رواية نجاح الفاشلين الفصل الخامس 5 بقلم رحاب القاضي
رواية نجاح الفاشلين الجزء الخامس
رواية نجاح الفاشلين البارت الخامس
رواية نجاح الفاشلين الحلقة الخامسة
_نجاح الفاشلين..
الحلقه الخامسه..
ــــــــــــــــــــــــــــــــــــــــــــــ
كلهم راحوا الجنينة وسخنو عشان يبداو
كانوا فهمين ليه وليد بيجيب العقاب ده لان كل عقاب قاله عملوه قبل كده ايام الجامعة والمدرسة وهو قاصد يرجع الذكريات..
طلعت ناني وقالت لعمار بضيق _
ما فيش داعي تعمل حاجه علشااني..
رد عليها عماار وقال بغيظ _
انا مش بعمل كده عشانك، لا عشاني انا يا هانم..
ما فهمتش ناني كلامه وسألته وقالت _
قصدك ايه يعني مش فاهمه؟..
قرب منها وقال بدموع لمعت في عينيه _
عشان عمار مش بيكون مبسوط ابدا وناني تعباانه او بتتالم..
كلامه لمس قلبها، بس ردت عليه بسخريه وقالت _
تصدق كنت هصدقك، بس خلاص ما بقاش في حاجه جوايا قادره تصدقك..
_قالت كلامها وسابته ومشيت وهو بص ليها بدموع وندم وقربت منه سما اللي سمعت اللي قالته ناني وقالت بهدوء..
سما _
ممكن ما تزعلش..
مسح عمار دموعه بسرعه ورد عليها بحده وقال _
قال يعني بيفرق معاكي، بطلي تعنلي دور الحنينه عشان مش لايق عليكي..
اتغاظت سما وردت عليه وقالت _
تصدق انا غلطانه ان شاء الله تزعل لحد ما تطق من الزعل كمان..
عمار بعصبيه _
امشي من قدامي يا سما بدل ما اطلعهم عليكي..
سما بسخريه _
اممم مش قادر عليها فا هتطلعهم عليا انا…
كان لسه هيتكلم فا قربت منهم ملك وقالت _
مش كفايه خنااق بقي الفريق التاني بقيو سمنه علي العسل…
سما بثقه ردت عليها وقالت بهدوء _
بس احنا اللي كسبانين يا ملك فا اهدي بقي..
استغربت ملك من طريقتها الهاديه في الكلام معاها وردت عليها وقالت بجديه..
ملك _
بس لازم نحافظ علي النجااح ده وما نخليهوش يقل..
زعق خالد في عمار وقال _
انت ياااا عممم ما تيجي عشان نخلص العقااب ده..
اسامه بغيظ _
بس نطلع من هنا وانا هعرف اربيك يا وليد..
ضحك خالد وقال _
اسكت طيب ليسخطك قرد بالمنزل الالكتروني بتاعه ده..
ضحك اسامه وقرب منهم عمار وقال _
انا وزعت البنات كفايه بقي شكلنا بقي عره اووي قدامهم..
خالد بخبث _
انا واسامه بس انما انت بقيت الهيروو بتاع المسابقه كسبان وبتتعاقب عشانها…
اسامه بسخريه _
بس ده مش اثبات للحب كان اتجوزها قدام الناس كلها افضل من اي حاجه تانيه..
عمار بغيظ قرب منه وقال _
او اعمل زيك اثبت حبي ليها اني في اسعد يوم في حياتي اسيبها واهرب..
اسامه بحده قال _
انا ما هربتش انا في الوقت ده كان لازم ابعد عنها عشان احميها..
عمار _
امم عشان تحميها تجرحها بطريقه لسه لحد دلوقتي مش عارفه تتعافي منها..
ظهر صوت وليد وقال _
بطلو كلام ما لوش اي تلاتين لازمه دلوقتي وابدأو يلاا..
ضحك خالد وقال _
عوذ بالله من الشيطان الرجيم انت بتطلع منين يا عم..
وليد بحده _
اخلصو يلاا..
_بدأو في العقااب، وفوق في اوضة ناني كانت قاعده هي وملك وبيتكلمو ودخلت سما وقالت بتوتر..
سما _
ممكن اقعد اتكلم معاكم، انا زهقاانه من القعده لوحدي..
ناني ردت عليها بسرعه وقالت _
ايوه طبعا تعاالي انتي لسه هتساذني..
قامت ملك وقالت _
انا تعبت ورايحه انام؟..
قالت سما بحزن _
لو وجودي هيدايقك انا ممكن امشي..
ناني بقلق قالت _
لا ملك ما تقصدش و..
قالت ملك بحده _
لا اقصد يا ناني، انا مش عايزه اي مكان يجمعني بالهانم ولو هي قعدت معاكي انا همشي..
سابتهم سما ونزلت وهي بتبكي، وملك قعدت تعيط، فقعدت ناني جنبيها وقالت..
ناني _
هو انتي يا بنت انتي ماشيه بمبدأ ضربني وبكي سبقني واشتكي..
ملك بحزن _
انا مش بكرها بس زعلانه منها اووي..
اتنهدت ناني بحزن وقالت _
انا اصلا كلنا عمرنا ما كرهنا بعض، احنا بس زعلانين من بعض مش اكتر..
_تحت خلصو العقاب وقعدو هما الاربعه علي الارض بتعب، فضحك اسامه وقال..
اسامه _
فااكر يا واد يا عمار لما كنا في اعدادي وتاخدنا معاك حجز الكوره وانا وخالد ووليد ما نعرفش نلعب وانت تخسر..
كمل خالد وقال وهو بيضحك _
واحنا وراجعين كان بيجري ورانا بالطوب…
ضحك عمار وقال _
ومع ذلك ما كنتش بقدر ما امدكمش معايا، وبما كنت بروح العب معاهم لوحدي كنت بحس اني تايه ومش عارف العب وبرصو بخسر، بس الخساره معاكم كانت بطعم تاني انا اخواتي كانو معايا فا مش هزعل..
بصو لبعضهم بحزن وقال خالد _
هو احنا ليه بعدنا اووي كده ايه اللي حصل بالظبط؟..
اتنهد اسامه بضيق وقال _
انا رايح انام..
قام عمار هو كمان وقال _
وانا كمان..
نام خالد عي الارض وبص للسما وقال _
وانا هبات هنا وابقي الصبح اطلع اوضتي..
غني اسامه وقال _
الليل وسمااه ونجومه وقمره..
عمار بخبث _
وسمااه بالنسبالك انت، انما بالنسبه لخالد يقول وملايكته هههه..
كتم اسامه ضحكته ودخل جوه هو وعنار وفضلو يضحكو، بس سكتو لما لقيو سما قاعده بتبكي ومش واخده بالها منهم، فا عمار كان هيقرب منها، بس اسامه مسك ايده وقال..
اسامه _
استني انا هروح اتكلم معاها..
سابه عمار وطلع اوضته وقعد اسامه جنب سما وقال _
اسف….
بصت ليه بعيون مليانه دموع وقالت _
مش بسببك المره دي، ما تقلقش..
مسك ايدها وقال بدموع _
حقك عليا انا من كل الدنيا يا سما..
سحبت ايدها منه وقالت ببكاء _
ليه عملت فيا كده ليييه كنت قولر طيب مش تسيبني بالطريقة دي، كل ده عشان حبيتك ملعون قلبي اللي حبك ده ولسه بيحبك يا شيخ..
_قالت كلامها وقامت من قدامه وطلعت اوضتها وسابته قاعد ندمان، وهي اول ما وصلت اوضتها لقيت ملك مستنياها، وقالت..
ملك _
اسفه ما كانش قصدي ادايقك..
ردت عليها سما وقالت _
حصل خير ممكن ادخل انام؟..
ملك بتوتر _
هو انا يعني؟..
سما _
خير قولي اللي عايزاه يا ملك..
ملك بدموع _
مش عايزه منك حاجه..
_قالت كلامها ونزلت تحت قعدت علي الارض جنب خالد اللي بص ليها وقال..
خالد _
بقيتي بتحبي النجوم يعني..
ملك بضيق _
هو انا عشان مش قادره اسامح ابقي كده وحشه..
رد عليها خالد وقال _
في حاحه اسمها العفو عند المقدره يا ملك، يعني لو انك تسامحي وقادره تعملي ده تمام، انما لو مش قادره يبقي بلاش بس بلاش لو هتتاذي بالسماح ده..
اتنهدت ملك وقالت _
مش هتاذي بالعكس هرتاح..
ضحك خالد ورد عليها وقال_
يبقي بطلي عند وسامحي..
ضكك ونامت جنبيه بس بعيد شويه وفضلت باصه للنجوم لحد ما نامت، بص ليها خالد وفضل باصص ليها لحد ما نام هو كمان..
ــــــــــــــــــــــــــــــــــــــــــــــ
_وتاني يوم الصبح صحي خالد وحس في ايد علي وشه ولما فتح عينيه ولقي عمار بيلعب ليه في شعره اتخض جامد وقال..
خالد _
هو في ايه يوم انت ويوم اسامه؟..
قال اسامه بسخريه _
هو انا عملت ليك حاجه؟..
عمار بخبث _
شوفتها لما قامت من جنبك الصبح وكانت مبسوطه انت قولتلها ايه بالليل؟..
فرح خالد وسأله وقال _
احلف بجد انها كانت مبسوطه..
اسامه _
طيب هيحلف بعدين بس تعالي دلوقتي عشون وليد قاعد مستنينا جوه نتجمع..
_دخل هما السته واتجمعو وقال وليد…
وليد _
التحدي الجديد رخم شويه بس معلش..
عمار بسخريه _
ايا كان هو ايه مش هيكون ارخم منك..
_وقع عمار من علي الكنبه وكلهم ضحكو، وقام اسامه سنده وقال وهو بيضحك..
اسامه _
قوم يا اخويا وابقي امسك لسانك شويه، عايزينك تطلع من هنا بصحتك..
_ضحك وليد بهدوء وكان مبسوط ان علاقة عمار واسامه بدأت تتظبط شويه..
وليد _
لم لسانك يا عمار وما تقاطعنيش، المهم التحدي المره دي هيكون تلات اساله وواحد من فريق عمار وواحد من فريق ناني واللي هيجاوب الاول هو اللي هيكسب…
بص وليد ليهم وقال _
السؤال الاول تعالر يا اسامه انت وسما..
عمار بسخريه _
ايه جو برنامج العباقره ده..
_وقع عمار من علي الكنبه والكل ضحك حتي ناني، ووقفت سما واسامه قدام بعض وقال وليد..
وليد _
السؤال هو مين اللي فاز بالدوري المصري السنه دي الاهلي ولا الزمالك..
رد اسامه بسرعه وقال _
الاهلي..
سما بغيظ _
ثواني هو ايه الدوري المصري ده اصلا، كده مش عدل علي فكره..
شدها عمار من ايدها وقال بحده _
بقي مش عارفه الدوري ما اسمعش صوتك تاني عشان جيبت اخري منك..
وليد _
ملك وخالد يلاا..
وقفو ملك وخالد قدام بعض وقال وليد _
اسم ابن محمد رمضان في مسلسل جعفر العمده كان ايه؟..
رد خالد بسرعه وقال _
سيف…
ملك بغيظ _
لا انت بتهزر يا وليد والله انت عارف اني مش بتفرج علي مسلسلات مصريه وبتابع تركي، كنت قول مثلا مين ابطال مسلسل فريد..
شدها عمار هي كمان من ايدها وقال بحده _
اسكتي خااالص ودي اخرة التركي وحياة امي لاخليكي تبطليه..
وليد _
يلاا عمار وناني..
وقفو عمار وناني قدام بعض وكانت ناني مش راضيه تبص ليه، وقال وليد السؤال..
وليد _
٤-٢×١٢ تساوي كام..
ردت ناني بسرعه وقالت _
اربعه وعشرين..
عمار بغيظ _
كده كده مش فارقه احنا خسرانين من بدري بسبب البومتين اللي معايا..
سما _
كنت جاوبت انت يا فالح..
ملك بغيظ _
مثلا يا سما..
_بصت سما وملك لبعض بتوتر، وناني، احت سلمت علي خالد واسامه وهما مبسوطين انهم كسبو..
وليد _
عاااش يا شباب، ودلوقتي بقي وقت البريك افطر يا خالد عشان انت لسه ما فطرتش اكيد مش هتتعاقب علي معده فاضيه..
خالد بغيظ _
وانا ماالي بقي ما انا كسبت..
وليد بخبث _
ايه هو انتو هتبقي انداال وهتخلو البنات هما اللي يتعاقبو، لا لا انتو بجد ما فيش فيكم غير عمار..
بصت ملك وسما لاسامه وخالد بحده، فقالو الاتنين في صوت واحد _
موافقين..
_وراح خالد عشان يفطر وما كانش عارف يعمل ايه لانه فاشل في المطبخ فا قربت منه سما وقالت، تحب اساعدك ولا اروح اقعد وملك هي اللي انت هتصعب عليها وتيجي هي تساعدك..
ابتسم ليها خالد وقال _
انتي وذوقك بقي..
اخدت سما بسكوته من الطبق اللي في ايده وقالت _
يبقي اروح اقعد احسن..
_وفعلا راحت قعدت وقامت ملك وقالت ليه _
انا هجهز ليك الفطار عارفه انك ما ليكش في شغل المطبخ..
ضحك خالد وقال ليها _
كتر خيرك والله، وبعدين خليني اعاين قبل ما اشتري..
ملك بعدم فهم _
تشتري ايه؟..
اتوتر خالد وقال _
هاا لا ما تاخديش في بالك..
ــــــــــــــــــــــــــــــــــــــــــــــ
_وبعد شويه قعد عمار وخالد واسامه قدام وليد وكان قدام كل واحد كوباية لبن وقال وليد بخبث..
وليد _
انا عارف انكم انتو التلاته مش بتحبو اللبن، وده اخلي عقاب ليكم..
اسامه بغيظ _
لا اذا كان كده هات البنات هما اللي يتعاقبو..
وليد _
لاا هو انتو عيال عشةن ارجعو في كلامكم..
ضحك عمار وقال _
فاكرين لما كنا بنروح عند وليد واحنا في ابتدائي، وطنط ماجده مامته تخلينا نشرب اللبن بالعافيه..
ضحكو هما الاتنين وقال اسامه _
ايوه وكامت عشان بتحب خالد تحط ليه شوكلاته علي اللبن..
وليد بخبث قال _
لما هتتجمع تاني هخليها تحط ليكم كلكم شوكلاته علي اللبن..
اتنهد عمار بضيق وقال _
ده اذا اتجمعنا تاني بعد ما نطلع من هنا…
_وشرب اللبن وقام وهو مدايق، وبعد منه خالد واسامه كتن بيبص لوليد وقال بخبث..
اسامه _
فهمت اللي انت عايزه وفي نيتك يا وليد..
_اتوتر وليد وقفل الشاشه بسرعه.؟؟..
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية نجاح الفاشلين)
