رواية نسمة حائرة الفصل الثالث 3 بقلم سحر السحرتي

رواية نسمة حائرة الجزء الثالث

رواية نسمة حائرة البارت الثالث

رواية نسمة حائرة الحلقة الثالثة

*وجدت طرق على الباب فاذنت للطارق بالدخول فوجدته والدها
:ايه يا سولي جالك مغص من اكل ثريا
:قلب سولي جيت اطمن عليك عارف انك مش بتحبي تشوفي عمتك ثريا ولسة مش قادرة تنسي اللي حصل زمان انا السبب اللي سبتك معاها وسافرت
:بابا انت سبتني لاختك مش لحد غريب او في الشارع ما تحملش نفسك ذمب زيادة عن اللزوم بس بجد انا حاولت اسامحها زي ما الدكتورة النفسية قالت بس كل ما بغير هدومي بشوف علامات الحرق عليه برجع افتكر اليوم ده بكل تفاصيله بوجعه بس ولا يهمك بنتك حديد هي اول طالعة وهتأقلم الله يسامحه ابيه عمر بسبب جوازه خلاني اشوف السحنة الهباب دي
: نسمة عيب بتجيبي الالفاظ دي من اين لو سمعتك هتعلقنا ههههه
*الباب يطرق : ادخل
سوسن : لسة صاحية
:تعالي يا قلبي مستنياك عشان انام في حضنك
: وانا خلصت وجيت عشان خاطرك بسرعة وما رضيتش تنامي من غير عشا عملت لك سندوتشين
:بس انا كنت عايزة ٥ هههههه تسلم ايدك يا حبيبتي انت احلى سوسو مش عارفة البطن اللي شالتك انت وبابا شالت ثريا ازاي
: عيب يا حبيبتى دي اختى مهما كان بس هي عصبية شوية وظروفها وحشة حبتين وبعدين انت معيطة ولة ايه
:لا دي اشعة اللاب بتدخل في عيني
: اللاب مطفي يا بنت سليم مش هسالك عشان متوقعة بتعيطي ليه وانت كتومة ومش بتتكلمي خودي كلي وخلي بابا يروح ينام واحنا كمان ننام
*حضنت والدها :تصبح على خير ياسولي
: وانت من اهله يا نسمة قلب سولي بس بلاش سولي اليومين دول عشان ما نسمعش كلمتين
:دى انا بقولها اساسا عندا فيها انت عارفني استاذة ورئيسة قسم فقع المرارة واختك اخدمها بعنيا وهتوصى بيها ما تقلقش
:نسمة حبيبتي عدي اليومين دول عشان خاطري عشان فرح اخوك هو بيحبك ما تزعليهوش
: خلاص ياحبيبي عشان خاطرك انت بس تؤمر بعد اذن حضرتك انا هنزل الشغل مش هرجع غير على النوم عشان ما نحتكش ببعض
بقلمي سحر السحرتي
: طيب على راحتك ما تنسيش تقدمي على اجازة يومين عشان الفرح
: يومين ليه هو انا العروسة هو يوم الفرح بس دى صاحب الشركة هيقص المرتب لو اخدت يومين ههههه
: لا مش هيقص حاجة انت ناسية ان فخر صاحبي واللي هيقصه هديهولك
:ربنا يخليك ليا يا حبيبي بس انت عارف انا عايزة اعتمد على نفسي ولولا اصرارك كنت اشتغلت بارة البلد انا مطلوبة للعدالة ههههه
:عارف ياحبيبتي بس انتهينا من موضوع السفر انت عارفه مقدرش اعيش من غيرك
*حضنت ابوها الامان والسند وذهبت للنوم في حضن عمتها
*في صباح اليوم التالي استيقظت نسمة وهناك تضارب في مشاعرها بين السعادة من حب فارس لها وغضبها من رؤية عمتها فقررت ان تعيش السعادة واتجهت الي الحمام بهدوء حتى لا تستيقظ عمتهاوارتدت اجمل الملابس ووضعت مكياج بسيط لكن جميل على غير العادة فأصبحت مشرقة وذهبت الى العمل قبل ان يستيقظ احد حتى لا ترى وجه ثريا وهي تردد : مش ناقصة نكد على الصبح
*بعد خروجها بفترة
:صباح الخير يا سليم
:صباح الخير يا سوسن
: هي نسمة خرجت بدري كدة
:اكيد ما انت عارفه انها مش قادره تقعد في البيت مع ثريا ويبقوا في مكان واحد بس مش هقدر امنعها ومقدرش كمان أطرد اختي
: هي لسة ما نسيتش اللي حصل دي كانت عيلة
: لا طبعا اخدت مني وقت طويل على ما اتعالجت عند الدكتورة النفسية وانت عارفه اثر الجروح لسة معلم في جسمها فكل ما تشوفها بتفتكر موضوع امها كمان اللي أصرت الدكتورة اني اكون صريح معاها واحكيلها عنها وهي حست انها مرفوضة من كل الناس حتي اقرب الناس لها اللى المفروض تاخدها في حضنها
:بس انت ما قصرتش كنت كل حياتها واهتمامك بيها تتحسد عليه
:مهما كان حضن الام ما يتعوضش بتشوفيها بتحضنك ازاي او ام لين صاحبتها انا كل ما أشوفها كدة قلبي بيتقطع واسال نفسي اللي عملته صح طبعا هي كان نفسها تهرب وتسافر بارة مع اخواتها بس انا رفضت ما بقتش اقدر اعيش من غيرها ضحكتها بتنور حياتي انا اللى بحتاج حنيتها وحضنها مش هي
*يرن جرس هاتفه : الو صباح الفل يا حبيبة بابا
نسمة : صباح الجمال يا قلب نسمة من جوة
:كدة تنزلي من غير الحضن والبوسة بتاعة بابا
: معلش بقي يا سولي عندي شغل كتير انت عارف بنتك مهمة قد ايه في الشركة ما يعرفوش يشتغلوا من غيري انا اللي بفتحها اصل معايا المفاتيح هههه
: انت بتفتحي محل بقالة دي شركة محترمة وفي سيكيورتي مش هتبطلي طريقتك دي في الكلام محدش هيعبرك ولا يتجوزك واخلص منك
:تخلص مني والله محدش واقف حالي غيرك كل ما يجيلي عريس تقوله لسة صغيرة لما هعنس جمبك ههههه عموما ما تقلقش مش هتجوز عشان مش هلاقي حد زيك او نصك ربنا ما يحرمني منك اشوف شغلي بقى بدل ما انت معطلني باي
بقلمي سحر السحرتي
*لتلتفت وتجد فارس خلفها
:صباح الخير جاية بدري قوي كدة ليه
:صباح النور مستر فارس عندي شغل كتير قلت ابدا بدري
فارس بامتعاض: مستر فارس هو احنا مش اتكلمنا في الموضوع ده وبعدين شغل ايه انا مديرك ومش فاكر ان في شغل كتير ولا حاجه
: اه اتكلمنا بس قلنا الشغل حاجه وبارة الشغل حاجه تانيه وبحاول اخلص اللي ورايا عشان هاخد اجازة اخر الاسبوع
: خير في حاجة
: لا فرح ابيه عمر اخويا واكيد حضرتك معزوم
: عقبالك انا وانت سوا
*فأحمرت خجلا ونظرت في الاتجاه الاخر
: بس قوليلي انت حلوة النهاردة بزيادة ولا انا بيتهيقلي
: انا حلوة كل يوم على فكرة
:اكيد بس فيكي حاجه متغيره مالك مبسوطة لان حاجه حلوة دخلت حياتك
: لا حاجة دخلت ولا خرجت انا لما بيبقى مزاجي مش رايق بحب اعمل حاجة تغيره
: وانت مزاجك م….. ليقطع كلامه دخول رجل الامن
: اتفضلي يا انسة نسمة الدليفري وصل ده لحضرتك
: شكرا يا عم عثمان
*ينصرف رجل الامن
: مستر فارس تفطر معايا انا لسة ما فطرتش
: مش ممنوع الاكل في غير اوقات البريك
*في سرها : غلس قوي
: نعم بتقولي حاجه
: ابدا بس لسة ساعة على ما تبدا مواعيد العمل الرسمية ابقى بريك هتفطر ولة اخلصه كله
: انا فطرت بس ممكن افطر تاني معاك
: ايه الطفاسة دي
: هاه بتقولي حاجه
: لا بالهنا والشفا
………………………..
*عند سليم يتصل بصديقه فخر مالك الشركة التي تعمل بها نسمة ويكون سليم ايضا شريكه بها دون علم نسمة لانها رافضة للعمل مع والدها
: صباح الخير يا فخر
: صديقي الصدوق صباح الفل خير سامع صوتك على الصبح بدري في حاجه قلقتني
: لا كنت عايز اعزمك على فرح ابني عمر اخر الاسبوع وما تنساش تعزم فارس ابنك
: الف مبروك عقبال نسمة بس خليها تعزمه بصفته زميلها ومديرها عشان هو مش عايز يعرف حد انه ابني شوف الاثنين اصحاب الشركة ومش عارفين هههههه نفسي اشوف شكلهم اما يعرفوا
: الله يبارك فيك ما افتكرش نسمة هتجوز بعد اللي حصل معاها هي رافضة مجرد الحوار في الموضوع ده
: هي لسة برضة ان شاء الله بكرة تقابل اللي يغير رايها ويسعدها
: ربنا يعمل الخير ماشي يا حبيبي اوعى تتاخر سلام
*يبدا سليم فى تحضير مستلزمات الفرح ويقوم بدعوة اصدقائه شخصيا ليرن هاتفه
: حبيبة بابا وحشتك
: اكيد يا قلبي بس بعت لك دعوة الفرح على الواتس ابعتها لكل اللي انت عايزه انا عملتها صورة وفيديو يا رب تعجبك وتعجب ابيه عمر
: اكيد يا حبيبتى هتعجبنا هو اي حد مصممها
:طب مش محتاج حاجه اعملها مش عارفة ابيه عمر حدد المعاد من فترة قصيرة قوي كدة ليه
: لا يا حبيبتي مش محتاج عماتك معايا وانت عارفة عمر ما كانش عارف ياخد الاجازة عشان كدة اول ما اتحددت اختار المعاد ما تقلقيش هنلحق
: طب بفكرك انا عندي شغل كتير وهتاخر النهاردة يمكن ما ارجعش غير على النوم
: شغل برضة ولة عشان عمتك
: ابويا اللي مربيني مشيها عندي شغل وانت فاهم
: طب خلى بالك من نفسك
بقلمي سحر السحرتي
*سليم بداخله مش قادر يقول لها لا وفي نفس الوقت مش قادر يمشي اخته من عنده ودايما في حيرة بس نسمة مش بتحاول تحتك باخته عشان ما يزعلش وهو محترم ده
*تعدت الساعة الرابعة عصرا وعاد الجميع إلى منازلهم ومازالت نسمة في المكتب تعمل كان فارس يهم لمغادرة المكتب فوجد مكتب نسمة مازال مغلقا فطرق الباب واتاه الصوت
: ادخل
: انت لسة هنا موعد الانصراف جه من بدري
: اه ورايا شويه حاجات بخلصها لو في مشكلة ممكن امشي اخلصها في مكان تاني
: لا طبعا بس مش عايزك تتاخري لوحدك هنا هقعد اساعدك عشان تخلصي بسرعه
: لا مفيش داعي حضرتك تعطل نفسك انا استاذنت من مستر فخر وهو قالي اني اقدر اقعد في المكتب بعد الشغل اصل اللي بشتغل فيه ملوش علاقة بالشغل هنا
: امال بتعملي ايه
: مشروع خاص بيا بخلصه
: ممكن اخد فكرة عنه
: ابدا بحاول اعمل برنامج حماية جديد بس فكرته معقدة شوية واول ما يخلص اكيد هعرضه على حضرتك وعلى باقي مديرين الاقسام
: هايل بس احنا عندنا برنامج حماية كويس ولسة محدش قدر يخترقه
: الدنيا بتتطور عموما انا اخترقته الحمد لله يبقى غيري يقدر
: بتقوليها في وشي عادي دى انا اللي كنت شغال عليه بقالي فترة طو….
*يطرق الباب رجل الامن يسلم نسمة كيس طعام
: شكرا يا عم عثمان دايما تعباك معايا
: لا شكرا لك انت يا بشمهندسة دايما فكرانا معاك وبتجيبي لنا زي ما بتاكلي
: العفو يا راجل يا طيب دي اقل حاجه كفاية ابتسامتك الجميلة اللي بشوفها كل يوم الصبح
*يذهب رجل الامن
: ايه مش هتقولي لي اتفضل الغداء
*ومسك الكيس عشان يفتح خطفت نسمة من ايده الكيس ومنعته
: ايه جايبة ايه ومش عيزاني اشوفه ممنوعات ههههههه
: لا بس اللي جيباه مش هيعجبك وهتغير رايك فيا وتقول على بيئة فحضرتك روح واتغدى في بيتكم ( وبعدين هو فطار وغدا على قفايا ) بصوت واطي طبعا
: هاه بتقولي حاجة
: لا اشوف حضرتك بكرة الصبح بقي مع السلامة
: طب انا مصر اكل معاك من ده وما تخافيش مش هقول حاجه ولا هغير رأيي
: ما افتكرش هيعجبك واحد زيك متعلم بارة وعاش معظم حياته مش هيحب الاكله دي
: لا انا مصر وبعدين الحقيقة الريحة حلوة وجوعتني
: واضح انك مصر اتفضل بالهنا والشفا عموما انا جبت زيادة قلت يمكن حد من الزملاء يتاخر ولة حاجة فتح الكيس وشم رائحة مختلفة مش متعود ابدا عليها بس شدته وهو ما قصرش وشد اول سندوتش واكل بنهم كأنه لم ياكل من شهر
*نسمة تضحك من شكله وطريقته وهو يستخدم كف يده كمروحة على وجهه من اجل العرق المتساقط بسبب الشطة ولكنه لم يمتنع عن الاكل
: اطلب تاني انا شايفة ان اكلتك ضعيفة وما عرفتش تاكل
:الله يسامحك انتم حاطيين ايه في الاكل بيحرق بس مش عارف اوقف
ضحكت بشدة : بيقولوا عليها شطة اكيد ما تعرفهاش عشان دي اول مرة تجرب الكبدة والسجق
: اه اول مرة بس تحفة انت تعرفيهم من زمان
: اه اصل بحب الاكلات دي بس محدش يعرف هنا عشان الناس بتحب المظاهر شوية فبحب اكلهم لوحدي
: ليه دي اكلة جميلة بس حسيت انك ما اكلتيش
: ما ليش نفس (هو انا لحقت اكل حاجة منك )
: لا لازم اعوضك ممكن اعزمك على حاجه بارة لان واضح اني اكلت اكلك كله ههههههه
: انت اخدت بالك لا شكرا بجد شبعانة ومبسوطة ان الاكل عجبك مش هقدر اخرج عشان عندي شغل كتير
:طب ممكن لما تجيبي منها تعملي حسابي
: اه طبعا (بس الاقي حاجة اكلها الاول)
: بما انك رافضة العزومة هروح اعمل حاجه نشربها زمان الاوفيس بوي روح
: اوك هشرب نسكافيه كان نفسي اقولك خليك اعمله انا بس ما ليش في المطبخ
: مطبخ ايه ده نسكافيه عموما انا ليا ما انا كنت بقعد لوحدي بارة وبعرف اعمل كل حاجة
: يا بختك يمكن لو كنت سافرت انا كمان كنت قدرت اعمل بس بابا ما رضيش رغم ان اخواتي سافروا
بقلمي سحر السحرتي
:ليه ما رضيش عشان بنت
: لا طبعا اصله بيحبني قوي وما يقدرش يبعد عني او تفتكر كان بيحاول يوفر في المصاريف ههههه
*ذهب ليحضر النسكافيه وهي في منتهى السعادة بذلك الوقت الذي تقضيه معه ولكن مازالت متوجسة من هذه العلاقة ولا تعرف الى اين سوف تؤدي بها ولا تريد الانجراف معه فهي رافضة لفكرة الارتباط فاقت من شرودها على دخوله المكتب
: اتفضلي النسكافيه احكيلي بقى انت ازاي شاطرة قوي كدة وانت ما سافرتيش بارة
: ابدا اصل ده تخصص بابا كنت دايما بقعد معاه وانا صغيرة يقوم يجيب حاجة يلاقيني قعدت على الكمبيوتر وياما بوظت له حاجات عشان يخلص مني جابلي لاب بتاعي زي بتاعه بالظبط عشان ما اخدش بتاعه وواحدة واحدة علمني شوية حاجات وانا انطلقت وكل دورة على النت او غيره احب اخدها ودخلت الكلية نفس التخصص وكل ما احاول اسافر مش بيوافق خايف ما ارجعش زي اخواتي وهو بيحب العيشة هنا
: لك اخوات كتير بقى على كدة
: لا ابيه مروان وابيه عمر اللي هيتجوز بس
: انت اخر العنقود عشان كده بابا وماما مدلعينك
*لتصيبها غصة في قلبها وتحاول تخبىتها
#يا ترى ما سبب هذه الضيقة التي اصابتها هذا ما سوف نعرفه