رواية نجمة في الصعيد الفصل الثاني عشر 12 بقلم ملك نصرالله
رواية نجمة في الصعيد البارت الثاني عشر
رواية نجمة في الصعيد الجزء الثاني عشر
رواية نجمة في الصعيد الحلقة الثانية عشر
نجمه صحيت علي صوت تخبيط علي الباب
نجمه: ايوا
سعديه: يلا علشان تفطروا بيقولكم الحاج رضوان
نجمه بهدوء: حاضر يا سوسو
سعديه مشيت ونجمه دخلت البلكونه بعدين شالت كوبيات الشاي ونضفتها بعدين دخلت المطبخ وغسلت الكوبيات بعدين راحت عند حمزه
نجمه بخفوت: بس بس حمزه يا حمزه
حمزه بنوم: امم
نجمه: الساعه 9 يلا قوم علشان ننزل نفطر
حمزه: هنام شويه كمان وهقوم
نجمه: علشان انت اصلا بتصحي الساعه 8 اصحي بقا الساعه 9 ، وبعدين انت نايم عالارض ليه ؟؟
حمزه: معرفتش انام علي الكنبه وضهري وجعني
نجمه: طب قوم طيب نام علي السرير ساعه وانا هصحيك
حمزه نام علي السرير و هي دخلت اخدت شاور
نجمه: حمزه حمزه يا حمزه
حمزه بنوم: عايزه ايه تاني يا نجمه
نجمه: قوم بقا الساعه خلصت وباباك بعتلنا تاني
حمزه بحنق: اصلا الساعه لسه مخلصتش
نجمه بخفه: بصراحه عدي نص ساعة بس باباك واللهِ بعتلنا
حمزه قعد علي السرير شويه بعدين بصلها وقال
حمزه: صباح الخير
نجمه: صباح الخير ، جهزتلك الحمام وطلعتلتك لبس
حمزه بهدوء: تسلمي
حمزه دخل اخد شاور ونجمه لبست جلباب سعودي وكانت بتلف الطرحه حمزه خرج لابس بنطلون بس من غير تيشيرت وكان بينشف شعره راحت نجمه صرخت ودارت عينها
نجمه بصراخ: يخربيتك ايه دا البس حاجه
حمزه اتخض: اوبس انا نسيت والله إن في حد معايا انا اسف
نجمه بصراخ: طب البس حاجه طيب
حمزه بضحك: خلاص لبست شيلي ايدك
نجمه شالت ايد وبصت بعين ضيقه حمزه قعد يضحك راحت شالت الايد التانيه
نجمه بحنق: ابقا البس حاجه ياعم في كائنه عايشه معاك
حمزه بضحك: كائنه !! حاضر هبقى البس حاجه لو واحده غيرك كان اعجبت بالفورمه
نجمه بكذب: فورمه ايه اسكت يا عم دانا خوفت
حمزه بغيظ: خوفتي ازاى يعنى
نجمه بضحك: سوري يعني بس انا تور هارب من حديقه الحيوان انت المفروض تخس
حمزه بحنق: انا مش هرد عليكي
نجمه ضحكت وقعدت تلف الطرحه لقت حمزه واقف وراها وبيبصلها
نجمه بتوتر: محتاج حاجه ؟؟
حمزه بهدوء: لا .. بشوف بس شعرك هيبان من الطرحه ولا لا
نجمه افتكرت لما شعرها بان قبل كده قالها ايه فراحت قالت
نجمه بحده: انا مش ببين شعري ، وبعدين انت مالك انت
حمزه ببرود: انا جوزك حتي لو علي الورق بس انا جوزك يعني اللي اقولك عليه تسمعيه
نجمه مش ردت وكملت لف حجابها وقالت
نجمه بضيق: يلا علشان ننزل
حمزه مسك أيدها
نجمه بحده: بالله العظيم انا مش مرتحالك
حمزه ببراءة: ليه بس
نجمه: لازم تتنيل تمسك ايدي
حمزه بتريقه: مش عارف طالعه في نفسك كده تقوليش ايد الاميره ديانا مثلا
نجمه بغرور: وتيجي ايه ديانا جنبي
حمزه بخفه: هي بصراحه من ناحيه تيجي ولا لا مش عارف ، بس ايش جاب القمر لـ النجوم
نجمه بصتله بعدين مش ردت
حمزه بحنيه: انتي القمر علي فكره
نجمه ابتسمت بخفوت وقالت بصوت واطى(يخربيت حنيتك اللي هتوقعني فيك دي)
تحت..
الجده بضحك: كل دا بقالنا قد ايه بعتينلكم
نجمه بضحكه غبيه: معلش يا ستو حمزه ضهره وجعه م…
حمزه بمقاطعه: وجعني من الرقص ضهري وجعني وجعني من الرقص امبارح
الحاج رضوان بهدوء: طيب اقعدوا كلوا يلا
قعدوا بعدين حمزه قال
حمزه بحنق: كنتي هتقولي ايه
نجمه بكذب: كنت هقول اللي انت قولته
حمزه: لا واللهِ
نجمه بغباء: اه واللهِ
حمزه ابتسم وهي كمان ابتسمت بعدين خلصوا اكل وقعدوا كلهم مع بعض يتكلموا
حمزه بخفوت لنجمه: انا هرجع حماصه لمامته علشان هي رنت امبارح وانا قلتلها هيحضر فرح نجمه وهرجعهولك
نجمه بحزن: مش هينفع يقعد يومين كمان
حمزه بحنيه: هو اكيد وحش مامته هرجعه ونخلي عوكل واسبوع كمان ابقي اجيب حماصه يقعد معانا
نجمه: تمام هو انا ينفع اروح معاك ، اسلم علي جيرنا
حمزه: ايوا هاخدك معايا هنمشي علي الساعه 4
مراد بغيظ: ما خلاص يا حمزه كفايه وشوشه وبعدين راعي أننا سناجل يا جدع
حمزه بضحك: انت كمان بقيت بتقر زي عز
عز بحنق: ما عز قاعد في حاله اهو
ساره بخفوت: بقولك يا ميرنا مين الكاريزما دا
ميرنا: انهي واحد
ساره: اللي قال إننا سناجل
ميرنا بضحك: بتكراشي علي اخويا قدامي كده
ساره ضحكت بتوتر: هو اخوكي ما شاء الله
ميرنا بضحك: اه هو واللي جنبه ، هو اسمه مراد واللي جنبه عز
شيرين بحنق: بتكلموا في ايه من ايه
ميرنا شاورت علي ساره: بتكراش
شيرين بفضول: علي مين
ساره بحنق: هو في ايه مش بكراش هو دمه خفيف وخلاص
شيرين بضحك: ولو بتكراشي يعني عادي بتحصل في احسن العائلات
ساره ضحكت وبصت علي مراد لقيته بيبصلها راحت بصت في الأرض
ساره: بصي اخوكم المش محترم بيبص عليا
ميرنا بضحك: لا واللهِ
ساره بإحراج: اه بصي عليه كمان
ميرنا وشيرين بصوا علي مراد وقعدوا يضحكوا راح بعد وشه بإحراج
حمزه بهدوء: انا هاخد نجمه يا بابا وهروح القاهره ارجع حماصه
الحاج رضوان: طيب هتمشي امتا
حمزه: علي الساعه 4
الحاج رضوان: ماشي روح انت وولاد عمك استناني في الاستراحه وهجيلك انا وعمك
حمزه وعز و مراد راحوا الاستراحه كان أسر لسه نايم شويه ونزل
الحاج رضوان: شيرين حضري فطار لـ أسر
شيرين بخفوت: حاضر
اسر بحب: ربنا يخليك يا عمي
الحاج رضوان: علي ايه يا ولدي ، انت عندي مكانتك زي مكانه حمزه ومراد وعز بالظبط
اسر بحب: تسلملي
الحاج رضوان: روح اقعد علي السفره وهما هيحطولك الفطار وتعالي علي الاستراحه
رضوان وإبراهيم مشيوا وأسر قعد علي السفره شويه وجات شيرين هي وسعديه بيحطوا الاكل وأسر كان بيبص لشيرين
شيرين في نفسها (بطل تبصلي بطل تبصلي هتوتر والاكل هيدلق كاتك نيلة في حلاوتك)
اسر بهدوء: شكراً
شيرين بخفوت: عفواً
سعديه: الشكر لله
شيرين وسعديه دخلوا
اسر اكل و قام ونجمه شالت الاكل
عند البنات كانوا قاعدين في شقه نجمه
ميرنا بفضول: حمزه قالك ايه وانتوا بترقصوا سلو
نجمه بكسوف: احم بلاش يا جماعه انا بتكسف
ساره بضحك: عدي من 1 لـ 3 وقولي
نجمه سكتت شويه بعدين قالت
نجمه بكسوف: بصي قالي القُرب فيه مُخاطره
وعنيكي كات خَطره
ولا تلتوميت خاطره
قدرت توّفيكي
انا كنت عادي بعيش
دلوقتي عايز اعيش
وما بين بعيش واعيش
الفرق كان فيكي♥️.
شيرين بضحك: كل دا يا زيدي يا زيدي
نجمه ضحكت
ساره: ولا لما حضنك اول ما شافك حمزه دا جامد
نجمه بإحراج: كفايه يا جدعان وشي سخن
ميرنا بضحك: حقك يااختي حقك
نجمه بحنق: انتي بتقري زي عز ، دي جينات وراثية بقا
شيرين بضحك: تخيلي تسمعك هدي
نجمه بخوف: لا ياست وتسمعني ليه الطيب احسن
شيرين: طب كنت عايزه اقول حاجه
ساره: قولي
شيرين بتوتر: أسر اللي هو صاحب حمزه ومراد دا عارفينه
كلهم: اه
شيرين: في الفرح جالي كول لما روحت ارد علي وانا راجعه قالي بطلي رقص الشباب بتبص عليكي ومن وقتها وهو بيفضل يبصلي يعني امبارح لما طلعت الاكل لمراد هو كان باصصلي و برضوا لما عمو رضوان قالي حطيله الفطار كان بيبصلي انا بضايق
ميرنا بخبث: ولا بتكراشي
شيرين بتوتر: اكراش ايه يا ميرنا ، اسكتي يابت
ساره: بصي سبيه يبص طنشيه
نجمه: انا برضوا بقول كده
شيرين: طيب
عند الشباب..
رضوان: انا كده نقلت ورق الكليه وكل حاجه ظبطها وانت يا ابراهيم هنبدا شركه الاسترارد والتصدير بتاعت العربيات اللي كلمتني فيها كده مراد وحمزه هيروحوا يشوفوا اراضي للبيع في مكان يناسب الشركه ونشتري ونبني علي طول ايه رأيكم
ابراهيم بحب: اللي تشوفوا يا رضوان
رضوان: يبقي علي خيره الله
اتكلموا كتير عن الشركه الجديد وعدا وقت طويل واخيرا رجعوا
حمزه بهدوء: نجمه تعالي فوق
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نجمة في الصعيد)
