رواية نسمة حائرة الفصل الثالث عشر 13 بقلم سحر السحرتي
رواية نسمة حائرة الجزء الثالث عشر
رواية نسمة حائرة البارت الثالث عشر
رواية نسمة حائرة الحلقة الثالثة عشر
*جرى فارس وامسك باسل من ملابسه وضربه عدة لكمات في وجهه ضربه راسه في جبهته في هذه اللحظة خرجت نسمة من الحمام رأتهم فأسرعت لتمنعه
:لو شفت نسمة مرة ثانية تغير طريقك وتمشي الناحية التانية والا المرة الجاية هندمك
*جاء الامن وامسكهم فاخبرتهم ان باسل تحرش بها وان زوجها كان يدافع عنها لم يستطع باسل تكذيبها او التقدم بشكوى ضدهم لان لو نسمة اصرت سيقومون بمراجعة الكاميرات ويكتشفون انه امسك يدها وهي دفعته وهربت فتركهم الامن
: هو اتحرش بيك فعلا
:لا مسك ايدي مكان الجرح اللي سالتك عليه وقال اني كنت هنتحر
:وايه اللي خلاك تقولي انه اتحرش بك
:حسيت اني عايزة انتقم منه هو صحيح انا كنت عايزة انتحر
:ممكن ناجل كلامنا لما نرجع مصر احسن
*تتحدث بغضب وعنف
:لا انا عايزة اعرف انت قلت هتحكيلي
*برجاء واستعطاف
:عشان خاطري خليها لما نرجع بكرة مسافرين بالليل
*وبينما كانوا يتناقشون اذا بامراءة جميلة واجنبية الجنسية احتضنت فارس وقبلته بحرارة
:وحشتني قوي يا فارس ما شفتكش من ايام الجامعة
: وانت كمان اخبارك ايه اعرفك خطيبتي
بقلمي سحر السحرتي
*نظرت لها نسمة نظرة غضب وتوعد
:لا مراته ازيك اسفة مستعجلين ورانا طيارة
*وسحبت فارس قبل ان يكملوا حديثهم وكانت في قمة غضبها وتتكلم معه وهي تجز على اسنانها
:هو انت ما شاء الله ماشي تحضن وتبوس
*كتم ضحكته
:مش انا دي هي واظن فهمتي انها كانت زملتي في الجامعة وما شفتهاش بقالي سنين
:مش مبرر للاحضان وايه حكاية خطيبتي دي
:انت اللي قلتي عايزة تعيشي الخطوبة
:هو انت حافظ مش فاهم مع دي طبعا تقول مراتي ولة فالح بس في الاوضة انا جوزك انا جوزك
:ههههه بس شكلك كان يضحك كنت هتضربيها
:هاه بتقول فيها انا كنت هجيبها من شعرها بس الامن المرة دي هيحبسنا
:فعلا ومش هقدر اقول انها اتحرشت بيا
: وانت يا خفيف الدنيا عندك عادي بوس واحضان مع زمايلك غير الست اللي كنت موافق تعملك مساج
: احضان مع زمايلي البنات بس ههههه
*دفعته بقوة في صدره بيديها الاثنين
: والله تستاهل كنت قلت للراجل موتك من المساج
*كان يضحك من قلبه عليها وعلى غيرتها
:تعالي نروح وتفرجيني جبتي ايه هي فين حاجاتك كل ده ومش جايبة حاجة
:لا هيبعتوها على الاوتيل …انت صحيح جيت ليه
: مش عارف خفت عليك فجاة فقلت احصلك
: مش قلت لك قبل كدة قلب الام
بقلمي سحر السحرتي
*فارس كان سعيد من اللي حصل خلى نسمة تنشغل عن بحثها للحقيقة وفكر كيف يقوم باشغالها مرة اخرى
:بقولك تيجي ناكل انا جعان تحبي تروحي فين
:واضح انك عارف البلد وديني على ذوقك انت عارف انا بقيت بحب ذوقك قوي
:طب هوديك مطعم صيني اكله حلو قوي
*وضعت يدها بداخل ذراعه وحضنتها وكانها تستمد الامان منه فامسك يدها وقبلها
*اوقف تاكسي وذهبوا إلى المطعم وبينما ينتظرون الطعام
:قولي يا فيري بمناسبة زميلتك اللي قابلناها يعني سنك كبير ما ارتبطش قبل كدة
: انا بقيت اقلق من فيري دي وكمان سنك كبير في جملة واحدة قلقتني اكثر بس اه ارتبطت كتير بتسالي ليه
: اصل اكتشفت ان ما اعرفش حاجه عن ماضيك يعني ما فكرتش تتجوز قبل كدة او خطبت وفركشت وسنك مش صغير يعني اللي قدك معاهم طفل واتنين
: انت رجعت للدبش محسساني ان عندي ٦٠ سنة واه كنت متجوز قبل كدة
*تفاجأت وجحظت عيناها من كلامه
: ايه انت اكيد بتهزر قول انك بتهزر
: لا مش بهزر
: وكنت ناوي تقولي امتى
: واقولك ليه حاجة قديمة ونسيتها ومش عايز اتكلم فيها لاني كنت طايش واخترت غلط
: ايه ده انت بتغلط زينا
: اه كنت وحش قوي زمان وبغلط زي الناس مش بني ادم
: لا انت مش بني ادم
*فاستغرب حوارها قبل ان تكمل جملتها
: انت ملاك مش زينا ابدا
*امسك يديها وقبلها
:انت بجد شيفاني كدة
: طبعا يا حبيبي
:اه لو كل كلامك حلو كدة وبلاش الدبش اللي بتحدفيه
:انت اللي بايدك تسمع ده او ده احمد ربنا انه كلام بس بعد ما شفتك بتحضن وتبوس
:يعني عيزاني اكسفها ههههههه
:لا تفرسني …. مرة تانية يا تتصرف يا اما هبقى اكلها قلمين
: كليها خدي راحت
: وانت بوكسين
:خوفتيني يا مامي ههههههه
: هاه مش هتحكيلي عن ضرتي
:ضرتك لو لسة متجوزها وخليها تيجي بعدين ممكن
: ممكن يلا بقى عشان حاسه اني مجهدة
:يلا ناس مجهدة من الشوبنج وناس مكسر عضمها من المساج
*ضحكت نسمة عليه
بقلمي سحر السحرتي
*صعدوا الى الغرفة بعد تبديل ثيابهم دق الباب فاستلم فارس مشتريات نسمة
:مين اللي خبط
: حاجاتك وصلت فرجيني عليهم
:لا طبعا هتبقي تشوفها عليا عشان فيها حاجات خاصة
: خاصة ازاي يعني مش فاهم
: خاصة يعني خاصة عشان لما نتجوز افهم بقى انت فهمك تقيل قوي
:طب تعالي نامي في حضني وحشتيني قوي
*ذهب فارس في النوم بدات نسمة تنسحب من جانبه بهدوء ولكنه شعر بها لكن اراد ان يرى ما ستفعله فمثل انه مازال نائما امسكت هاتف الغرفة وتحدثت بصوت منخفض وبدات باخراج اشياء من حقيبتها من ضمنهم اللاب ووضعت السماعات به
*طرق الباب طرقات خفيفة هادئة جرت وفتحت الباب بهدوء واستلمت شئ وجلست على المقعد ووضعت قدمها على الطاولة واللاب عليها وفتحت شيكولاته التي اخرجتها من حقيبتها ووضعت الفشار بجانبها الذي استلمته من على الباب
*تسحب فارس من ورأها ارد ان يرى ما تفعله وجدها تشاهد فيلم كارتون وتاخذ قضمة من الشيكولاتة ثم بعض حبات من الفيشار
*ضحك من قلبه عليها
: انت لازمك شهادة معاملة اطفال متسحبة من جمبي واتصلت على خدمة الغرف تطلبي فشار وقاعدة تتفرجي على فيلم كارتون
:اخص عليك خضتني ما جاليش نوم والفيلم اول يوم ينزل السينما حبيت اتفرج عليه وانت نمت
:ازاي اول يوم في السينما وعارفة تشوفيه
:تفتكر دي حاجة صعبة عليا
:انت فالحة بس في كدة هكر عبقرية بس تصرفات اطفال وايه حكاية حتة شيكولاتة وبعدها فشار ايه العك ده
:مزاجي كدة ان كان عاجبك
:عاجبني قومي فزي تعالي على السرير عشان اتفرج معاك وهاكل فشار وياك
:تتفرج بس عايز فشار اطلبه
:ههههه طفلة بس بموت فيك
*ادخلها بحضنه وشاركها المشاهدة واكل معها من الفيشار والشيكولاتة غصب عنها استمتع معاها وبمناكفتها انتهى الفيلم وناموا
*ضمها اليه لانه احس انها غير طبيعية وما فعلته من مشاهدة للفيلم كان مجرد هروب
*كانت وهي نائمة تنتفض وتصرخ
: مش عايزة اعرف حاجه مش عايزة مش عايزة
: نسمة اصحي فوقي ايه كل العرق ده انت سخنة انا كنت حاسس
*اسرع واحضر كمادات واتصل طلب دواء خافض للحرارة ودكتور
*وصل الدكتور بدوره كشف عليها وطمئنه انه ارتفاع في درجة الحرارة غير مقلق ومدح سرعة تصرفه وان درجة الحرارة الان تحت السيطرة
*اتصل على جاك وشرح له ما حدث نصحه بالعودة سريعا والمتابعة مع دكتور لان الاعراض تشير الى انها بدات في التذكر ورد فعلها قد يكون خطر
*ظل فارس ساهرا بجانب نسمة ليتابع حرارتها الى ان اطمئن نام واخذها داخل حضنه وقرر انه يجب ان يغمرها بحبه لان المرحلة القادمة سوف تكون من الاصعب
*استيقظت نسمة وفارس وسالته لماذا يوجد دواء ومياه بجانبها حكي لها ما حدث
: هو فين صباح الخير يا حبيبي
*ردت بفتور وكانها لاترغب بالرد
:صباح الخير
:ايه ده حاف كدة ( شدها لكي يقبلها في خدها)
:ارجوك يا فارس معلش سيبني لاني مصدعة
*احس فارس انها متغيرة الطبع وليست مسالة صداع ولمح دموع في عينيها اراد اخراجها من هذه الحالة
:لا مش هسيبك حقي وعايزه ويا تيجي بالذوق يا اما اخد حقي بالعافية وانت عارفة هاخ…..
*قبلته قبلة فاترة لكي تنتهي من هذا الموقف وجرت دخلت الحمام لتاخذ دوش وخرجت وعينيها حمراء فهم فارس انها كانت تبكي داخل الحمام لكنه اراد تمويه الموضوع وقرر ان يسعدها بمعرفته
:جريتي ودخلتي الحمام الاول اطلبي الفطار بقى
:انا ماليش نفس هطلبلك
:لا خلاص استني لما اخرج ننزل نفطر بارة سوا
:هوضب الشنط على ما تخرج
:لا انت تعبانة استني انا هعملهم اما اخرج
:هعملهم واحدة واحدة اتسلى
:خلاص يا حبي زي ما انت عايزه بس لو تعبتي سبيهم
*خرج من الحمام لمح نسمة تمسح دموعها لم يعلق حتى لا يحرجها
:جاهزة يا بطيئة خلينا ننزل لان عندنا طيارة بالليل
:هو ينفع انزل لوحدي نسيت اشتري شوية هدايا
: ينفع نجبهم سوا انا كمان عايز اشتري هدايا ممكن تنقيها معايا لان ذوقك حلو
:انت عرفت من اين ان ذوقي حلو وانت ما اتفرجتش على اللي اشتريته
:عشان اختارتيني هههههه
:اه عندك حق الحاجة الوحيدة اللي كان لي حق اختيارها
:فى ايه يا نسمة نبرة صوتك مش عجباني حصل حاجة كنا كويسيين امبارح بالليل وسخنتي فجاة
بقلمي سحر السحرتي
:لا مفيش يلا عشان ما نتاخرش على الطيارة
*خرجوا سويا كان فارس كلما اراد ان يحضن نسمة كانت تتجه لمشاهدة احد المعروضات كلما حاول امساك يدها تنظر الى شاشة الهاتف كانت تحاول الهرب منه باي وسيلة
*عند العودة لغرفتهم وضع يده خلف خصرها وضمها الى حضنه بشدة وقبلها قلبة مشتاق صب كل مشاعره ولكنها قاومته في البداية ولكن استسلمت لوهلة وكأنها تذكرت شئ عادت للمقاومة وابتعدت عنه
:ارجوك يا فارس انا لسة تعبانة
:وحشتيني كنت طول اليوم معايا بس بعيدة عني وهتوحشيني لاننا هنرجع وهتبطلي تنامي في حضني
*جرت وحضنته بقوة وهي تبكي
: هتوحشني قوي انا عمري ما حبيت ولا هحب حد غيرك فارس ما تزعلش مني مهما حصل
*ادرك فارس ان هناك خطب ما وان نسمة تنوي على فعل شئ
:انا مش رايح في مكان ومعاكي على طول لو تحبي ابات معاك عند باباك مش هيمانع
:لا كفاية عليك كده انت استحملت بما فيه الكفاية
:كفاية واستحملت انت ناوية على ايه بالظبط
:ولا حاجه يلا نغير ونطلع على المطار بابا وحشني قوي
*في المطار رن هاتف نسمة لغت المكالمة واخبرت فارس انها تريد الذهاب للحمام شك فارس بها ولكنه تركها تذهب وذهب ورائها ليعرف ماذا ستفعل
*وجدها تقابل شخصا لم يرى وجهه لم يرى سوا ظهره
بقلمي سحر السحرتي
:نسمة حبيبتى ازيك وحشتينى
:بلاش تمثيل اتفضل الورقة دي اللي كنت عاوزها وقول للكلب اللي كان معاك يبعد عن طريقي
:انا اسف يا نسمة مش عارف انا عملت كده ازاي ارجوك تسامحيني وورقة ايه دي
:ما افتكرش اني اسامحك حاجه تهمك قوي ودى تنازل مني عن الورث بعد عمر طويل لبابا عارف ليه عشان مش عايزة تربطني بك اي حاجة
:للدرجة دي زعلانة مني
:زعلانة هو حضرتك دوست على رجلي انت كسرتني وذلتني شكلي ومنظري ايه كمان قدام خطيبي واخويا بيتأمر على بالشكل المؤسف ده هتحامى في مين لو حصل خلاف بيني وبينه واهلي بيمرمطوني كدة
:الغيرة كانت عامية عنيا
:الغيرة كانت عامية قلبك
:ارجوك سامحيني انا هعوضك حب وحنان وهصفي شغلي هنا وهرجع مصر تاني
*اقترب منها كي يحتضنها ولكنها دفعته وصرخت في وجهه
:مش عايزه اشوفك تاني ابعد عني
*عندما رأى فارس اقترابه منها ومحاولة احتضانها ذهب مسرعا ليضربه ليلتف اليه يتفاجأ
:مروان انت ايه اللي جابك هنا
:نسمة اتصلت على عايزة تقابلني
:ليه
:شكلها افتكرت وبتديني ورقة تنازل عن الورث ارجوك اتكلم معاها وخليها تسامحني
*امسك الورقة وقام بتمزيقها لم يتفاجأ فارس بانها تذكرت لانه احس من البداية من تعاملها ودموعها
:يالا بينا عشان ما نتاخرش الموضوع ده هنحله بعدين يا مروان
*ركبوا الطائرة امسك فارس يد نسمة واشبك اصابعهم معا وهي تحاول سحبها لكنها فشلت فهو متمسك بها لابعد الحدود
:ممكن اعرف ما قلتيش ليه انك افتكرتي
:هتفرق في ايه ما تخافش مش هنتحر تاني
: تفرق اني ابقى جمبك واشيل الحمل معاك
:كفاية عليك كده احنا نعرف بعض بقالنا فتره قصيره وشايل كتير لحد دلوقت هتفضل شايل لامتى والدنيا بتلطش فيا كل شوية ان الاوان اعتمد على نفسي واشيل همومي واتعامل معاها ما بقتش صغيرة
:معنى كلامك ده ايه
: ولا حاجه ممكن انام شويه تعبانه ومجهدة وبعدين نتكلم
*حاول ان يجعلها تنام في حضنه لكنها رفضت بحجة ان كرسي الطائرة غير مريح ومثلت انها نائمة وكل لحظة فارس يجد الدموع تنزل من عينيها فقبلها في راسها ولف ذراعه حولها لعل ذلك يخفف من حزنها
*وصلت الطائرة الى مصر واوصلها فارس الى المنزل ودخل معها كي يسلم على والدها ويطمئن عليهم جميعا
*حضنوهم وكانوا سعداء بعودتهم ونسمة مثلت السعادة والمرح لكن روحها كانت تختنق فارس احس بها وكان يرفض تركها لكنه اضطر ان يذهب
*قبل ذهابه تحدث مع سليم بمفردهم وقص عليه ماحدث واوصاه ان ينتبه لنسمة لانها ليست على طبيعتها
*استأذنت نسمة حتى تصعد لتنام لكن لين امسكت فيها كي تصعد معها لكنها رفضت بحجة انها متعبة من السفر لكن طلبت منها ان تصعد وتاخذ منها الهدايا وتقوم بتوزيعها
بقلمي سحر السحرتي
*تركها الجميع لترتاح لكن كل فترة تدخل ليلى تتفقد حرارتها من خوفها عليها
*كان فارس دائم الاتصال بها ليسأل عنها ويعرف اخبارها ودائما يخبروه انها نائمة فطلب لها اجازة يومين الى ان ترتاح وتقابل دكتورة نهاد
*عاد فارس للعمل وجد ايميل من نسمة تطلب الاستقالة حاول الاتصال بها كان هاتفها مغلق انهى العمل وذهب مسرعا الى بيتها لكنها رفضت ان تنزل لتقابله لانها مازالت متعبة ونائمة
*استئذن ليلى ان يصعد ويتكلم معها اذنت له وكان سليم مازال في العمل
*طرق الباب فأذنت نسمة وتفاجأت به فغطت رأسها لتمثل انها مازالت نائمة
:قومي كلميني شايفك صاحيه ممكن افهم مش بتردي عليا ليه
:تليفوني فصل شحن اهوه قدامك ونسيت اشحنه
:ده بالنسبة للتليفون الاستقالة دى معناها ايه
:مش قادره اشتغل تاني انا حرة او يمكن اغير الشركة انت شريكي
:هي ايه النغمة الغريبة في كلامك دي
*بدأ فارس ان يتعصب من اسلوبها وصوتهما تعالى
:لا نغمة ولا حاجه بس انت بتسألنى في حاجه شخصية
:من امتى كانت شخصية انت ناوية على ايه بالظبط
:ولا حاجة كل الحكاية عايزة فترة استجمام واقعد مع نفسي استف اوراقي واعيد حساباتي
:طب يلا عشان اوصلك الدكتورة نهاد
:مش رايحة هتقولي ايه بقالي سنين بتحاول تعالجني خلاص مش محتاجة ليها او لغيرها وما تخافش قلت لك قبل كدة مش هحاول انتحر
*حاول تهدئة نفسه وتحسين اسلوبه معها من اجل حالتها
:انت عارفة انك وحشتيني قوي
:شكرا
:ايه شكرا دي هو انا بديلك شيكولاته وبعدين ليا عندك صباح ومسى يومين
:ممكن تأجلهم لاني تعابة ومش قادره وسبني يومين وانا هبقى كويسة
:خلاص هسيبك بس اخد تصبيرة
:ارجوك بلاش وكمان بلاش تتصل بيا
*لم يستطيع التحمل واحساسه انها ترفضه جعل صوته يعلو
:كمان هو في ايه بالضبط مش عايزه تروحي لنهاد وما اتكلمتش كمان مش عايزه تتكلمى معايا انا قصرت معاك فى حاجه
*بدأصوتها يعلو هي الاخرى
:لا بس تعبانة محتاجة اقعد مع نفسى فيها مشكلة ومش محتاجة لنهاد او غيرها
:واذا قلت لك مش قادر اسيبك لوحدك
:يبقى انت بتضغط عليا ارجوك سيبني يومين
:يومين بالعدد يا نسمة لو حبيت اطمن عليك اكلم مين
:كلم بابا او ماما ليلى
*دخل سليم عليهم
:انا طالع السلم وكان صوتكم عالى في ايه
:ابدا يا عمي نسمة بس قدمت استقالتها وعايزاني ابطل اكلمها يومين ومش عايزة تروح لدكتورة نهاد
بقلمي سحر السحرتي
*نسمة بصوت عالى اكتر وبتستفزه بزيادة
:ايه شغل العيال ده
:ما اسمحلكيش يا نسمة مش للدرجة دي
:حوار بيني وبينك تقول لبابا ليه اظن بعد كده اي مشكله بنا هتجري تحكيله
:اهدوا بس يا ولاد في ايه يا نسمة ما انا كنت هعرف بكل ده انا كنت راجع بدري اوصلك للدكتورة
:مش هروح في حتة عايزة ابقى لوحدي انتم عملينها مشكلة ليه هبقي كويسة لوحدي هعتمد على نفسى
:تعالى يا فارس نسيبها وشوية ولين زمانها راجعة من الشغل هتقعد معاها ..شكلها رجعت اهيه
*تقابل فارس مع لين وهو نازل من على السلم وسالها عن حالة نسمة
:هي رافضة تتكلم معايا او مع حد خالص وعلى طول نايمة هدخل دلوقتى اشوف فى ايه
*طرقت الباب وادخلت راسها قبل ان ترد نسمة
:ممكن ادخل يا ست نسمة ولة هتطرديني زي فارس
:انا ما طردتوش ولا ما تدخليش مش نقصاكي
:ليه كدة بس دى احنا ما لحقناش نعيش اخوات
:طب اتنيلي وتقعدي ساكتة لاني تعبانة
:انا داخلة اتكلم معاك مش اسكت
:طبعا عندك علم باللي حصلي في السفر
:اه وزعلت اني ما كنتش جمبك وكويس ان فارس كان معاك بس بتعامليه كدة ليه دلوقتي
:بطفشه ذمبه ايه ياخد واحده معقدة كل شوية الدنيا تديلها قلم تسحلها على الارض وكمان اللي عمله مروان خلى وشي في الارض مش هستحمل يجي يوم ويذلني
: ده بيحبك واللي بيحب بيستحمل ومش بيشتكي
*بكت نسمة ورمت نفسها بداخل حضن لين
:ذمبه ايه ياخد واحده امها قاسية واخوها كان عايز يدبحها وهي عايشة ولسة كفاية عليه كدة كل ده حصل وبقاله فترة صغيرة معايا امال بعد سنة هيحصل ايه
:يا بنتي ربنا رزقك بيه عوض عن اللي بيحصلك
:طب هو عوض لي وانا ايه بالنسبه له ابتلاء
:ما تقوليش كده يا نسمة حاولي تكوني كويسة معاه بالحب والعشرة كل صعب هيهون
*طرق سليم الباب ودخل واخذ نسمة بداخل حضنه وسالها عما بها
:مفيش حاجه يا بابا مضغوطة من اللى حصل ممكن اروح شاليه الساحل اقعد فيه شوية واوعدك عمري ما هحاول انتحر مرة تانية دى كانت غلطه ولحظة ضعف ومش هكررها لو سمحت سامحني وهكون كويسة عشان خاطرك وهكلمك باستمرار انا حابة اتعافى بنفسي وابقى اقوى لوحدي كفاية بقى اعتمد على الناس
:بس احنا داخلين علي الشتا الدنيا هناك تقريبا فاضية ما تروحى فندق السخنة اهو قريب اقدر اجيلك لو وحشتيني
:ماشي يا بابا انا هحجز واسافر بكرة الصبح
*حضرت نسمة شنطتها وودعتهم وطلبت منهم عدم معرفة احد بانها سافرت خصوصا فارس
بقلمي سحر السحرتي
:انت متاكدة ان تفيدة هتوصلك السخنة
:لا انا طلبت عربية مش محتاجة تفيدة مش هخرج بارة الفندق والشط بتاعه
*ركبت نسمة السيارة واتجهت الى المطار وهي في الطريق ارسلت رسالة صوتية لباباها وفارس
:بابا ارجوك ما تزعلش منى انا مسافرة كام يوم ومش هقدر اقول فين هكلمك كل شوية اطمن عليا وزي ما وعدتك مش هأذي نفسى
:فارس ازيك انا اسفه اني بطلب منك الطلب ده في رسالة بس سامحني مش هقدر اطلبه وانا قدامك ارجوك
#يا ترى هتطلب ايه ورايحة فين
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نسمة حائرة)
