رواية نسمة أمل الجزء الثاني الفصل الأول 1 بقلم حنين ابراهيم
رواية نسمة أمل الجزء الثاني الجزء الأول
رواية نسمة أمل الجزء الثاني البارت الأول
رواية نسمة أمل الجزء الثاني الحلقة الأولى
أحلام: طيب يعني ضروري تسيبي شغلك؟
نسمة بتنهيدة: يعني اعمل ايه يا أحلام و هو كل يوم في وشي و كل مره بيحاول يتقرب مني
أحلام: بس إنتي صعب تلاقي شغل تاني بنفس مرتبك ده دلوقتي
نسمة: مش مهم أهم حاجة إنه يبعد عني
أحلام بتنهيدة: طيب براحتك، سلام أنا دلوقتي جوزي زمانه راجع من شغله دلوقتي
نسمة بابتسامة خفيفه: باي متنسيش تسلمي على حماتك
بعد مغادرة أحلام نسمة دخلت إلى غرفة والدتها إطمأنت عليها و اعطتها أدويتها
نسمة: ماما أنا رايحة ادور على شغل عشان هسيب شغلي في المصنع
امل: ماشي يا حبيبتي ربنا يوفقك
نسمة وهي تقبل راسها : اللهم آمين، خلي بالك على نفسك لو إتأخرت على الساعة 4 إبقي سخني الأكل الي أنا سيباهولك عشان تاخدي دواك في معاده
امل: إن شاءلله
إرتدت نسمة حجابها و خرجت لتتوجه نحو الشركة التي وضعت إعلان توضيف
لتدخل بعد مدة
جلست على كرسي أمام مكتب المدير الذي كان ينضر إلى ملفها بتقييم: امم أنسة نسمة تقدري تقوليلي عن مميزات الي عندك تخليني أعينك سكرتيرة عندي؟
نسمة: أنا عارفة إني ممكن يكون فيه متقدمين للشغل أكفأ مني بس أنا هعمل الي أقدر عليه عشان أثبتلك إني بستحق الشغل هنا
المدير: طيب إحنا مواعيد شغلنا ممكن تبقى لوقت متأخر أحيانا بسبب الإجتماعات و ممكن أحتاج إنك تيجي معايا لحفلات الشغل المسا هتقدري تشتغلي في الظروف دي؟
نسمة بتردد: بإذن الله لو إتقبلت في الشغل هكون حاضرة معاك أي إجتماع
المدير؛ و أهلك هيوافقو؟ ولا هلاقي مشاكل من نوع بابا منعني من الخروج، جوزي رفض
نسمة بثقة: لا مش هيكون في مشاكل من النوع ده لأن مفيش حد في حياتي له الحق إنه يمنعني ثم أنا هكون رايحة شغل مش عشان أتفسح
هلال حاول إخفاء ضيقه من ردها: امم أندبندت وكده
نسمة بعدم فهم: أفندم؟
هلال بحمحمة: لا مفيش،
ثم أخرج ملف من درج مكتبه بصي أنا هعملك إختبار قبل التوضيف
عايزك تقري الملف ده و تشوفي الأخطاء الإملائية الي فيه تصححيها قبل ما تنسخيه تجيبي ثلاث نسخ عشان أبعتهم لي العملاء بعد ساعتين
نسمة نظرت للملف بتوتر: ده بالإنجلزي
هلال: عندك مشكلة في ده إحنا في المستقبل هنتعامل مع مستثمرين أجانب و اللغة ضرورية جدا
نسمة حمدت ربها أنها كانت تأخذ كورسات في اللغة منذ سنة: لا مفيش مشكلة يا فندم النسخ هتكون قدامك بعد التعديل في أقل من ساعة
هلال: إتفضلي ورينا شطارتك
خرجت نسمة لتنهي المهمة التي وكلت لها
بعد لحضات دخل صديق هلال إلى مكتبه وهو يقول بإستغراب مين البنت الي برة دي
هلال بلا مبالاة: الي هتبقى السكرتيرة الجديدة
فِراس: هو إنت غيرت مبادئك ولا إيه
هلال: فراس من فضلك مش عايز كلام في الموضوع ده دلوقتي
قاطع حديثهما طرق على الباب لتدخل بعد لحضات نسمة وهي تحمل الأوراق المطلوبة وتضعهم على المكتب: انا نفذت الي طلبته أستاذ هلال
هلال أخذ الأوراق وبدأ في قراءتهم بإعجاب: ممتاز، أنسة نسمة مبروك تم تعيينك
نسمة بسعادة: شكرا
هلال بابتسامة: تقدري تجهزي نفسك من بكرة على الساعة 9 تكوني هنا
نسمة تمام عن إذنكم
خرجت نسمة لتختفي تلك الإبتسامة على وجهه
فراس بتوجس: يا ساتر يارب ناوي على إيه يا صحبي
هلال بشرود: أعرفها مكانتها الحقيقية
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نسمة أمل الجزء الثاني)
