رواية نجمة في الصعيد الفصل السابع والعشرون 27 بقلم ملك نصرالله
رواية نجمة في الصعيد البارت السابع والعشرون
رواية نجمة في الصعيد الجزء السابع والعشرون
رواية نجمة في الصعيد الحلقة السابعة والعشرون
رضوان بحدة: هتفضل تكذب وتغطي عليه لحد امتا
حمزه بهدوء: مش بكذب يا بابا هو فعلاً كلمني
رضوان بحده: اسمع يا حمزه انا مش نايم علي ودني ، اخوك مكلمكش ، كفاية تغطي عليه دا بيخليه يزيد في الغلط
حمزه بضيق: حاضر يابابا مش هغطي عليه حاجه تانيه
رضوان بهدوء: لا ، و اعمل حسابك اجتماع ماجد زعفان انهارده
حمزه بتعجب: مش كان بعد يومين
رضوان بهدوء: مسافر ، طلب يعمله قبل ما يسافر
حمزه بضيق: في شروط يا بابا ماشين عليها ، مش تحت امر اللي خلفوه احنا
رضوان بهدوء: مش تحت امر اللي خلفوه وكل حاجه ، بس خلينا معاه للأخر
حمزه: طيب ، عن اذنك يا بابا
رضوان: اذنك معاك
حمزه خرج وراح مكتبه طلع موبايله ورن علي زين
زين: عامل اية يا حمزه
حمزه بهدوء: الحمدلله ، وانت اخبارك
زين ابتسم: منتا عارف كل اخباري ، دانتا حاططلي واحد مراقبني يا حمزة
حمزة: لسلامتك يا زين ، لحد ما تعقل وترجع ، بقالك 7 سنين اتعلمت نص علامك هناك واتعينت وعليت في شغلك هناك ، مزهقتش من القعدة هناك
زين بهدوء: راجع … راجع انهاردة
حمزه: بجد يا زين ولا بتقول كدة وخلاص
زين: بجد ، هتجيلي المطار صح
حمزه بحب: اجيلك علي عيني يا زين ، انت ابني ياض
زين ابتسم: انت حبيبي اللي بتفهمني يا حمزاوي
حمزه: واخد علي خاطري منك يا زين
زين بهدوء: لما اجي هراضيك
حمزه: عايز تراضيني متسافرش تاني ، حتي علشان امك يا زين ، هانت عليك كل دا متلمحش طيفها
زين بضيق: لما اجي يا حمزة هراضيكم كلكم بس انا هسافر تاني ، انا اتأقلمت علي العيشة هنا
حمزه بحدة: علي العيشة بين اليهود ، كل يوم شرب صح ، عارف اخبارك عارف بتعمل اية وبتاكل وبتتنيل تشرب ايه ، امك لو عرفت انك بتشرب هتروح فيها ، واسمع بقا ابوك قرب يجيب آخره ، بيكلمك حلو وبيسايس فيك وانت مش بتدي معاه ، هيجي في مرة ويمنعك من السفر غصب عنك ، وصدقني مش هقف معاك
زين بخنقه: انا كبير وعارف انا بعمل اية
حمزه بحده: هتفضل صغير في عيني ، طيارتك امتا
زين بضيق: الساعة 11 المفروض هكون في المطار عندكم
حمزه: طيب خد بالك من نفسك
زين بضيق: كفايه انت واخده ، حاطط حراصه ولا كأني رئيس دولة و راجل مراقبني مش بيسيبني ، انا ظابط مخابرات يا حمزه هعرف احمي نفسي ، وكمان انا مش في غابه
حمزه بضيق: قدامي انا اخويا الصغير ، زين اللي لما الهوا يخبطه جامد شويه يجيلي يشكيلي ، ولا انت في غابة ، انت في دوله مش عربيه تبقي في غابة .
زين بخنقه: طيب هستناك في المطار يا حمزه
حمزه بهدوء: ماشي
حمزه قفل مع زين بص قدامه بشرود يا تري هيعرف يقنع زين يقعد ومايسافرش تاني ، هو مش عايز يقعده بالقوة لازم يكون راضي يقعد مش غصب عنه
(زين اخو حمزه الصغير ، عنده 24 سنه ظابط في المخابرات ، بشرته سمرا الي حد ما ، شعره سايح ونايح اقصد ناعم ، عيونه حادة لونها بني فاتح ، صارم وبارد ، ماهو ظابط في المخابرات اجماعه هيكون هفأ يعني)
في البيت ..
فريال بحب: كلي يا نجمه التفاحة دي من ايدي
نجمه: ياستو كلت واللهِ بقالكم ساعة بتظغطوا فيا
ميرنا بخفة: النونو هيطلع بكرش نينينيني
نجمه ضحكت: دا هيطلع دُب صغنن واللهِ مش بكرش بس
هدي بحنق: كُلي يا نجمه الدكتورة قالت ناقصة تغذيه
نجمه بحب: ربنا يخليكي يا هودهودة
سارة زقت نجمه وقعدت جنبها: بسسسس انا اللي هظغطها ..كملت بخفة.. كُلي دي من ايدي دنا هسافر بليل حتي
نجمه بضيق: اقعدي شوية تاني بقا انتي برضوا لسة مصممه
سارة بخفة: يابنتي ابويا هيطلق امي بسببي ، احنا برضوا فينا عرق صعيدي .
شيرين ضحكت: يخربيتك بتفولي عليهم
سارة ابتسمت: يابنتي ابويا من ريحة الزمن الجميل ، بقا عنده 50 سنه وبيقولها قدامنا كدة بحبك ، ولو الاكل باظ وكلنا قولنا الاكل وحش يقولها هو حلو مش بس كده دا بياكل معاها
شيرين بحب: ربنا يخليهولكم يا حبيبتي
سارة: ويخليكي .. كلي بقا يا نجمة دانا تعبتلك
نجمه ضحكت: علي فكرة المسكن اللي الدكتور ادهتولي خلاني بقيت كويسة اشطا ، وكفاية اكل انهاردة علشان انا كدة هبقي فيلة
فاطمه ضحكت: فيلة اية ياختي دانتي مفكيش لحم
نجمه كشرت: بتقوليها في وشي كدة ، مفكيش لحم
فريال بغيظ: طيب يا نجمه ماتكليش لما يجي حمزه هقوله .. عملتوا الغدا
هدي: اه يا حاجة فاضل يستوي
فريال: طيب
في الشركه..
عز دخل لحمزه
عز بخفة: بقولك يا حمزاوي عايزك في مصلحة
حمزه بضيق: قول
عز: ما تخرجني من الكلية اللي انا فيها وديني اي حاجة غيرها انا حتي لسة في أولي
حمزه: ايوة انا كنت صاحب الكلية يعني
عز بحنق: حمزة ماتكذبش دا ابوك هو يعتبر اللي باني الجامعه كلها
حمزه بضيق: وانت من الاول بتختار فنون نيلة لية
عز بحنق: خلاص متغيرش حاجة ، كتر خيرك يابن عمي
حمزة: طيب برا بقا والباب وراك
عز بغيظ: مش هتمسك فيا
حمزه ببرود: لا
عز بخفة: انا قولت كدة برضوا ، كتلة البرود المتحركة دي هييجي منها اية يعني
حمزه بحدة: عززز
عز بخوف: خلاص ياعم متنعرش ، حولي ورقي كلية سياسه واقتصاد مع شيرين ، انا جايب 93 في الثانوية ، حرام عليك مستقبلي يروح
حمزة بضيق: ومين بقا اللي لعب في دماغك كوكو صح ، انت ابعد عن البت دي ماشي ولا مش ماشي
عز بشحتفه: دي صاحبتي يا حمزة وعملاني زي اخوها بس واللهِ ، تعبت من الكورس يا حمزة دول شوية متخلفين مش فاهمين حاجه حولي الورق بقا اللهي تنستر وما تقع في ضيقة اللهي
حمزة بصراخ: خلاااص هحولك الورق حاضر ، برا بقا خليني اتنيل اشوف الورق دا
عز قام حضنه بحب: حبيبي يابو الصحاب
حمزه بقرف: من بعيد طيب ، بطل أحضانك دي
عز بحنق: لية يا اخويا من بعيد فيا نمل وانا معرفش
حمزه قام زقه برا واتكلم بضيق: يخربيتك عايز اخلص الورق برا ياض
عز مشي بغيظ
مر الوقت والاجتماع بدأ
في غرفة الاجتماعات
ابراهيم بهدوء: ماجد باشا في بند مش موجوده
ماجد ببرود: مش موجود ازاي يعني
حمزه ببرود: قال مش موجود خد الورق وشوف بنفسك
ماجد اخد الورق بص عليه وقال: بند اية اللي مش موجود
رضوان بهدوء: الشرط الجزائي ، اتفقنا كان علي مليون ، خليته 2 مليون ازاي واحنا يعتبر ماضين العقود
ماجد ببرود: اللي عليك عليا ، زيك زيي
حمزة ببرود: زيه مش زيك ، انت فين وهو فين
ابراهيم بص لرضوان ورضوان هز رأسه راح إبراهيم قال: عالعموم تمام موافقين ، العربيات هتيجي وهتعدي من الجمارك بعد اسبوعين
ماجد بكرة: تمام .
ماجد اخد العميل بتاعه ومشي
مراد بهمس: انت عظمه ، شوية كمان وكنت همسك فيه ، انا اصلا مش طايقه الراجل دا
حمزة بنفس الهمس: ثانية بس بص رضوان باشا بيبصلي ازاي ، هو عايز الراجل يكلمه بالطريقة دي وهو يفضل ثابت علي هدوءه
رضوان بحده: اية شوف انت فين وهو فين دي يا حمزه
حمزه بهدوء: ايه يا رضوان باشا ، ماهو اللي بيتكلم وهو عينه في السما ، وهو اللي بدأ بالمشاكل لما اخد الصفقه بتاعت الشركة اللبنانية بالسرقة
رضوان بحدة: محنا اللي اخدنا منه صفقة العربيات وصفقه الأجهزة الأمنية الاول
حمزة بهدوء: احنا ماخدناش حاجة يا بابا وحضرتك عارف ، هما العملا راحوا ليه ومعجبهومش سعره جولنا واشترينا ، يبقي مش سارقينهم زيه
رضوان بضيق: مش عايزك في مشاكل مع الراجل دا يا حمزه دا راجل شراني واسمه في السوق مش حلو
حمزه: ماهو اللي بيجيب المشاكل وهو اللي بيغير الشروط من دماغه وهو برضوا اللي باعت واحد بيراقب زين اكيد علشان يأذيه
ابراهيم: بيراقب زين ازاي ، وبعدين كل دا علشان صفقتين مش ليهم لازمه
مراد: لا علشان اسمه اتلغي من السوق مبقاش في ماجد زعفان
رضوان ابتسم بهدوء: كنت عارف أنه هيعمل كدة ، أمن اخوك يا حمزه
حمزه بهدوء: مأمنه يا بابا من غير ماتقول
رضوان: ربنا يخليك يابني ويحميك انت و ولاد عمك
حمزه بحب: ويخليك لينا يا رضوان باشا
ابراهيم: زين واصل انهاردة صح كدة
رضوان بفرحة: ايوة ، ولاد عمه هيروحوا يجيبوه من المطار
مراد ابتسم: اخيرا بقا الواحد هيشوف اكبر ظابط مخابرات
عز دخل بحنق: هو انا لية محضرتش الاجتماع دا
ابراهيم بضحك: مش هينفع يا عزوز انت لسه صغير
عز بضيق: صغير ايه يا ابراهيم باشا عيب عليك
ابراهيم بغيظ: عيب عليا اية يا حيوان
عز ضحك: مش قصدي يا ابراهيم باشا
ابراهيم ابتسم: ماشي يا عزوز عارف
مراد بهمس: ابراهيم باشا شوه الاسم ، من عز لعزوز
حمزه بنفس الهمس: كوكو لو سمعت الاسم دا هتسيبه واللهِ
مراد ضحك: انت كمان عارف موضوع كوكو
عز بغيظ: يابني دا عارف كل حاجه معاه اخبار شباب البيت اصلا ، تقولش ابونا
حمزه ابتسم: ايوه مانا ابوكم ، مين اللي بيهريكم لعب
عز ضحك: حمزه
حمزه كمل: مين لما تكح اترعب
عز: حمزه
رضوان ضحك: دول مديرين لشركه اسمها مسمع في الشرق الأوسط
مراد بخفه: مش لائق علينا انا عارف
ابراهيم ضحك: لا بس حمزه جامد ، بيعرف يسيطر
عز بخفه: دشمل اللي اسمه ماجد زعلان دا ، مانا كنت متابع من الكاميرات
حمزه بغرور: انا مش اي حد يبني ، وبعدين اسمع ماجد زعفان
عز ضحك: لا بقا اسمع ماجد زعلان بعد اللي قولتهوله
رضوان ابتسم بحب وهو بيدعيلهم ربنا يديم لمتهم ويهدي ابنه زين وخرج هو وإبراهيم روحوا البيت
علي السفرة
حمزة كان بيوشوش نجمه بخفوت
حمزه بخفوت: واحشتيني
نجمه ابتسمت بحب: وانت كمان ، انت عطول واحشني اصلا
حمزه بغزل: ماهو لو مش الشركه مكونتش قومت من جنبك
نجمه ابتسمت بكسوف
حمزه كمل بخفوت: اكلتي كويس وانا مش هنا
نجمه ابتسمت: ايوة كلهم ظغطوني زي البطه انهاردة
حمزه بغزل: ايوا انا عايزك كده بطايه
نجمه كشرت: هيبقي شكلي وحش في الحمل وهبقي فيل مش بطه
حمزه بحب: وانا حبك بكل حالاتك بطه وزه فيل كله
نجمه بخفوت: هو انا قولتلك اني بحبك
حمزه ابتسم: اه بس عايز اسمعها تاني
نجمه بحب: بحبك يا حمزاوي
حمزة ضحك: انا وقعت في حب حمزاوي دي
نجمه ضحكت وهو كان بيحط قدامها اكل
اسر بخفوت: شيري
مراد بحده: لما نفسك يا اسر
اسر بغيظ: ياعم واحد و مراته انت مالك وبعدين انا لحقت قولت حاجة
حمزه ضحك: يابني دا وأخوه داخلين طالما بتقول حاجة بصوت واطي هيدخلوا
عز بغيظ: مانا سايبك عمال تقول لنجمه واحشتيني وحاجات كتير ومرخمتش عليك ، انا غلطان ارجع لراخامتي تاني
حمزه بحنق: مانتا رامي ودنك معانا يا خويا ..كمل بخبث.. ايه ك..
عز بمقاطعه: خلاص مش هرخم اسكت
حمزه ابتسم وقال بخفوت: هزلك بعد كدة بيها
عز بصله بغيظ
قضوا العشا في جو عائلي لطيف مليان هزار
بعدين الشباب راحوا الاستراحة مع رضوان وإبراهيم
عند نجمه
نجمه بحب: شفت علشان قولتلك هيرجع
حمزه ابتسم: الحمدالله
نجمه: البس بقا اية
حمزه وقف قدام الدلاب وطلع بلوزه لونها اصفر عليها ورد هاند ميد صغنن جدا من عند الكم و بنطلون وايد ليج ابيض
نجمه ضحكت: اوقات بستغرب ازاي زوقك جميل بالطريقة دي
حمزه ضحك راحت قالت: هعملك بقا معايا ماتشينج
نجمه طلعت شميز لونه اصفر وبنطلون جينز ابيض
حمزه ضحك: انا مش بحب الشميز دا خالص
نجمه كشرت: امم خلاص مش تلبسه
حمزه ابتسم: لا هلبسه علشانك
نجمه ابتسمت بحب واضح في عينيها وهي بتقول في نفسها( ازاي الشخص دا قادر يفرحها وياخد باله منها ومن اخوه ومن الشركه ومن ولاد عمه ، افتكرت لما عز حكالها أنه دشمل الراجل ماجد زعلان اقصد زعفان علشان كلم باباه بطريقه مش كويسه ، وأنه هيظبطله ورق الكليه ، ازاي قادر يعمل كل دا )
لبسوا وحمزه اخدها وراحوا يطمنوا عليها
نجمه كانت نايمه علي السرير حمزه قاعد قدامها والدكتور بتحرك في شاشة قدامهم وحمزه قاعد باصصلها ببلاهه
الدكتورة: دا البيبي ، مدام نجمه لسه في الشهر الاول
حمزه برضوا باصصلها علي وضعه
نجمه مسكت أيده: حمزه دا النونو بس هو لسه صغنن
حمزه ابتسم بحب: ربنا يقومك بالسلامه يا حبيبتي
نجمه ابتسمت بعيون فياضة بالحب مش بحب بقا خلينا نغير: ربنا يخليك ليا ..كملت بهمس.. يا حمزاوي
حمزه ضحك وشكر الدكتور اللي كانت واقفه ومشيوا
في البيت
نجمه كانت واقفه جنب حمزة وهو بيسرح شعره
نجمه بضيق: مش تسوق انت بقا يا حمزه خلي اي حد من الشباب يسوق
حمزه بحب: حاضر ، فكي التكشيرة دي بقا
نجمه بغيظ: منتا السبب
حمزه بهدوء: وانا عملت ايه
نجمه: تروح معايا لدكتورة وكمان وتروح تجيب زين من المطار وتروح الشركه وتيجي علشاني وبعدين تروح تاني ، كنا نروح الدكتورة بكرة
حمزه باس راسها بحب وقال: بروح بالعربيه مش بتعب واللهِ
نجمه بغيظ: السواقه بتتعب مش تقول مش بتعب
حمزه ضحك: حاضر ياستي مش هعمل كذا حاجة في اليوم كدة ، اضحكي بقا مش هعرف امشي وانتي مكشرة كدة
نجمه ابتسمت: خد بالك من نفسك ، ومتأساش علي زين يا حمزه هو لسه صغير برضوا ، وحد غيرك هو اللي يسوق
حمزه بحب: حاضر
حمزه اخدها ونزلوا وهي قعدت تحت معاهم
وهو اخد الشباب ومشي
عند رضوان
رضوان بحب: فاطمه عايز اقولك حاجه
فاطمه: قول وانت مزاجك رايق
رضوان ضحك: انتي كمان مزاجك هيروق لما اقولك
فاطمه ابتسمت: طيب قول يلا
رضوان بحب: زين راجع انهاردة
فاطمه بصدمه: زين راجع ، زين ابني
رضوان هز رأسه راحت فاطمه ضحكت وهي بتعيط ، فراخ أخدها في حضنه وهمس: راجع علشان واحشتيه
فاطمه بعياط: وهو كمان واحشني ، واحشني واللهِ يا رضوان من اليوم اللي مشي فيه
رضوان بحنيه: كفي عياط بقا ، انا بقولك كدة علشان تعيطي ، مهحبكش وانتي بتبكي اكده
فاطمه ابتسمت بدموع: واحشني الصعيدي بتاعك يابو حمزه وزين
رضوان ضحك: الشركه بقا الله يسامحها
فاطمه ابتسمت: ربنا يوفقكم فيها ويبعد عنكم الشر
رضوان باس راسها بحنيه و مسح وشها ، وقال: يارب ، يلا علشان ننزل نستناه معاهم تحت
فاطمه: هما كلهم عارفين
رضوان بحنيه: اه بس استنيت لما اتأكد أنه جاي علشان اقولك انتي ، مهيهونش عليا اشوفك متعشمه يرجع وميجيش
فاطمه ابتسمت بفرحه: ايوه وهو وفي بوعده ورجع
رضوان ابتسم: الحمدلله ربنا هداه
(انا برضوا بقول حمزه وارث الحنيه دي منين🥹)
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نجمة في الصعيد)
