رواية نجمة الأدهم الفصل الرابع 4 بقلم زهرة الربيع
رواية نجمة الأدهم الجزء الرابع
رواية نجمة الأدهم البارت الرابع
رواية نجمة الأدهم الحلقة الرابعة
بقولك ايه متيجي نعمل امتحان للشطان دلوقتي يمكن يكون ذاكر و شد حيلو شويه
نجمه حاولت متبتسمش وقالت بحده مصتنعه..اخرج بره يا ادهم..اخرج حالا خليني اكمل لبس
ادهم ابتسم وشدها لحضنه بقوه وقال…هطلع…بس بوسيني الاول مره واحده بس
نجمه بتبصلو بغيظ وقالت..باستك عقربه اوعى سبني
ادهم بقى يشدد من مسكتو ليها وقال…يلا متتعبنيش معاكي مش هسيبك الا لو بوستيني
نجمه حاولت تزقو او تبعد مقدرتش اتنهدت وقالت…طيب…طب غمض عنيك
ادهم ابتسم وغمض عنيه ونجمه قربت من خده براحه وصرخت باعلى صوت عندها في ودنو
ادهم سابها بسرعه وحط ايده على ودنو وقال..اااااه…يا مجنونه…حرام عليكي ودني طارت
نجمه ضحكت وجريت بعيد وقالت..احسن علشان تتربى…سافل
ادهم ضحك وقال..يا مجنونه انا جوزك…بلاش هبل انا مش هسكت عليكي كتير
بقلم…زهرة الربيع
نجمه ابتسمت بسخريه وبقت تلبس البلوزه بتاعتها وقالت …اولا حكايه جوزي دي محتاجه مفتي جمهوريه ..واياك تفكر تلمسني سامع
ادهم اتنهد وقال..حكاية المسك دي هنتناقش فيها…بس حاليا جاي اقولك اجهزي…هنطلع الغردقه
نجمه بصتلو باستغراب وقالت…نعم
ادهم قال بسرعه…نعم الله على عيونك اجهزي وجهزيلي هدومي انا كمان …وخطف بو،،سه من شفا،،يفها بسرعه وقال….اجهزي حالا…علشان في مواضيع كتير عايز نتكلم فيها..على راحتنا
ادهم قال كده وسابها واقفه بزهول من حركاتو وقبل ما يطلع قالت بسرعه وارتباك استني هنا هنروح الغردقه نعمل ايه
ادهم بصلها وابتسم وقال…هفسحك..هوريكي اجمل ايام حياتك ..حقك تشوفي الدنيا وتفرحي بحياتك
نجمه بصتلو بدموع وقالت…مش عايزه اروح معاك مكان
ادهم ابتسم وقال..لا عايزه..ولو مش عايزه هنروح برضو يلا اجهزي..ولا عايزه تتبا، سي تاني وميل عليها بمشاكسه
نجمه حطت ايدها على صدره وبعدت بوشها وقالت بسرعه..خلاص..خلاص هنروح …خليك بعيد
ادهم بعد وضحك وقال..ماشي انا هجهز واستناكي تحت
ادهم جهز ونزل ونجمه جهزت حاجتهم وجهزت ونزلت وراه
ادهم ابتسم لما شافها نازله على السلم بدريس جميل جدا بلون فاتح لايق على ملامحها الهاديه ولافه الحجاب بتاعها وشكلها قمر اوي
ادهم فضل باصص لها باعجاب شديد وفتحي ابتسم على نظراتو وقال..احم…احم…ايه هتمشو دلوقتي
ادهم خد بالو وقال..احم..اه احنا..احنا اصلا اتأخرنا ..يلا
ولسه هيخرجو دخل خالد وقال ..ايه ده العرسان مسافرين ولا ايه
نجمه بصتلو بغضب وخالد مد ايده ليها وقال..توصلي بالسلامه يا عروسه
نجمه بصتلو بحده وكانت نظراتها هتحرقه
خالد ضم ايده وقال بسخريه…اممم…شكلو عريسك مانعك تسلمي على حد غيره..على العموم مش مشكله انا عارف انو قفل ..ومقدر
ادهم قال بخنقه..يلا يانجمه
خالد قال بسخريه…توصلو بالسلامه يا عصافير الحب
ادهم ونجمه مردوش عليه ومشيو وعلى الطريق نجمه كانت هتتجنن من العصبيه وبتقول بزعيق وغضب…الو،اطي .السا،فل..مش عارفه..مش عارفه ازاي عندو الجرأه يقف قدامي..الخواف الجبان…بعد الي عملو ده كلو قادر يقف قدامي و،اطي ندل
ادهم اتنهد وقال..خلاص با نجمه…انسى بقى بقالك ساعه بتهزأيه هو هيسمعك يعني
قالت بنفس العصبيه الي غايظني انو مش هيسمعني يا ريتو كان سامعني ..التافهه ده..رضيت بالهم والهم مرضيش بيا..بتاع بكره تفرج.. تلت شهور مش عارف يدورها… الراجل الا ربع ده
ادهم ضحك بشده وقال…اوبا..لا لا..عيب كده ده اخويا برضو..كفايه كده ربنا ستار حليم
نجمه قالت بغضب…بقولك ايه سبني في حالي السعادي علشان مغلطش فيك انت كمان
ادهم وقف العربيه فجأه
نجمه استغربت وقالت…وقفت العربيه ليه
ادهم بصلها وابتسم وقال..تعالي في حض،ني
نجمه قالت..نعم
ادهم قال..زي ما سمعتي متأكد انك محتاجه لكده دلوقتي صدقيني هترتاحي
نجمه حرفيا كانت محتاجه تترمي في حض،نو بس قالت بدموع ..لا..مش عايزه..انا مش محتجالك ابدا
ادهم شدها عليه جامد وحض،نها وقال ..بس انا محتاجلك ..حاولي تنسي يا نجمه….يمكن كده احسن..صدقيني
نجمه مسكت فيه جامد وبقت دموعها تنزل على صدره بحزن رهيب وقالت..صعبانه عليا نفسي قوي ..كل يوم كان يوهمني انو بيحبني..انا كنت مصدقاه ليه عمل معايا كده مش قادره افهم
ادهم اتنهد بحزن وقال..والله ولا انا فاهم..بس قلبي بيقولي ان ربنا ليه حكمه جميله من الي بيحصل
اول ما هديت شويه بعدت وقالت بحرح..احم…شكرا
ادهم ابتسم وقال..هو مين يشكر مين
بعد ساعات وصلو الاوتيل الي حاجزين فيه كان مكان راقي جدا ودخلو وريحو شويه ونزلو يتغدو
ادهم كان مبسوط بالقعده معاها ومبسوط اكتر انها فرحانه جدا وبتبص للمكان بانبهار وقالت بفرحه..اول مره اجي الغردقه
ادهم قال بحزن..عارف..احنا اهملناكي قوي كنتي ديما في البيت لا كنا نسمحلك تسافري مع صحابك..ولا كان يبقى عندنا وقت نطلعك
نجمه اتنهدت وقالت..بس انا طلعت مره مع خالد بعد جوازنا…اتفسحنا شويه..واخدني على شاليه بتاعو اول مره اشوفو كان في منطقه جبل على طريق سقاره ..وكان المكان صحراوي ويخوف ..بس كنت مبسوطه لاني…وابتسمت بسخريه وقالت…لاني كنت فاكره انو بيحبني وحاولت تغير الموضوع وقالت…احم…تاكل ايه
ادهم اتنهد بحزن عليها ..و بقى يختار معاها وبيتكلمو بس قطع حديثهم لما اتفاجأ ببنت جميله في العشرينات دي غاده خطبتو او كانت هتبقى خطبتو
ادهم بصلها بزهول وقال..غاده…انتي ايه الي جابك هنا
غاده قالت بغضب..انت كنت فاكر اني مش هعرف…ازاي تتجوز وانا معنديش علم..طب حتي كنت اهزمني يا باشا
ادهم قال..احم..اهدي يا غاده الناس بتبص علينا
غاده قالت بغضب…مش ههدى انا تقولي مشغول وانت بتعمل بشهر العسل
نجمه وقفت وقالت..اهدي يا انسه غاده وهنفهمك الي حصل
فريده قالت..انتي تخرسي..واحده رخيصه..مش هامك غير الفلوس..اتجوزتي خالد من وراهم ولما لقتيه قاعد زي خبتها ومش هيعرف بنغنغك حولتي على الخط التاني
نجمه بصت لها بصدمه من كلامها وادهم مسك دراع غاده بغضب شديد وقال…اخرسي بقى..انتي بتكلميها كده بصفتك ايه..انا موعدتكش بحاجه ولا جيت خطبتك ولا كان فيه بنا اي حاجه رسميه..يعني لمي نفسك..الي بتكلميها دي مراتي..اعتذريلها حالا يلا
غاده زقت ايده وقالت بغضب …لا اعتذر لها انت يا حبيب..اشبع بيها وبصت لنجمه باستحقار وقالت..صنف يموت في الرخيص
غاده قالت كده ومشيت بعصبيه .. ولسه هيكلم نجمه بصتلو بدموع وطلعت على اوضتهم جري
بقلم…زهرة الربيع
ادهم طلع وراها جري بس كانت دخلت وقفلت الباب من جوه
ادهم خبط على الباب وقال بقلق…نجمه نجمه افتحي ارجوكي متصغريش عقلك
نجمه قالت ببكا..سبني في حالي يا ادهم السعادي
ادهم قال.. يا نجمه ارجوكي افتحي وهنتفاهم
نجمه قالت ببكا مش عايزه افتح مش عايزه…انا..انا اول مره حد يكلمني كده بسببكم..ويارتها غلطانه هيه معزوره انا في نظرها ونظر كل الناس واحده اتطلقت من جوزها علشان عينها على اخوه ملهاش اي تفسير تاني
ادهم قال بحزن…كل ده كدب وانتي معملتيش حاجه غلط ارجوكي اهدي وافتحي
نجمه قالت ببكا…لا هيه كده.. كل الناس هتفهمها كده…انا فرقتكم حتى لو مليش ذمب
ادهم سند جبينه على الباب وقال…انتي مفرقتناش يا نجمه…احنا اصلا عمرنا ما اتجمعنا علشان نتفرق..انا كنت معاها علشان…علشان …ونزلت دمعه من عيونه وقال..كنت معاها علشان انساكي…كنت بحاول انساكي علشان مبقاش خاين..ميبقاش كل تفكيري وقلبي وروحي..مع مرات اخويا
نجمه اتصدمت بكلامو وبقت تسمعو بزهول وووو
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نجمة الأدهم)
