رواية نجاح الفاشلين الفصل الثامن 8 بقلم رحاب القاضي
رواية نجاح الفاشلين الجزء الثامن
رواية نجاح الفاشلين البارت الثامن
رواية نجاح الفاشلين الحلقة الثامنة
_نجاح الفاشلين..
الحلقه الثامنه..
ــــــــــــــــــــــــــــــــــــــــــــــ
ملك _
خاالد استني لو سمحت، انا كنت جايه وفاكره هلاقيك في الجنينه زي كل يوم..
بص ليها وزعق وقال _
بطلي كدب انتي نزلتي لاسامه، روحيله ما تخليهوش يقعد لوحده..
_وسابها ودخل اوضته بعصبيه في الوقت ده ملك كانت وقفه مصدومه مش مصدقه اللي بيقوله راحت وراه ودخلت اوضته بعصبيه..
ملك _
انت اي اللي بتقوله ده دا انت اكتر واحد كنت فاهم انا قربت من اسامه ليه
خالد بغضب قرب منها وقال _
يهمني حاجه ي ملك اخرجي دلوقتي لأني مش عاوز عصبيتي تإذيكي
ملك بدموع_
لدرجه دي ي خالد دا انت اول واحد قلت انه بيفهمني من نظرتي
_خلد بعصبيه رما ازازة البرفان في التسريحة والازاز نزل في كل مكان صرخت ملك وقعدت علي الارض وحطت اديها علي ودنها وفضلت تعيط بخوف، كان خالد بيتنفس جامد من شدة غضبة بص نحيتها ومقدرش يتحمل خوفها فقرب منها واخدها في حضنه….
خالد_
شششش اهدي انا اسف
_في الوقت ده الكل كان اتجمع علي صوت التكسير فبص خالد لعمار وعمار فهمه وقال لصحابه..
عمار بهدوء _
يلاه ننزل كلنا تحت هما هيحلوا مشكلتهم
_وبالفعل سمعوا كلام عمار ونزلوا وهما مش فهمين اي اللي حصل
…….
_في اوضة خالد كان بيحاول يهديها وفي نفس الوقت يسيطر علي غيرته
خالد بهدوء_
انا اسف اهدي
ملك رفعت عيونها عليه وبدموع_
ليه عملت كده ي خالد
خالد غمض عيونه بوجع وقام عشان يبعد فمسكت ملك بإيده وبصت في عيونه وقالت _
بدموع لسا هتبعد وهتخبي
خالد بغضب و بدموع قال _
وانتي امته سبتيلي فرصه اقولك انا حاسس بـ اي… امته سيبتي قلبي ياخد نفسه من الوجع اللي بيتوجعه وانا شايفك كل يوم بتقربي من اسامه اكتر، وجعتيني ي مالك وجعتيني ومرحمتيش قلبي… اتمنيت مره تفهمي نظرتي ليكي وتقدري حبي بس اللي كان شاغل بالك ازاي تنتقمي بصيتي لكل حاجه وحشه لكن ولا مره بصيتي للي حبوكي ولا ليا…. كنت بصلي وبدعي ربنا كل يوم يجعلك من نصيبي او يشيلك من قلبي…. بعد عنها ومسح دموعه وبنبره جاده الظاهر اننا مش هننفع لبعض ي مالك.. وانتي مليكش ذنب لأنك مغلطيش في حاجه انا اللي حبيتك وانا اللي فضلت ادي لنفسي امل ان هيجي اليوم اللي هعترف ليكي وتقبلي بس الظاهر ان ربنا ليه حكمه تانية
ملك ببكاء_
بس انا عوزاك انت ي خالد مش عاوزه حد
خالد بصلها بصدمه._
انتي بتقولي اي
ملك مكنتش قادره تقف من كتر عياطها فقرب عليها خالد بخوف _
انتي كويسه
ملك برفض _
لا ي خالد مش كويسه. انا كنت مع اسامه في الحديقه عشان..
قطعها خالد لم حط ايده علي شفيفها وقال _
شششش مش عاوز اعرف
ملك بدموع _
يعني خلاص عاوز تبعد
خالد بابتسامه من بين دموعه_
حد قالك قبل كده اني حمار اوي كده
مفهمتش ملك هو يقصد اي بس كانت دموعها نزله ومش مصدقه ان خلاص خالد هيبعد
مسح خالد دموعها بهدوء _
بطلي تعيطي لاني مش بستحمل دموعك
ملك بدموع _
انت مش راضي ترد عليا.. انا مش عاوزه اخسرك صدقني مش هتحمل خسرتك انت بذات
خالد بابتسامه قرب منها وقال_
انا بحبك ي ملك
ملك رفعت عيونها ليه بابتسامه _
اخيرا نطقت
خالد بابتسامه _
ليه كنتي مستنياها من زمان
ملك اتوترت وقامت عشان تمشي فسحبها خالد ليه ووقال _
مالك اتوترتي ليه سالتك كنتي بتستنيها
ملك اتوترت وما ردتش، وثرب منها خالد وقال بخبث_
اتكلمي
ملك بدموع _
مكنتش مستنياه.. انا كنت بتمناها منك، حبيتك اوي ايام الثانوي والجامعة بس انت ولا مره ظهرتلي الحب ده وكنت ديما بتقولي اني زي اختك حاولت انسي حبك واخلي بينا مسافه بس مقدرتش لاني كنت متعلقه بيك، وكملت لما سما استهزأت بيا قدام الكل ولقيت كلهم بردو بيستهزاو فكرت اني قليله وانك عمرك ما هتحبني واكيد كلكم شايفني زي ما اصحابي شايفني فبعدت عشان مكنتش قادره افضل وثقتي في نفسي مدمره وفكرة ان الشخص الوحيد اللي حبيته اكيد شايفني كده…قلبي اتملي بـ الغل وحلفت اني لازم اوجع سما زي م وجعتني وخلتني قليلة في عين نفسي، ويوم التحدي اتصدمت بيك ومش فاهمه ازاي عرفت المعلومات دي عني ساعتها جه في بالي انك ممكن تكون بتحبني زي ما بحبك بس اديقت من تفكيري واني هرجع أوهم نفسي تاني اتنهدت ونزلت دموعها انا كنت في حرب نفسيه كنت موجوعة من كل حاجه…. اسامه قالي انه عاوز يتكلم معايا وسألني ليه كنت بمثل اني بحبه وقالي انه فكر قربي ليه عشان صحوبيتنا واننا كنا قريبين من بعض بس اكتشف بعدها بأني بفكر في حاجه تانيه حسيت اني وحشه اوي وقرفت من نفسي وبعدها قالي انك بعدت عنه لأنك فكرت انه ساب سما عشاني وانك قايله قبل كده هو وعمار انك بتحبني ساعتها متعرفش حسيت بـ ايه انا حسيت روحي رجعتلي تاني حسيت اني مستعده اسامح الدنيا كلها
خالد كان قاعد مصدوم مش مصدق ان حب حياته طلعت هي كمان بتحبه لدرجه دي مكنش عارف يتكلم يقول اي بس كان عاوز يصرخ من فرحته عاوز يمشي علي الدنيا كلها يقول انها بتبدله نفس الشعور، اخدها في حضنه بفرحه وقال..
خالد _
ياه ي ملك كل ده وانا زي الغبي مفهمتش
ملك بابتسامه _
عشان تعرف انك فعلا حمار مش لازم حد يقول
خالد بضحكه _
انا اللي جبته لنفس
ــــــــــــــــــــ
تحت كان الكل قاعد مش فاهم في اي وسما كانت موجوعة اوي وعماله تسيطر علي دموعها
اسامه بابتسامه _
مالكم مكشرين ليه دا النهارده يوم الهنا؟…
عمار باستغراب_
ليه
اسامه بغمزة _
خالد وملك اخيرا بعد السنين دي كلها هيعترفوا لبعض
ناني بنتباه _
انت مش شايف الاوضة عاملة ازاي ومشوفتش عياط ملك
اسامه بهدوء _
انا مش فاهم خالد ليه كان متعصب كده بس الاكيد ان كل حاجه هتوضح النهارده
عمار بتفكير_
وانت عرفت منين
اسامه بابتسامه_
قلت ازق الموضوع من عندي شوية الواد يعيني مش عارف ياخد فرصه وقلت لملك ان خالد بيحبها من زمان ودا كان سبب الخلاف اللي بيني وبينه
عمار بهدوء_
غريبة حالت خالد مش حالت واحد عرف ان حببته هي كمان بتبادله الشعور
سما بدموع حاولت تتحكم فيها
خالد شافك انت وملك قعدين بتهزرو مع بعض ودا اللي خلاه يتعصب كده
اسامه بتنهيده _
خالد عارف ومتاكد أن ملك عمرها ما بصتلي غير كـ اخ
عمار بهدوء _
خالد اتحمل كتير وكل ما يتقدم خطوة يرجع لصفر واكيد لما شاف ملك وهي بتهزر معاك افتكر تصرفتها اللي كانت بتعملها عشان توجع بيها سما واي حد غصب عنه مش بيقدر يتحكم في مشاعر الغيرة وببقي اهون عنده انه يروح ولا يحس بالوجع ده
اسامه بتفهم _
ان شآءالله كل حاجه هتتحل وملك مستحيل تخسرة لانها بتحب خالد اضعاف م بيحبها
عمار بابتسامه _
كانت مفضوحة اوي بس صاحبنا كان حمار كل ما يقع بالسانه ويبين حبه ليه يروح قايلها انتي زي اختي عشان كده بقلق عليكي
اسامه بضحكه _
ربنا يعينه بقي ويعرف ينطق
ناني بابتسامه_ يارب
ـ كانت سما قاعده ساكته لفت نظرها كلمت عمار لما قال ان الغيرة شعورها وحش بيبقي الانسان بتمني يروح ولا انه يتوجع كده..مسحت دموعها اللي نزلت بسرعه وقامت من مكانها وحاولت ترسم ابتسامه وقالت..
سما _
احم هروح ارتاح انا وسابتهم ومشيت
_كان اسامه متابعها وواخد باله انها شافته.هي وخالد من بعد ما فهمتهم سبب عصبيته
ابتسم وغمز لعمار ـ
هروح انا كمان ارتاح وسابهم ومشي
ضحك عمار علية وقام عشان يطلع هو كمان فمسكت ناني بإيده وقربت منه بحب
ناني
=لسا زعلان مني
عمار بهدوء _
مفيش حاجه تزعلني منك ي ناني انتي مغلطيش دا حقك
ناني بحب حاوطت رقبته وبابتسامه _
امممم هتتجوزني امته
ابتسم عمار وقربها منه وقال بحب _
انا مستعد اجيب المؤذون دلوقتي وحياتك
ناني بضحكه_
ووليد الشرير ده هيدخل حد
عمار بغمزة _
جربي
ابتسمت ناني وحضنته بحب…
ـــــــــــــــــــــــــــ
عند اسامه راح نحيت غرفة سما وخبط من غير صوت مسحت سما دموعها بسرعها وسمحت بدخول
لما لقته اسامه كان نفسها تخلع قلبة بإدها جايز يحس بالوجع اللي حسه بيه
اسامه بهدوء _
ممكن اتكلم معاكي شوية
سما يجمود_ خير
اسامه بتنهيده راح واقعد قدمها_
ممكن افهم هنفضل كده لغايت امته
سما بسخريه
اللي هو ازاي يعني
اسامه بهدوء_
سما عشان خاطري حاولي تعذريني
سما _
بقولك اي ي اسامه بلاش الجو اللي انت عامله ده لان صدقني ملوش اي لازمه انت بنسبالي صفحة واتقفلت وكده كده كنت عادي من قبل ما وليد يجبنا يعني بعد ما نمشي من هنا هترجع تاني تنشغل في شغلك وحياتك متقلقش
اسامه بعصبيه_
انا كنت بحميكي افهميني لمره واحده
سما ببرود_
كويس خليك بقا حميني العمر كله يلاه من غير مطرود عاوزه انام
اسامه بحزن_
يعني دا اخر قرار
سما بتماسك
اه ي اسامه أخر قرار ويريت متحلمش كتير اني ممكن ارجعلك… انا انتهي من علي الدنيا دي ولا ارجعلك
_اسامه اتصدم من كلامها وحاول يتماسك قام من مكانه وحاول يخرج الكلام اللي هيقوله غمض عينة بتعب وفتحهم تاني…
اسامه
=تمام ي سما وانا هحترم رغبتك وبعد ما ننتهي من اللعبة دي وعد مش هتشوفي وشي تاني
ـ مشي وسابها بعد اللي قاله حاول يهرب بسرعه قبل ما ينهار قدمها كان عاوز يصرخ جايز الحزن اللي في قلبه يهدا
_اما سما نامت ودموعها نزله علي وشها وحاسة انها في عذاب مش هتتحمله
ــــــــــــــــــــــــــــــــــــــــــــــ
_بعد فتره من الوقت وليد جمعهم
ابتسم بفرحه لما شاف ملك قاعده جنب خالد وساند راسه علي كتفها ونفس الكلام مع عمار بس استغرب من حالة اسامه وسما لان ملامحهم بتحكي كتير
وليد بسخريه_
معلش ي حمام الحب كل واحد يروح فريقه
خالد بغيظ _والنعمة انت راجل فصيل
وليد بغمزه _ ما تجمد ي وحش متبقاش مدلوق كده
خالد بسخرية _ خليك في نفسك انت ي خويا ملكش دعوة
عمار بضحكه_ براحه ي خالد جبت جبهت الراجل الأرض
وليد بحده_تصدقوا انكم اندال اساسا
عمار بغمزه_سبنالك انت القلب الأبيض النضيف ي جميلة
_وليد اتغاظ فترما عمار من علي الكنبه كالعاده..
عمار بوجع_منك لله ي بعيد، والله ما هقعد علي ام الكنبه دي تاني هفضل واقف
_كلهم ضحكوا وبعدها كل فريق اتجمع
وليد بهدوء _
هيطلع لكل فرقه فيكم ورقه مشروح فيها تعريف عن احد علماء الأزهر وفيها خطأ بسيط اللي هيكتشفة كسب التحدي…انا عارف ان التحديات اللي قبل كده كانت رخمه حبتين عشان كده كل مدا بخفها عليكوا
وبعد ما خلص كلامه طلع ورقتين لكل فرقه وكان مكتوب
_الشيخ محمد متولي الشعراوي عالم دين ووزير أوقاف مصري سابق. يعد أشهر مفسري معاني القرآن الكريم في القرن العشرين؛ حيث عمل على تفسير القرآن الكريم بطرق مبسطة وعامية مما جعله يستطيع الوصول لشريحة أكبر من المسلمين في جميع أنحاء العالم العربي، لقبه البعض بإمام الدعاة ولد 15 أبريل 1920 بميت غمر بمحافظة الدقهلية وتوفي : 17 يونيو 1998
كلهم فضلوا يقرأو ومحدش فيهم كان عارف الغلط فين
ملك بفرحه _عرفتها
وليد بابتسامه_ قولي ي ملوكه
خالد بغيظ_ راجل رخم
_فترما خالد علي الارض وكلهم ضحكوا عليه
وليد بغمزه _سمعك ي قمري
ملك بضحكه هي فاهمه انه بيغيظ خالد_
ولد 15ابريل 1911
وليد بابتسامه _ الإجابة صح
وكده نقول فريق عمار هو اللي كسب
والعقاب للفريق التاني هيكون عباره عن ان كل واحد فيكم هياكل معلقة قرفة..
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية نجاح الفاشلين)
