رواية إلى متى يا قلب الفصل السابع 7 بقلم عزة فتحي
رواية إلى متى يا قلب الجزء السابع
رواية إلى متى يا قلب البارت السابع
رواية إلى متى يا قلب الحلقة السابعة
في صباح اليوم التالي قام الثلاث أصدقاء سعداء فاليوم عيد ميلاد نانا وعليهم إعداد السطح لعمل عيد الميلاد
خرجت ساره من شقتها وذهبت إلى شقه جولي وجدت محمد أمام الباب
ساره : صباح الخير يا محمد
محمد : صباح النور ازيك يا ساره
ساره : الحمد لله
فتحت جولي : صباح الخير
محمد : صباح النور
ودخلا إلى غرفه نانا
محمد : كل سنه وانت طيبه يا نانا
ساره وهي تحتضنها : كل سنه وانت طيبه يا احلى نانا في الدنيا
نانا : يا بكاشه اسبوع مشفتكيش يا ساره اما محمد حبيبي بيعدي يديني الدواء كل يوم الصبح
ساره : انشغلت يا نانا ربنا يخليكي لينا
جولي : نانا دي كل حياتي ربنا يخليها ليا
قالت وهي تقبلها وتحضنها
خرج الثلاثه إلى الصاله ووقفوا يتفقوا على حفل شواء في البرجولا يجمعهم
محمد : كل واحد يعزم صحابه
ساره : ممكن اعزم جاسر
محمد : لا انا اعزمه علشان منه هنا مش عايز تعرف حاجه عنكم
ساره : اتفقنا
جولي : ماشي ومتنسيش تعزمي احمد
وصلت الشركه لتقف مع جاسر وأحمد
جاسر : محمد اتصل بيه وعازمني على الغذاء
ساره : النهارده عيد ميلاد نانا مستر أحمد تحب تيجي تنورنا والله
أحمد : الساعه كام
ساره : على ثلاثه
أحمد : انشاء الله اجي مع جاسر
دخلت ساره مكتبها تعمل لتجد جاسر يدخل
جاسر : ساره روحي ساعدي جولي في البيت
ساره : محمد معاها
جاسر : وانتي كمان روحي ليهم بس خلي بالك مش عايز منه تعرف حاجه تخصنا انت سكرتارتي بس
لا تعرف لما ساره شعرت بوجع من كلامه رغم أنها سمعته من محمد
ساره :حاضر يا جاسر واحنا في بينا حاجه تانيه.
جاسر : معلش يا ساره اصل منه صديقه ساندى ومش عايز ساندى تعرف
ساره : من غير متقول
خرجت من مكتبه تمسح دموعها وركبت سيارتها بمجرد وصولها البيت اندمجت مع جولي ومحمد ونسيت جاسر وكلامه
ارتدى محمد ملابسه وخرج يحمل شوايه ضخمه ثم فتح الثلاجه ليخرج لحوم ودجاج
منه : في ايه
محمد : عندنا حفله شواء فوق في البرجولا
منه : وانا معزومه
محمد : طبعا انتي وجاسر على الساعه ثلاثه اطلعي
منه : وانت طالع من دلوقتي ليه
محمد : اساعد جولي
منه : ممكن اطلع معاك
محمد : طبعا تعالي
صعدت منه معه وجد ساره تقف مع جولي
محمد : انا جيت
ساره : نورت البيت
محمد : اعرفكم منه جولي وساره اخواتي
ساره : اهلا اهلا يا منه اتفضلي
جولي : اهلا بيكي يا منه
منه؛ شكرا
محمد : ساره نشرب شاي الأول قبل منبدا نشتغل
ساره : انت يا راجل انت مش اتجوزت مشربتش في بيتكم ليه
جولي : يلا يا بنتي نعمل شاي احنا
منه : لا خليكي يا جولي انا قايمه اساعد ساره
قامت دخلت مع ساره المطبخ يعدوا الشاي
منه : انتي في كليه ايه يا ساره
ساره : في كليه تجاره انجلش اداره اعمال
منه : وشاطره
ساره : الحمدلله وبشتغل مع مستر جاسر في شركته
منه : جاسر خالي
ساره : اه
جلسوا يتناولوا الإفطار مع الشاي ثم قاموا وضعوا الزينات وجهزوا المكان وسط ضحكاتهم وسعادتهم
في الثالثه نزلت كل واحده تغير ملابسها ارتدت منه فستان احمر ووضعت مكياج رقيق اما ساره ارتدت فستان ابيض بينما جولي ارتدت فستان أخضر
وصعدوا الي البرجولا التي زينت وبدأ الاحتفال بقدوم جاسر وأحمد
لم تتعامل ساره مع جاسر في وجود منه التي فرحت بوجود خالها جدا
منه : أحمد إنت هنا مين عزمك
احمد : جولي وساره شغالين معانا في الشركه
منه : مكنتش اعرف ان جولي معاكم
احمد : لا ساره سكرتاريه جاسر وجولي ماسكه العلاقات العامه
آلتف الكل حول الجدة نانا التي كانت سعيده بهم هي وجارتها سوزان التي ذهبت جولي واحضرتها من شقتها للاحتفال معهم
وقف الرجال امام الشويات يشوى اللحوم و الدواجن والبنات تعد المشروبات
بعد انتهاء الحفل فاجأ احمد الكل بألعاب ناريه في سماء المكان أعجب بها كل الموجودين دمعت عين نانا وهي تري فرحه الكل وتمنت إن يجدوا السعاده
اقترب احمد من جولي بينما الألعاب الناريه تملأ السماء نظر إليها وابتسم ولم يشعر وهو يقترب منها
احمد : فستانك حلو آوي
جولي : شكرا على الألعاب الناريه الجميله دي
احمد : جاسر ومحمد بيلعبوا شايفه ازاي
جولي : لا انا شايفه نانا أعده مع تنط سوزان سعيده ازاي
أحمد : فكرت اجيب ايه معايا وجت الفكره دي
جولي : فكره جديده محدش فينا فكر فيها
أحمد : أهم حاجه اننا اسعدنا نانا
ابتسمت جولي له بسعاده

في اليوم التالي قام محمد من النوم كعادته ارتدى ملابسه وخرج ليجري على البحر مثل كل صباح وجد منه ترتدي ملابس رياضيه ووقفت
منه: ممكن أجرى معاك
محمد : طبعا تعالى
نزلت معاه ليتمشيا على البحر كان الجو رائع لم يتحدث تقف من وقت لآخر لتأخذ صور تذكاريا
منه : محمد ممكن ناخد صوره سوا
محمد : لا اسف مظنش أن بينا ذكريات تحبي تحتفظي بيها
منه : كده برده
لم يرد عليها وجرى ليخرج شحنه غضب منها بداخله بكل لحظه حب احبها وهي لا تستحق الحب
ثم جلس على الكورنيش ينتظر قدومها
منه : انا تعبت وجوعت حرام عليك ممكن ناكل فول
ووضعت يدها في يده
قالتها بابتسامه سحرت قلبه
قام محمد واقفا
محمد : تعالى اكلك احلى فول وفلافل
جلسوا في إحدى المطاعم القريبه من البحر في محطه الرمل
قامت ساره من النوم مبكرا وقادت سيارتها لبيت جاسر وقفت مع البواب
البواب : اهلا يا ست ساره سألت عليكي جاسر بيه كتير
ساره : ازيك يا عم احمد عامل ايه يا راجل يا طيب
البواب : من يوم متجوزتوا انتي وأستاذ جاسر مبتجيش هنا
ساره : بيت اهلي جمب الكليه
نزل جاسر ليضع حقيبته في سيارتها
ساره : انت قلت لهم اني مراتك
جاسر : مفيش واحده ست طلعت شقتي قبل كده كان وجودك حاجه غريبه وكان لازم أبرر له وجودك
ساره : ليه ساندى مبتعدش عندك لما تنزل اسكندريه
جاسر : ساندى جت مصر مره واحده وقعدت في فندق
ساره : ماشي
جاسر : على فكره انا وساندي مخطوبين مش متجوزين مفيش بيني وبينها علاقه
احمر وجهه ساره بشده وقادت السياره صامته حتى وصلوا إلى المطار ونزل ليحضنها بحب
جاسر : انشاء الله أنزل الشهر الجاي أحمد معاكم لو احتجت اي حاجه
ساره : تروح وتيجي بالسلامه
عادت إلى الشركه لتجد أحمد يسأل عن جولي
ساره : في ايه يا مستر أحمد
أحمد : لا انتي ولا جولي هنا ليه
ساره : انا كنت بوصل مستر جاسر المطار ولسه جايه
وجولي حاتصل بيها اشوف مجتش ليه
وخرجت وهي تستعجب من نوبات غضبه بلا سبب
خرجت ساره تتمتم : هو مفيش حد في الشركه دي غيرنا ولا ايه
اتصلت ساره بجولي
ساره : فينك يا بنتي اتاخرت ليه
جولي : انتي فين انتي ومحمد
ساره : كنت بوصل جاسر ومحمد كان نازل مع منه الصبح ليه
جولي : نانا اغمى عليها والإسعاف نقلتها المستشفي
ساره : ايه انا جايه حالا
جولي : لا خليكي في الشركه لغايه ماينتهي الدوام وتعالى
ساره : حاضر
جلس محمد مع منه يتناولوا الإفطار ولأول مره يعرف أن منه دمها خفيف
منه : شايف الفول بالسدق ده لو خدتوا معيا ألمانيا اخد عليه برائه اختراع لا وطعمه حكايه
محمد : ده عشق يا بنتي بتحبي ايه تاني
منه : الكشري لا انا بعشق الخل والتوم بتاعه
محمد : المره الجايه اعزمك على كشري
رن هاتف محمد
محمد : حاجه غريبه ساره اول مره تتصل الصبح خير
محمد : الو ايوه يا ساره
ساره : محمد نانا اغمى عليها وجولي جابت الإسعاف ونقلتها المستشفي
محمد؛ مستشفى ايه
ساره : المستشفى اللي شغال فيها
محمد : طيب نصف ساعه وابقى عندها
منه : في ايه
محمد : نانا اغمي عليها ونقلتها جولي المستشفي
انا حرجعك البيت واروح لها المستشفي
منه : لا حجي معاك
محمد : ملوش لزوم
منه : لا انا بحب نانا واقف جنب جولي
دخلت ساره لتكمل عملها بعد ساعه اتصل بها أحمد فذهبت مكتبه
ساره : ايوه يا مستر احمد
أحمد : انت تعرفي يوناني والماني زي جولي طبعا
ساره : انا وجولي درسين في نفس المدارس خريجين سان شارل واليونانيه دي لغتنا
أحمد : طيب ممكن تترجمي الايميل ده علشان جولي هانم بتدلع
ساره : والله يا مستر أحمد ابدا جولي جدتها عندها غيبوبه سكر ونقلتها المستشفي
أحمد : امتي
ساره : الصبح ومردتش اروحلها علشان حد فينا يبقى هنا
أحمد : طيب يلا نروح لها
ساره : والشركه انا اتصلت بمحمد حيقف معها
أحمد : في موظفين غيرنا مش كده
احمر وجهها لأنها فهمت انه سمعها وهي تبرطم منذ قليل
ذهب محمد ومنه بتاكسي إلى المستشفى وجد جولي تجلس على كرسي وتنظر إلى جدتها النائمه وموصل لها محاليل
محمد : جولي في ايه
جولي : ليه جيت يا محمد شويه وتفوق
منه : سلامتها الف سلامه عليها
جولي : منه ايه اللي جابك بس
منه : لازم اطمن على نانا جلس الجميع بعد دقائق دخلت الدكتوره تطمئن على حاله نانا
ملك بصرخه فرح : محمد فينك يا عم اسبوع مشفتكش
محمد : اهلا ازيك يا ملك عامله ايه
نظرت جولي ترى رد فعل منه التي نظرت إليهم بغيظ شديد
ملك : وحشتنا راجع امتي
محمد : الأسبوع الجاي أنشاء الله
ملك : تنور المستشفي
وابتسمت له ابتسامه كسرت قلب منه
ابتسم محمد لها : ده نورك
ملك : قريب انسه جولي
محمد : اه
ملك : وانا بقول برده شبه حضرتك
جولي : شكرا يا دكتوره
خرجت الدكتوره من الغرفه
وجد محمد منه تقف تنظر له بغيظ لكنها لا تستطيع النطق لقد اختارت أن تبعد
جولي بمكر : ايوه يا عم الدكتوره وقعه لشوشتها
تركت منه الغرفه بغضب بينما تعالت ضحكات جولي
محمد : بزمتك انتي في ايه ولا ايه
جولي : لا هي متغاظه وانا كان لازم اغظها زياده البت دي بكره قلبها يدق
محمد : خليكي في جدتك ونقطيني بسكاتك
يتبع….
لقراءة الفصل التالي :اضغط هنا
لقراءة الرواية كاملة اضغط على : (رواية إلى متى يا قلب)
