رواية نجمة في الصعيد الفصل الثالث والثلاثون 33 بقلم ملك نصرالله
رواية نجمة في الصعيد البارت الثالث والثلاثون
رواية نجمة في الصعيد الجزء الثالث والثلاثون
رواية نجمة في الصعيد الحلقة الثالثة والثلاثون
زينه بتوتر: انا زينة مليش اهل احم خارجة من ملجأ يعني
زين: واخوكي برضوا يعني كان خارج معاكي
زينة كملت: لا مش اخويا يعني …. انا لما خرجت من الملجأ كان عندي 16 سنة مكنتش اعرف حد اشتغلت الاول سكرتيرة دكتور في عيادته بما بعرف اقرأ وروحت أجرت اوضة فوق السطوح في عشوائيات القاهره بعديها قابلت ياسين هو كان صغير تقريبا عنده 4 سنين وكان قاعد قدام مسجد فأنا اخدته وعاش معايا وسميته ياسين
زين استغرب: اخدتيه ليه اهله اكيد كانوا بيدورا عليه
زينه بهدوء: لا محدش دور انا حطيت لوحة عند الجامع بعنواني لو عايزين الطفل هو موجود ومحدش سأل
زين كمل: تقومي وخداه دا مسؤلية وانتي حياتك مش احسن حاجة علشان تهيأيله حياة كريمة
زينه بضيق: يعني كنت اسيبه في الشارع عربية تخبطه وبعدين كان بيعيط ومحتاج ياكل والناس حاولت معاه ومعرفوش واخد عليا اسيبه ازاي
زين بحدة: وبتبيعي مخدرات لية انتي وصلتي اصلا لـ حسين ازاي
زينه بضيق: مبعتهاش بمزاج اللي خلفوني
زين قاطعها بهدوء مخيف: طريقة كلامك تتظبط
زينه ببرود: تمام يا باشا هو الدكتور اللي كنت شغالة عنده مشاني ومعرفتش ادفع الايجار لراجل صاحب الاوضة اللي كنت قاعدة فيها ، عزلت وروحت الحي اللي فيه حسين وهو اخدني انا واخويا المخزن بتاعه وأنا روحت علي أساس هلاقي نيل ..قطعت الكلمه وقالت.. اقصد شغل وسكن اقعد فيه لقيته اخد اخويا رهينه وقعدنا في سكن كبير وكان في بنات وشباب معايا برضوا وفهمني اني هسرح بالمخدرات والا مشوفش اخويا تاني
زين كمل: في حد تاني في الشبكة دي غير حسين
زينة بضيق وتوتر: انت هتعرف ترجعلي اخويا ولا بعد دا كله اخويا مش هيرجع
زين بهدوء: هرجعه بس خلينا نكسب وقت واحكي علي طول
زينة هزت راسها وكملت: هو حسين بس اللي بيدير الشبكة بس هو بيوزع لناس زي المعلم شعبان ودا في شارع***** والملعم حسين في شارع**** المخزن الأرض ناحية***** والمخدرات الباقية اللي في المخزن بيسرحوا بيها
زين: في مخابئ سرية في المخزن دا
زينة فكرت شوية: لا هو كان بيقول قدامنا أنه سايب الدنيا سداح مداح علشان محدش يشُك فيه
زين: يبقي فيه
زينه: انت ادري ..كملت بتوتر.. انا هتسجن بعد كل اللي قولته دا ولا هاخد براءة
زين ببرود: هتتسجي مدة صغيرة علشان عورتي سعاد
زينة بانفعال: ما هما كانوا هيعوروني لو قعدت ساكته
زين بضيق: لا ماكنوش هما بيهوشوا بس
زينة في نفسها بغيظ: ظلم واللهِ العظيم ظلم استحملى يا زينة هي جات عالحوار الفكسان دا
زينة بررود: اخويا هيروح فين لما اتسجن
زين بهدوء: يدور علي مكان يقعد فيه
زينة بضيق: ينفع يقعد في الزنزانة معايا
زين هز راسه بهدوء وقال: يا عسكري جهزلي القوة ..بص لزينه.. تعالي ورايا
عند نجمه
شرين بغيظ: أجلوا الخطوبه اجلوها
نجمه بضيق: اية دا لية اجلوها طيب
شيرين: علشان انهاردة مشغولين في الشركة
ميرنا: انا نفسي اشوف الشركة دي بجد
نجمه: تصدقي وانا بس نروح عغفله ونفاجئهم
شيرين بخفة: اية عايزة تطبي علي حمزة
نجمه ابتسمت: حمزة مش بتاع الحركات دي انا بس اللي في قلبه
ميرنا بخفة: ايوة ياعم الواثق
في الشركة عند مراد
مراد بضيق: عز انت يااض
عز بنوم: عايزة اية يا كوكو
مراد ضربه في كتفه بحدة: كوكو مين يااض قوملي
عز قام بخضة: يخربيتك في اية
مراد بحدة: ولا انت عمرك روحت لكوكو دي بيتها
عز بغيظ: اروحلها فين ياعم اية تفكيرك الشمال دا انا وهي نيلة اخواااااط واللهِ
مراد كمل: اومال بتقول اسمها وانت مخمود لية
عز بضيق: علشان هي اللي بتكلم معاها طول النهار وطول الليل ارتحت كدة
مراد بغيظ: حل عن البت بقا يا عز
عز بضيق: قولتلكم انا وهي صحاب هي اه نعم ابوها مطلق امها وهي عايشة لوحديها بس مش قليله ادب يعني واللهِ هي محترمة خالص
مراد بهدوء: انا مقولتش عليها حاجة انا بشوفها في التدريب في حالها بس انا بتأكد بس
عز: ماشي انا رايح لحمزاوي
مراد ضحك: مترخمش عليه هو مش طايق نفسه
عز ابتسم بخبث: يبقي جالي في ملعبي
زين اخد زينة ووداها شقته كانوا واقفين عالباب
زين بتعجب: تدخلي يلا هتفضلي مكانك
زينة بتوتر: مبلاش
زين ببرود: انا مش هاكلك وبعدين انا همشي واسيبك هنا وحدك
زينة بهدوء: انا مش خايفة منك
زين ببرود: اومال
زينة بضيق: عادي انا بصراحة كدة عايزة اروح معاك
زين بزهق: مش طالع رحلة انا ومينفعش
زينة بغيظ: عارفة انها مش نيل… ..رجعت في كلامها.. عارفة انها مش رحلة بس انا عايزة اروح معاك
زين ببرود: ايوة ودا لية بقا هتحمينا يعني ولا هتعملي اية
زين بغيظ في سرها: امسكي نفسك يا اهدا زينة واتكلمي بهدوء خالص
زينة بهدوء مصطنع: ياباشا هسلم علي صحابي اللي هناك دول عاشوا معايا اربع سنين وتقريبا مش هشوفهم تاني ..كملت بغيظ.. علشان هتسجن
زين ببرود: مليش دعوة لو حصلك حاجة
زينة هزت راسها
في الشركة
حمزة موبايله رن كانت نجمه
حمزه بحب: واحشتيني
نجمه بحب: وانت يا حمزاوي اتأخرت ليه
حمزة بهدوء: انهاردة هنسلم طلبية مهمه
نجمه بحنية: ربنا معاكم يارب كُل طيب حاجة واشرب عصير برتقال علشان متتعبش
حمزة بحب: اكلت يا نجمتي شوية وهشرب عصير حاضر المهم كُلي انتي
نجمه ضحكت: باكل ياخويا بقيت دبة
حمزة ضحك: هتطلعي الواد دب يا نجمه ارحمي شوية
نجمه كشرت: اخس عليك بتعد عليا الاكل ولا اية يا حمزاوي
حمزة بخفة: إطلاقا
نجمه بخفة: اشطااات هاتلي حاجة حلوة وانت جاي
حمزة بحنية: من عيوني
نجمه بحب: تسلملي عيونك وهات چيلي كولا
حمزة ابتسم: حاضر
نجمه بحب: حضرلك الخير يارب ترجع بالسلامه
حمزة: الله يسلمك
حمزة قفل مع نجمه شوية وعز دخل
عز بهدوء: حمزاوي
حمزة بغيظ: قولت كام مرة تخبط قبل ما تدخل
عز بخفة: كتير بس انت عارف اني مش متربي صح
حمزة بصله بغيظ: جاي لية
عز كمل: ارزل عليك شوفت حد صريح قد صراحتي
حمزة بغيظ: عز انا مش طايق نفسي
عز ابتسم بغباء: سبحانه نفس الكلمه اللي مراد قالها كدة انا جيت في الوقت المناسب لرزالتي
حمزة ابتسم: هتقعد معايا يعني
عز هز راسه ببلاهة فراح حمزة قام وقعد جنبه: راجعلي الفايلات دي يا بطل فاضل نص ساعة ونسلم الطلبية
عز بحسرة: لا بقا واللهِ الصبح راجعت خمسة وبجد مش قادر
حمزة كمل: تراجعهم ولا تخرج
عز بغيظ: اراجعم ياخويا بكرة يبقالي مكتب واطردكم منه كدة ، الايام بتدور
حمزة بصله بكيد ورجع قعد مكانه
في احد احياء القاهرة البسيطة
زينة بتوتر: بقولك يا باشا
زين بضيق: اهري
زينة لسة هتتكلم سمعوا ضرب
زين بصلها بحده: انتي متفقة علينا يا روح امك
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نجمة في الصعيد)
