رواية نجاح الفاشلين الفصل العاشر 10 بقلم رحاب القاضي
رواية نجاح الفاشلين الجزء العاشر
رواية نجاح الفاشلين البارت العاشر
رواية نجاح الفاشلين الحلقة العاشرة
_نجاح الفاشلين..
_الجزء العاشر..
ــــــــــــــــــــــــــــــــــــــــــــــ
_تاني يوم صحيت سما الصبح بدري اووي، قامت نزلت تحت واتفاجئت لما لقيت وليد قاعد في الريسبشن بيشرب شاي، قربت منه وقالت بابتسامه كبيره..
سما _
واحشني يا ليدوو..
ابتسم ليها وقام سلم عليها وقال ـ
وانتي اكتر يا فاشونستنا الشله، هما لسه نايمين طبعا؟..
قعدت وخلته يقعد جنبيها وقال _
ايوه السهره امبارح كانت جامده بصراحه..
وليد بصلها وقال بهدوء _
يعني تفتكري ممكن نرجع زي الاول احلي سبع اخوات تاني..
اتنهدت سما بضيق وردت عليه وقالت _
انتو تقدرو ترجعو عادي، انا واحده لو فضلت وسطكم مش هعمل غير مشاكل مع عمار اللي انا وهو ديما بنتخانق وملك اللي طلعت انا سبب عقدها في الدنيا كلها، واخرهم اسامه اللي اخر حاجه هتجمع بيني وبينه المكان ده وعشان خاطرك انت..
وليد رد عليها وقال بجديه _
والله العظيم اسامه عمل كده فعلا عشان يحميكي، انا اتاكدت من كده بنفسي..
ضحكت بسخريه وقالت _
هههه سابني يوم خطوبتي من غير ما اعرف ليه وغاب سنه لو كان شافني فيها حتي صدفه كان بيولي وشه الناحيه التانيه، سابني سنه يا وليد كنت هتجنن فيها وانا بفكر انا غلطت معاه في ايه عشان يعمل فيا كده وفي الآخر عايزني انسي الوجع ده كله واكمل معاه عادي…
وليد بحزن رد عليها وقال _
برغم طيبتك وقلبك الحنين الا انك في الزعل قاسيه اووي يا سما، كان نفسي تكوني اول حد يدعمني وانا بحاول اجمعنا تاني زي زمان..
سما ابتسمت ليه وهي بتمسح دموعهت وقالت _
اصلا عادي انا وجودي معاكم او عدمه مش هيفرق حاجه..
وليد مسك ايدها وقال _
لا انتي غلطاانه انتي وجودك اساسي وسطينا كل واحد فينا بيكمل التاني، ايدك الجميله دي لو اختفي منها صباعك ااصغير ده هيبقي شكلها مش لطيف وناقص، اهو احنا كده..
سحبت ايدها منه وقالت بعند _
ما تحاولش تقنعني انا واخده قرار..
قبل ما يرد عليها جه خالد من وراهم وقال بغيظ _
وليد ليك واحشه جيت برجليك وربنا لاطلع عليك كل عقاب يا حيوان..
قام وليد وقف وقال بخوف _
خالد لم نفسك انا كنت بهزر معاكم يا جماعه..
خالد بغيظ _
بتهزر قال..
وبعدين علي صوته وقال _
يا عماااار يا اساامه..
وليد اتخبي في سما وقال _
لا عمار لا ده غشيم…
_نزل الكل واتفاجئو لما شافو وليد، وجريت عليه ملك وناني وسلمو عليه وهما مبسوطين انهم شافوه..
عمار بغيظ _
ده انا شايلهم ليك والله ما في حاجه هترحمك مني..
سما بحده _
في ايه منك ليه ما حظش ليه دعوه بوليد..
ناني ـ
ايوه اللي هيقرب من وليد انا هقف ليه..
ملك ـ
وانا كمان معاهم..
اسامه بغيظ ـ
هتتحامي في البنات يعني..
وليد بشماته _
ايوه مالكش دعوه..
عمار _
معني انك جيت يبقي كده اللعبه خلصت صح..
رد عليه وليد وقال _
للاسف كده اللعبه فعلا خلصت امبارح وعقد الشركه معايا..
_بصو كلهم لبعض بحزن اكيد خلاص كده عيتفرقو تاني، خلاهم وليد كلهم قعدو وقعد قدامهم وقال بجديه..
وليد ـ
انا عملت الشركه دي وكل يوم كنت بحلم في اليوم اللي هنتجمع فيه احنا السبعه ونشتغل سوا زي ما اتفقنا واحنا صغيرين ووعدنا بعض علي كده..
اسامه بضيق ـ
وليد هو مش فريق عمار وملك وسما كسبو مبروك عليكم الشركه بقي..
عمار بضيق ـ
ياريت بقي نمشي من هنا وكل واحد يرجع حياته..
خالد بحزن ـ
كانت اجازه حلوه والله..
وقف وليد وزعق فيهم وقال _
انتو ايه البرود ده هو انا بكلم الواح تلج، انا ما جمعتكوش هنا عشان اختار بينكم مين هيكون المدير، انا جمعتكم عشان افكركم اننا اخوات عشان نتكلم ونتعاتب ونتصالح ونتفق ونرجع..
سما بسخريه ودموع _
قولتلك يا وليد ما بقاش ينفع..
طلع وليد عقد الشركه وحطو قدامهم وقال بدموع _
الشركه دي مالهاش اي لازمه عارفين ليه عشان احنا فشلنا نبقي اصدقاء وهنفضل طول عمرنا فاشلين وعمرنا ما هننجح، تقدرو تمشو..
نزلت دموعه وبصلهم بالم وقال _
بس المره دي انا اللي مش عايز اعرفكم ولا اشوف وش حد فيكم تاني..
ـ قامو كلهم وكل واحد اخد حاجته ومشي، ووليد قعد لوحده في البيت افتكر التحدي اللي عملو ليهم وضحكهم وخناقتهم وفضل يبكي بحزن وبعدين طلع وقغل البيت وقال لنفسه..
وليد _
كنت وانا بشتري البيت ده كلي امل اني هقدر من خلاله ارجع صحابي كلهم ليا تاني بس خسرت وفشلت..
_اخد عربيته هو كمان ومشي، وعدي شهر في التاني ومحدش قابل التاني غير خالد وملك اللي راح خالد وخطبها وعمار وناني اللي رجعو يتقابلو في السر..
_في بيت عمار الباب خبط وطلع هو فتح الباب واتفاجئ لما لقي خالد واسامه قدامه..
عمار ـ
اكيد بحلم بكابوس انتو الاتنين مع بعض وعندي انا..
ذقه اسامه ودخل وقال _
وسع كده يا عم المطبخ منين انا جعان..
دخل خالد هو كمان وقال _
الريبوت فين عشان ماتشالاهلي والزمالك بدأ، انت بطلت تتابع ولا ايه..
طلعت ام عمارولما شافتهم فرحت. قالت_
اخيرا ربنا جمع شملكم عقبال ما يرجع وليد هو كمان، خليكم قاعدين عامله حمام محشي هجهزلكم معانا..
اسامه ـ
مدام فيها حمام انا بايت هنا النهارده..
خالد ـ
اكيد حلو عشان من ايدك يا طنط..
قرب منهم عنار وقال بحده بعد مامته مدخلت المطبخ._
انتو عايزين ايه؟…
خالد بحده _
انت هتتجوز ناني امتي؟..
اسامه بضيق _
ملك فالت لينا انكم رجعتو تتقابلو تاني..
ضحك عمار بسخريه وقال _
امم انتو مالكم اصلا هتعملو فيها صحابي ولا ايه؟..
طلع خالد ورقه قدامه وقال _
امضي ده عقد تمليك الشقه بتاعتك بدل ما هو ايجار انا دفعت ليك الفلوس الناقصه ابقي سددهم ليا بعدين..
اسامه بهدوء _
ومن بكره اول ما هتروح البنك انا خليت ابويا يكلم المدير وهينقلك لوظيفه اعلي من اللي انت فيها يعني شهر او شهرين هتدفع الفلوس بتاعت خالد دي..
عمار بعدم فهم _
انتو عملتو كده ليه؟..
مسكه خالد من هدومه وقال _
انت لسه هترغي قوم يلا غير هدومك وهات امك والحمام المحشي عشان الماذون هناك وسما وملك كمان..
عمار بقلق _
ازاي وباباها اا..
اسامه بثقه _
لا ما انا قولتله لو وافق هدخله معايا فثفقه كبيره والراجل وافق..
حضنهم عمار اووي وقال _
انتو رجاله اووي انتو اجدع صحااب في الدنيا..
_دخل وليد يلبس هدومه وبص خالد لاسامه بشكر عشان هو اللي كلمهم وقال الفكره دي عشان يجمع بين عمار وناني..
ــــــــــــــــــــــــــــــــــــــــــــــ
_بعد شويه في بيت ناني اتكتب كتابهم، وكانو الاتنين مبسوطين جدا، وقربت سما من اسامه وقالت ليه..
سما _
ممكن اسالك سؤال..
بص ليها اسامه باهتمام وقال _
اكيد طبعا..
سما بدموع _
انت ليه ما سيبتش الصفقه واختارتني انا، ليه اختارت انك تسيبني انا..
اتملت عيونه دموع وقال _
اسف كنت غبي بس خوفت عليكي وكنت خايف اخسر شغلي وحلمي،وكنت فاكر هرجع اكلمك تسامحيني، بس بعد مو دوقت عذااب بعدك انا مستعد اعمل اي حاجه عشانك اسيب شغلي اسيب الدنيا كلها بس تسامحيني..
مسحت دموعها وقالت _
لا والله ولما تسيب الشغل هتتجوزني ازااي وهتجيب تمن اافستان بتاع فرحي اللي هيتصمم في باريس منين..
ضحك اسامه بعدم تصديق وقال _
يعني ايه انتي خلاص سامحتيني..
وقفت جنبه ملك وقالت _
انت غبي يااعم بتقولك فستان فرح هتتجوزك من غير متسامحك ازااي..
_ما ردش اسامه علي ملك ونسي الدنيا كلها وحضنها جااامد وهي كمان، والكل بقي يسقف ليهم بفرحه كبيره..
ــــــــــــــــــــــــــــــــــــــــــــــ
_بعد كام يوم وقف عمار بعربيته قدام البيت الالكتروني ونزل من عربيته ومعاه وليد اللي قال بعصبيه..
وليد _
انت جايبني هنا ليه بالا انت، انا مش قولت مش عايز اشوف وش حد فيكم تاني..
عمار ببرود _
بس ايه رئيك في العربيه الجديده جامده صح؟..
وليد بضيق _
انت جايبني هنا ليه يا عمار، انا اصلا عرضت البيت ده للبيع..
.
جه صوت اسامه من وراه لما قال _
بيع براحتك بس لما نخلص حقنا، وحق اللي اتعمل فينا هنا..
_بص وليد ورااه واتفاجئ لما لقي اسامه وسما وملك وخالد وناني واقفين، ابتسم وقال وهو مش مصدق نفسه..
وليد ـ
انتو اتجمعتو مع بعض، انتو اا..
وقف عمار جنب اسامه وملك وقال _
انت غبي وجبان احنا كده كده كنا هنتصالح دلوقتي او بعدين، عمرك شوفت اخوات بيتفرقو..
مسح وليد دموعه وقال _
بعد ايه بس ده انتو نشفتو ريقي..
خالد بخبث _
ما انت طلعتهم علينا فاكر الرنجه يا وليد..
اسامه بغيظ _
ولا القرفه والخل..
عمار بحده _
لا والضغط والعقله، ده انا هطلع عينك…
جري وليد من قدامهم وقال بخوف _
اللي يعرف يلحقني يفرجني..
_جري وراه خالد واسامه وعمار، والبنات وقفو يضحكو عليهم، وطلعت سما موبيلها وقالت لملك وناني..
سما ـ
قولولي يا بنات ايه رئيكم في الفستان ده؟..
ناني بانبهار _
واااو جامد اووي..
ملك باعجاب _
حلو اووي يا سما مبروك عليكي..
بصت ليها سما بهدوء وقالت _
ده فستان خطوبتك يا ملك انا خليته يتصمم مخصوص ليكي، واعتربيه هدية خطوبتك انتي وخالد…
حضنتها ملك وقالت بدموع _
ربنا يخليكي ليا يا احلي اخت في الدنيا..
حضنتها سما وقالت _
ولا منك يا حبيبتي..
ناني بغيظ _
لا والله وانا مش هشارك في الحضن ده..
حضنوها هما الاتنين، وقالت ملك_
كفايه احضان بقي وتعالو نشوف عملو ايه في وليد..
ــــــــــــــــــــــــــــــــــــــــــــــ
_بعد سنه كانو هما السته متجمعين علي ترابيزه واحده في فرح وليد وناني بطنها كبيره لانعا حامل..
عمار بضيق _
بقي ده فرح ولا عزا، فين حمو بيكا وصاصا…
ردت عليه سما وقالت _
ده اسمه فرح راقي يا بيئه..
عمار بحده قال لاسامه _
انا محترمك ومش هرد عليها، بس هاتلي حقي..
اسامه _
لا انا ماليش دعوه، مش لما بزعلها بتيجي تعملي فيها اخوها..
خالد بسخريه _
بس يا عيال العبو مع بعض..
ملك ـ
طيب مش هنقوم نتصور مع العريس والعروسه..
اسامه _
ايوه يلا بينا يا جماعه..
ناني بتعب _
اسندني يا عمار..
عمار بغيظ _
قولت للحيوان ده ياجل الفرح لحد ما تولدي ما رضيش..
ناني _
انا اللي قولت ليه ما ياجلش..
عمار _
يعني عاجبك شكلك وانتي شبه الكوره الكوره الكفر كده…
ناني بدموع _
ايوه قول كده كا بقتذ عجباك دلوقتي..
عمار بسرعه رد. عليها وقال _
لا والله مش قصدي، يا احلي كوره كفر في الدنيا انتي..
خالد _
اخلص يا منحنح منك. ليها..
_راحو كلهم وباركو لوليد وعروسته وبعدين وقفو جنبهم غشون يتصورو، فمالت ندي العروسه علي وليد وقالت..
ندي _
يا بختك بصحابك يا وليد شكلهم كده باين كانهم اخواتك مش صحابك..
بص وليد لصحابه وقال بحب _
هما فعلا اخواتي مش صحاابي وبس..
ـ وبكدا تكون خلصت قصتنا ونتقابل في قصه جديده..
لقراءة الرواية كاملة اضغط على : (رواية نجاح الفاشلين)
