رواية نجمة في الصعيد الفصل التاسع عشر 19 بقلم ملك نصرالله
رواية نجمة في الصعيد البارت التاسع عشر
رواية نجمة في الصعيد الجزء التاسع عشر
رواية نجمة في الصعيد الحلقة التاسعة عشر
حمزه قرب منها وحضنها غصب عنها راحت هي عيطت
نجمه بعياط: ابعد عني ، انا مش طايقاك يا حمزه
حمزه بهدوء: مش طيقاني مش طايقاني ، بس مش هسيبك
نجمه بخنقه: بطل تمثيل ، انا اتخنقت من كذبك و تمثيلك
حمزه بصدق: طب واللهِ العظيم ما في بكذب ولا في بيني وبين ميرنا حاجه ، دي اختي الصغيره
نجمه بطلت عياط لما استشعرت نبره الصدق اللي بيتكلم بيها وقعدت علي طرف السرير بارهاق وقالت
نجمه بصوت متقطع: طب ليه طريقتك معاها الفتره اللي فاتت
حمزه حط أيده علي رأسه من ورا وقعد يلعب في شعره وبص في الأرض
نجمه بحده: قول بقا ولا بتدور علي كذبه جديده
حمزه ضحك: انتي علي فكره ظلماني
نجمه بصتله بعتاب
نجمه: ليك نفس تضحك
حمزه بهدوء: هحكيلك كل حاجه ، انا بس كنت
حمزه سكت بتوتر
نجمه بضيق: سكت ليه ؟
حمزه بتوتر: نجمه انا بحبك
نجمه ضحكت بتعب: يا سلام ، لا بجد انا كده اقتنعت انك مفكرني غبيه
حمزه بصلها بضيق
حمزه: انتي كده فعلا غبيه ، بقولك بحبك ، انا اصلا عملت كده علشان اتنيلت حبيتك ، يعني اتفقت مع ميرنا نمثل أننا الي حد ما بنحب بعض ، ودا يخليكي حتي تلمحي انك بتحبيني واخد خطوه واعترفلك ، بس الموضوع كله جه بنتيجه عكسيه ، بس واللهِ بحبك ومحبتش غيرك ولا هحب غيرك ، حبيتك قبل جوازنا اصلا
نجمه بصت في عيونه علشان تشوف بيصدق ولا بيكذب عليها
حمزه بتريقه: يعني لما تبصي في عيني هتعرفي بكذب ولا لا
نجمه بغيظ: اه اسكت انت ، وبعدين انت واقع من زمان
حمزه ضحك بتوتر: طب وعرفتي
نجمه مش ردت
حمزه: طب عرفتي امتا اني بحبك
نجمه ابتسمت: لما عينك بعتت سلام
حمزه بخبث: وعرفتي امتا انك بتحبيني
نجمه كملت: لما قلبي بقا يستني سلام من عينك
حمزه بصراخ: يعني بتحبيني اهو
نجمه اخدت بالها هي قالت ايه
نجمه اتوترت: يخربيتك في ايه
حمزه حضنها: لما بتحبيني سايباني كل دا ليه
نجمه بخبث: لا دا احب اخوات مش اللي في بالك
حمزه بعد وبصلها: بتتكلمي جد
نجمه بغيظ: اه ، دانا هطلع عينك يا حمزه عاللي عملته فيا
حمزه ضحك: قلبك اسود
نجمه: مش اسود منك
حمزه قرب منها وقال بحنيه: حقك علي قلبي
نجمه بصتله بتوتر: حمزه انت بجد بتحبني ؟؟
حمزه بصدق: و واللهِ ما حبيت غيرك
نجمه بهدوء: طب والطلاق
حمزه ضحك: لا طلاق ايه بقا ، عوض الله عليكي ، هتكملي حياتك معايا
نجمه ضحكت: و واثق كده ليه
حمزه ابتسم بتوتر: علشان انتي بتحبيني زي ما بحبك واللي بيحب حد مش بيبعد عنه
نجمه بخبث: عارف باباك كان عايزني ليه
حمزه: ليه
نجمه: علشان قالي لو مش متوافقه مع حمزه وعايزه تطلقي انا اطلقك منه
حمزه بهدوء: و انتي قولتي ايه
نجمه ببساطة: وافقت
حمزه بزعيق: نعم يا اختي
نجمه خافت من صوته: صوتك صوتك ، واللي سمعته هو اللي حصل
حمزه حاول يهدي نفسه: وافقتي بجد يا نجمه
نجمه: اه هو الموضوع دا فيه هزار
حمزه: يعني عايزانا نطلق !
نجمه بخبث: اه ومتخافش انا مش هطلع شكلك وحش قدام حد انا هقول محصلش نصيب وخلاص
حمزه بحده: طب طلاق مش هطلق ، ارتاحي بقا
نجمه بخبث دخلت المطبخ وهي بتقول: هخلعك
حمزه بصلها بغيظ: انتي مش كنتي مش قادره تمشي من شويه
نجمه بكيد: مانا دورت كلام باباك في دماغي ولقيتني حسيت براحه غريبه كده بعد مفكرت في حوار الطلاق دا
حمزه تغاضي عن كلامها هو عارف أنها بتحبه وبتقول كلام تطلع بيه غيظها وخلاص
حمزه بخفه: انتي بتعُكي ايه كده
نجمه بخنق: بعُك ؟! مش هدوقك بعد ما اخلص
حمزه بتحدي: لا هدوق هشوفي
نجمه بصتله بغيظ وهو قعد علي الرخامه بتاعت المطبخ وغني
حمزه: وعرفت قيمتك لما بعدت ورجعت بعد فراق ، جربت اعيش من غير هواك وادي النهايه ، خليك معاياا ، خليك معاياا يا حبيبي مهما كان ، خليك معاياا ، خليك معايا يا حلم عمري اللي في خيالي من زمان♥️.
نجمه ابتسمت بخفوت
حمزه ابتسم: ضحكت يبقا قلبها مال
نجمه بابتسامه بتحاول تداريها: لا لسه مش مال
حمزه ضحك: لا مال
نجمه بصتله بغيظ
حمزه بخفه: انتي بتعُكي ايه بجد
نجمه بخفوت: هقولك بعُك ايس كوفي
حمزه بخفه: اعمليلي معاكي
نجمه: مانا بعملك علشان هنتفرج عفيلم
حمزه ابتسم بحب: صالحتيني ؟؟
نجمه بزعل: لا لسه واخده علي خاطري منك ، بس هنقعد علشان بقالنا كتير مش قعدنا سوا
حمزه هز رأسه بزعل وخرج قعد مكانهم عالكنبه
نجمه جابت الايس كوفي وقعدت جنبه راح شدها في حضنه
حمزه بهمس: مكانك في حضني ، مهما اتخاصمنا متبعديش عنه
نجمه بصتله بتوتر: والمفروض انا أضعف بقا وكده
حمزه ابتسم: تقريبا
نجمه ابتسمت: انا فعلاً ضعفت
حمزه باس راسها بحنيه
سكتوا بعدين نجمه قالت
نجمه بخفوت: كان واحشني الكلام معاك
حمزه ابتسم بهدوء: وانتي كلك علي بعضك كنتي وحشاني ..وكمل بخبث.. والاحضان دي بقا اكتر حاجه كانت واحشاني .
نجمه بغيظ: سافل سافل مفيش كلام
حمزه ضحك وهي ابتسمت ، وسكتوا تاني
حمزه همسلها: بحبك ، وعارف انك بتحبيني بس بتكابري
نجمه ابتسمت: ايه مخليك واثق كده
حمزه: عيونك👀.
نجمه: ……..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نجمة في الصعيد)
