رواية خادمة الفهد الجزء الثاني الفصل الثالث والعشرون 23 بقلم صفاء حسني

رواية خادمة الفهد الجزء الثاني الجزء الثالث والعشرون

رواية خادمة الفهد الجزء الثاني البارت الثالث والعشرون

رواية خادمة الفهد الجزء الثاني الحلقة الثالثة والعشرون

كانت مستغربه سهير من حديث ملك وقالت:
يا بنتى الرجل مش زى الست بيكون ليه طاقة وبتخلص هو سابك براحتك عشان كنت بتحاول تفتكر ذكرياتك كان عشمان خلال الفترة ده تكون حسيت بمشاعر من ناحيته وبدل المرة كذا مرة عرض عليك الجواز وبطرق مختلفة عشان مش تققل من كرامته لكن انتى كل مرة كنت بترفض بحجة مختلفة لم بدر يخف، لم اخلص دراستى انت عارف انا دكتورة ومحتاجة اثبت نفسي
اتنهدت ملك وقالت:
مش المفروض الرجل يكون دعم ل حبيبته بردو ويقف معها
وضحت سهير وقالت:
وابنى مش قصر معاكى رغم لو نقول الحق مفيش علاقة تربطكم مع بعض ل زوجته أو حبيبته أو خطيبته مجرد وعد زمان ونفذه مع كل الا حصل معه لكن متخلش عندك ،وانتى بنفسك رفض اى مسمى للعلاقة ده غير مشرفة على بدر ،وهو احترام قراراتك يا ملك لكن فعلا لو انتى متمسكة بيه اعمل حاجه كونى صريح معه لكن تقولى هو يفهمني ويحس بمشاعري ويخطفنى أو يجبرنى ده مش ينفع فى الجواز يا ملك الزواج خيط مقدس يربطك بشخص ل اخر العمر لو مش يكون خيط متين وثابت يستمر مع العمر ام لو خيط رفيع وضعيف يذوب مع الايام وفجاه ينقطع فهمتنى يا بنتى شوف الصالح ليكى وربنا يقدم ما فيه الخير استاذن
خرجت سهير لكن ملك مكنتش مقتنعة وممكن عشان شخصيتها مختلفة عن فهد هى مجنونة ومرحة وكمان عنيدة هى عاوزة حب يهزه حب يخليها تحس انها ملكه هو مفيش شريك فى قلبه ليه مش ينسي إسماء وذكريته معها والا هو فعلا لسه بيحب اسماء رغم كل الا عملته اكيد عشان هو عمل المستحيل عشان يوصل ليها كان مجنون بمشاعره معها ام أنا كنت مجرد بديل عشان اسماء تغير عليه ونجح فى ده لدرجة حياتى تعرض للخطر عشان ترجع ليه
❈-❈-❈
قطع أفكارها دخول بدر وهو بيسالها
ملك مش هتجهزنى عشان اروح الحفلة معاكم .
ابتسمت ملك وقالت
عيونى يا بدر انت اكتر واحد هتوحشنى
استغرب بدر وسألها
انتى فعلا هتسافري عند حياة وتسبينى
هزت راسها ملك وقالت
اه لازم اسافر عشان اعمل دراسات عليا ودكتوراه
كشر بدر وبحزن
والا بتقولى عليه ده اهم منى أنا وفهد ده وعدك لي يا حياة الفهد مش كان بيقولك كدة
نزلت على ركبتها عشان تكون بطول بدر وقالت
مش انت هتقدم في المدرسة السنه الجايه
هز رأسه بدر ب استنكار
لا طبعا ده مش زى ده وانا مش صغيره دلوقتي أنا عندى ٦ سنين ونص وفاهم كل حاجه وعارف انك رفض تكون امى عشان امى أسماء كانت هتموتك زمان وعشان كده انتى رفضي تعيش مع ابنها
انصدمت ملك لم سمعت حديثه وقالت
مين قالك كده لا طبعا أنا بحبك يا بدر ومفيش حاجه من الكلام ده وامك بتكون اخت بنت عمى اخت هبه اوعى تقول كدة تانى ومتصدقش الكلام ده مامتك كانت كويسة وكمان حبيبتي بابا وكان بيحبها جدا مين قالك الكلام ده
ضمها بدر بفرحة
بجد يعنى ماما كانت حلوة وطيبة ومعملتش حاجة معاكى اصلا سمعت جدو بيتكلم مع تيته وبيقولها ممكن ملك خايفة تتجوز من فهد وتعيش مع بدر عشان فى الاول والاخر هو ابن اكتر واحدة اءذتها وكانت هتقتلها
ضمته ملك وقالت
لا يا حبيبي ماما كويس ممكن جدو يقصد حاجة تانى وثانية من امتى احنا بنتجسس على الناس الكبيرة مش عيب
اعتذر بدر وقال
أنا مكنتش اقصد اسف جدا مش هعمل كده تانى
بس وافقي تتجوزى من بابا عشان سمعت تيته بتقول ل بابا يتجوز ويفكر فى نفسه ملك مش هضيع مستقبلها وتعليمها عشانك
شهقت ملك وقالت
تانى يا بدر يا حبيبي عيب ننقل الكلام وحرام
ده اسمه تجسس وربنا نهانى عنه فى القرآن الكريم
بسم الله الرحمن الرحيم
: يا أيها الذين آمنوا اجتنبوا كثيرا من الظن إن بعض الظن إثم ولا تجسسوا ولا يغتب بعضكم بعضا أيحب أحدكم أن يأكل لحم أخيه ميتا فكرهتموه واتقوا الله إن الله تواب رحيم .
صدق الله العظيم
صدق بدر وقال
صدق الله العظيم معنى الكلام ده يا ملك
شرحت ملك
اى كلمة نسمعها ننقلها ده حاجة وحشة زى القتل بالظبط وابشع
ماشي يا بدر توعدنى اوعى تتجسس أو تنقل كلام لحد
هز رأسه بدر وقال
حاضر لكن انا مش عاوزة ام تانى غيرك اوعى تسبينى يا ملك بابا يشوف العروسة النهارده فى الحفلة
لمعت عيون ملك وسألته
مين قالك كدة
رفض بدر يقولها ورد
لا انتى هتزعل منى وهتقولى لي نقلت الكلام .
كانت ملك فى حيرة هو فعلا مش ينفع توقعه في الكلام بس عاوزة تتأكد:
خلص يا بدر مش عاوزة اعرف انت عندك حق
بدأ يتكلم بدر بعفوية
هقولك بس اخر مرة والله مش هعمل كده تانى
والله
ضحكت ملك
لم نشوف قول يا عم انت هتطلع مذيع شاطر وتعرف كل اخبار العالم
ضحك بدر
وازى اكون مذيع يا ملك
ضحكت وبدت تفهمه
هتذكر وتبقي شاطر وتدخل كلية اعلام ووقتها هتكون مذيع
سألها بدر
اخبار عن ايه وازى اعملها
شرحت ليه ملك
هتتحر عن الخبر وهتعرف إن كان صح والا غلط ولازم تكون متاكد منه
فهم بدر
بس انا متاكد عشان سمعت بابا بيتكلم هو وعمى وليد وكان بيقوله أنا هطلب ايد هدير النهارده وانت كمان شفولك واحدة تكون ام ل بدر مش هتفضل تتفرج وتستنى ملك وفجاه تلاقي العمر جرى وهى طموحاتها مش هتخلص
غضبت ملك وكتمت احساسها وسألته
وبابا رد قال ايه
رد بدر
شافنى بابا وانا واقف على الباب
❈-❈-❈
فلاش
انتبه فهد من وجود بدر وابتسم ما بين نفسه وشاور ل وليد يتكلم
بد وليد يتكلم ويسمع بدر
انت لسه تتجوز وتجيب ام ل بدر يا فهد ملك مسافرة وانت عارف عالم الطب ده كبير دراسات عليا ومجيستر ودكتوراه وموتمرات فجأة هتلاقي سهير جديد معاك كل حياتها الشغل وبس ،انت زمان قولت ملك شبه امى وفعلا بقيت نسخة منها وانت انقذتها وكنت حماية ليه وعلمتها وصرفت عليها لكن طموح موقفش والا يقف وانت عايز زوجة تهتم بيك
وانا شفوت بنت صديقة هدير نسخة من الشخصية إلا اترحيك
وقبل ما يرد فهد نظر علي بدر وسأله
عايز حاجه يا بدر واقف عندك ليه
دخل بدر وقال
عايز اروح معكم الحفلة
رد وليد وقالي
طبعا هتيجى يا بطل عشان تشوف ماما الجديد
ساله بدر
ماما جديد تقصد ملك
رد فهد وقال
ملك مسافرة يا بدر ورفض تكون معانا المهم روح انت العب ماشي يا حبيبي
هز رأسه بدر وقال
حاضر يا بابا
وخرج بدر
وقفل فهد الباب وضحك
برافو عليك يا وليد الخط نجحت وانا حافظ ابنى رديو يروح يقولها كل حاجه عشان هو مش بيخبى عليها حاجه
ابتسم وليد وقال
بس انا كنت بتكلم جد يا فهد خرج ملك من دماغك مش هى ده ملك الطفلة الصغيرة الا حبيته
ضحك فهد وقال
بالعكس هى زى ما هى مش اتغيرت نفس عنده لكن اتغير الهدف مش اكتر وانا مش ممانع أنها تنجح فى حياته بس تكون في حضنى مش تتغرب فاهمنى
❈-❈-❈
باك
هو ده اللي حصل وهو يشوف العروسة النهارده
ربطت ملك اسلوب فهد معها وأنه مكنش متمسك أنه يطلب منها تستنى وأنه اقتنع بكلام وليد
وقالت
خلي وليد ينفعك هوريك النهارده مين هتكون اجمل واحدة في الحفلة النهارده
وفعلا لبست فستان اسود طويل لكن مفتوح من عند الركبة اليسرى ورجلها البيضة ظهر ورفعت شعرها ذيل حصان ولبست بدر بطلت عريس ووضعت بعض الميكب الخفيفة
انبهرت سهير لم شافتها وقالت
مش معقول انتى ناوى تطير عقل ابنى على الاخر
ابتسمت ملك وقالت
مش هو مطنش وبيفكر يتجوز واحدة متكنش نسخة تانى من سهير
انصدمت سهير وبدت تستوعب
انتى تقصد انى ابنى بدأ يبعد عنك عشان انتى بقيت دكتورة
هزت راسها ملك وطلبت من بدر
ممكن يا حبيبي تجيب جاكت الابيض نسيته فوق
هز رأسه بدر وقال
حاضر
وطلع بدر كان يتجننى عايز يسمع كلامهم لكن افتكر كلام ملك وان ده حرام وان ربنا مش بيحب الا بيتجسس تركهم وطلع الغرفة
❈-❈-❈
لم اتاكدة ملك أن بدر طلع
انتى اتهمتنى انى ببلاغ فى احساسي بس النهارده اتاكدت فهد حبينى لم كنت مجرد بنت ضعيف ملهاش مستقبل أو هدف زى ما حب أسما عشان خادمة قاعدة فى البيت ولم اكتشف انى بقيت دكتورة زعل ولقي الاموار خرجت عن السيطرة عشان كدة حاول يخلنى اتجوز واقعد في البيت لكن لم رفض وقررت اكمل تعليمي بدأ يبعد وحسيت ببعده عنى هو شافنى بقيت نسخة تانى منك يا دكتورة وعشان كده هو موافق اسافر هو عايز بنت بتشتغل في الملاجا تكون بسيطة تفرح انها تكون زوجة النقيب فهد وتربي بدر
انصدمت سهير وقالت
مش عارفه اقولك ايه يا بنتى ممكن فعلا اسلوبى حياتى كانت السبب لكن الا اعرفه انك زى القمر وينسحر بيكى فهد وهنشوف فعلا ظنك صح والا غلط
كان نزل بدر سكتو ولبست ملك الجاكت
وركبت مع السواق الا جيه اخدها هى وسهير وبدر
الباشا فهد مش فاضي يجى ياخدنى
ابتسمت سهير
سيبها على الله
راحوا الفرح واول ما شافهم موجودين انبهر فهد بملك لكن لم يظهر ده واقتربت بنت من فهد
عزم وليد أهل هدير
ابوها وامها واخواتها ووقتها هدير مكنتش مصدقه نفسها متصوريتش أن ربنا يقبل توبيتها ويسامحها ويعوضها شخص يحبها بالطريقة ده
ومسك المكروفو وقال:
احنا النهارده بنحتفل بفرحتين الفرحة الاولى
انى بدر ابنى صديقي بقي بخير الحمد لله
والخبر التانى
اقترب من هدير وقال:
أنا لاقيت اجمل بنت في الكون كله بنت خطفت قلبي وعقلي وكيانى والنهاردة قرارت من غير اى مقدمة واحطها في الأمر الواقع وهنكتب كتابنا وطلبت ايديها من ابوها واهلها ومفيش هروب والا حجة
هزت راسها هدير بالموافقة
وجيه الماذون بالفعل وتم كتب الكتاب وبعد كده الموسيقى
ومسك أيدها وليد وفضلوا يرقصوا في نفس الوقت اقتربت ورد من فهد ترقص معه عشان تخلي حاتم يغير عليها لانه مشاعره جامدة
❈-❈-❈
فى اللحظة ده شعرت ملك بالغيرة ،واقترب حاتم من ملك وهو مبهور بتغييرها وملامحها الا اختلفت وثقتها في نفسها
مش معقول حياة انتى اختلفت جدا
ابتسمت ملك لم شافت عيون فهد عليها وردت عليه :
الباشا حاتم فينك انت الا غايب
ثم كشرت
أو المعنى الأصح سلمت المهم بتاعتك وخلصت دورك مبقتش تسال عنى صح
دفع عن نفسه حاتم :
لا والله اوعى تتهمنى كدة أنا فعلا كنت بحميك من كل قلبي ،مش بس عشان فهد طلب منى والحمد الله وفيت بوعدى بتاع زمان صح
هزت راسها ملك بضيق:
هو ليه كل ما حد يشوفنى يقولي وفيت بوعدى بتاع زمان، هو انا مكتوب علي جبينه أوفى وعدك انت وهوه
ضحك حاتم علي وصفها وقال:
هو تقصد بيه النقيب فهد صح على فكرة الباشا فهد بيحبك
ضحكت ملك بسخرية:
اه فعلا الحب بيجري مسابقه ب اشبار مش شايف
ملئ المكان ومعفف ازى
ضحك حاتم ومش قادر يمسك نفسه:
انتى بجد مشكلة يا حياة وانا فرحان بجد ان صحتك رجعت وبقيت بخير
ابتسمت ملك وشكرته
شكرا على المجملة الجميلة ده انت بقى ايه اخبارك ليه مش عايز تتجوز
ابتسم حاتم ومسك أيدها
طيب نرقص مع بعض ونكمل كلامنا ايه رايك
هزت راسها بالموافقة وهى شايف النار طالعة من عيون فهد
طبعا ده شرف لي وبدت ترقص معه
ساله حاتم وهما بيرقصوا
انا اسالك نفس السؤال انتى ليه مش اتجوزت فهد واكتفيت ب انك تكون مشرفة على ابنه وبس عشان دراستك والا غرض حاجه تانى
تنهدت ملك وقالت
هو فى البداية أنا كنت بحاول اتقالم ما بين شخصية حياة وملك
استغرب حاتم وسألها
ازى مش فاهم
وضحت ملك
مش انت قبل الحادثة بتاعتك كنت شخصية وبعدها بقيت شخصية تانى اتغيرت احلامك والمهنة الا انت كنت نفسك تكون فيها وكل حاجه صح .
اتحرك بيها حاتم بحركة كان فهد يتجنن وقال
اكيد زى ما لفيت بيك دلوقتي حسيت ان الدنيا لفيت بي
ابتسمت ملك وقالت:
نفس الا حصل معايا بالظبط ملك كانت بنت فاكرة نفسها انها قوية هتقدر تعيش في وسط الشوك
ابتسم حاتم
هى فعلا عرفت تعيش في الشوك انتى الا مرا عليك مش سهل يا ملك احتجاز فى بيت دعارة وابتزاز ده مكنش سهل ابدا
هزت راسها بالنفي وقالت:
يعني حاولت لكن مكنش عندي خبرة ووقعت في كل الصعوبات ده ام حياة شخصية تانى معزول عن العالم كانت عايشة لمدة ٥ سنين فى بيت مأوى مش عارفه حاجه عنها فخلقت ليها عالم تانى وهو الكتب بقي هو صديقها الا بتتكلم معه فتعودت على المذاكرة ففجاة اتغيرت شخصيتى من الشخصية الاجتماعي الي الشخصية المعزولة ولم افتكرت لاقيت الفجوة ده زى بالظبط الا رقصوا على السلالم ل الا فوق شافوهم والا الا تحت سمعوا بيهم هى ده انا دلوقتي مبقيتش عارفة ارجع شخصية ملك الا مرحة ووخدة الدنيا بدرعها لمدة ٥ سنين والا عارفة اكون حياة الا بردو عاشت خمسه سنين وسط الكتب
ابتسم حاتم وقال:
بالعكس أنا شايف أن الشخصية ده احسن من الشخصيتن الا فاتوا أصبحت أكثر نضوج بتفكر في كلمة بتقولها مش عفوية لكن عيونك بتتكلم وملامح وشك بتراقب الكل غير الثقافة ف أصبحت اجمل فى راي المتواضع
تنهدت ملك:
شفوت ازى انت عرفت تحلل شخصيتى رغم انت مش شفوتنى الا مرتين مرة وانا طفلة ومرة لم فقدة ذاكرتى لكن فهد بيدور على ملك الا قابلها وحبها البنت اللي كل طموحها تكون خادمة وتكمل معهد تمريض عشان تصرف على نفسها حب العفوية الا بتتخانق معه وتقول انت فيك وفيك ام الشخصية ده مش عايزها مش قادر يفهم انى فعلا كنت مشدد مش عارفه اكون مين حياة والا ملك فاهمنى
سألها حاتم
طيب سيبك من فهد ومشاعره انتى كمان مش حسيت أنه اتغير هو كمان