رواية نجمة في الصعيد الفصل الرابع والعشرون 24 بقلم ملك نصرالله
رواية نجمة في الصعيد البارت الرابع والعشرون
رواية نجمة في الصعيد الجزء الرابع والعشرون
رواية نجمة في الصعيد الحلقة الرابعة والعشرون
شيرين ابتسمت: مش عارفة بس بطمن لما بشوفك
اسر ابتسم: عايز حضن كتب الكتاب
شيرين ضحكت بكسوف
أسر قرب منها وحضنها وهي كمان حضنته وقالت
شيرين بهمس: خليك حنين معايا مهما حصل حتي في خصامنا وخناقنا
اسر بغزل: هو في حد يبقي معاه انتي ويبقي قاسي معاها ، انتي بنسبالي قطعة مارشيملو ماشية علي الارض
شيرين ضحكت بخفوت وبعدوا راحت قالت
شيرين بحب: بدلتك جميلة ، شكلك علي بعضك جميل خالص
اسر ابتسم بخبث: جميل علشان بعيون محب وكدة
شيرين ضحكت: انت علي فكرة بتوقعني
اسر ضحك: الصراحة اة
شيرين ضحكت وهو كمل بحب واضح في عنيه: انتي كمان شكلك قمر جدا عن قرب وعن بُعد برضوا بس عن قرب انا غرقت في جمال ملامحك وفستانك والميك اب ، هحسدني عليكي
شيرين ابتسمت بعيون لامعة وقالت: دا برضوا علشان بعيون محب
اسر ضحك: بترُدهالي ؟؟
شيرين هزت راسها وهي بتضحك وسمعوا رضوان بينادي فنزلوا
برا
رضوان: يلا جهزوا الاكل
نجمه والبنات راحوا يجهزوا الاكل شوية وعز دخلهم
عز بخفة: انتوا هتقعدوا سنة علي متخلصوا انا جعااان
ميرنا بضيق: مش بنعمل اهو ولا بنلعب
عز بتحزير: احترمي نفسك بقا ، علشان انتي اخدتي عليا
ميرنا بضيق: وانا قولت اية
عز بحدة: انا قولت اللي عندي ، اسمعيه
ميرنا هزت راسها
سارة هزرت علشان تفك الجو: بطل اكل في السبمبوسة بقا
عز ضحك: هما أربعة اللي اكلتهم
نجمه ابتسمت علي هزارهم وان سارة قربت منهم بسرعة جدا ويعتبر بقت منهم ، عز خرج وهما شوية وخرجوا الاكل
علي السفرة
حمزة بخفوت: كنتي قمر انهاردة
نجمة ابتسمت: بجد ؟
حمزه علي وضعه: واللهِ ، كلهم قالوا إنك كنتي قمر انهاردة صح
نجمه بحب: اها بس منهم مش زي منك انت تختلف
حمزة ضحك بغيظ: عالسفرة ، طب انا عايز ابوسك الوقت
نجمه ضحكت بتوتر بعدين قالت
نجمه بغيظ: اسمع أما اقولك ، مش كل شويه ابوسك ابوسك انا بأحرج يا جدع انت
حمزة بحنق: عارف انك مش وش نعمة
مراد بخفة: حصل خير يا جماعة دا شيطان
نجمة ضحكت بكسوف وحمزة قال
حمزه ضحك بغيظ: ارمي ودنك بعيد عني
هدي ضحكت: مش عارفة مركز معاك لية
فريال بغيظ: علشان مش لاقي حاجة يعملها ، ولا عارف يدور علي عروسة حتي
مراد ضحك: مانا قولتلكم لقيت العروسة ، هي البعيدة تحس بس
نجمه همست لـ سارة: بت بيلمح
سارة بغيظ: يجي يقولي في وشي ، مش بتاعت تلميحات انا ، مش بفهمها اصلا
نجمه بغيظ: طيب ياختي
رضوان بهدوء: عايزكم في المكتب بعد الاكل
حمزه بخفوت: ابقي اطلعي انتي ارتاحي لو اتأخرت معاهم ، انتي تعبتي انهاردة
نجمه بحب: حاضر
قضوا العشا في جو عائلي لطيف ودافي وخلصوا راضوان اخد ابراهيم و الشباب وراحوا المكتب
في المكتب
رضوان: عملتوا اية في موضوع العميل
مراد: لسة ماشين وراه وهو لسة ماشي في السليم
رضوان: والصفقات اللي اتعملت ، مزانيتها اية
حمزة: هما تمام كويسين بس في تلاتة منهم جايين من غير مكسب ، بس هيشهروا شركتنا يعني
عند ميرنا
كانت في اوضتها والباب خبط
ميرنا: ادخل
عز دخل لقاها قاعدة عالسرير قعد جنبها
عز بحنية: زعلانة مني لية ، ومش نكشتيني اليوم كله
ميرنا بزعل: مش زعلانة
عز بهدوء: لا زعلانة ومخصماني باين عليكي قولي يلا
ميرنا بدموع: كلمتني ازاي في المطبخ
عز بحنية: مانتي اللي رديتي بطريقة مش كويسة و رديتي مرتين كمان مش مرة
ميرنا عيطت: انا كنت مضايقة من حاجة ، وضيقي طلع عليك
عز مسح وشها بحنية: طب اية مضايقك
ميرنا: البت صاحبتي اللي اللة يسامحها جابت 25 في الامتحان وانا 24 ونص والمفروض اننا حلين سوا
عز بشك: كل دا علشان نص درجه اية دا لا ثانية 24 ونص من كام
ميرنا بخفة: عايز الصراحة ولا بنت عمتها
عز بتوجس: الصراحة
ميرنا بحماس: من 50
عز تنح راحت قالت
ميرنا بغباء: اية دا مالك ، انا بقول بنت عمتها احسن
عز ضربها بالمخدة وقال
عز بغيظ: بت اية الدم اللي يلطش دا وداخلة علمي زفت علوم لية لما انتي فاشلة كدة
ميرنا بغيظ: شوف بتقولي اية ، ارد ازاي انا الوقت
عز بحنق: طب جايبة الدرجة دي ازاي وانتي في علمي علوم يا دكتورتنا
ميرنا بجدية: يا عزوز دي كلها بدايات انا هبهرك في الاخر
عز بحنق: هتبهريني اة طيب
ميرنا ضحكت: اسمع بقا يابو العزازيز
عز بغيظ: سامع ياختي قولي اللي عايزاة علي طول
ميرنا بخفه: طلب بسيط ياخ بسيط خالص ، انا عايزة عربية
عز بصراخ: نععم يااختى عربية اية ، أما انا اصلا مش عندي عربية
ميرنا بخفة: يابني اهدي ، قصدي يعني تكلم ابوك ، دا بقا فاتح شركة يابني وبقا غني ، مش بقر عليه علشان متفهمنيش صح
عز قام ومشي وهي بصتله بغيظ
ميرنا بصوت عالي: طب خاصمتك تاني يا عز
مراد كان خارج وشاف سارة قاعدة في جنينه البيت راحلها وقعد جنبها بهدوء
سارة بهدوء: اية قلة الذوق دي حضرتك
مراد بخفوت: دبش يخربيتك
سارة بغيظ: محتاج حاجة طيب
مراد: اه
سارة بغيظ: محتاج اية
مراد بهدوء: هو انتي دكتورة قلب ؟؟
سارة باستغراب: ليه
مراد بغزل: يعني تكشفي علي قلبي كل يشوفك ضرباته بتزيد
سارة ابتسمت بخفوت
مراد ضحك: بما انك مش بتاعت تلميحات ومش بتفهميها اصلا ، انا وقعت في حبك
سارة بصتله ببلاهه: هاا
مراد ضحك: هاا اية بحبك وعايز اتجوزك ونجيب عيال ونعمل اسره
ساره قامت مشيت بسرعه راح قال(اية بنت المجانين دي)
فوق عند حمزه ونجمه
حمزه دخل البلكونه كانت نجمة بتلون في لوحه
حمزه دخل قعد عالكنبة ونجمه كانت في التويلت شوية وخرجت وشها كان اصفر ودبلان حمزة جري عليها وسندها
حمزه بقلق: مالك وشك دبلان لية
نجمة بتعب: مفيش حاجة ، زودت شطة بس في الاكل لما كنت عند شيرين
حمزه بعتاب: طب وانا قولت اية ، مش قولت بلاش الشطة علشان بتتعبي منها
نجمة هزت راسها بتعب وهو رقدها عالسرير وشاف حرارتها لاقاها عالية الي حد ما
جاب شوية ماية و فوطة وفضل يعملها كمادات لوقت طويل واخيرا حرارتها نزلت ونامت ، شال المية و دخل اخد شاور شويه و خرج اخدها في حضنه ونام .
علي الساعة 4 الفجر .
حمزة صحي علي كلام متلغبط من نجمة بتقوله وهي نايمة ، شاف حرارتها كانت زادت تاني ، نزل وراح جابلها علاج ورجع
حمزه: نجمه نجمه قومي ، جيبتلك خافض للحرارة
نجمه بهزيان: مش عايزة يا حمزة ، عايزة انام
حمزه بزعل: طب اشربي العلاج بس ونامي
حمزه شربها العلاج وقعد جنبها
الصبح .
نجمه صحيت بارهاق لقت حمزة نايم وهو قاعد وجنبها بولة فيها فوطه عرفت انه عملها كمادات ، بصتله بشفقه وحب قربت منه وحضنته بجامد
حمزه اخد باله بحركتها صحي ، حط أيده علي جبينها وقال: عاملة اية
نجمه بحب: طالما انت جنبي هبقي بخير
حمزه بتحزير: شطة تاني لا مفهوم
نجمة هزت راسها وقالت
نجمه بحنيه: نام بقا انت سهرت طول الليل
حمزه: لا عندي شغل
نجمه: مش لازم يا حمزه تروح انهاردة خلي مراد يروح مكانك
حمزه بهدوء: عادي يانجمتي هشرب قهوه واروح
نجمه قامت بضيق: علي فكرة المفروض تقعد ، اقعد يا حمزه وخلاص دا يوم
حمزه: مش هينفع في صفقات عايزة تتراجع
نجمه: أجلها لبكره مش فيها حاجه
حمزه نفخ بنفاذ صبر: مش هينفع يا نجمة خلاص ، يلا علشان منتأخرش علي الفطار
نجمه طلعتله لبس بضيق وهو اخده لبس وخرج ونجمه لبست ونزلوا
تحت عالسفرة
ابراهيم: حمزه راجعت الصفقات
حمزه: لسه ، هراجعها انهاردة
رضوان: طيب و شد حيلك شوية
حمزة هز رأسه
نجمه بخفوت: هو مفيش غيرك في الشركه يعني
حمزه بخفوت زيها: دا شغلي انا
نجمه بضيق: ايوا بس بتتعب وجهده كبير عليك
حمزه بنفاذ صبر: خلاص بقا اسكتي ، بابا بيبص علينا
نجمه بصت لحمزه بحنق: وانا قولت حاجة غلط يعني
حمزه بحنق: انا قايم
حمزه قام
فاطمه بحنية: لحقت فطرت يا حمزه اقعد كمل اكلك
حمزه بص لنجمه وقال بهدوء: شبعت يا ست الكل الحمدلله
نجمه قامت: تعالا طيب هعملك قهوة
في المطبخ
حمزه: مش عايز قهوه
نجمه: انا اصلا مش هعملك قهوه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نجمة في الصعيد)
