رواية نجمة في الصعيد الفصل الخامس 5 بقلم ملك نصرالله
رواية نجمة في الصعيد البارت الخامس
رواية نجمة في الصعيد الجزء الخامس
رواية نجمة في الصعيد الحلقة الخامسة
نجمه كانت بترسم قامت وقربت من رهوانه ولسه هتحط أيدها عليها حمزه جه
حمزه: انتي بتعملي ايه ؟؟
نجمه بخضه: عااا كل مره تخضني في ايه
حمزه بضحك: اعملك ايه انتي اللي قلبك رهيف
نجمه بغيظ: لا مش رهيف ، انت اللي عامل زي العفريت بطب مره واحده كده
حمزه بغيظ: لسانك أطول منك ، وبتحدفي دبش ايه دا
نجمه: ربنا يخليك
حمزه بخفوت: ربنا ياخدك يا بعيده .
نجمه بغيظ: سمعتك عفكره
حمزه بضحك: هتعملي ايه يعني
نجمه بخبث: فاكر الصبح ؟؟
حمزه بشر: انا لسه مش حاسبتك عاللي عملتيه .. فاهدي كده وقولي انا هديت
نجمه بصتله ببرود وسكتت
حمزه بغيظ من برودها: وصلتي لحد فين
نجمه بحماس: رسمت رهوانه بس وبفكر اسلم اللوحه تبعها هي جميله ، بص كده عليها(وبتشاور)
حمزه التفت مكان ما بتشاور
حمزه: جميله ماشاءالله ، عايزه رأيي سلميها
نجمه بخفه: عارفه عارفه .. دانا اللي رسماها طبيعي تطلع جميله
حمزه بضحك: متواضعه خالص
نجمه بضحك: ربنا يخليك
حمزه بجديه: انتي بجد مش عارفه غير ربنا يخليك
نجمه بجديه: لا عارفه ربنا سترك وربنا يكرمك و ربنا يباركلك وتسلم بس بنساها
حمزه بضحك: يخربييتك هما جابوكي منين
نجمه بغباء: منين ازاى ؟؟
حمزه بضحك: قصدي يعني انتي المفروض عايشه في القاهره بس بكلامك دا واكنك من حي السيده زينب
نجمه بضحك: تعرف انا كان نفسي اكون من السيده زينب ، اصلا بتفرج علي مسلسلات تكون متصوره في السيده زينب
حمزه بجديه: تسيبي القاهره وتقولي حي السيده زينب
نجمه: ايوا انا بحب السيده زينب جداا انا عمري ما روحتها بس شفتها في التلفزيون جميله جدا ، وتحس الناس هناك كلهم اخوات كده ، وكمان علشان انا نفسي اكل كبده من عربيه هناك
حمزه بضحك: كبده من عربيه !
نجمه: اه يابني دي بتكون حلوه خالص هي اه نعم بتاعت كلاب وقطط وحيوانات بس بتبقي جميله والله
حمزه بضحك: طيب عارفه اسم العربيه ؟؟
نجمه بحماس: اوماال دانا حفظاه في النوت بوك هو والعنوان علشان لما اروح هناك منساش
حمزه: امم هي أذواق .. الصعيد حلوه ؟؟
نجمع: اه جميله برضوا انا حبيتها
حمزه: اومال مكنتيش راضيه تيجي ليه ؟؟
نجمه بغيظ : بص بصراحه كده منك
حمزه باستغراب: مني !! ليه ؟؟
نجمه: انت كنت غتت جدا يا استاذ حمزه .. فاكر في الاجازه اللي جيتها وخانقنا راحت ستو قالت مش هنيجي هنا تاني وجدو رضوان يبقي يجيلنا هناك في القاهره
حمزه: انتي لسه فاكره
نجمه: ااه وكمان كنت كل ما تشوفني تقفل وشك ، كأني قاعده عدماغك
حمزه: مانتي برضوا كنتي غبيه اقولك متلعبيش في الشارع أنتي مش صغيره اجي الاقيكي بتلعبي بالصورايخ مع العيال
نجمه بضيق: وفيها ايه يعني ما كلهم كانوا بيلعبوا
حمزه بجديه: اه هما صغيرين انتي كبيره
نجمه: انا كان عندي 16 سنه عمي وكنت صغننه مش عندي 90 سنه
حمزه بضيق: انتي اكيد كانوا بيأكلوكي تبن وانتي صغيره
نجمه بضيق: الله يسامحك
حمزه سكت شويه وبعدين قال
حمزه: انتي ليه بتقولي “عفكره ، عدماغك ، تبعي ، عالشجره” بتوفري الحروف ليه هي بتخلص عندك ؟!
نجمه ضحك: كنت فاكره كده وانا صغيره أن الكلام بيخلص فكنت بقعد ساكته ، علشان لما اكلم نفسي الاقي كلام
حمزه بضحك: ثانيه انتي كمان بتكلمي نفسك
نجمه بضحك: اه يابني دانا عامله 3 شخصيات بتكلم معاهم وكل واحده ليها إسم .. وكفايه بقا كلام علشان كده كل أسراري هتطلع ومش هعرف المها
حمزه بضحك: تمام
نجمه بفضول: انت بتشتغل ايه ولا عطول قاعد في البيت كده
حمزه: لا ياختي مش عطول قاعد في البيت ، انا بساعد والدي هنا ودكتور في كليه سياسه واقتصاد
نجمه بإعجاب مش واضح: اه ماشاءالله .. شاطر
حمزه بغيظ: ايه شاطر دي .. بتكلمي ابن اختك
نجمه: خلاص مش قصدي جات كده
حمزه: انتي خلصتي
نجمه: اه
حمزه: طيب
نجمه: تمام انا لميت ادواتي وهطلع انام .. سلام
حمزه: سلام
حمزه قعد جنب رهوانه وبيقول
حمزه: انا ضحكت انهارده كتير اوى ، والله تعبت ، بس دمها خفيف ، وعلي نياتها ، كنت فاكرها مش كده خالص ، بس هي طيبه احسن من شيرين بنت عمي ابراهيم ، ما خلاص يا حمزاوي في ايه
بعدين قال
حمزه: تعالي يا رهوانه امشيكي شويه
صباحا ..
نجمه: جدو هي فين الكليه
الحاج رضوان: استني حمزه رايح الكليه هيوصلك معاه
نجمه: لا همشي انا
الحاج رضوان: لا يا حبيبتي ، هي هي الكليه يبقي تمشي لحالك ليه
(ملحوظه: الجامعه فيها كذا كليه ، مثلا كليه تربيه ، كليه علوم ، كليه سياسية واقتصاد ، كليه فنون جميله وكده)
نجمه: طيب مانا كده هتأخر
الحاج رضوان: حمزه جه اهو .. حمزه وصل نجمه معاك الكليه وعرفها قسمها وهتالها الجدول
حمزه بهدوء: حاضر
في العربيه ..
موبايل نجمه رن وكانت صحبتها مريم وهو قعد يبص علي ريأكشنز وشها وحركات أيدها وهي بتكلم
نجمه بصراخ: اخيراااا يا كلب البحر افتكرتيني
حمزه بخضه: يخربيتك في ايه
نجمه مش معاه خالص وبتكلم صحبتها
نجمه: واحشتيني كتير خالص
مريم بزعل: وانتي والله .. كده متجيش الكليه يا نجمه وقافله موبايلك ليه
نجمه بتوتر: هو فصل وانا نسيت اشحنه بالله ، سبته عالشحن قبل منام وليه مسكاه
مريم: طيب انتي فين ، مش جيتي الكليه ليه انهارده كمان
نجمه بتوتر: علشان انا سافرت الصعيد
مريم: الاجازه لسه مجاتش .. رايحين زياره لحد قريبكم يعني ؟؟
نجمه بتوتر: لا
مريم: اوماال ؟؟
نجمه بتوتر: احنا نقلنا الصعيد وجدو رضوان نقل ورق الكليه هنا وستو وافقت وهنقعد هنا عطول
مريم بزعل: طب كنتي كلميني قبل ما تمشي اسلم عليكي حتي .. سلام يا نجمه
نجمه بسرعه: بالله استني مش تقفلي .. والله كنت اتشغلت بتجهيز الشنط وكمان ستو قالتي بليل أننا هنمشي والصبح مشينا ولا لحقت افكر والله
مريم بزعل: برضوا يا نجمه ، يعني بالله عليكي انتي مش سلمتي علي حماصه و عوكل قبل ما تمشي
نجمه: …..
مريم بزعل: شفتي طالما سكتي يبقي سلمتي عليهم
نجمه بزعل: والله هجيلك وهقعد معاكي وهراضيكي حقك عليا بقا
مريم: إن شاء الله .. خدي بالك من نفسك .. سلام
نجمه بصت لـ الموبايل بزعل
حمزه كان سامع المكالمه كلها لأن الصوت كان عالي
حمزه بهدوء: هي صحبتك اوي كده
نجمه: اه صاحبتي الوحيده اصلا
حمزه: امم .. انتي سلمتي علي حماصه و عوكل بجد
نجمه افتكرت اللي حصل
Flash back ..
نجمه: بسبس حماصه تعالي اقولك
حماصه: عامله ايه من امبارح مش سألتي فيا
نجمه: الحمدالله .. معلش حقك عاليا انا غلطانه
حماصه بحب: ولا يهمك يا نجمتي .. انتي زعلانه من حاجه ؟؟
نجمه: …..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نجمة في الصعيد)
