامحه لفارس لوجود بعض الاشخاص امامه لكن نسمة كانت ترتدي فستان جميل ورقيق كعادتها يبرز رشاقتها وبساطتها في المكياج وتسريحة الشعر جعلوها اميرة من يراها يعشق رؤيتها دائما خطفت قلب فارس اكثر واكثر لم يستطع رمش عينيه من سحر جمالها …. واخيرا ظهر الرجل الذي معها تنهد فارس بارتياح لانه عمر اخاها
*ذهبوا لتهنئته مدت نسمة يدها
:مبروك يا مستر فارس
بقلمي سحر السحرتي
*شدد فارس على يدها بوضع يده الثانية فوق يدها ولم يفلتها لبرهة من الوقت جعل نسمة تتوتر من ان يلاحظ احد ولكن سرعان ما افلتها فارس
:الله يبارك فيك عقبالك
: تفتكر في حد يستاهلني … هسيبك يا ابيه مع صاحبك واروح اقعد مع اصحابي واستنى بابا زمانه جاي
*تركتهم ولم تعره اي اهتمام ولم تنظر له وانضمت الى اصدقهائها وكانوا يرقصون على نغمات الموسيقى ويضحكون …فارس كان يشتعل من رؤيتها ترقص دون ان يظهر عليها اي رد فعل
*جاءت العروس التي وضعت يدها في ذراع فارس وبدات موسيقى دخول العروسان للقاعة سويا
: هو فين حبيبك اللي قلتي انه جاي
: للاسف الطيارة اتاخرت معرفش يجي عموما احنا نكمل الخطوبة واول ما يرجع نفسخها
: طب اسمعي يا جميلة الجميلات اول ما نيجي نلبس الدبل هتقولي انك مش موافقة على الجواز مني
: واذا ما نفذتش
:هنفذ انا وهيبقى شكلك وحش قدام الناس وهتكون فضيحة
:بس لو سبتك يوم الخطوبة هيبقى مش كويس في حقك
: خايفه على قوى لا مالكيش دعوة بيا انا راجل اما العروسة تسيب العريس اهون كتير من انه هو اللي يسيبها يوم الخطوبة وباكد عليك دبلتك مش هتدخل في ايدي واختاري انت
*بدات فقرات الحفل ونسمة تندمج مع زملائها وترقص وفارس يريد ان يضربها من غيظه
*حضر والد نسمة وذهبت لتحتضنه وبينما كان يقبلها شعر بحرارة في وجهها فوضع يده على جبهتها
:انت سخنة مولعة
: اه انا حاسة اني داخلة على دور برد انا هروح خليك انت هروح اسلم على العرسان وامشي
: طب طمنيني عليك اما توصلي
: لين انا همشي عشان سخنة وتعبانة ابقى روحي مع مهاب
: طب خلاص نروح سوا مش لازم اقعد
: لا يا حبيبتى انبسطي احنا ما صدقنا لولي تديلك اذن تخرجي تسهري مع مهاب هروح اسلم على العرسان وامشي
: مبروك يا عريس معلش مضطرة امشي
: خير انت وشك احمر قوي كده ليه ايه ده وايدك كمان مولعة
: شكلي داخلة على دور برد معلش تتعوض في الفرح
:استني هوصلك مش معقول تروحي لوحدك وانت بالشكل ده
: هههههههه والله ضحكت من قلبي انت عريس معقول هتسيب حفلتك عشان توصل حتة موظفة عيب خليك انا عارفة السكة مش هتوه يعني سلام
*ذهب ليستفسر من صديقتها
: لين هي نسمة هتروح لوحدها وهي تعبانة كدة
: مش راضية حد يروح معاها وبعدين هي واخدة على كدة
: ايه مش فاهم حاجه
: قصدي الدور بيجلها كثير فعارفة العلاج وانا هروح وابات معاها هي اصرت اكمل الحفلة عشان مش بعرف اسهر مع مهاب كتير
: طب ارجوكي ابقي طمنيني عليها انا قلقان انها روحت لوحدها ولولا الظروف كان زماني وصلتها
: لا حضرتك اتعود على كدة حتى عمو سليم وعمر متعودين هي لما بتزعل حرارتها بترتفع كانت دايما بيحصل معاها كدة كل سنة في المدرسة قبل حفلة عيد الام باباها ما كانش بيرضى يخليها تغيب والبنات كانوا بيضيقوها عشان مامتها مش بتروح الحفلة فكانت بتتعب وترتفع حرارتها بس مش عارفة ايه السبب المرة دي ( محاولة منها ان تؤلم ضميره). ..
*رن هاتفها باسم نسمة فهمت لين لترد
:اهيه شوف بتتصل بس غريبة معقول لحقت توصل …الو ايه يا نوني لحقتي توصلي
:لين انا لسة بارة مش قادرة اسوق الدور صعب قوي المرة دي حتى مش شايفة بكلمك بالعافية هاتي اي حد وتعالي على العربية وودوني المستشفي
: يا خبر انا جاية هجيب عمر ومهاب ونطلع لك حالا
: في ايه يا لين
: نسمة قاعدة في العربية مش شايفة وتعبانة جدا
: طب استني هاجي اوصلكم واطمن عليها
:ما يصحش يا استاذ فارس انت عريس وصاحب الحفلة وخلاص هتلبسوا الدبل انا هاخد مهاب وعمر ونوديها المستشفى
: طب ارجوك ردي على التليفون اول ما اكلمك
: حاضر عن إذنك
*جريت لين واخذت مهاب وعمر عشان يلحقوا نسمة وجدوها فاقدة الوعي وجسمها مثل النار نقلوها بسرعة الى المستشفى
بقلمي سحر السحرتي
*فارس رجع الحفلة و حانت لحظة ارتداء دبل الخطوبة لكن منال كانت مترددة ولا تريد تنفيذ طلب فارس ….. الا انها وجدت فارس لايريد ان يمسك الدبل ليلبسها اياها تاكدت ان عليها التنفيذ لانها لو لم تفعل سيكون موقفها من اسوء ما يكون
: بابا ..فارس …انا اسفة مش هقدر اتجوز انا حاسة اننا مختلفين عن بعض و مش متفقين ارجوك اعذروني
*يجري فارس لكي يلحق نسمة ويطمئن عليها ولكنهم ظنوا انه يجري من الاحراج الذي حدث بالحفلة واتصل على لين ليعرف عنوان المستشفى ليصل مسرعا يسال عن حالها
: هما دلوقت حاطين لها المحاليل عشان الحرارة كانت عالية قوي هما خايفين تكون أثرت على المخ
*ليسمع صراخ نسمة من الالم وتخرف بالكلام وهي نائمة
: يابابا محدش بيحبني ماما رمتني وباعتني يا بابا محدش عايزني غيرك اصحابي في المدرسة بيعيروني عشان ما عنديش ام خلاص مش قادرة استحمل الرفض الناس اذتني كتير
*تجري لين وتدخل تحضنها ومسكت يدها فمن الممكن ان تحس بها وتهدء وفارس استئذن عمر ان يدخل يطمئن عليها وجد جسمها ينتفض ويرتعش مسك يدها ومال جانب اذنها وهمس
:نسمة انا هنا جمبك انا بحبك ومش ممكن اكون لغيرك منال خلاص انتهت من حياتي اول ما هتقومي بالسلامه هطلب ايدك من بابا ومفيش قوة على الارض هتفرق بينا
*قبل يدها من دون ان ينتبه احد وخرج من الغرفة لانه غير قادر على ان يراها هكذا دموعه نزلت دون وعي لانه غير قادر على مساعدتها …. تركهم عمر ليحضر والده الى المستشفى لانه خائف من اخباره على الهاتف ان نسمة مريضة ….. واستئذن مهاب ليوصل لين الى المنزل لان الدكتور اخبرهم انها لن تستيقظ سوى الصباح ولا تحتاج احد
: استاذ فارس انا هروح دلوقت وهاجي الصبح ارجوك خليك معاها لغاية عمو سليم ما يوصل
:ما تقلقيش يا لين انا معاها لغاية لما تفوق
*دخل فارس واخذ نسمة داخل حضنه وسمعها وهي مازالت تخرف بالكلام
: ما تسبنيش يا فارس انا بحبك انا وحشة ما استاهلش انا مسخ محدش بيحبني محدش عايزني بابا كنت سبتها تموتني بابا خلاص مش عايزه اعيش
: هتعيشي يانسمة عشان بابا وعشاني انا فارس انا كمان بحبك اهدي والايام الجاية هتبقى احسن
*تركها فارس وجلس بجانبها لانه احس بقدوم احد وكان بالفعل سليم يجري ويدخل الغرفة ولم يلاحظ وجود فارس من لهفته عليها ويستمع الى تخاريف ما تقول …. اخيرا ينتبه لوجود فارس
: انت هنا يا فارس يا ابني امال لين فين
: مهاب راح يوصلها عشان اتاخرت وهتيجي الصبح الدكتور كمان قال ان نسمة مش هتفوق دلوقت
: خلاص يا حبيبي انت كمان تقدر تتفضل
: لا يا عمي تعب على حضرتك اتفضل انت روح انا مش هقدر امشي الا لما اطمن عليها
:ما يصحش يا ابني انا ابوها واخوها هيجي الصبح
: ارجوك يا عمي اسمحلي استنا معاها انا في جميع الاحوال مش هقدر انام من غير ما اطمن عليها ولو عشان حضرتك شايف اني مش قريبها بعد اما تقوم بالسلامه هتقدم واطلبها رسمي للجواز
*انت عارف ان اللي هي فيه ده بسببك
: بسببي انا ليه انا كنت صريح معاها وعرفتها ان مفيش خطوبة
:نسمة كان صعب تحب وقلبها يدق ….. كانت كل اما تحب تهرب من موقف صعب حرارتها بترتفع حالة نفسية بتجيلها من زمان وهي صغيرة كانت بتبقى عايزه تغيب من المدرسة وقت حفلة عيد الام كنت بغصب عليها تروح حابب انها تعيش حياتها طبيعي ما كنتش مقدر انه اصعب وقت بتعيشه وخصوصا ان كل الاطفال كانت بتضايقها لان امها مش موجودة فكانت بتلجا للمرض عشان تغيب …. اخدت وقت على ما فهمت ومعاك كانت مجبرة تروح عشان تثبت لنفسها ولك ان الموضوع مش مأثر فيها ولا يشغل ذرة من تفكيرها وانا برضة ما فهمتش وما حاولتش امنعها تروح كنت مفكرها قوية ومفيش حاجة هتكسرها بس قد ايه انا اب عظيم
:ياعمي ما تلومش نفسك نسمة فعلا قوية بس كل انسان بتيجي عليه مرحلة يحس بالضعف وهتعدي المرحلة الصعبة دي وهترجع أقوى
: انا مش عايزها أقوي ولا أضعف انا عايزها هي ارجوك ااقف جمبها ورجعهالي ما تسبهاش نسمة كسرت العهد اللي كانت وخداه على نفسها ان قلبها عمره ما يدق وحبتك اكثر ما هي بتعترف
: انا كمان ياعمي بحبها ومش ممكن هسيبها او استغنى عنها وخطوبة النهارده كانت ظروف شرحتهالها
: لو مش هتقدر تبقي جمبها او تسعدها سيبها من دلوقت احسن لها هتعرف ترجع بدري كل ما رجلها بتغرز مش هتعرف ترجع وانا مش مستغني عنها….. انت عارف ان اسمها نسمة وهي اسم على ما يسمى اول ما شلتها وهي لسة مولودة حسيت بنسمة هبت على روحي …. نسمة لا توصف سعادة وحنان على حب كفاية انها لما كانت بتعيط ما بتسكتش غير معايا …. اول ما زحفت كانت بتحس بيا وانا راجع من الشغل تستناني قدام باب الشقة تهلل وتضحك …..بابا كانت مختلفة منها رغم اني عندي اثنين غيرها طول عمرها بتعمل فرحة مختلفة في المكان …. فاهمني انت حتى شفت فرح اخوها كان مختلف ازاي بتحاول تفرحه وتعمله شئ مختلف بتحب كل الناس وبتتفنن ازاي تسعدهم حتى انا بتدورلي على عروسة هههههه
*كان سليم يبكي وهو يحكي عن ذكرياته معها ومستمتع وهو يروي لفارس كيف غيرت حياته وأضافت لها طعم السعادة ….. فارس ايضا يتذكر ايامه معها كانت كلها ضحك ومرح والحب الذي لمسه من يديها كان يفكر كيف يسعدها ويعوضها عن ايام العذاب والشقاء حتى جاء الطبيب وقطع حوارهم.
:مساء الخير انا المشرف على حالة نسمة احنا عملنا كل التحاليل اللازمة والنتيجة بتقول انها سليمة ومفيش اي اعراض مرضية اظن دي حاجة نفسية ارجو انكم تحاولوا تخففوا الضغط عنها لان ارتفاع الحرارة المرة دي كان ممكن يؤدي الى خلل في المخ مش عافين كان هيترتب عليه ايه ممكن شلل في اي جزء …. هي حتى لما تفوق ممكن تحس انها مش قادرة تحرك طرف من الاطراف بس هيكون عرض مؤقت وهيزول بعد كام ساعة مش هنقدر نحدد غير لما تفوق
: شكرا يا دكتور هناخد بالنا منها اكيد بس هي طول عمرها بتكتم في نفسها عشان كدة بتضغط على اعصابها
: حاولوا تتابع مع دكتورة نفسية
: هي بتابع مع دكتورة بس بقالها فترة موقفة التعامل وياها وحبت تعتمد على نفسها وتعيش حياتها طبيعي بس هرجعها تاني
: اتفضل انت يا عمي روح استريح وانا هبات معاها وما تقلقش هكون جمبها
:ماشي يا فارس انا هثق فيك وارجوك تكون قد الثقة دي بالرغم من اني مش هعرف انام
: ما تقلقش يا عمي ثقتك في محلها
بقلمي سحر السحرتي
*ذهب سليم الى المنزل وجلس فارس مع نسمة ومن آن لاخر كان يأخذها داخل حضنه حتى غلبه النوم وهي بين يديه وفي حضنه حتى وجد من يوقظه
:أستاذ فارس اصحى عمو سليم لوجه وشافك كدة مش بعيد تقعد مكانها في المستشفي ههههههه
*لتستيقظ نسمة على ضحكات لين وتجد نفسها داخل حضن فارس وتنظر له بفرحه واستغراب
:هو في ايه انا فين وكلكم هنا بتعملوا ايه ومالك ماسكني زي ما تكون مكتف حرامي
: هههههه انت في المستشفي يا قلبي حرارتك كانت زيادة قوي بس يا بنت اللعبية من زمان نفسي اعرف بتعمليها ازاي دى كام مرة اقولك علميني عشان اهرب من ايد ليلى لما تبقى عايزة تغصبني على حاجة بس انت رزلة وخداها لنفسك
:يا بنتي دي موهبة خاصة مش كل من هب ودب ههههههه وبعدين حضرتك يا مستر فارس بتعمل بتعمل هنا ايه على الصبح
:دى كان بايت هنا شوفي بقى عمل ايه وانت نايمة هههههه
: لين احترمي نفسك عيب كدة بتقولي ايه
:قصدي يكون اخد تليفونك واتفرج على افلام الكرتون اللي عليه هقصد ايه يعني انت اللي نيتك وحشة هههههه
: شكرا يا مستر فارس تقدر تروح عشان انسة منال ما تزعلش( كانت تتحدث بسخرية)
: اسكتي مش يا حرام منال سابته امبارح ورفضت تتخطب له ده مسكين قوي ومدمر نفسيا محتاج اللي يواسيه
:يا حرام ورفضته ليه كسرت قلبه الوحشة
: انا وقعت في ملقف بينكم انتم الاتنين ومش هخلص لو سمحت يا لين ممكن تجيبي لنا فطار عشان ما لحقناش البوفيه امبارح منال رفضتني قبل ما نتعشى هههههه
: هتشغلوني عندكم ولة بتطرقني
: هتفرق معاك
: طبعا لو بتطرقني اشيك كتير
: بطرقك عشان عايز نسمة في كلمتين قبل عمو سليم ما يجي
: ما شبعتش كلام طول الليل
: كانت نايمة يا غلسة روحي بقى
: اخدت على قوي الله يسهله يا عم
*خرجت لين وجلس فارس امام نسمة على السرير كانت تنظر له بفرح وشوق فأخذها داخل حضنه وقبلها من راسها
: انا بحبك وكنت هموت امبارح من القلق عليك ومش هسيبك بعد كدة ابدا
: منال ازي رفضتك وهي كانت ناوية تدبسك
: قلت لها لو ما رفضتني انا هعملها وهتبقى وحشة جدا في حقها وحق عليتها وهتعتبر فضيحة ولاخر لحظة ماكانتش مصدقة اني ممكن اعمل كدة بس لسة ما تعرفش اني لما بقول حاجة بعملها
:وازاي سابوك بايت معايا
: اتكلمت مع والدك واتفاهمت معاه واول ما هتخرجي هروح اطلب ايدك وهنتجوز في اقرب وقت
: وانا مش موافقة مش هرضى انك تتجوز واحدة زي او اشوف نظرات الشفقة في عينك مش ذمبك تتجوز مسخ
: اولا هنحل الموضوع ده عشانك مش عشاني ….. انا وانت هنسافر تعملي عملية تجميل بعد كتب الكتاب عشان اعرف ابقى جمبك عشان نشيل العقدة المنيلة اللي عندك دي وما تقلقيش انا سالت على الموضوع طلعت عملية سهلة ومضمونة
: انت بتتكلم جد
: اه بس بعد العملية مفكرة نفسك هتلبسي بكيني بعينك
: او ممكن ابقى حلوة وما ارضاش اتجوزك ههههه
:ما انا يا ناصحة هكتب الكتاب الاول عشان ما تستندليش وتغيري رايك واعرف اربطك وادبسك
*سرحت بعدما كانت تضحك وتذكرت موضوع امها وكيف سيقبل ان يتزوجها
:ايه سرحتي هتلبسي ايه يوم الدخلة هههههههه
: انت قليل الادب لا طبعا في موضوع تاني لازم تعرفه قبل ما تقرر انك تتجوزني واظن ده …….
:هشش يا عقدة حياتي تاكدي اني طول ما انا موجود هنحل سوا كل المشاكل ومفيش قوة تقدر تفرق بينا ولة عايزة تطفشي والسلام
:انت بتحبني قوي كدة انا مش مصدقة ان ممكن حد يحبني كدة غير بابا
: لا بحبك اكثر منه
: هو مين ده اللي بيحب نسمة اكتر مني لسة ما اتخلقش ههههه
: بابا حبيبي لسة كنت بقوله هيورط نفسه ويتهور هههه
: مش قصدي يا عمي انا قصدي ان حب حضرتك حاجه وحبي نوع تاني انت فاهم( وغمز له بعينه)
: انت قليل الادب ومش هوافق على الجوازة دي انا مربي بنتي احسن تربية وانت هتبوظ اخلاقها
: الفلبينية جابت الفطار يارب يعجب حضراتكم…. عمو سليم هو حضرتك جيت انت قفشتهم
: قفشتهم قصدك ايه
: لا قصدي انهم لسة ما فطروش وانا قلت لهم لازم يفطروا احسن حضرتك هتزعل قوي
*شدتها نسمة من يديها وهمست في اذنها
: ايه ياهبلة انت هتلبسينا في حيطة هو احنا عملنا ايه يا مصيبة
:كنت راجعة اسالكم عايزين حاجة معينة لقيت في حضن وبداية قبلات ما رضيتش اقطع عليكم
: قبلات ايه يانيلة دي بوسة بريئة في الراس مؤدب قوي مش عارف يستغل الموقف
بقلمي سحر السحرتي
*وضحكوا بصوت عالي
: ما تضحكونا معاكم
: اصل نسمة مش عاجبها الفطار اللي جبته فمضطرة افطر بيه انا
:لا دى انا هموت من الجوع لو طوب هكله بس هدخل الحمام الاول
*نزلت من فوق السرير وعندما لمست الأرض بقدمها كادت ان تقع لكن فارس قام بحملها
:ايه ده مش قادره امشي على رجلي هو في ايه
:مفيش الدكتور قال ممكن يحصل كدة من اثر السخونية وفترة صغيرة وترجعي زي الاول لين انا هشيلها ادخلها الحمام وانت ساعديها وهنطلع بارة على ما تخلص
: نسمة ما تضايقيش عشان تخفي بسرعة وعموما انا كلمت دكتورة نهاد هتيجي تزورك كمان شوية
: هي الحرارة كانت عالية قوي كده
: مش قادرين نقولك كنا هنعمل كوبايتين شاي عليها ههههه
: قد ايه انت صديقة رائعة فعلا سند يالا يا اختي بابا لوسمحت خلص الاجراءات عشان نمشي
: مش لما الدكتور يقول
: لا مش بحب قعدة المستشفيات دي وفارس عازمني على الفطار بارة
: فارس مين هو انا عزمتك امتى هههههه
: ايه الاحراج ده خلاص هحاسب انا من اولها بخل كدة امال هتصرف على الجواز ازاي
: هو انا هصرف كمان على الجواز لادي خسارة احنا نخليها تعارف بس من بعيد لبعيد ههههه
*مال سليم على نسمة وهمس لها
: انت عايزه تخرجي معاه ليه ومستعجلة قوي كدة
: لازم احكي له واحط النقط على الحروف هو مستعجل وعايز يتقدم لازم يعرف واديله وقته يفكر ويقرر
: اللي تشوفيه بس خوديها مني كلمة مش هيفرق معاه هو بيحبك
جدا
:عشان ابقى مستريحة يا بابا لو سمحت
: حاضر هكلم الدكتور واخلص الاجراءات
: شكرا يا حبيبي
*بدات نسمة الاستعداد بمساعدة لين في هذا الوقت وصلت الدكتورة النفسيه ودار حوار بينها وبين سليم لمعرفة الاحداث
:دكتورة نهاد هو ده اللي حصل مع نسمة وهي مصرة تحكي لفارس كل حاجة
: كويس انها تحكيله بس حضرتك متاكد انه بيحبها لانها محتاجة الحب ده عشان تقدر تتخطى كل اللي فات
: اه انا واثق انه بيحبها وانا حكيت لك كل اللي حصل حضرتك شايفة انه مش بيحبها
:لا طبعا كل اللي حكيته يبشر بالخير بس بسال عشان اعرف شعورك ناحيته ….هحتاج اقعد معاه خمس دقائق قبل ما ادخل لنسمة عشان افهم منه شويه حاجات ويفهم الفترة الجاية يعمل معاها ايه
: تعالى يا فارس دكتور نهاد عايزة تتكلم معاك شوية
: اهلا يا دكتور اتفضلي
: في حاجات نسمة هتحكيلك عليها مفتكرش هتأثر معاك بس هي حاسة انها هتترفض بسببها فممكن تكون عنيفة معاك او هتحاول تكرهك فيها الفترة الجاية
:المطلوب مني ايه في الحالة دي
:اولا يكون رد فعلك طبيعي بس ما تديلهاش فرصة تحس انك كرهتها بس لو مضايق مفيش مشكله وخلي بالك اللاوعي عندها كان فيه ميول انتحارية بدليل انها عرضت نفسها للخطف بالرغم انها كانت تتحل بطريقة تانية
: ميول انتحارية هي مش ضعيفة للدرجة دي
: بقول اللاوعي نسمة قوية بس اتعرضت فترة طويلة للتنمر من اصحابها وتعذيب من عمتها ورفض من امها وده اصعبهم على نفسيتها كبنت لان حرمانها من حنان الام اللي اقوى من اي شئ احساس صعب غير محاولة الاغتصاب كل ده أثر على نفسيتها فمحتاجة احتواء وحب واحتمال تتعبك شوية خصوصا انها مش عيزاك بسبب التشوه اللي عندها عندك استعداد تستحملها
: سؤال مش في محله عشان مفيش قوة على الارض هتقدر تبعدني عنها
: كنت متوقعة اجابتك ده تليفوني لو جد شئ هروح لنسمة
:صباح الخير يا نسمة
: صباح الخير يا دكتور هو حضرتك جيتي برضة تعبتي نفسك
: ولا تعب ولا حاجه عيزاك في كلمتين مش هطول عليك ممكن يا لين تسيبينا ٥ دقايق
: حاضر هروح اشوف عمي عمل ايه وعموما احنا جاهزين اول ما تخلصي يا نسمة رني على عشان نتحرك
:ايه اللي حصل يا نسمة
: ايه تعبت شوية وحرارتي ارتفعت
: انا عرفت من بابا باختصار كل اللي حصل وهيبقى لينا قعدة بس بكرة لاني عرفت انك هتحكي لفارس … احب اقولك ما تسبقيش الاحداث وتحكمي عليه زي ما عملتي في خطوبته
: انا ما حكمتش عليه
: لا حكمتي لانك كنت عارفة ان منال بتضحك عليه وهو عايز يكون جنتل مان معاها وقالك انه بيحبك وانت متاكدة من ده بس مشيتي من الحفلة قبل ما تشوفي هيتصرف ازاي
:كان المفروض من الاول الحفلة ما تتعملش كان المفروض ياخد خطوة ايجابية ويرفض
:شفتي حكمتي عليه لكن هو ما كانش يعرف وكان عايز يساعدها عشان تتجوز الانسان اللي بتحبه تعبتي نفسك وما وفقتيش جمبه …. استني الاحداث تاخد مجراها وبطلي الهكر عشان حرام وبيبوظ حياتك
:انا مخففة بس في حاجات بتشدني غصب عني
: نسمة هتحكي لفارس وتديله وقته يفكر واي كان قراره هتقبليه وهتصدقيه لانه مش هيرفض واضح ان فارس كبير وواعي
: تفتكري الحياة تضحكلي وتبعتلي واحد زي فارس يحبني
: فارس مش كتير عليك واه الحياة بعد العذاب بتدينا مكافات بس احنا نحافظ عليها فهماني
: هيقبلني بالتشوه اللي عندي
: نسمة اديله حقه يقبل او يرفض هو مش صغير ولا حد بيجبره عليك هسيبك دلوقت وبكرة نكمل كلامنا
:حاضر ممكن تندهيلهم ياخدوني
: حاضر وماتتاخريش بكرة
*احضروا لها كرسي متحرك لانها مازالت غير قادرة على المشي
: طب ياعمي انا هاخد نسمة ونروح نفطر تحبوا تيجوا معانا
: ما تيجوا تقعدوا في الجنينة عندنا والدادة تعمل لكم احلى فطار
: لا انا عازم نسمة على فطار على النيل هي بتحب الميه منه تغير جو ونتكلم براحتنا
: خلاص اللى تشوفوه براحتكم ما تتاخروش
# ما هي حكاية والدة نسمة وما هو رد فعل فارس
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نسمة حائرة)
